Advertisement
ಹೆಚ್ಚು ಓದಿದ್ದು
ಪ್ರಮುಖ ಸುದ್ದಿ
BJP is threatening to carry out encounters just because they are in power in Delhi: West Bengal Chief Minister Mamata Banerjee

ಕೇಂದ್ರದಲ್ಲಿ ಅಧಿಕಾರದಲ್ಲಿದ್ದೇವೆ ಎಂಬ ಕಾರಣಕ್ಕೆ ಬಿಜೆಪಿಯಿಂದ ಎನ್ ಕೌಂಟರ್ ಬೆದರಿಕೆ: ಮಮತಾ ಬ್ಯಾನರ್ಜಿ

HD Kumaraswamy-Siddaramaiah

ವಿಧಾನಪರಿಷತ್ ಅಧ್ಯಕ್ಷ ಸ್ಥಾನದ ಮೇಲೆ ಜೆಡಿಎಸ್ ಕಣ್ಣು, ಬಿಟ್ಟುಕೊಡದ ಮನಸ್ಥಿತಿಯಲ್ಲಿ ಕಾಂಗ್ರೆಸ್!

Cooperative bank with Amit Shah as a director collected highest amount of demonetised notes among DCCBs

ಅಮಾನ್ಯೀಕರಣ: ಅತಿ ಹೆಚ್ಚು ಹಳೆಯ ನೋಟುಗಳನ್ನು ಸಂಗ್ರಹಿಸಿದ ಅಮಿತ್ ಶಾ ನಿರ್ದೇಶಕತ್ವದ ಸಹಕಾರಿ ಬ್ಯಾಂಕ್!

Gilu Joseph

ಅಶ್ಲೀಲತೆ ನೋಡುಗರ ದೃಷ್ಟಿಯಲ್ಲಿದೆ, ಸ್ತನ್ಯಪಾನದಲ್ಲಲ್ಲ: ಕೇರಳ ಹೈಕೋರ್ಟ್

Kylian Mbappe

ಫಿಫಾ ವಿಶ್ವಕಪ್ 2018: ಡೆನ್ಮಾರ್ಕ್-ಆಸ್ಟ್ರೇಲಿಯಾ ಪಂದ್ಯ ಡ್ರಾ, ಪೆರು ವಿರುದ್ಧ ಗೆದ್ದ ಫ್ರಾನ್ಸ್

India hits back at US, hikes import duty on 29 products

29 ಉತ್ಪನ್ನಗಳ ಆಮದು ಸುಂಕ ಏರಿಸಿದ ಭಾರತ: ಅಮೆರಿಕಕ್ಕೆ ತಿರುಗೇಟು

D K Shivakumar

ನನ್ನ ಬಳಿಯೂ ಡೈರಿಗಳಿವೆ, ಸಮಯ ಬಂದಾಗ ಬಿಚ್ಚಿಡುತ್ತೇನೆ: ಡಿಕೆಶಿ; ಸಚಿವರ ಬೆಂಬಲಕ್ಕೆ ನಿಂತ ಜೆಡಿಎಸ್

Team India

ದಾಖಲೆ ಪಂದ್ಯಗಳು: ಟೀಂ ಇಂಡಿಯಾ ಮುಂದಿನ 5 ವರ್ಷದಲ್ಲಿ ಬರೋಬ್ಬರಿ 203 ಪಂದ್ಯಗಳನ್ನು ಆಡಲಿದೆ!

ಶಿಕ್ಷಕ-ವಿದ್ಯಾರ್ಥಿಗಳು

ಗುರು ಶಿಷ್ಯರ ಬಾಂಧವ್ಯ ಅಂದ್ರೆ ಇದೇ ಏನೋ! ವರ್ಗವಾಗಿದ್ದ ಶಿಕ್ಷಕನನ್ನು ಬಿಟ್ಟು ಹೋಗಬೇಡಿ ಎಂದು ಕಣ್ಣೀರಿಟ್ಟ ವಿದ್ಯಾರ್ಥಿಗಳು

CoA issues showcause notice to BCCI acting secretary over

ಬಿಸಿಸಿಐ ಹಂಗಾಮಿ ಕಾರ್ಯದರ್ಶಿಗೆ ಸಿಒಎ ನೊಟೀಸ್

RPF Police

ರೈಲ್ವೆ ನಿಲ್ದಾಣದಲ್ಲೇ ಆರ್‌ಪಿಎಫ್ ಪೊಲೀಸ್‍ನಿಂದ ಮಹಿಳೆಗೆ ಲೈಂಗಿಕ ಕಿರುಕುಳ, ಪೇದೆಗೆ ಕಪಾಳಮೋಕ್ಷ!

Maharashtra to launch bicycle ambulance pilot project soon: Official

ಮಹಾರಾಷ್ಟ್ರದಲ್ಲಿ ದ್ವಿಚಕ್ರ ಆಂಬುಲೆನ್ಸ್ ಯೋಜನೆಗೆ ಶೀಘ್ರವೇ ಚಾಲನೆ

iPad neck pain more common among women than men

ಐಪ್ಯಾಡ್ ಬಳಕೆ: ಪುರುಷರಿಗಿಂತ ಮಹಿಳೆಯರಿಗೇ ಹೆಚ್ಚು ಕುತ್ತಿಗೆ ನೋವು!

ಮುಖಪುಟ >> ಅಂಕಣಗಳು

ಬಂತು ಬಂತು ಧನುವು ಬಂತು ಮಹಾ ಶಿವನ ಬಿಲ್ಲು ಬಂತು

ರಾಮಾಯಣ ಅವಲೋಕನ-100
King Janaka

ಜನಕ ಮಹಾರಾಜ

ಇನ್ನು ನಾನು ನನ್ನ ಮಗಳ ಕಥೆ ಹೇಳಲೇ ಬೇಕು. ಊರ್ಮಿಳೆ ನನ್ನ ಮಗಳು. ಸೀತೆ ಸಾಕು ಮಗಳು. ಆದರೆ ಅಪ್ಪನ ಅರಕೆಯನ್ನು ತೀರಿಸಿದ ಮಗಳು; ಹಿರಿಯ ಮಗಳು; ಅಕ್ಕರೆಯ ಮಗಳು. ಸಿಕ್ಕಿದ ಮಗಳು ಎಂಬುವುದನ್ನು ಬಿಟ್ಟರೆ ಯಾವುದೇ ಕಡಿಮೆ ಅವಳಿಗೆ ಮಾಡಲಿಲ್ಲ. ಅವಳು ನನಗೆ ಸಿಕ್ಕಾಗಲೇ ಆರೇಳು ವರ್ಷದ ಕನ್ಯೆ. ಅವಳೊಬ್ಬ ದೇವ ಕನ್ಯೆ ಇರಬೇಕು, ಅಥವ ಋಷಿಕನ್ಯೆ ಇರಬೇಕು. ಅಯೋನಿಜಾ (ಸಂಯೋಗದಿಂದ ಹುಟ್ಟದವಳು). ನನಗಿನ್ನೂ ಅಂದಿನ ಘಟನೆ ಸ್ಪಷ್ಟವಿದೆ.

 ನಾನಂದು ನೇಗಿಲಿನಿಂದ ಉಳುತ್ತಿದ್ದೆ. ಯಙ್ಞ ಮಾಡಲು ನಿಶ್ಚಯಿಸಿದಾಗ ಯಜಮಾನ ಯಾಗಭೂಮಿಯನ್ನು ಶುದ್ಧಿ ಮಾಡಬೇಕು. ಹಾಗೇ ಭೂಮಿಯನ್ನು ಶೋಧಿಸುತ್ತಿದ್ದಾಗ ಇವಳು ಕಂಡಳು. ಚಿನ್ನದ ಮೈಬಣ್ಣದ, ಮುದ್ದಾದ ಮುಖದ, ದುಂಡು ಗಲ್ಲದ, ನಯವಾದ ಚೂಪು ಮೂಗಿನ, ಹೊಳೆವ ಕಂಗಳ, ಕೆನ್ನೆ ಹೊಳಪಿನ, ಸುಂದರ; ಅತಿ ಸುಂದರ ಕನ್ಯೆ ಪ್ರತ್ಯಕ್ಷಳಾಗಿದ್ದಳು. ಅವಳಲ್ಲಿ ಹೇಗೆ ಬಂದಳು, ಎಲ್ಲಿಂದ ಬಂದಳು, ಯಾರು ಕರೆತಂದು ಬಿಟ್ಟರು ಎಂಬುದೊಂದೂ ಗೊತ್ತಾಗಲಿಲ್ಲ. ಅವಳನ್ನು ಕಂಡಾಗ ನಾನು ಉತ್ತಿದ್ದ ನೇಗಿಲ ಗೆರೆಯ ಮೇಲೆ ನಿಂತಿದ್ದಳು. ನೇಗಿಲಿನಿಂದ ಆದ ಗೆರೆಗೆ "ಸೀತಾ" ಎಂದು ತಮಗೂ ಗೊತ್ತು. ನಾನು "ಸೀತಾ" ಎಂದೆ, ಅವಳು "ಹಾಂ" ಎಂದಳು.

ತಮಗೆಲ್ಲ ಆ ಕಥೆ ಗೊತ್ತಿದ್ದರೂ ಸಭಾಸದರೆಲ್ಲ ಮೊದಲ ಬಾರಿಗೆ ಕೇಳುತ್ತಿದ್ದೇವೇನೋ ಎಂಬುವಂತೆ ಆಲಿಸುತ್ತಿದ್ದಾರೆ. ಒಟ್ಟಿನಲ್ಲಿ ಭೂಮಿಯನ್ನು ಊಳುತ್ತಿದ್ದಾಗ ಭೂಮಿಯಿಂದ  ಎದ್ದು ಬಂದಳೇನೋ ಎಂಬತೆ ಸಿಕ್ಕ ಇವಳು ನನ್ನ ಮಗಳಾಗಿ "ಸೀತಾ" ಎಂದೇ ವರ್ಧಿಸಿದಳು, ಪ್ರಖ್ಯಾತಳಾದಳು.

(ಕ್ಷೇತ್ರಂ ಶೋಧಯತಾ ಲಬ್ಧಾ ನಾಮ್ನಾ ಸೀತೇತಿ ವಿಶ್ರುತಾ 
ಭೂತಲಾದುತ್ಥಿತಾ ಸಾತು ವ್ಯವರ್ಧತ ಮಮ ಆತ್ಮಜಾ)

(ವಾಚಕರಲ್ಲಿ ವಿನಂತಿ: ಉಳುತ್ತಿದ್ದಾಗ ನೇಗಿಲಿಗೆ ಪೆಟ್ಟಿಗೆ ಸಿಕ್ಕಿತು, ಅದರಲ್ಲಿ ಮಗುವಿತ್ತು ಎಂಬುದಕ್ಕಾಗಲೀ, ಅದು ಮಗುವೇ ಎನ್ನುವುದಕ್ಕಾಗಲೀ ಮೂಲದಲ್ಲಿ ಆಧಾರವಿಲ್ಲ. ಅವೆಲ್ಲಾ ಚಲನಚಿತ್ರಗಳ ನಿರೂಪಣೆ. ಉಳುವಾಗ ಸಿಕ್ಕಿದ್ದೆಂಬ ಅರ್ಥದಲ್ಲಿ ಭೂಮಿಜೆ ಎಂಬುದು ಕಾವ್ಯಾಲಂಕಾರ. ಪೆಟ್ಟಿಗೆಯ ಕಥೆ ಒಪ್ಪಿದರೆ ಎಷ್ಟು ವರ್ಷಗಳಿಂದ ಅಲ್ಲಿತ್ತು, ಆಗ ಆ ಮಗುವಿಗೆ ಉಸಿರಾಟ/ ಆಹಾರ, ಇವುಗಳೆಲ್ಲ ಪ್ರಶ್ನೆಯಾಗುತ್ತದೆ. ಬಹುಶಃ ಸೀತೆ ಕಂಡಾಗ ದೇವತೆಯೊಬ್ಬಳು ತಂದು ಬಿಟ್ಟಿರಬಹುದು, ಅಥವ ಬಹುಮಂದಿ ಬಯಸುವಂತೆ ಭೂದೇವಿಯೇ ಅವಳನ್ನಲ್ಲಿ ನಿಲ್ಲಿಸಿ ಹೋಗಿರಬಹುದು. ಇನ್ನು ಸಿಕ್ಕಾಗ ಅವಳಿಗೆ ಆರೇಳು ವರ್ಷಗಳಾದರೂ ಆಗಿರಲೇ ಬೇಕು. ಮಗು ಎಂದುಬಿಟ್ಟರೆ, ಊರ್ಮಿಳೆಗಿನ್ನಾ ಕಿರಿಯಳಾಗಿಬಿಟ್ಟು ಲಕ್ಷ್ಮಣನಿಗೆ ಅತ್ತಿಗೆಯಾಗುವುದು ಮುಜುಗರವಾಗುತ್ತದೆ. "ಭೂಗರ್ಭದಲ್ಲಿ ದೊರೆತ ದಿವ್ಯ ಸ್ತ್ರೀಯ ವಯಸ್ಸನ್ನು ಊಹಿಸಲು ಶಕ್ತ್ಯವಿಲ್ಲ" ಎಂದು ಮುಕ್ತಾಯ ಮಾಡುತ್ತಾ, ದಿ.ವಿದ್ವಾನ್ ರಂಗನಾಥ ಶರ್ಮಾ ಅವರು ಶ್ರೀಮದ್ ವಾಲ್ಮೀಕಿ ರಾಮಾಯಣಂ ಬಾಲಕಾಂಡಃ ಎಂಬ ಅನುವಾದದ ಅನುಬಂಧದಲ್ಲಿ ವಯಸ್ಸಿನ ಬಗ್ಗೆ ಚರ್ಚೆ ಮಾಡಿರುವುದನ್ನು ಆಸಕ್ತರು ಓದಬಹುದು- ಲೇ)

ಧನುವಿದ್ದ ಪೆಟ್ಟಿಗೆ ಮುಚ್ಚಳ ತಗೆದರು. ಅದರೆಡೆ ಅಭಿಮಾನದಿಂದ ನೋಡಿದ ಜನಕ ಮಹಾರಾಜ, " ಮಹರ್ಷಿಗಳೇ, ನಮ್ಮ ಜನಕ ವಂಶ ಅಂದಿನಿಂದ ಪೂಜಿಸಿಕೊಂಡು ಬಂದಿರುವ ಧನುಶ್ರೇಷ್ಠ ಇದು. ಎಂತಹ ಮಹಾವೀರರಿಗೂ ಇದನ್ನು ಬಗ್ಗಿಸಲಾಗಲಿಲ್ಲ. ಸುರರು ಸೋತರು. ಅಸುರರು ಅಲ್ಲಾಡಿ ಹೋದರು. ರಾಕ್ಷಸರ ರೆಟ್ಟೆ ಬಿದ್ದು ಹೋಯಿತು. ಗಂಧರ್ವರು ಗೆಲ್ಲಲಿಲ್ಲ. ಯಕ್ಷರು ಯಾರೂ ಜಯಿಸಲಿಲ್ಲ. ಕಿನ್ನರರು ಕಿರಿಚಿದರು. ಉರಗರು ಉರುಳಿಬಿದ್ದರು. ಇವರೆಲ್ಲಾ ಈ ಧನುಸ್ಸಿನ ಮುಂದೆ ಮುರುಟಿ ಹೋಗಿರುವಾಗ, ಮನುಷ್ಯರಾವ ಗಿಡದ ತೊಪ್ಪಲು? ಯಾರಾದರೂ ಬಗ್ಗಿಸಬಲ್ಲರೇ ಇದನ್ನು? ಬಗ್ಗಿಸಿ ಆ ದಾರ ಕಟ್ಟಬಲ್ಲರೇ? ಕಟ್ಟಿ ಬಾಣ ಹೂಡಬಲ್ಲರೇ? ಅಥವ ಹೆದೆಯನ್ನೇರಿಸಿ ಠೇಂಕಾರ ಮಾಡಬಲ್ಲರೆ? ಕನಿಷ್ಠ ಯಾರಿಗಾದರೂ ಇದನ್ನು ಅಲ್ಲಾಡಿಸಲು ಸಾಧ್ಯವೇ? 

(ಇದಂ ಧನುರ್ವರಂ ಬ್ರಮ್ಹನ್ ಜನಕೈರ್ ಅಭಿಪೂಜಿತಂ
ರಾಜಭಿಶ್ಚ ಮಹಾವೀರೈರ್ ಅಶಕ್ತ್ಯಂ ಪೂರಿತುಂ ತದ
ನೈತತ್ ಸುರಗಣಾಃ ಸರ್ವೇ ನ ಅಸುರಾ ನ ಚ ರಾಕ್ಷಸಾಃ
ಗಂಧರ್ವ ಯಕ್ಷ ಪ್ರವರಾಃ ಸಂ ಕಿನ್ನರ ಮಹೋರಗಾಃ
ಕ್ವ ಗತಿರ್ ಮಾನುಷಾಣಾಂ ಚ ಧನುಷೋ ಅಸ್ಯ ಪ್ರಾಪೂರಣೇ
ಆರೋಪಣೆ ಸಮಾಯೋಗೇ ವೇಪನೇ ತೋಲನೇ ಅಪಿ ವಾ)
" ಮಹರ್ಷಿಗಳೇ , ಈಗ ಈ ಬಿಲ್ಲನ್ನು ತರಿಸಿರುವೆ , ನಿಮ್ಮ ರಾಜಕುವವರಿಗೆ ದಯವಿಟ್ಟು ತೋರಿಸಿ . " 
(ತದೇ ತತ್ ಧನುಷಾಂ ಶ್ರೇಷ್ಠಂ ಆನೀತಂ ಮುನಿಪುಂಗವ 
ದರ್ಶಯೈತನ್ ಮಹಾಭಾಗ ಅನಯೋ ರಾಜಪುತ್ರಯೋ)

ಮಹರ್ಷಿಗಳು ರಾಮರೆಡೆಗೆ ನೋಡಿದರು. ಶ್ರೀರಾಮರೆದ್ದರು. ಬಳಿಗೆ ಬಂದರು. ಮುನಿಗಳಿಗೆ ವಂದಿಸಿದರು. " ಇದು ಕೇವಲ ನೋಡುವುದರಲ್ಲಿ ಮುಗಿಯುವುದಿಲ್ಲ, ಮುಂದೇನೋ ಇದೆ" ಎಂದು ಯೋಚಿಸುತ್ತಿದ್ದಾಗ ಗುರುಗಳು ಹೇಳಿದರು; "ರಾಮ, ನಿನ್ನನ್ನು ಕರೆತಂದದ್ದು ಇದಕ್ಕೇ! ಯಾಗ ಎನ್ನುವುದೊಂದು ನೆಪ!! ನಿನ್ನ ಆಗಮನದ ಉದ್ದಿಶ್ಯ ಈಗ ಸಫಲವಾಗುತ್ತಿದೆ. "ಜನಕ ಮಹಾರಾಜ ರಾಮರನ್ನೀಗ ಬಯಸಿ-ಬಯಸಿ ನೋಡಿದ. ದುಂಡಾದ ಪುಷ್ಟ ಬಾಹುಗಳು, ನೆಟ್ಟನೆಯ ನಿಲುವು, ಕೌಮಾರ್ಯವಿದ್ದರೂ ದೃಢ ಶರೀರ, ಮುಖದಲ್ಲಿ ಮಂದಹಾಸವಿದ್ದರೂ ಅದರಲ್ಲಿ ಗೆಲ್ಲುವ ಕೆಚ್ಚು. ಈತನೇನಾದರೂ ಬಿಲ್ಲೆತ್ತಿಬಿಟ್ಟರೆ ಸಾಕು; ನಮ್ಮ ಸೀತೆಗೆ ಒಳ್ಳೆಯ ಗಂಡ. ವಿಶ್ವಮಿತ್ರರು ರಾಮರಿಗೆ ಹೇಳಿದರು; "ರಾಮ, ಬಿಲ್ಲನ್ನು ನೋಡು. " (ವತ್ಸರಾಮ ಧನುಃ ಪಶ್ಯ) 

ರಾಮರಿಗೆ ಮಾತ್ರ ಕೇಳುವಂತೆ ವಿಶ್ವಮಿತ್ರರು ಹೇಳಿದ್ದರು. ಅದರೆ ಜನರೆಲ್ಲರಿಗೂ ಕೇಳಿಸುವಂತೆ ಘೋಷಿಸಿದ ಜನಕ; " ಅಕಸ್ಮಾತ್ ರಾಮರೇನಾದರೂ ಧನುಸ್ಸಿಗೆ ಹೆದೆ ಏರಿಸಿದರೆ ಅಯೋನಿಜಳಾದ ಸೀತೆಯನ್ನು ದಾಶರಥಿಗೆ ಕೊಡುವೆ. ಕೊಟ್ಟು ಮದುವೆ ಮಾಡುವೆ"
(ಯದ್ ಯಸ್ಯ ಧನುಷೋ ರಾಮಃ |ಕುರ್ಯಾತ್ ಆರೋಪಣಂ ಮುನೇ||
ಸುತಾಂ ಅಯೋನಿಜಾ ಸೀತಾಂ |ದದ್ಯಾಂ ದಾಶರಥೇ ಅಹಂ||)

-ಡಾ.ಪಾವಗಡ ಪ್ರಕಾಶ್ ರಾವ್
pavagadaprakashrao@gmail.com
ಸಂಬಂಧಿಸಿದ್ದು...

ಲೇಖಕರ ಕುರಿತು : ವಿದ್ವಾನ್ ಡಾ.ಪಾವಗಡ ಪ್ರಕಾಶ್ ರಾವ್ ಪ್ರಸಿದ್ಧ, ಬಹುಶೃತ ವಿದ್ವಾಂಸರು. 2003 ರಿಂದ ಚಂದನ ವಾಹಿನಿಯಲ್ಲಿ ಇವರು ನಡೆಸಿಕೊಡುತ್ತಿದ್ದ 'ಸತ್ಯದರ್ಶನ' ಕಾರ್ಯಕ್ರಮ 1,111 ಸಂಚಿಕೆಗಳನ್ನು ಪೂರೈಸಿ ಮುಕ್ತಾಯಗೊಂಡಿದ್ದು ಧರ್ಮ, ಧರ್ಮ ಗ್ರಂಥ, ಆಚರಣೆಗಳಿಗೆ ಸಂಬಂಧಿಸಿದಂತೆ ಜನರ ಸಂಶಯಗಳ ನಿವಾರಣೆಗೆ ಅಪಾರ ಜನಪ್ರಿಯತೆ ಗಳಿಸಿದೆ. ಸತ್ಯದರ್ಶನದೊಂದಿಗೆ ಭಗವದ್ಗೀತೆಯ 712 ಉಪನ್ಯಾಸಗಳು ಸೇರಿ ಒಟ್ಟು ದಾಖಲೆಯ 1823 ಉಪನ್ಯಾಸಗಳನ್ನು ನೀಡಿದ್ದು, ನಾಡಿದ ಪ್ರಸಿದ್ಧ ಸಂಸ್ಥೆಗಳು ಜ್ಞಾನ ಪ್ರಕಾಶ, ವಿದ್ಯಾ ವಿಶಾರದ, ಜ್ಞಾನ ಭಾಸ್ಕರ ಎಂಬ ಬಿರುದುಗಳನ್ನು ನೀಡಿ ಗೌರವಿಸಿವೆ. ತುಮಕೂರು ಹಾಗೂ ಮೈಸೂರು ವಿಶ್ವ ವಿದ್ಯಾನಿಲಯಗಳಿಂದ ಪಿಹೆಚ್ ಡಿ ಪದವಿ (ಡಾಕ್ಟೊರೇಟ್ ಗಳನ್ನು) ಗಳಿಸಿದ್ದಾರೆ.
Posted by: SBV | Source: Online Desk

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Topics : Ramayana avalokana, King Janaka, Seetha, ರಾಮಾಯಣ ಅವಲೋಕನ, ಜನಕ ಮಹಾರಾಜ, ಸೀತೆ

Disclaimer: We respect your thoughts and views! But we need to be judicious while moderating your comments. All the comments will be moderated by the kannadaprabha.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

The views expressed in comments published on kannadaprabha.com are those of the comment writers alone. They do not represent the views or opinions of kannadaprabha.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. kannadaprabha.com reserves the right to take any or all comments down at any time.

ನಿಮ್ಮ ಅನಿಸಿಕೆ/ಅಭಿಪ್ರಾಯಗಳನ್ನು ಕನ್ನಡದಲ್ಲಿ ಟೈಪ್ ಮಾಡಲು ಇಲ್ಲಿ ಕ್ಲಿಕ್ ಮಾಡಿ

FIFA World Cup 2019
Advertisement
ಈ ವಿಭಾಗದ ಇತರ ಸುದ್ದಿ
Advertisement
Advertisement
Advertisement
Advertisement
Kannadaprabha.com App for Android Kannadaprabha.com App for IOS
Advertisement
Advertisement