Advertisement
ಹೆಚ್ಚು ಓದಿದ್ದು
ಪ್ರಮುಖ ಸುದ್ದಿ
Supreme Court

ಖಾಸಗಿತನ ಮೂಲಭೂತ ಹಕ್ಕು ಹೌದು: ಸುಪ್ರೀಂಕೋರ್ಟ್ ಮಹತ್ವದ ತೀರ್ಪು

New Note

ಗೌರಿ ಗಣೇಶ ಪ್ರಯುಕ್ತ ನಾಳೆಯಿಂದ ಹೊಸ 200 ರು. ಮುಖಬೆಲೆಯ ನೋಟುಗಳ ಚಲಾವಣೆ

Prime minister Narendra Modi

ನಾಗರಿಕರ ಅಭಿವೃದ್ಧಿಗೆ ಬೆಳವಣಿಗೆ ಮತ್ತು ಉತ್ತಮ ಆಡಳಿತ ಅತ್ಯಗತ್ಯ: ಪ್ರಧಾನಿ ನರೇಂದ್ರ ಮೋದಿ

Rachana

ನೆಲಮಂಗಲ ಬಳಿ ಭೀಕರ ರಸ್ತೆ ಅಪಘಾತ: ಕನ್ನಡ ಕಿರುತೆರೆ ನಟಿ ರಚನಾ ಸೇರಿ ಇಬ್ಬರ ಸಾವು

Indian-origin Chief Executive Officer Ravin Gandhi

ಟ್ರಂಪ್ ವಿರೋಧಿ ಅಂಕಣ ಬರೆದಿದ್ದಕ್ಕೆ ಜನಾಂಗೀಯ ನಿಂದನೆ ಎದುರಿಸಿದ ಭಾರತೀಯ ಮೂಲದ ಸಿಇಒ

Sudeep with Wife And Daughter

ನಟ ಸುದೀಪ್ ಸಂಸಾರದಲ್ಲಿ ಹೊಸಬೆಳಕು: ವಿಚ್ಛೇದನ ಕೇಸ್ ವಾಪಸ್ ಪಡೆದ ಕಿಚ್ಚ ದಂಪತಿ

Donald Trump-Qamar Javed Bajwa

ನಮಗೂ ಗೌರವ ನೀಡಿ: ಅಮೆರಿಕ ರಾಯಭಾರಿಗೆ ಪಾಕ್ ಸೇನಾ ಮುಖ್ಯಸ್ಥರ ಅಳಲು

Samosas and chutney

ಲಂಡನ್ ಮಸೀದಿಯಲ್ಲಿ ತಯಾರಾಯ್ತು ಗಿನ್ನಿಸ್ ದಾಖಲೆಯ ಸಮೋಸ!

meeting was attended by more than 300 seers

ವೀರಶೈವ- ಲಿಂಗಾಯತ ಎರಡೂ ಒಂದೇ: ಮಠಾಧೀಶರ ಒಕ್ಕೊರಲ ಘೋಷಣೆ

Udaya News channel logo

ಉದಯ ಸುದ್ದಿವಾಹಿನಿ ಮುಚ್ಚಲು ಸನ್‌ ಟಿವಿ ನೆಟ್‌ವರ್ಕ್‌ ನಿರ್ಧಾರ: ಅಕ್ಟೋಬರ್ 24ರಿಂದ ಸ್ಥಗಿತ

Ramanda Sengupta (1916-2017)

ಭಾರತದ ಹಿರಿಯ ಛಾಯಾಗ್ರಾಹಕ ರಮಾನಂದ ಸೇನ್ ಗುಪ್ತಾ ನಿಧನ

poison

ತನಗಿಂತ ಹೆಚ್ಚಿನ ಅಂಕ ಪಡೆದಿದ್ದಕ್ಕೆ ವಿದ್ಯಾರ್ಥಿನಿಗೆ ವಿಷ ಉಣಿಸಿದ ಸ್ನೇಹಿತೆ

Representational image

ಬೆಂಗಳೂರು: 7,800 ಮೂಲೆ ನಿವೇಶನಗಳ ಬಹಿರಂಗ ಹರಾಜಿಗೆ ಮುಂದಾಗಿರುವ ಬಿಡಿಎ

ಮುಖಪುಟ >> ಸಿನಿಮಾ >> ಸಿನಿಮಾ ವಿಮರ್ಶೆ

ಅಪರಾಧಗಳ-ಆಸೆಗಳ ಲೋಕದಲಿ ಕಥೆಗಳ ಬರೆವಂತ!

ಸಿಲಿಕಾನ್ ಸಿಟಿ ಚಿತ್ರ ವಿಮರ್ಶೆ
Siliconn City Kannada Movie Review

ಸಿಲಿಕಾನ್ ಸಿಟಿ ಸಿನೆಮಾ ವಿಮರ್ಶೆ

ನಗರಗಳಲ್ಲಿ ನಡೆಯುವ ಅಪರಾಧಗಳ ನಿಗೂಢತೆ ಜನಪ್ರಿಯ ಸಿನೆಮಾ ನಿರ್ದೇಶಕರನ್ನು ಎಂದಿಗೂ ಕಾಡಿದ ವಸ್ತು. ಅಪರಾಧಗಳನ್ನು ಬೇಧಿಸುವ, ಅಪರಾಧಗಳ ಜಾಲದಲ್ಲಿ ಯುವಕರು ಹೇಗೆ ಮತ್ತು ಏಕೆ ಸಿಲುಕುತ್ತಾರೆ, ಇದು ಬೀರುವ ಪರಿಣಾಮಗಳೇನು ಎಂಬ ವಿಷಯಗಳನ್ನು ಸಾಕಷ್ಟು ಸಿನೆಮಾಗಳು ಚರ್ಚಿಸುತ್ತಲೇ ಬಂದಿವೆ. ಈಗ ಬಿಡುಗಡೆಯಾಗಿರುವ 'ಸಿಲಿಕಾನ್ ಸಿಟಿ' ಇಂತಹ ಅಪರಾಧಗಳಲ್ಲಿ ಒಂದಾದ, ಕೆಲವು ವರ್ಷಗಳಿಂದ ಬೆಂಗಳೂರಿನಲ್ಲಿ ಭಾರಿ ಚರ್ಚಿತವಾದ, ಜನರ ಆಡುಮಾತಿನಲ್ಲಿ ಮಿಳಿತು ಹೋಗಿರುವ ಸರಗಳ್ಳ ಅಪರಾಧವನ್ನು ಕೇಂದ್ರವಾಗಿರಿಸಿಕೊಂಡು ಹೇಳಿರುವ ಕಥೆಯಾಗಿದೆ. ತಮಿಳಿನ 'ಮೆಟ್ರೋ' ಸಿನೆಮಾವನ್ನು ಕನ್ನಡಕ್ಕೆ ರಿಮೇಕ್ ಮಾಡಿದ್ದಾರೆ ಮುರಳಿ ಗುರಪ್ಪ. ನಗರದಲ್ಲಿ ಸಧೃಢವಾಗಿರುವ ಈ ಅಪರಾಧಿ ಸರ್ಕ್ಯೂಟ್ ಅನ್ನು ಭೇದಿಸಿರುವ, ದೃಶ್ಯ ನಿಪುಣತೆ ಆಪ್ತವಾಗಿದೆಯೇ? 

ಒಂದು ಸುಂದರ, ಪ್ರೀತಿ ತುಂಬಿದ ಆದರ್ಶಪ್ರಾಯ ಕುಟುಂಬ. ಸಂಜು (ಶ್ರೀನಗರ ಕಿಟ್ಟಿ), ಅವನ ಕಿರಿಯ ಸಹೋದರ ಕಾರ್ತಿಕ್ (ಸೂರಜ್ ಗೌಡ), ತಂದೆ ಮಾಜಿ ಪೊಲೀಸ್ ಪೇದೆ ರಾಮಸ್ವಾಮಿ (ಅಶೋಕ್) ಮತ್ತು ತಾಯಿ. ಬೃಹತ್ ಬಂಗಲೆಯಲ್ಲಿ ವಾಸಿಸುತ್ತಿರುವ ಮಧ್ಯಮವರ್ಗದ ಕುಟುಂಬಕ್ಕೆ, ಕಿರಿಮಗ ಸಂಜುವಿನ ಒಂದೂವರೆ ಲಕ್ಷದ ಬೈಕ್ ಕೊಳ್ಳುವ ಬಯಕೆಯನ್ನು ಪೂರೈಸುವ ಶಕ್ತಿ ಇಲ್ಲ. ಬೈಕ್ ಇಲ್ಲ, ಆಧುನಿಕ ಮೊಬೈಲ್ ಫೋನ್ ಇಲ್ಲ ಎಂಬಿತ್ಯಾದಿ ಮೂದಲಿಕೆಗಳನ್ನು ಪ್ರೇಯಸಿಯಿಂದ ಕೇಳಿ ಸಹಿಸಲಾರದೆ ಕಾರ್ತಿಕ್ ಅಡ್ಡದಾರಿ ಹಿಡಿಯುತ್ತಾನೆ. ಈ ಅಡ್ಡದಾರಿ, ಬೆಂಗಳೂರಿನ  ಅಪರಾಧಿ ವ್ಯೂಹಕ್ಕೆ ಅವನನ್ನು ಕರೆತರುತ್ತದೆ. ಅಪರಾಧಿ ಲೋಕ ಕಾರ್ತಿಕ್ ವ್ಯಕ್ತಿತ್ವವನ್ನು ಅವನ ಸುತ್ತಲಿನ ಜಗತ್ತನ್ನು, ಬದುಕನ್ನು ಬದಲಿಸಿದಾಗ ಆಗುವ ಅನಾಹುತಗಳೇನು? 

ಆಸೆಗಳಿಗೆ ಬಲಿಯಾಗಿ ಕೌಟುಂಬಿಕ ಅವನತಿಗೆ ಕಾರಣವಾಗುವ ಮತ್ತು ಅಪರಾಧಿ ಲೋಕದಲ್ಲಿ ವಿಜೃಂಭಿಸಿ ತನ್ನ ಆಸೆಗಳನ್ನು ಪೂರೈಸಿಕೊಂಡು ವೈಯಕ್ತಿಕ ಅವನತಿಗೆ ಕಾರಣವಾಗುವ ಎರಡು ಹಳಿಯಲ್ಲಿ ಚಲಿಸುವ ಸಿನೆಮಾ ಕಥೆ ಮಿಶ್ರ ಭಾವನೆಗಳನ್ನು ಮೂಡಿಸುತ್ತದೆ. ಬೆಂಗಳೂರಿನಲ್ಲಿ ಇತ್ತೀಚಿನ ವರ್ಷಗಳಲ್ಲಿ ಜನಸಾಮಾನ್ಯರು ಸುಲಭವಾಗಿ ತುತ್ತಾಗುವ ಸರಗಳ್ಳತನದ ಅಪರಾಧವನ್ನು ಕಥೆಯ ಕೇಂದ್ರವಾಗಿರಿಸಿಕೊಂಡಿದ್ದು, ಅದರ ಜಾಲ, ವ್ಯವಹಾರ, ಇದನ್ನು ನಿಖರತೆಯಿಂದ ಯೋಜಿಸುವ ಬಗೆ ಇವುಗಳನ್ನೆಲ್ಲ ಕಥೆಯಲ್ಲಿ ಆಪ್ತವಾಗಿ, ತಾಜಾ ರೀತಿಯಲ್ಲಿ ಹೆಣೆದಿದ್ದು ಪ್ರೇಕ್ಷಕರಿಗೆ ಒಳ್ಳೆಯ ಅನುಭವ ನೀಡಿದರೆ, ಕಥೆಗೆ ಹಿನ್ನಲೆಯಾಗುವ ಕಥಾ ನಾಯಕರ ಕುಟುಂಬದ ಕಥೆಯನ್ನು ಅಷ್ಟೇ ತಾಜಾತನದಿಂದ ಮೂಡಿಸಲು ವಿಫಲರಾಗುತ್ತಾರೆ. 

ಸಂಜು ಮತ್ತು ಕಾರ್ತಿಕ್ ಅವರ ಕುಟುಂಬವನ್ನು ಮಧ್ಯಮ ವರ್ಗದ ಕುಟುಂಬ ಎಂದು ಪರಿಣಾಮಕಾರಿಯಾಗಿ ಸ್ಥಾಪಿಸಲು ಸಾಧ್ಯವಾಗಿಲ್ಲ. ಈ ಮಧ್ಯಮವರ್ಗ ಅತಿ ದೊಡ್ಡ ಭವ್ಯ ಬಂಗಲೆಯಲ್ಲಿ ವಾಸಿಯುವಂತೆ ತೋರಿಸುವುದು ಆದರೆ ಮಗನ ಆಸೆಗಳನ್ನು ಪೂರೈಸಲು ಆಗದೆ ಇರುವುದು ಇಂತಹ ವೈರುಧ್ಯಗಳನ್ನು ಸರಿದೂಗಿಸಲು ಸಾಧ್ಯವಾಗಿಲ್ಲ. ಮಧ್ಯಮವರ್ಗದ ಕುಟುಂಬವನ್ನು ಆದರ್ಶಪ್ರಾಯ, ಪ್ರೀತಿ ತುಂಬಿತುಳುಕುತ್ತಿರುವ ಕುಟುಂಬವಾಗಿ ಚಿತ್ರಿಸಲು ಹೋಗಿ ಅತಿ ಭಾವುಕವಾಗಿಸಿ ಅಸಹಜ ಎನ್ನುವಂತೆ ನಿರೂಪಿಸಿಬಿಡುತ್ತಾರೆ. ಮಧ್ಯಮವರ್ಗದ ಕುಟುಂಬದಲ್ಲಿ ಇರಬಹುದಾದ ತೊಂದರೆಗಳು, ಕಲಹಗಳನ್ನು ಮರೆಮಾಚಿ ರೂಪಿಸಿರುವ ಇಂತಹ ಅಸಹಜ ಸಂಯೋಜನೆ ತುಸು ಬೇಸರ ಮೂಡಿಸುತ್ತದೆ. ಇನ್ನು ಕಾರ್ತಿಕ್ ತನ್ನ ಪ್ರೇಯಸಿಯ ಬೇಡಿಕೆಗಳಿಗಾಗಿಯೇ ದುರಾಸೆಗೆ ತುತ್ತಾಗುತ್ತಾನೆ ಮತ್ತು ಅಡ್ಡದಾರಿ ಹಿಡಿಯುತ್ತಾನೆ ಎಂದು ರೂಪಿಸಿರುವುದು ಕೂಡ ಅಷ್ಟು ಕನ್ವಿನ್ಸ್ ಆಗಿ ಮೂಡಿಬಂದಿಲ್ಲ. 

ಸಿನೆಮಾದ ನಿಜವಾದ ಹೈಲೈಟ್, ಸರಗಳ್ಳತನ ಹೇಗೆ ನಡೆಯಬಹುದು ಮತ್ತು ಅದರ ವ್ಯವಹಾರ ಹೇಗಿರಬಹುದು, ಅದಕ್ಕೆ ಯುವಕರು ಯಾವ ರೀತಿ ಒಳಹೊಕ್ಕಬಹುದು ಎಂಬುದರ ಬಗ್ಗೆ ನಿರ್ದೇಶಕ ಕಟ್ಟಿಕೊಟ್ಟಿರುವ ಕಥೆ. ಸರಗಳ್ಳತನ ಮಾಡಿ ತಪ್ಪಿಸಿಕೊಳ್ಳುವ, ರಾತ್ರಿ ಸಮಯದಲ್ಲಿ ಪೊಲೀಸರು ಅವರನ್ನು ಅಟ್ಟಿಸಿಕೊಂಡು ಹೋಗಿ ಪೊಲೀಸರೇ ಪೆಟ್ಟು ತಿನ್ನುವ ಇತ್ಯಾದಿ ದೃಶ್ಯಗಳು ಪ್ರೇಕ್ಷಕನಿಗೆ ಮೈನವಿರೇಳಿಸುವ ಶಕ್ತಿ ಹೊಂದಿವೆ. 

ಇನ್ನು ಈ ಅಪರಾಧಿಗಳ ವಿರುದ್ಧ ತಿರುಗಿ ಬೀಳುವ ಕಾರ್ತಿಕ್, ಸೇಡು ತೀರಿಸಿಕೊಳ್ಳಲು, ಕೆಡುಕನ್ನು ನಿವಾರಿಸಲು, ಮತ್ತಷ್ಟು ಕೊಲೆಗಳನ್ನು ಮಾಡುವ ಹಿರೋಯಿಕ್ ದೃಶ್ಯಗಳು ಕೂಡ ಮಾಮೂಲಿ ಜಾಡನ್ನು ಹಿಡಿಯುತ್ತವೆ. ಅಪರಾಧಕ್ಕೆ ಅಪರಾಧವೇ ಮದ್ದು ಎಂಬ ಸಂದೇಶ ಅಷ್ಟೇನೂ ಗಹನವಾದ, ಗಂಭೀರವಾದ, ಚಿಂತನಪರವಾದ ಸಂಗತಿಯಲ್ಲ. 

ತಾಂತ್ರಿಕವಾಗಿ ಸಿನೆಮಾ ಸಾಕಷ್ಟು ಗಮನ ಸೆಳೆಯುತ್ತದೆ. ರಾತ್ರಿಯ ವೇಳೆಯಲ್ಲಿ ನಡೆಸಿರುವ ಚಿತ್ರೀಕರಣ ಬಹಳ ನೈಜವಾಗಿ ಮೂಡಿಬಂದಿದ್ದು ಅಪರಾಧಿ ಲೋಕದ ಸಿನೆಮಾಗೆ ಪೂರಕವಾಗಿ ಸಹಕರಿಸಿದೆ. ತಲ್ಲಣಗೊಳಿಸುವ ನಗರ ಜೀವನದ ಇನ್ನಷ್ಟು ವಿವಿಧ ಆಯಾಮಗಳನ್ನು ದೃಶ್ಯಗಳ ಮೂಲಕ ಪರಿಣಾಮಕಾರಿಯಾಗಿ ಕಟ್ಟಿಕೊಡಬಹುದಾದ ಅವಕಾಶವಿತ್ತು. ಅನೂಪ್ ಸೀಳಿನ್ ಸಂಗೀತದಲ್ಲಿ ಮೂಡಿಬಂದಿರುವ ಹಾಡುಗಳು ಸಂದರ್ಭಕ್ಕೆ ಉಚಿತವಾಗಿವೆ. ಶ್ರೀನಗರ ಕಿಟ್ಟಿ, ಸೂರಜ್, ಅಶೋಕ್, ಸಿದ್ಧು, ಗಿರಿ ಮುಂತಾದ ನಟರು ನಟನೆಯಲ್ಲಿ ತಮ್ಮ ಕೈಲಾದಷ್ಟು ಕೊಡುಗೆ ನೀಡಿದ್ದಾರೆ. ಚಿಕ್ಕಣ್ಣ ಮತ್ತು ನಟಿ ಕಾವ್ಯ ಶೆಟ್ಟಿ ಅವರ ಭಾಗಕ್ಕೆ ಹೆಚ್ಚೇನೂ ಮಹತ್ವವಿಲ್ಲದೆ, ಅತಿಥಿ ನಟರಂತೆ ಅವರೂ ಸೇರಿಕೊಂಡಿದ್ದಾರೆ. 

ಮಧ್ಯಮ ವರ್ಗದ ಕುಟುಂಬದ ತಲ್ಲಣಗಳನ್ನು ಇನ್ನಷ್ಟು ನೈಜತೆಯಿಂದ ಕಟ್ಟಿಕೊಟ್ಟು, ಅಪರಾಧ ಲೋಕಕ್ಕೆ ದೂಡುವ ಆಸೆಗಳು ತಳೆಯುವ, ಅವುಗಳು ಹೆಬ್ಬಯಕೆಯಾಗುವ, ಮತ್ತು ಅವುಗಳ ಪೂರೈಕೆಗೆ ಎಲ್ಲ ರೀತಿಯ ಭಯ, ಮೌಲ್ಯಗಳನ್ನು ತೊರೆಯುವ ವಿವರಗಳನ್ನು ಇನ್ನಷ್ಟು ಪರಿಣಾಮಕಾರಿಯಾಗಿ ಮೂಡಿಸಿ ಕಥೆ ಹೆಣೆದು ನಿರೂಪಿಸಿದ್ದರೆ ಈ ರಿಮೇಕ್ ಚಿತ್ರ ನಗರದ ಬಗೆಗಿನ ಅತ್ಯುತ್ತಮ ಚಿತ್ರಗಳಲ್ಲಿ ಒಂದಾಗುವ ಸಾಧ್ಯತೆ ಇತ್ತೇನೋ! ಮುರಳಿ ಗುರಪ್ಪ ನಿರ್ದೇಶನದ 'ಸಿಲಿಕಾನ್ ಸಿಟಿ' ಈಗ ನೋಡಬಹುದಾದ ಒಂದು ರಿಮೇಕ್ ಆಗಿಯಷ್ಟೇ ಮೂಡಿಬಂದಿದೆ. 
Posted by: GN | Source: Online Desk

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ?
ಕನ್ನಡ ಮ್ಯಾಟ್ರಿಮೋನಿಯಲ್ಲಿ -
ಉಚಿತ ನೋಂದಣಿ !

Topics : Siliconn City, Kannada, Review, Cinema, ಸಿಲಿಕಾನ್ ಸಿಟಿ, ವಿಮರ್ಶೆ, ಚಿತ್ರವಿಮರ್ಶೆ, ಶ್ರೀನಗರ ಕಿಟ್ಟಿ
English summary
Siliconn City Remake of Tamil flick Metro is released today. The interesting combination of crime of chain snatching and decomposing family life is handled in this film. Though crime part seems fresh and authentic, scenes related to Family life seems very cheesy and clichéd.

Disclaimer: We respect your thoughts and views! But we need to be judicious while moderating your comments. All the comments will be moderated by the kannadaprabha.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

The views expressed in comments published on kannadaprabha.com are those of the comment writers alone. They do not represent the views or opinions of kannadaprabha.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. kannadaprabha.com reserves the right to take any or all comments down at any time.

ನಿಮ್ಮ ಅನಿಸಿಕೆ/ಅಭಿಪ್ರಾಯಗಳನ್ನು ಕನ್ನಡದಲ್ಲಿ ಟೈಪ್ ಮಾಡಲು ಇಲ್ಲಿ ಕ್ಲಿಕ್ ಮಾಡಿ

Advertisement
Advertisement
Advertisement
Advertisement
Kannadaprabha.com App for Android Kannadaprabha.com App for IOS
Advertisement
Advertisement