Advertisement
ಹೆಚ್ಚು ಓದಿದ್ದು
ಪ್ರಮುಖ ಸುದ್ದಿ
Asaram Bapu, other accused convicted by Jodhpur court in rape of minor girl

ಅತ್ಯಾಚಾರ ಪ್ರಕರಣ: ಅಸಾರಾಂ ಬಾಪುಗೆ ಜೀವಾವಧಿ ಶಿಕ್ಷೆ, ಶಿಕ್ಷೆ ಪ್ರಮಾಣ ಕೇಳಿ ಕುಸಿದ ಸ್ವಯಂ ಘೋಷಿತ ದೇವಮಾನವ

Govt clears Indu Malhotra’s appointment as Supreme Court judge

ಸುಪ್ರೀಂ ನ್ಯಾಯಾಧೀಶೆಯಾಗಿ ಇಂದು ಮಲ್ಹೋತ್ರಾ ನೇಮಕ

IPL 2018: Chennai Super Kings beat Royal Challengers Bangalore by five wickets

ಐಪಿಎಲ್: ಧೋನಿ, ರಾಯುಡು ಅಬ್ಬರದಾಟ, ಆರ್ ಸಿಬಿ ವಿರುದ್ಧ ಸಿಎಸ್ ಕೆಗೆ 5 ವಿಕೆಟ್ ಜಯ

10 Ravi Pujari gang members sentenced to five years in jail for plotting to kill filmmaker Mahesh Bhatt in 2014

ನಿರ್ದೇಶಕ ಮಹೇಶ್ ಭಟ್ ಹತ್ಯೆಗೆ ಸಂಚು: ರವಿ ಪೂಜಾರಿ ಗ್ಯಾಂಗ್ ನ 10 ಮಂದಿಗೆ 5 ವರ್ಷ ಜೈಲು ಶಿಕ್ಷೆ

Shikhar Dhawan, Smriti Mandhana

ಶಿಖರ್ ಧವನ್, ಸ್ಮೃತಿ ಮಂದಾನಾ ಹೆಸರು ಅರ್ಜುನ ಪ್ರಶಸ್ತಿಗೆ ಶಿಫಾರಸು

Gautam Gambhir-Shreyas Iyer

ಐಪಿಎಲ್ 2018: ಡೆಲ್ಲಿ ಡೇರ್‏ಡೆವಿಲ್ಸ್ ಕಳಪೆ ಪ್ರದರ್ಶನ; ನಾಯಕತ್ವ ತ್ಯಜಿಸಿದ ಗಂಭೀರ್, ಶ್ರೇಯಸ್‌‌‌ಗೆ ಪಟ್ಟ

Congress, BJP join hands to rule Chakma Autonomous District Council in Mizoram

ಮಿಜೋರಾಂ: ಚಕ್ಮ ಸ್ವಾಯತ್ತ ಜಿಲ್ಲಾ ಮಂಡಳಿಯಲ್ಲಿ ಕಾಂಗ್ರೆಸ್-ಬಿಜೆಪಿ ಮೈತ್ರಿ!

Pakistan Should First Learn to Respect India Before Thinking About Resumption of Bilateral Cricket: BCCI

ಮೊದಲು ಭಾರತವನ್ನು ಗೌರವಿಸಿ, ಬಳಿಕ ಕ್ರಿಕೆಟ್ ಆಡುವ ಮಾತು: ಪಾಕ್ ಗೆ ಬಿಸಿಸಿಐ ಖಡಕ್ ವಾರ್ನಿಂಗ್

Most hate speeches in India by BJP lawmakers: ADR study

ಬಿಜೆಪಿ ಶಾಸಕರು, ಸಂಸದರಿಂದಲೇ ಹೆಚ್ಚು ಪ್ರಚೋದನಕಾರಿ ಭಾಷಣ: ಎಡಿಆರ್

ಕಾಸ್ಟಿಂಗ್ ಕೌಚ್ ನಿಂದಾಗಿ ಬಾಲಿವುಡ್ ನ ಬಿಗ್ ಆಫರ್ ತೊರೆದಿದ್ದೆ: ನಟಿ ಹರ್ಷಿಕಾ ಪೂಣಚ್ಛ

Andhra Pradesh government website leaks Aadhaar, caste, religion data of 1.3 lakh people

ಆಂಧ್ರ ಸರ್ಕಾರಿ ವೆಬ್ ಸೈಟ್ ನಿಂದ 1.3 ಲಕ್ಷ ಮಂದಿಯ ಆಧಾರ್, ಜಾತಿ, ಧರ್ಮದ ಮಾಹಿತಿ ಲೀಕ್

Occasional picture

ಬ್ಯಾಂಕ್ ವಂಚನೆ: ಸಾಲಗಾರರ ಪತ್ತೆಗೆ ಪತ್ತೇದಾರಿ ಏಜನ್ಸಿಗಳ ಮೊರೆ ಹೋದ ಪಿಎನ್ಬಿ

Dogs Entry, Wife

ನಾಯಿ ಬಂತು, ಹೊಸ ಹೆಂಡ್ತಿ ಮನೆ ಬಿಟ್ಟು ಹೋದ್ಲು; ಇಮ್ರಾನ್ ಖಾನ್ ಮೂರನೇ ಮದುವೆಗೂ ಕುತ್ತು!

ಮುಖಪುಟ >> ಅಂಕಣಗಳು

ನಿಮ್ಮ ಜಿಎಸ್ಟಿ ತೆರಿಗೆ ಸಲ್ಲಿಕೆಯಲ್ಲಿ ಆಗಿಲ್ಲವೆ ಸೋರಿಕೆ?

ಹಣಕ್ಲಾಸು

ಜಿಎಸ್ಟಿ ಲಕ್ಷಾಂತರ ಸಣ್ಣ ಹಾಗು ಮಧ್ಯಮ ಮಟ್ಟದ ವ್ಯಾಪಾರಿಗಳ ನಿದ್ದೆ ಕೆಡೆಸಿರುವುದು ಸುಳ್ಳಲ್ಲ. ಹಿಂದೆ ಸೇಲ್ಸ್ ಟ್ಯಾಕ್ಸ್ ರಿಟರ್ನ್ ಗಳನ್ನ ಪ್ರತಿ ತಿಂಗಳು ತಮ್ಮ ಪರಿಚಯವಿದ್ದ ಸಣ್ಣ ಪುಟ್ಟ ಆಡಿಟರ್ ಗಳ ಸಹಾಯದಿಂದ ಸಲ್ಲಿಸಿ ಅವರಿಗೂ ಒಂದು ಚಿಕ್ಕ ಫೀಸ್ ಕೊಟ್ಟು ಮುಗಿಸಿಬಿಡುತ್ತಿದರು. ಜಿಎಸ್ಟಿ ಬಗ್ಗೆ ವಿಶದವಾಗಿ ತಿಳಿದುಕೊಂಡವರ ಸಂಖ್ಯೆ ಸದ್ಯಕ್ಕೆ ಬಹಳ ಕಡಿಮೆ ಎಂದು ನಿಸ್ಸಂಕೋಚವಾಗಿ ಹೇಳಬಹುದು. ಅಲ್ಲದೆ ಜಿಎಸ್ಟಿ ಪೋರ್ಟಲ್ ಅತ್ಯಂತ ನಿಧಾನ ಗತಿಯಲ್ಲಿ ಕೆಲಸಮಾಡುತ್ತಿದೆ. 

ನಾವು ಹಾಕಿದ ಮಾಹಿತಿ ಅಲ್ಲಿ ಪ್ರತ್ಯಕ್ಷವಾಗಲು ಗಂಟೆಗಟ್ಟಲೆ ಹಿಡಿಯುತ್ತದೆ. ನಾನು ತುಂಬಿದ ಮಾಹಿತಿ ಸರಿಯಾ ಅಥವಾ ತಪ್ಪಾ? ಎನ್ನುವುದು ತಿಳಿಯದೆ ಸಂಶಯದಲ್ಲಿ ಜನ ದಿನ ದೂಡುತ್ತಿದ್ದಾರೆ. ಇನ್ನು ಅಲ್ಪ ಸ್ವಲ್ಪ ಜ್ಞಾನವಿದ್ದವರು ಹೇಗೂ ನಿಗದಿತ ದಿನಾಂಕದಲ್ಲಿ ರಿಟರ್ನ್ ಫೈಲ್ ಮಾಡಿದ್ದಾರೆ ಆದರೆ ಅದು ಪೂರ್ಣ ಸರಿಯೇ? ಎನ್ನುವುದು ಯಕ್ಷ ಪ್ರಶ್ನೆ. ಹೀಗೆ ಹೇಳಲು ಕಾರಣವಿದೆ ಆ ಕಾರಣವೇನು ಎನ್ನುವುದನ್ನ ಮುಂದಿನ ಸಾಲುಗಳಲ್ಲಿ ತಿಳಿದುಕೊಳ್ಳೋಣ. 

ಅಂಕಿಅಂಶದ ಪ್ರಕಾರ ಜುಲೈ ತಿಂಗಳ ಜಿಎಸ್ಟ್ 3ಬಿ ರಿಟರ್ನ್ ಫೈಲ್ ಮಾಡಿದ ರಾಜ್ಯಗಳಲ್ಲಿ ಕರ್ನಾಟಕಕ್ಕೆ 17 ನೇ ಸ್ಥಾನ ಎನ್ನುವುದು ಮತ್ತು ನೂರರಲ್ಲಿ ಮೂವತ್ತಕ್ಕೂ ಹೆಚ್ಚು ಜನ ರಿಟರ್ನ್ ಫೈಲ್ ಮಾಡದೆ ಇರುವುದು ಈ ಹೊಸ ವ್ಯವಸ್ಥೆಯ ಬಗ್ಗೆ ಇರುವ ಮಾಹಿತಿಯ ಕೊರತೆಯನ್ನ ಎತ್ತಿ ತೋರಿಸುತ್ತದೆ. ಜಿಎಸ್ಟಿ ತೆರಿಗೆ ವಿಧಾನ ಹೇಗೆ ಕಾರ್ಯ ನಿರ್ವಹಿಸುತ್ತೆ ಎನ್ನುವದನ್ನ ಸ್ವಲ್ಪ ತಿಳಿಯೋಣ. 

ಜಿಎಸ್ಟಿ ತೆರಿಗೆ ಯಾರು ಕಟ್ಟಬೇಕು? 

ಜಿಎಸ್ಟಿ ತೆರಿಗೆ ಸಾಮಾನ್ಯ ಪರಿಸ್ಥಿತಿಯಲ್ಲಿ ಗೂಡ್ಸ್ ಅಥವಾ ಸರ್ವಿಸ್ ನೀಡುವರು ಅಂದರೆ ಸಪ್ಲೈರ್ ತೆರಿಗೆಯನ್ನ ಕಟ್ಟಬೇಕು. ಉದಾಹರಣೆ ನೋಡಿ, ಶ್ರೀ ರಾಮ ಎಂಟರ್ಪ್ರೈಸಸ್ ಸಂಸ್ಥೆಗೆ ಶ್ರೀ ಭರತ ಎಂಟರ್ಪ್ರೈಸಸ್ ಸಂಸ್ಥೆ ಒಂದು ವಸ್ತುವನ್ನ ಸರಬರಾಜು ಮಾಡುತ್ತದೆ ಎಂದುಕೊಳ್ಳಿ. ಇಲ್ಲಿ ಶ್ರೀ ರಾಮ ಸಂಸ್ಥೆ ಸರಕು ಅಥವಾ ಸೇವೆ ಪಡೆದ ಸಂಸ್ಥೆ. ಶ್ರೀ ಭರತ ಸೇವೆ ಅಥವಾ ಸರುಕು ನೀಡಿದ ಸಂಸ್ಥೆ. ಈ ಅರ್ಥದಲ್ಲಿ ಶ್ರೀ ರಾಮ ಸಂಸ್ಥೆ ರಿಸೀವರ್ ಮತ್ತು ಶ್ರೀ ಭರತ ಸಂಸ್ಥೆ ಸಪ್ಲೈರ್. ಹೀಗಾಗಿ ಕಾನೂನಿನ ಪ್ರಕಾರ ಶ್ರೀ ಭರತ ಸಂಸ್ಥೆ  ಸರಬರಾಜು ಮಾಡಿದ ವಸ್ತುವಿನ ಮೇಲೆ ಲಾಗೂ ಹಾಗುವ ತೆರಿಗೆಯನ್ನ ಶ್ರೀ ರಾಮ ಸಂಸ್ಥೆಯಿಂದ ವಸೂಲಿ ಮಾಡಿ ಸರಕಾರಕ್ಕೆ ಕಟ್ಟಬೇಕು. 

ಮೇಲಿನ ಉದಾಹರಣೆಯಲ್ಲಿ ಎರಡು ಸಂಸ್ಥೆಗಳ ನಡುವೆ ನೆಡೆದ ವಹಿವಾಟನ್ನು ಉದಾಹರಿಸಲಾಗಿದೆ. ಕೆಲವೊಮ್ಮೆ ವ್ಯಕ್ತಿ ಮತ್ತು ಸಂಸ್ಥೆಯ ನಡುವೆ ಕೂಡ ಈ ರೀತಿಯ ವ್ಯಾಪಾರ ನೆಡೆಯಬಹದು. ಇಲ್ಲಿ  ವ್ಯಕ್ತಿ ಅಥವಾ ಸಂಸ್ಥೆ ಮುಖ್ಯವಾಗುವುದಿಲ್ಲ. ಇಲ್ಲಿ ಮುಖ್ಯವಾಗುವುದು ಸರಬರಾಜುದಾರ ಅಥವಾ ಸಪ್ಲೈರ್ ಯಾರು ಎನ್ನುವುದು. ಹೀಗಾಗಿ ಸಾಮಾನ್ಯ ಪರಿಸ್ಥಿತಿಯಲ್ಲಿ ತೆರಿಗೆ ಸಂಗ್ರಹಿಸಿ ಅದನ್ನ ಸರಕಾರಕ್ಕೆ ಕಟ್ಟುವುದು ಸರಬರಾಜುದಾರನ ಬಾಧ್ಯತೆ.  ಸರಬರಾಜುದಾರನ ವಹಿವಾಟು ವಾರ್ಷಿಕ 20 ಲಕ್ಷಕ್ಕೂ ಹೆಚ್ಚಿದ್ದರೆ ಅಂತವರು ಜಿಎಸ್ಟಿ ಅಡಿಯಲ್ಲಿ ನೋಂದಾವಣಿ ಮಾಡಿಸಿಕೊಳ್ಳಬೇಕು. ಮತ್ತು ಅಂತವರು ತೆರಿಗೆ ಸಂಗ್ರಹಿಸಿ ಸರಕಾರಕ್ಕೆ ಕಟ್ಟಬೇಕು. ಆದರೆ  ಸರಬರಾಜುದಾರನ ವಾರ್ಷಿಕ ವಹಿವಾಟು 75 ಲಕ್ಷಕ್ಕಿಂತ ಕಡಿಮೆ ಇದ್ದು ಆತ ಕಂಪೋಸಿಟ್ ಟ್ಯಾಕ್ಸ್ ಅಡಿಯಲ್ಲಿ ನೊಂದಾವಣಿ ಮಾಡಿಕೊಂಡಿದ್ದರೆ ಆಗ ಆತ ತೆರಿಗೆಯನ್ನ ಪ್ರತ್ಯೇಕ ಸಂಗ್ರಹಿಸುವ ಅವಶ್ಯಕತೆಯಿಲ್ಲ . ಇದು ಕೇವಲ ಸರುಕಿಗೆ ಮಾತ್ರ ಸೀಮಿತ. ಸೇವೆ ಈ ಪರಿಧಿಯಲ್ಲಿ ಬರುವುದಿಲ್ಲ. 

ಇನ್ಪುಟ್ ಟ್ಯಾಕ್ಸ್ ಕ್ರೆಡಿಟ್ ಎಂದರೇನು? 

ಸರಬರಾಜುದಾರ ಸಂಗ್ರಹಿಸಿದ ತೆರಿಗೆಯನ್ನ ಸೇವೆ ಅಥವಾ ಸರಕು ಖರೀದಿಸಿದ ಸಂಸ್ಥೆ ಸರಕಾರದಿಂದ ವಾಪಸ್ಸು ಪಡೆಯಬಹದು ಈ ಪ್ರಕ್ರಿಯೆಗೆ ಇನ್ ಪುಟ್ ಟ್ಯಾಕ್ಸ್ ಕ್ರೆಡಿಟ್ ಎನ್ನುತ್ತೇವೆ. ಮೇಲೆ ಹೇಳಿದ ಉದಾಹರಣೆಯನ್ನ ಮುಂದುವರಿಸೋಣ. ರಾಮ ಸಂಸ್ಥೆಯಿಂದ ಭರತ ಸಂಸ್ಥೆಯು ಸರಬರಾಜು ಮಾಡಿದ ಹತ್ತು ಸಾವಿರ ಮೌಲ್ಯದ ವಸ್ತುವಿನ ಮೇಲೆ 1,800 ರೂಪಾಯಿ ತೆರಿಗೆ ಸಂಗ್ರಹಿತು ಎಂದುಕೊಳ್ಳಿ ಮತ್ತು ಆ ಹಣವನ್ನ ಅದು ಸರಕಾರಕ್ಕೆ ಸಲ್ಲಿಸಿತು ಅಲ್ಲಿಗೆ ಸರಬರಾಜುದಾರನಾಗಿ ಅವರ ಕೆಲಸ ಮುಗಿಯಿತು. ರಾಮ ಸಂಸ್ಥೆ ಹೀಗೆ ಕಟ್ಟಿದ 1800 ರೂಪಾಯಿಯನ್ನ ಸರಕಾರದಿಂದ ವಾಪಸ್ಸು ಪಡೆಯಬಹದು, ಹೀಗೆ ಕಟ್ಟಿದ ತೆರಿಗೆ ಹಣವನ್ನ ತಾನು ಕಟ್ಟಬೇಕಿರುವ ತೆರಿಗೆ ಹಣದಿಂದ ವಜಾ ಮಾಡಿಕೊಳ್ಳುವ ಪ್ರಕ್ರಿಯೆಗೆ ಇನ್ಪುಟ್ ಟ್ಯಾಕ್ಸ್ ಕ್ರೆಡೈ ಎನ್ನುತ್ತೇವೆ. ಇದನ್ನ ಇನ್ನಷ್ಟು ಸರಳವಾಗಿ ಹೀಗೆ ವಿವರಿಸಬಹದು. ರಾಮ ಸಂಸ್ಥೆ ಸರಕಾರಕ್ಕೆ ತನ್ನ ವಹಿವಾಟಿನ ಮೇಲೆ ಕಟ್ಟಬೇಕಿರುವ ತೆರಿಗೆ ಮೊತ್ತ 10,000 ರೂಪಾಯಿ ಎಂದುಕೊಳ್ಳಿ. ಆದರೆ ಅವರು ಹತ್ತು ಸಾವಿರ ಕಟ್ಟಬೇಕಾಗಿಲ್ಲ ಏಕೆಂದರೆ ಈಗಾಗಲೇ ಅವರು ತಮ್ಮ ಖರೀದಿಯ ಮೇಲೆ 1800 ರೂಪಾಯಿಯನ್ನ ಪಾವತಿಸಿಯಾಗಿದೆ. ಹೀಗಾಗಿ ರಾಮ ಸಂಸ್ಥೆ  ಹತ್ತು ಸಾವಿರದಲ್ಲಿ ಸಾವಿರದ ಎಂಟು ನೂರು ಕಳೆದು ಉಳಿದ ಎಂಟು ಸಾವಿರದ ಇನ್ನೂರು ರೂಪಾಯಿ ಪಾವತಿಸಿದರೆ ಸಾಕು. ಇಲ್ಲಿ 1800 ರೂಪಾಯಿಯನ್ನ ಇನ್ಪುಟ್ ಟ್ಯಾಕ್ಸ್ ಕ್ರೆಡಿಟ್ ಎಂದು ಪರಿಗಣಿಸಲಾಗುತ್ತದೆ. 

ರಿವರ್ಸ್ ಟ್ಯಾಕ್ಸ್ ಮೆಕ್ಯಾನಿಸಂ ಎಂದರೇನು? 

ಮೊದಲೇ ಹೇಳಿದಂತೆ ಸಾಮಾನ್ಯವಾಗಿ ತೆರಿಗೆ ಸಂಗ್ರಹಿಸಿ ಸರಕಾರಕ್ಕೆ ಕಟ್ಟುವುದು ಸರಬರಾಜುದಾರನ ಭಾದ್ಯತೆ. ಕೆಲವೊಂದು ಸಂಧರ್ಭದಲ್ಲಿ ಸರಬರಾಜುದಾರನ ಬದಲು ಖರೀದಿದಾರನೇ ಸರಕಾರಕ್ಕೆ ತೆರಿಗೆ ಕಟ್ಟಬೇಕಾಗುತ್ತದೆ. ಈ ಪ್ರಕ್ರಿಯೆಗೆ ರಿವರ್ಸ್ ಟ್ಯಾಕ್ಸ್ ಮೆಕ್ಯಾನಿಸಂ ಎನ್ನುತ್ತೇವೆ. ಉದಾಹರಣೆ ನೋಡಿ ಶಾಮ್ ಎನ್ನುವ ಸಂಸ್ಥೆ ಬೀಮ್ ಎನ್ನುವ ಸಂಸ್ಥೆಯಿಂದ ಸರಕು ಖರೀಸುತ್ತದೆ. ಆದರೆ ಬಿಮ್ ಸಂಸ್ಥೆಯು ಜಿಎಸ್ಟಿ ಅಡಿಯಲ್ಲಿ ನೊಂದಾಯಿತ ವರ್ತಕನಾಗಿಲ್ಲದೆ ಇರುವ ಕಾರಣ ಆ ಸಂಸ್ಥೆ ತೆರಿಗೆಯನ್ನ ಶಾಮ್ ಕಂಪನಿಯಿಂದ ವಸೂಲಿ ಮಾಡಲು ಬರುವುದಿಲ್ಲ. ಈ ಸಂಧರ್ಭದಲ್ಲಿ ಶಾಮ್ ಕಂಪನಿ ತನ್ನ ಖರೀದಿ ಮೇಲೆ ಲಾಗೂ ಆಗುವ ತೆರಿಗೆಯ ಮೊತ್ತವನ್ನ ಸರಕಾರಕ್ಕೆ ಕಟ್ಟಬೇಕು. 

ಖರ್ಚಿನ ಮೇಲೂ ಇದೆಯೇ ರಿವರ್ಸ್ ಟ್ಯಾಕ್ಸ್ ಮೆಕ್ಯಾನಿಸಂ? 

ರಿಟರ್ನ್ ಫೈಲ್ ಮಾಡಿದವರೆಲ್ಲ ಸರಿಯಾಗಿ ಮಾಡಿದ್ದಾರೆಯೇ? ಎನ್ನುವ ಪ್ರಶ್ನೆಯನ್ನ ಲೇಖನದ ಮೊದಲ ಪ್ಯಾರಾದಲ್ಲಿ ವ್ಯಕ್ತಪಡಿಸಲಾಗಿತ್ತು ಮತ್ತು ಅದಕ್ಕೆ ಕಾರಣವಿದೆ ಎನ್ನುವ ಸುಳಿವು ಕೂಡ ನೀಡಲಾಗಿತ್ತು. ಸಾಮಾನ್ಯವಾಗಿ ವ್ಯಕ್ತಿ ಅಥವಾ ಸಂಸ್ಥೆಗಳು ತಮ್ಮ ಟರ್ನ್ಓವರ್ ಮೇಲೆ ಎಷ್ಟು ತೆರಿಗೆ ಕಟ್ಟಬೇಕು ಎನ್ನುವುದನ್ನ ಲೆಕ್ಕ ಹಾಕುತ್ತವೆ, ಮತ್ತು ತಮ್ಮ ಖರೀದಿ ಮೇಲೆ ಆಗಲೇ ನೀಡಿರುವ ತೆರಿಗೆಯನ್ನ ತಾವು ಕಟ್ಟಬೇಕಿರುವ ತೆರಿಗೆಯಿಂದ ಕಳೆದು ಮಿಕ್ಕ ತೆರಿಗೆಯನ್ನ ಕಟ್ಟುತ್ತವೆ. ಇದು ತಪ್ಪು ಏಕೆಂದರೆ ಜಿಎಸ್ಟಿ ಜಾರಿಗೆ ತಂದಿರುವ ಉದ್ದೇಶ ಯಾವುದೇ ವ್ಯವಹಾರ ಅಥವಾ ವಹಿವಾಟು ನೊಂದಾಯಿತ ವರ್ತಕ ಅಥವಾ ಸಂಸ್ಥೆಯ ಜೊತೆಯಲ್ಲಿ ಮಾಡಬೇಕು ಎನ್ನುವುದು ಮತ್ತು ಎಲ್ಲಕ್ಕೂ ರಸೀದಿ ಇರಬೇಕು ಎನ್ನುವುದು ಆ ಮೂಲಕ ವ್ಯಾಪಾರದಲ್ಲಿ ಹೆಚ್ಚಿನ ಪಾರದರ್ಶಕತೆ ಹೆಚ್ಚಿಸುವುದು, ಹೀಗಾಗಿ ಸಂಸ್ಥೆ ಯಾವುದಾದರು ಖರ್ಚನ್ನ ರಸೀದಿ ಇಲ್ಲದೆ ಮಾಡಿದ್ದಾರೆ ಅದರ ಮೇಲೆ ತೆರಿಗೆ ಕಟ್ಟಬೇಕಾಗುತ್ತದೆ. ಗಮನಿಸಿ ಇಲ್ಲಿ ಎಲ್ಲಾ ನೊಂದಾಯಿತ ಸಂಸ್ಥೆ ಅಥವಾ ವ್ಯಕ್ತಿಗಳು ಅತ್ಯಂತ ಜಾಗರೋಕರಾಗಿರುವ ಅವಶ್ಯಕತೆಯಿದೆ. ನೀವು ಮಾಡಿದ ಖರ್ಚಿನ ಮೇಲೆ ತೆರಿಗೆ ನಿಮ್ಮ ಸರಬರಾಜುದಾರ ಸಂಗ್ರಹಿಸದೆ ಹೋದರೆ ಅದು ನಿಮಗೆ ಉಳಿತಾಯ ಎಂದುಕೊಂಡರೆ ಅದು ತಪ್ಪು. ಅದರ ಮೇಲೆ ತೆರಿಗೆ ಕಟ್ಟಬೇಕಾಗುತ್ತದೆ ಇದೆ ರಿವರ್ಸ್ ಟ್ಯಾಕ್ಸ್ ಮೆಕ್ಯಾನಿಸಂ. ಉದಾಹರಣೆ ನೋಡೋಣ.

ಶ್ರೀ ರಾಮ ಸಂಸ್ಥೆಯ ವಾರ್ಷಿಕ ವಹಿವಾಟು - 10 ಲಕ್ಷ

ತೆರಿಗೆ 12 ಪ್ರತಿಶತ -1.20 ಲಕ್ಷ

ಖರೀದಿ ಮೇಲೆ ಕೊಟ್ಟ ತೆರಿಗೆ - 0.20 ಲಕ್ಷ (20 ಸಾವಿರ)

ಕಟ್ಟಬೇಕಾದ ಬಾಕಿ ತೆರಿಗೆ - 1 ಲಕ್ಷ

ಇದು ಸಾಮಾನ್ಯವಾಗಿ ಎಲ್ಲರಿಗೆ ಇಂದಿನ ಮಟ್ಟಿಗೆ ತಿಳಿದಿರುವ ಮಾಹಿತಿ. ಇದೆ ರಾಮ ಸಂಸ್ಥೆ ತನ್ನ ವಹಿವಾಟು ನೆಡೆಸುವ ಜಾಗಕ್ಕೆ ಬಾಡಿಗೆ ಎರಡು ಲಕ್ಷ ವಾರ್ಷಿಕ ನೀಡಿದ್ದರೆ ಅದರ ಮೇಲೆ 18 ಪ್ರತಿಶತ 36 ಸಾವಿರ ರೂಪಾಯಿ ಇನ್ಪುಟ್ ಟ್ಯಾಕ್ಸ್ ಕ್ರೆಡಿಟ್ ಪಡೆಯಬಹದು. ಅಂದರೆ ಏನಾಗುತ್ತೆ ಉದಾಹರಣೆ ಮುಂದುವರಿಸಿ ನೋಡೋಣ.

ಶ್ರೀ ರಾಮ ಸಂಸ್ಥೆಯ ವಾರ್ಷಿಕ ವಹಿವಾಟು - 10 ಲಕ್ಷ

ತೆರಿಗೆ 12 ಪ್ರತಿಶತ - 1.20 ಲಕ್ಷ

ಖರೀದಿ ಮೇಲೆ ಕೊಟ್ಟ ತೆರಿಗೆ - 0.2 ಲಕ್ಷ (20 ಸಾವಿರ)

ಕಟ್ಟಬೇಕಾದ ಬಾಕಿ ತೆರಿಗೆ - 1 ಲಕ್ಷ

ಬಾಡಿಗೆ ಮೇಲೆ ಕಟ್ಟಿದ ತೆರಿಗೆ - 36 ಸಾವಿರ

ಬಾಕಿ ತೆರಿಗೆ - 64 ಸಾವಿರ

ಆಕಸ್ಮಾತ್ ನೀವು ಬಾಡಿಗೆಯ ಮೇಲೆ ತೆರಿಗೆ ಕಟ್ಟದೆ ಇದ್ದರೆ ಅದರ ಮೇಲಿನ ಹಣವನ್ನ ರಾಮ ಸಂಸ್ಥೆಯೇ ಕಟ್ಟಬೇಕಾಗುತ್ತದೆ. ಇದೆ ರಿವರ್ಸ್ ಟ್ಯಾಕ್ಸ್ ಮೆಕ್ಯಾನಿಸಂ ಉದಾಹರಣೆ ನೋಡೋಣ.

ಶ್ರೀ ರಾಮ ಸಂಸ್ಥೆಯ ವಾರ್ಷಿಕ ವಹಿವಾಟು - 10 ಲಕ್ಷ

ತೆರಿಗೆ 12 ಪ್ರತಿಶತ - 1.20 ಲಕ್ಷ

ಖರೀದಿ ಮೇಲೆ ಕೊಟ್ಟ ತೆರಿಗೆ - 0.2 ಲಕ್ಷ (20 ಸಾವಿರ)

ಕಟ್ಟಬೇಕಾದ ಬಾಕಿ ತೆರಿಗೆ - 1 ಲಕ್ಷ

ಬಾಡಿಗೆ ಮೇಲೆ ಕಟ್ಟಲು ಮರೆತೆ ತೆರಿಗೆ - 36 ಸಾವಿರ ಅಥವಾ 0.36 ಲಕ್ಷ

ಒಟ್ಟು ಕಟ್ಟಾ ಬೇಕಾದ ತೆರಿಗೆ - 1. 36 ಲಕ್ಷ

ಜಿಎಸ್ಟಿ ಹೇಗೆ ಕೆಲಸ ಮಾಡುತ್ತದೆ ಎನ್ನುವುದನ್ನ ವಿವರವಾಗಿ ತಿಳಿಯಬೇಕಾದ ಅವಶ್ಯಕತೆ ಎಲ್ಲಾ ನೊಂದಾಯಿತ ವರ್ತಕರಿಗೂ ಹಾಗು ಸಂಸ್ಥೆಗಳಿಗೂ ಹೆಚ್ಚಾಗಿದೆ. ಅಲ್ಲದೆ ಜಿಎಸ್ಟಿಯ ಮೂಲ ಉದ್ದೇಶ ನೊಂದಾಯಿತವಲ್ಲದ ಜನರನ್ನ ನೊಂದಾವಣಿ ಮಾಡಿಸಿಕೊಳ್ಳಲು ಪ್ರೇರೇಪಿಸುವುದು ಮತ್ತು ಸಾಧ್ಯವಾದಷ್ಟು ವ್ಯಾಪಾರದಲ್ಲಿ ಪಾರದರ್ಶಕತೆ ಹೆಚ್ಚಿಸುವುದು ಆಗಿದೆ. ಈ ನಿಟ್ಟಿನಲ್ಲಿ ಜಿಎಸ್ಟಿ ಬಗ್ಗೆ ಹೆಚ್ಚು ಮಾಹಿತಿ ತಿಳಿದು ಕೊಂಡಷ್ಟು ಉತ್ತಮ. ಇಲ್ಲವಾದರೆ ಮುಂದಿನದಿನಗಳಲ್ಲಿ ನೀವು ಕಟ್ಟಿದ ತೆರಿಗೆ ಮೊತ್ತ ಸರಿಯಾಗಿಲ್ಲ ಎನ್ನುವ ನೋಟೀಸ್ ಬರಬಹದು, ಅಂತಹ ನೋಟಿಸ್ ನಿಮ್ಮ ಲಾಭಕ್ಕಾದರೆ ಸರಿ. ಇನ್ನಷ್ಟು ತೆರಿಗೆ ಹಣ ತುಂಬಬೇಕು ಎಂದಾದರೆ? ಹೀಗಾಗಿ ಇನ್ಪುಟ್ ಟ್ಯಾಕ್ಸ್ ಕ್ರೆಡಿಟ್ ಮತ್ತು ರಿವರ್ಸ್ ಟ್ಯಾಕ್ಸ್ ಮೆಕ್ಯಾನಿಸಂ ಬಗ್ಗೆ ಇರಲಿ ಹೆಚ್ಚು ಗಮನ.

- ರಂಗಸ್ವಾಮಿ ಮೂಕನಹಳ್ಳಿ

muraram@yahoo.com

ಸಂಬಂಧಿಸಿದ್ದು...

ಲೇಖಕರ ಕುರಿತು : ಕಳೆದ ಎರಡು ದಶಕದಿಂದ ಆಂತರಿಕ ಲೆಕ್ಕ ಪರಿಶೋಧಕರಾಗಿ ದುಬೈ ಮತ್ತು ಯೂರೋಪಿನ ವಿತ್ತ ಪ್ರಪಂಚದಲ್ಲಿ ಬದುಕು ಕಂಡು ಕೊಂಡಿರುವ ಶ್ರೀ. ರಂಗಸ್ವಾಮಿ ಮೂಕನಹಳ್ಳಿಯವರು ಹವ್ಯಾಸಿ ಬರಹಗಾರರು. ವೃತ್ತಿ ಮತ್ತು ಪ್ರವೃತ್ತಿಯ ಸಲುವಾಗಿ ಐವತ್ತಕ್ಕೂ ಹೆಚ್ಚು ದೇಶಗಳ ಸುತ್ತಿರುವ ಲೇಖಕರು ತಾವು ಕಂಡ ದೇಶಗಳಷ್ಟೇ ಅಲ್ಲದೆ ಜಗತ್ತಿನ ಆರ್ಥಿಕ ಸ್ಥಿತಿಗತಿ ಬಗ್ಗೆ ಕನ್ನಡ ಪ್ರಭ, ಸಂಯುಕ್ತ ಕರ್ನಾಟಕ, ಉದಯವಾಣಿಗೆ ಲೇಖನಗಳ ಬರೆದಿದ್ದಾರೆ. ಇವರು ಕಂಡ ದೇಶಗಳ ಪ್ರವಾಸಿ ಕಥನ ತರಂಗ, ವಿಜಯ ನೆಕ್ಸ್ಟ್ ಮತ್ತು ಡಿಜಿಟಲ್ ಕನ್ನಡದಲ್ಲಿ ಲೇಖನ ಮತ್ತು ಸರಣಿ ರೂಪದಲ್ಲಿ ಪ್ರಕಟವಾಗಿವೆ. ಹಣಕ್ಲಾಸು ಕನ್ನಡಪ್ರಭ.ಕಾಮ್ ನಲ್ಲಿ ಪ್ರತಿ ಗುರುವಾರ ಪ್ರಕಟವಾಗುವ ಅಂಕಣ ಬರಹ.
Posted by: SBV | Source: Online Desk

ಇನ್ನೂ ವಿವಾಹವಾಗಿಲ್ಲವೇ?
ಇಂದೇ ಕನ್ನಡ ಮ್ಯಾಟ್ರಿಮನಿ ಯಲ್ಲಿ ನೋಂದಾಯಿಸಿ -
ನೋಂದಣಿ ಉಚಿತ!

Topics : Hanaclassu, GST Regime, ಹಣಕ್ಲಾಸು, ಜಿಎಸ್ ಟಿ ತೆರಿಗೆ ಸಲ್ಲಿಕೆ

Disclaimer: We respect your thoughts and views! But we need to be judicious while moderating your comments. All the comments will be moderated by the kannadaprabha.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

The views expressed in comments published on kannadaprabha.com are those of the comment writers alone. They do not represent the views or opinions of kannadaprabha.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. kannadaprabha.com reserves the right to take any or all comments down at any time.

ನಿಮ್ಮ ಅನಿಸಿಕೆ/ಅಭಿಪ್ರಾಯಗಳನ್ನು ಕನ್ನಡದಲ್ಲಿ ಟೈಪ್ ಮಾಡಲು ಇಲ್ಲಿ ಕ್ಲಿಕ್ ಮಾಡಿ

Advertisement
ಈ ವಿಭಾಗದ ಇತರ ಸುದ್ದಿ
Advertisement
Advertisement
Advertisement
Advertisement
Kannadaprabha.com App for Android Kannadaprabha.com App for IOS
Advertisement
Advertisement