Advertisement
ಹೆಚ್ಚು ಓದಿದ್ದು
ಪ್ರಮುಖ ಸುದ್ದಿ
Team India

ಭಾರತ-ಶ್ರೀಲಂಕಾ ನಡುವಣ ಮೊದಲ ಟೆಸ್ಟ್ ರೋಚಕ ಡ್ರಾನಲ್ಲಿ ಅಂತ್ಯ

New long-range missile may be inducted into PLA next year: Report

ಚೀನಾ ಸೇನೆ ಸೇರಲಿದೆ ವಿಶ್ವದ ಯಾವುದೇ ಗುರಿ ಹೊಡೆದುರುಳಿಸಬಲ್ಲ ಹೊಸ ಕ್ಷಿಪಣಿ

Vijay Mallya extradition hearing confirmed for 8 days from December 4

ಲಂಡನ್ ಕೋರ್ಟ್ ಗೆ ವಿಜಯ್ ಮಲ್ಯ ಹಾಜರು, ಡಿ. 4ರಿಂದ 8 ದಿನ ಹಸ್ತಾಂತರ ಕುರಿತು ವಿಚಾರಣೆ

Dalveer Bhandari

ಐಸಿಜೆ ಚುನಾವಣೆ: ಭಾರತದ ಅಭ್ಯರ್ಥಿಗೆ ಜಯ ಸಾಧ್ಯತೆ; ಯುಎನ್ಎಸ್ ಸಿ ಖಾಯಂ ಸದಸ್ಯ ರಾಷ್ಟ್ರಗಳು ಕಂಗಾಲು

I became Chief Minister because of Sonia Gandhi

ಸೋನಿಯಾ ಗಾಂಧಿ ಕೃಪಾಕಟಾಕ್ಷದಿಂದ ನಾನು ಸಿಎಂ ಆದೆ: ಸಿದ್ದರಾಮಯ್ಯ

Congress CWC passes resolution to make Rahul Gandhi party President

ರಾಹುಲ್ ಗಾಂಧಿಗೆ ಕಾಂಗ್ರೆಸ್ ಅಧ್ಯಕ್ಷ ಪಟ್ಟ: ಕಾಂಗ್ರೆಸ್ ಕಾರ್ಯಕಾರಿ ಸಮಿತಿ ಸಭೆ ನಿರ್ಣಯ

Police station

ಮಧ್ಯಪ್ರದೇಶ: ಪೊಲೀಸ್ ಠಾಣೆಯಲ್ಲೇ ಡಿಜೆ ನೃತ್ಯ, ಗುಂಡಿನ ಪಾರ್ಟಿ!

Representative image

ಬೆಂಗಳೂರು: ಸೊಂಟ ಮುಟ್ಟಿ ಪರಾರಿಯಾಗುತ್ತಿದ್ದ ಕಾಮುಕನನ್ನು ಬೆನ್ನಟ್ಟಿ ಹಿಡಿದ ಮಹಿಳೆ

ಮಹಿಳಾ ಸಿಬ್ಬಂದಿ ಕಾಲಿಗೆ ಬೀಳುತ್ತಿರುವ ಆರೋಪಿ

ಅಸಭ್ಯ ವರ್ತನೆ: ವಿಮಾನದ ಮಹಿಳಾ ಸಿಬ್ಬಂದಿ ಕಾಲಿಗೆ ಬಿದ್ದ ಕುಡುಕ ಪ್ರಯಾಣಿಕ, ವಿಡಿಯೋ ವೈರಲ್

ಆಹಾರ

ಆಹಾರವನ್ನು ನಿಧಾನವಾಗಿ ಸೇವಿಸುವುದು ಒಳ್ಳೆಯದೇ? ಇಲ್ಲಿದೆ ಸಂಶೋಧನಾ ವರದಿ

Supreme Court

ವಿದೇಶಕ್ಕೆ ತೆರಳಲು ಕಾರ್ತಿ ಚಿದಂಬರಂ ಗೆ ಸುಪ್ರೀಂ ಕೋರ್ಟ್ ಅನುಮತಿ

Representational image

ಕರ್ನಾಟಕ ಮೌಢ್ಯ ಪ್ರತಿಬಂಧಕ ಮಸೂದೆಯಲ್ಲಿ ಇವೆಲ್ಲವೂ ನಿಷಿದ್ಧ!

Trisha Krishnan becomes first South Indian actor to get UNICEF celebrity advocate status

ಯುನಿಸೆಫ್‌ ಪ್ರಚಾರ ರಾಯಭಾರಿಯಾಗಿ ತ್ರಿಶಾ ಆಯ್ಕೆ

ಮುಖಪುಟ >> ಅಂಕಣಗಳು

ವಿಶ್ವಮಿತ್ರರ ಅಯೋಧ್ಯಾಗಮನ

ರಾಮಾಯಣ ಅವಲೋಕನ-83
Vishwamitra-Vasistha (representational image)

ವಿಶ್ವಾಮಿತ್ರ-ವಸಿಷ್ಠರು (ಸಾಂಕೇತಿಕ ಚಿತ್ರ)

ದೇವತೆಗಳೆಲ್ಲ ಸಡಗರದಿಂದ ವಸಿಷ್ಠರನ್ನು ಭೇಟಿ ಮಾಡಿ ವಿಶ್ವಮಿತ್ರರ ಅಭಿಲಾಷೆಯನ್ನರುಹಿ ಕರೆತಂದೇ ಬಿಟ್ಟರು. ಬರುತ್ತಿದ್ದಂತೆಯೇ ವಿಶ್ವಮಿತ್ರರು ಅವರ ಮುಂದೆ ಬಾಗಿದರು. ವಸಿಷ್ಠರು ಅವರನ್ನೆತ್ತಿ ತಲೆಸವರಿ, "ಬಹಳ ಕಷ್ಟ ಪಟ್ಟಿರಿ. ಕ್ಷಾತ್ರ ಕಳೆದು ಶುದ್ಧರಾಗಿ ಶ್ವೇತ ಪದವಿಯಲ್ಲಿ ಪ್ರತಿಷ್ಠಿತರಾಗಿಬಿಟ್ಟಿರಿ. ನಿಮ್ಮನ್ನು ಕಂಡರೆ ನಮಗೆ ಅಭಿಮಾನ ಉಕ್ಕುತ್ತಿದೆ." 

ವಸಿಷ್ಠರ ಮಾತನ್ನು ಅಲಿಸುತ್ತಿದ್ದ ವಿಶ್ವಮಿತ್ರರ ಕಿವಿಗೆ ಹಾಡಿನಂತೆ ಕೇಳಿಸಿತು ಮುಂದಿನ ವಾಕ್ಯಗಳು. "ನೀವು ಬ್ರಹ್ಮರ್ಷಿಗಳಾಗಿದ್ದೀರಿ. ಇದರಲ್ಲಿ ಸಂದೇಹವಿಲ್ಲ. ನಾವು ಮಾನ್ಯ ಮಾಡಿದ್ದೇವೆ. ನೀವು ವೇದಾಧಿಕಾರ, ಓಂಕಾರದ ವರ, ವಷಟ್ಕಾರದ ಉಪಯೋಗ.... ಇವೆಲ್ಲವನ್ನೂ ಕೇಳಿರುವಿರಿ. ಅವೆಲ್ಲವೂ ನಿಮಗೆ ಲಭ್ಯವಾಗುತ್ತದೆ" 
(ಬ್ರಹ್ಮರ್ಷಿತ್ವಂ ನ ಸಂದೇಹಃ ಸರ್ವಂ ಸಂಪತ್ಸ್ಯತೇ ತವ)
ಬ್ರಹ್ಮರ್ಷಿಗಳಿಬ್ಬರ ಮೇಲೂ ಹೂ ಮಳೆಗರೆಯಿತು. ದೇವತೆಗಳು ಸ್ವಸ್ತಿ ಹೇಳಿದರು. ಉಳಿದ ಋಷಿಗಳೆಲ್ಲ ಅವರ ಕಾಲಿಗೆ ಬಿದ್ದರು. ವಿಶ್ವಮಿತ್ರರೀಗ ಬ್ರಹ್ಮತೇಜಸ್ಸಿನಿಂದ ಬೆಳಗುತ್ತ ದರ್ಭಾಸನದ ಮೇಲೆ ವಸಿಷ್ಠರನ್ನು ಕೂಡಿಸಿ ಅವರ ಪಾದಗಳನ್ನು ಹರಿವಾಣದಲ್ಲಿಟ್ಟು, ತೊಳೆದು, ಬಯಸುತ್ತಿದ್ದಂತೆಯೇ ಪ್ರತ್ಯಕ್ಷವಾದ ಎಲ್ಲ ಪೂಜಾ ಸಾಮಗ್ರಿಗಳಿಂದಲೂ ಅವರನ್ನು ಪೂಜಿಸಿದರು. 
(ಪೂಜಯಾಮಾಸ ಬ್ರಹ್ಮರ್ಷಿಂ ವಸಿಷ್ಠಂ ಜಪತಾಂ ವರಂ)
ಈ ದೃಶ್ಯವನ್ನು ಕಂಡು ದೇವತೆಗಳು, ದೇವರ್ಷಿಗಳು, ಉಳಿದ ಬ್ರಹ್ಮರ್ಷಿಗಳು, ಋಷಿಗಳು ಆ ಸುಂದರ ಮಿಲನವನ್ನು; ಗುರು ಪೂಜೆಯನ್ನು ಕಣ್ಣಲ್ಲಿ ತುಂಬಿಕೊಂಡರು.
*****************
ವಿಶ್ವಮಿತ್ರರು ಬ್ರಹ್ಮರ್ಷಿಗಳಾದ ಪ್ರಮುಖ ಚಿತ್ರಗಳೆಲ್ಲ ಹಾದು ಹೋಗುತ್ತಿವೆ ದಶರಥನ ಕಣ್ಣ ಮುಂದೆ. ತಲೆಕೊಡಹಿ ಎದ್ದ. " ಬೇಗ ಮಧುಪರ್ಕಕ್ಕೆ ಅಣಿಮಾಡಿ! ರಾಜಪುರೋಹಿತರಿಗೆ ಕರೆ ಕಳುಹಿಸಿ! ವಿಶ್ವಮಿತ್ರರು ನೇರ ಯಾಗಶಾಲೆಗೆ ಹೋಗಲಿ. ಅಲ್ಲಿ ಅಗ್ನಿ ಸಂಧಾನ ಮಾಡಿ ಆಸ್ಥಾನಕ್ಕೆ ಬರಲಿ. ಅಲ್ಲಿ ಅವರನ್ನು ಸಕಲ ಗೌರವಗಳಿಂದ ಸ್ವಾಗತಿಸಲು ಏರ್ಪಾಟು ಮಾಡಿ. ತ್ರಯಂಬಕ ದೀಕ್ಷಿತರಿಗೆ ಸ್ವಸ್ತಿ ವಾಚನಕ್ಕೆ ಹೇಳಿ. ಅರಮನೆಯ ಬಾಗಿಲಲ್ಲಿ ಯಜುರ್ವೇದಿಗಳ ಗಡಣ ನಿಂತಿರಲಿ. ಪೂರ್ಣಕುಂಭವನ್ನು ..."ಒಂದೇ ಸಮನೆ ಉದ್ವಿಗ್ನನಾಗಿ ದಶರಥ ಆಙ್ಞೆಗಳ ಮೇಲೆ ಆಙ್ಞೆ ಮಾಡುತ್ತ, " ವಸಿಷ್ಠ ವಾಮದೇವರುಗಳನ್ನು ತನ್ನಿ! " ಶ್ರೀಯಙ್ಞ, ಜಾಬಾಲಿ, ಕಾಶ್ಯಪ, ಗೌತಮ... ಇತ್ಯಾದಿ ಋತ್ವಿಜರೊಡನೆ ಸ್ವಾಗತಿಸಲು ಅರಮನೆಯ ಹೆಬ್ಬಾಗಿಲಿಗೆ ಬರುವ ಹೊತ್ತಿಗೆ, " ಶನ್ನೋ ಮಿತ್ರಶ್ಶಂ ವರುಣಃ ಶನ್ನ ಇಂದ್ರೋ ಬೃಹಸ್ಪತಿಃ ... " ತೈತ್ತಿರೀಯ ಘೋಷದ ಹಿಂದೆ ವೇದಾಧ್ಯಯನಿಗಳ ಮಧ್ಯದಲ್ಲಿ ಬಿಲ್ವ ಪತ್ರ ಮಾಲೆ ಧರಿಸಿ ಬರುತ್ತಿದ್ದಾರೆ ವಿಶ್ವಮಿತ್ರರು. 

ಸುಕ್ಕಿರದ ಚರ್ಮ, ತೇಜಸ್ವೀ ಮುಖ, ಹಣೆಯ ತ್ರಿಪುಣ್ಡ್ರ, ನೀಳ ನಾಸಿಕ, ಗೋಪುರ ಜಟೆ, ನಿಡಿದಾದ ನಡೆ, ಬಲಗೈಲಿ ಬ್ರಹ್ಮದಂಡ. (ಅದನ್ನು ಕಾಣುತ್ತಿದ್ದಂತೆಯೇ ವಸಿಷ್ಠರ ಮೊಗದಲ್ಲಿ ಪುಟ್ಟ ನಗು!!). ಎಡಗೈಲಿ ಕಮಂಡುಲ. ಮಣಿ ಕಟ್ಟು, ಮೊಣಕೈ, ಭುಜದಲ್ಲಿ ರಾರಾಜಿಸುವ ವಿಭೂತಿ. ನೂರು ವೇದ ಪಠಣದ ವಿದ್ಯಾರ್ಥಿಗಳದೇ ಒಂದು ಧ್ವನಿಯಾದರೆ, ಅವರೆಲ್ಲರನ್ನೂ ಮೀರಿಸುವ ವಿಶ್ವಮಿತ್ರರದೇ ಒಂದು ಘಂಟಾರವ. 

ಕಾಲಿಗೆ ಬಿದ್ದ ದಶರಥನನ್ನು ಆದರದಿಂದೆತ್ತಿ ಕುಶಲ ವಿಚಾರಿಸುತ್ತಿದ್ದಂತೆಯೇ, ಪಕ್ಕದಲ್ಲಿದ್ದ ತನ್ನನ್ನು ಉದ್ಧರಿಸಿದ ವಸಿಷ್ಠರಿಗೆ ಬಾಗಿ ಅವರ ಕಾಲು ಹಿಡಿಯ ಹೊರಟ ವಿಶ್ವಮಿತ್ರರನ್ನು ತಬ್ಬಿ ಸಂತೈಸಿದರು ವಸಿಷ್ಠರು. ಯಾಗ, ಧ್ಯಾನಗಳ ಬಗ್ಗೆ ಕುಶಲೋಪರಿ. " ಕಲ್ಯಾಣ ಕಾರ್ಯ ಒಂದನ್ನು ಮಾಡಿ ಹಿಮಾಲಯಕ್ಕೆ ಹೋಗಬೇಕೆಂದಿರುವೆ. ಬಹುಪಾಲು ಈ ಯುಗದಲ್ಲಿ ನಾನು ನಿಮ್ಮನ್ನು ಮತ್ತೆ ನೋಡಲಾರೆನೇನೋ ಎನಿಸುತ್ತದೆ. ದ್ವಾಪರದಲ್ಲಿ ಭೇಟಿಯಾಗಬಹುದು. ಅಲ್ಲಿವರೆಗೆ ನಾನು ಮಂಜು ಮನೆಯಲ್ಲಿ ಸಾವಿರಾರು ವರ್ಷ ತಪ ಮಾಡುವ ನಿಶ್ಚಯ ಮಾಡಿರುವೆ. ತಮ್ಮ ಆಶೀರ್ವಾದ ಬೇಕು". ಅಂತಹ ದೀರ್ಘ ಸಂಕಲ್ಪವೇ ಅವರದು. ಸಾವಿರಾರು ವರ್ಷಗಳಂತೆ! ಈ ಯುಗದಲ್ಲೇ ಮತ್ತೆ ಭೇಟಿ ಅಸಾಧ್ಯವಂತೆ! ಈ ಮಹಾಶಕ್ತನ ಮನಸ್ಸಿನಲ್ಲಿ ಏನಿದೆಯೋ, ಇರಲಿ.... ಯೋಚಿಸುತ್ತ ವಸಿಷ್ಠರೆಂದರು, "ಕಲ್ಯಾಣ ಕಾರ್ಯ?." ನಸುನಕ್ಕ ವಿಶ್ವಮಿತ್ರರು, " ನೀವಿಲ್ಲದೇ ನೆಡೆದಾತೇ ಅದು?"... ಎಂದು ಯಾವುದನ್ನೂ ಖಚಿತ ಪಡಿಸದೇ ಮುಂದಡಿಯಿಟ್ಟರು. 

ತನ್ನ ಸಿಂಹಾಸನದಲ್ಲಿಯೇ ಕೂಡಿಸಿದ್ದಾಯಿತು. ಪಾದ ತೊಳೆದಿದ್ದಾಯಿತು. ಸಾವಿರ ಹಸುಗಳನ್ನು ದಾನ ಮಾಡಿದ್ದಾಯಿತು. ಕೊನೆಗೆ ಕೈಕಟ್ಟಿ ಕೇಳಿದ ದಶರಥ"ದಾನ ಮಾಡಲು ಉತ್ತಮ ಪಾತ್ರ ಸಿಗುವುದು ಬಹು ಕಷ್ಟವಂತೆ. ತಮ್ಮನ್ನು ಮೀರಿದ ಉತ್ತಮ ಪಾತ್ರರಾರುಂಟು? ನನ್ನ ಭಾಗ್ಯ ಪಲ್ಲವಿಸಿ ತಾವು ದಯಮಾಡಿಸಿದ್ದೀರಿ. ಹುಟ್ಟು ಸಾರ್ಥಕವಾಯಿತು. ರಾಜರ್ಷಿಯಾಗಿ ಕ್ಷತ್ರಿಯರಿಗೇ ತಾವು ಶ್ರೇಷ್ಠರು. ಬ್ರಹ್ಮರ್ಷಿಗಳಾದಮೇಲೆ ತಾವು ವಸಿಷ್ಠರಿಗೆ ಸಮರಾಗಿ ಮತ್ತೂ ನಿಯಾಮ್ಯರು. ಹೇಳಿ ಮಹಾಸ್ವಾಮಿ, ತಮ್ಮ ಇಷ್ಟ ಏನು? ನಾನೇನನ್ನು ಮಾಡಬೇಕು? ಏನನ್ನು ನೆರವೇರಿಸಲಿ? 
(ಪಾತ್ರ ಭೂತೋಸಿ ಮೇ ಬ್ರಮ್ಹನ್ ದಿಷ್ಟ್ಯಾ ಪ್ರಾಪ್ತೋಸಿ ಧಾರ್ಮಿಕ 
ಅದ್ಯ ಮೇ ಸಫಲಂ ಜನ್ಮ ಜೀವಿತಂಚ ಸು ಜೀವಿತಂ 
ಪೂರ್ವಂ ರಾಜರ್ಷಿ ಶಬ್ದೇನ ತಪಸಾ ದ್ಯೋತಿತಪ್ರಭಃ
ಬ್ರಮ್ಹರ್ಷಿತ್ವಂ ಅನುಪ್ರಾಪ್ತಃ ಪೂಜ್ಯೋಸಿ ಬಹುಧಾಮಯಾ
ಕಂ ಚ ತೇ ಪರಮಂ ಕಾಮಂ ಕರೋಮಿ ಕಿಮು ಹರ್ಷಿತಃ )
ಸಂತುಷ್ಟರಾದ ವಿಶ್ವಮಿತ್ರರು ಸುತ್ತು ಬಳಸದೇ ನೇರ ವಿಷಯಕ್ಕೆ ಬಂದರು. "ರಾವಣನ ಹೆಸರು ನಿನಗೆ ಗೊತ್ತು. ಅವನು ಲಂಕೆಯಲ್ಲಿದ್ದರೂ ಅವನ ಬೇಹುಗಾರ ಪಡೆ ದಂಡಕಾರಣ್ಯದಲ್ಲಿದೆ. ಅದರ ಮುಖ್ಯಸ್ಠರು ಖರ, ದೂಷಣ, ತ್ರಿಶಿರರು. ಅವರ ಮುಖ್ಯೋದ್ದೇಶ ಈ ಕಡೆ, ಅಂದರೆ ಈ ಅಯೋಧ್ಯೆ ಇತ್ಯಾದಿ... 

ಉತ್ತರದ ಕಡೆಯಿಂದ ಯಾರೂ ದಕ್ಷಿಣಕ್ಕೆ ಬರಬಾರದೆಂಬುದು. ಅದಕ್ಕಾಗಿ ಅತ್ತ ಕಡೆ ಯಾರೇ ಹೆಜ್ಜೆಯಿಟ್ಟರೂ ಅವರನ್ನು ಮಾರ್ಗ ಮಧ್ಯದಲ್ಲಿಯೇ ವಧಿಸುವುದು. ಅವನ ಎರಡನೆಯ ಕಾರ್ಯ ಅರಣ್ಯದಲ್ಲಿರುವ ಮಹರ್ಷಿಗಳ ಯಾಗಗಳನ್ನು ಧ್ವಂಸ ಮಾಡುವುದು.  ಬ್ರಾಹ್ಮಣ ತಂದೆಗೆ ಹುಟ್ಟಿದರೂ, ಅವನಪ್ಪ ಅವನನ್ನು ತನ್ನ ವಂಶಸ್ಥನೆಂದು ಪರಿಗಣಿಸದ್ದರಿಂದ ರಾವಣನಿಗೆ ಬ್ರಾಹ್ಮಣರ ಮೇಲೆ, ಅವರ ದೇವರುಗಳ ಮೇಲೆ ಮಹಾ ವಿರೋಧ.  ಅದಕ್ಕಾಗಿ ಈ ಯಙ್ಞ ಧ್ವಂಸ, ಹಾಗೂ ಋಷಿ ಮರ್ದನ". ದಶರಥನಿಗೆ ಅವರೇನು ಹೇಳುತ್ತಿದ್ದಾರೆಂದೇ ಅರ್ಥವಾಗುತ್ತಿಲ್ಲ. ಅದಕ್ಕಿನ್ನ ಮುಖ್ಯವಾಗಿ ರಾವಣನ ಹೆಸರು ಕೇಳಿಯೇ ಒಂದು ತರಹದ ತಲ್ಲಣ ಶುರುವಾಗಿತ್ತು. ತನ್ನ ವಂಶದ ಅನರಣ್ಯನನ್ನು ಸಾಯಿಸಿದವ. ಆದರೆ ಈ ವಿಶ್ವಮಿತ್ರರಿಂದ ಈಗ ಏಕೆ ಈ ಅಪ್ರಿಯ ವಿಷಯ??

-ಡಾ.ಪಾವಗಡ ಪ್ರಕಾಶ್ ರಾವ್
ಸಂಬಂಧಿಸಿದ್ದು...

ಲೇಖಕರ ಕುರಿತು : ವಿದ್ವಾನ್ ಡಾ.ಪಾವಗಡ ಪ್ರಕಾಶ್ ರಾವ್ ಪ್ರಸಿದ್ಧ, ಬಹುಶೃತ ವಿದ್ವಾಂಸರು. 2003 ರಿಂದ ಚಂದನ ವಾಹಿನಿಯಲ್ಲಿ ಇವರು ನಡೆಸಿಕೊಡುತ್ತಿದ್ದ 'ಸತ್ಯದರ್ಶನ' ಕಾರ್ಯಕ್ರಮ 1,111 ಸಂಚಿಕೆಗಳನ್ನು ಪೂರೈಸಿ ಮುಕ್ತಾಯಗೊಂಡಿದ್ದು ಧರ್ಮ, ಧರ್ಮ ಗ್ರಂಥ, ಆಚರಣೆಗಳಿಗೆ ಸಂಬಂಧಿಸಿದಂತೆ ಜನರ ಸಂಶಯಗಳ ನಿವಾರಣೆಗೆ ಅಪಾರ ಜನಪ್ರಿಯತೆ ಗಳಿಸಿದೆ. ಸತ್ಯದರ್ಶನದೊಂದಿಗೆ ಭಗವದ್ಗೀತೆಯ 712 ಉಪನ್ಯಾಸಗಳು ಸೇರಿ ಒಟ್ಟು ದಾಖಲೆಯ 1823 ಉಪನ್ಯಾಸಗಳನ್ನು ನೀಡಿದ್ದು, ನಾಡಿದ ಪ್ರಸಿದ್ಧ ಸಂಸ್ಥೆಗಳು ಜ್ಞಾನ ಪ್ರಕಾಶ, ವಿದ್ಯಾ ವಿಶಾರದ, ಜ್ಞಾನ ಭಾಸ್ಕರ ಎಂಬ ಬಿರುದುಗಳನ್ನು ನೀಡಿ ಗೌರವಿಸಿವೆ. ತುಮಕೂರು ಹಾಗೂ ಮೈಸೂರು ವಿಶ್ವ ವಿದ್ಯಾನಿಲಯಗಳಿಂದ ಪಿಹೆಚ್ ಡಿ ಪದವಿ (ಡಾಕ್ಟೊರೇಟ್ ಗಳನ್ನು) ಗಳಿಸಿದ್ದಾರೆ.
Posted by: SBV | Source: Online Desk

ಕನ್ನಡ ಮ್ಯಾಟ್ರಿಮನಿಯಲ್ಲಿ ಸೂಕ್ತ ಸಂಗಾತಿಯನ್ನು
ಆಯ್ಕೆ ಮಾಡಿ -
ಉಚಿತ ನೋಂದಣಿ !

Topics : Ramayana avalokana, Vishwamitra Brahmarshi, Vasistha, Dasharatha, ರಾಮಾಯಣ ಅವಲೋಕನ, ವಿಶ್ವಾಮಿತ್ರ ಬ್ರಹ್ಮರ್ಷಿ, ವಸಿಷ್ಠ ಬ್ರಹ್ಮರ್ಷಿ, ದಶರಥ

Disclaimer: We respect your thoughts and views! But we need to be judicious while moderating your comments. All the comments will be moderated by the kannadaprabha.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

The views expressed in comments published on kannadaprabha.com are those of the comment writers alone. They do not represent the views or opinions of kannadaprabha.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. kannadaprabha.com reserves the right to take any or all comments down at any time.

ನಿಮ್ಮ ಅನಿಸಿಕೆ/ಅಭಿಪ್ರಾಯಗಳನ್ನು ಕನ್ನಡದಲ್ಲಿ ಟೈಪ್ ಮಾಡಲು ಇಲ್ಲಿ ಕ್ಲಿಕ್ ಮಾಡಿ

Advertisement
ಈ ವಿಭಾಗದ ಇತರ ಸುದ್ದಿ
Advertisement
Advertisement
Advertisement
Advertisement
Kannadaprabha.com App for Android Kannadaprabha.com App for IOS
Advertisement
Advertisement