Advertisement
ಹೆಚ್ಚು ಓದಿದ್ದು
ಪ್ರಮುಖ ಸುದ್ದಿ
Patidars, Congress workers clash soon after

ಗುಜರಾತ್ ಚುನಾವಣೆ: ಕಾಂಗ್ರೆಸ್ ಟಿಕೆಟ್ ಗಾಗಿ ಪಟೇಲ್ ಸಮುದಾಯ, ಕೈ ಕಾರ್ಯಕರ್ತರ ಮಾರಾಮಾರಿ!

Mugabe ends first TV speech since coup without declaring resignation

ಪ್ರಜಾಪ್ರಭುತ್ವಕ್ಕೆ ಮನ್ನಣೆ ನೀಡಬೇಕು: ಜಿಂಬಾಂಬ್ವೆ ಸೇನೆಗೆ ಅಧ್ಯಕ್ಷ ಮುಗಾಬೆ!

Padmavati

ವಿವಾದಿತ 'ಪದ್ಮಾವತಿ' ಚಿತ್ರದ ಬಿಡುಗಡೆ ದಿನಾಂಕ ಮುಂದೂಡಿಕೆ

CM Siddaramaiah

ಸಚಿವ ಪ್ರಮೋದ್ ಮಧ್ವರಾಜ್ ಬಿಜೆಪಿಗೆ ಸೇರುವ ಸುದ್ದಿಯನ್ನು ತಳ್ಳಿಹಾಕಿದ ಮುಖ್ಯಮಂತ್ರಿ

Jammu And Kashmir Police

ಜಮ್ಮು ಮತ್ತು ಕಾಶ್ಮೀರ: 3 ಭಯೋತ್ಪಾದಕರನ್ನು ಬಂಧಿಸಿದ ಜಮ್ಮು ಪೊಲೀಸರು

RJD chief Lalu Prasad

ಸಿಂಹ ನೋಡಿ ಹೆದರುತ್ತಿದ್ದ ಜನರು ಇಂದು ಮೋದಿಯಿಂದಾಗಿ ಹಸು ನೋಡಿ ಹೆದರುತ್ತಿದ್ದಾರೆ: ಲಾಲೂ

Bharatsinh Solanki

ಗುಜರಾತ್ ಚುನಾವಣೆ: ಸ್ಪರ್ಧೆಯಿಂದ ಹಿಂದೆ ಸರಿದ ಕಾಂಗ್ರೆಸ್ ಅಧ್ಯಕ್ಷ!

File photo

ಕೆಪಿಎಂಇ ಕಾಯ್ದೆ ವಿವಾದ: ಇಂದು ಉಭಯ ಸದನಗಳಲ್ಲಿ ಮಂಡನೆ

Actor turned politician Ramya

ಬಿಜೆಪಿಗೆ ಪ್ರಬಲ ಸ್ಪರ್ಧೆಯೊಡ್ಡಲು ರಮ್ಯರನ್ನು ಬೆಂಗಳೂರಿಂದ ಸ್ಪರ್ಧಾ ಕಣಕ್ಕಿಳಿಸಲು ಸಿದ್ದು ಒಲವು?

UIDAI

ಕೇಂದ್ರ, ರಾಜ್ಯ ಸರ್ಕಾರದ 210 ವೆಬ್ ಸೈಟ್ ಗಳಿಂದ ಆಧಾರ್ ವಿವರಗಳು ಬಹಿರಂಗ: ಯುಐಡಿಎಐ

Dhawan-KL Rahul

ಮೊದಲ ಟೆಸ್ಟ್: ಧವನ್, ಕೆಎಲ್ ರಾಹುಲ್ ಅರ್ಧಶತಕ, 2ನೇ ಇನ್ನಿಂಗ್ಸ್‌ನಲ್ಲಿ ಭಾರತ 171/1

Indian Army

ಕಾಶ್ಮೀರ ಕಣಿವೆಯಲ್ಲಿ ಎಲ್ಇಟಿ ಉನ್ನತ ನಾಯಕತ್ವವನ್ನು ಸದೆಬಡಿಯಲಾಗಿದೆ: ಭಾರತೀಯ ಸೇನೆ

Hackers from China break into secret Indian government video chat

ಭಾರತದ ಉನ್ನತಮಟ್ಟದ ಅಧಿಕಾರಿಗಳ ರಹಸ್ಯ ವಿಡಿಯೋ ಚಾಟ್ ಸೋರಿಕೆ; ಚೀನಾ ಹ್ಯಾಕರ್ ಗಳಿಂದ ದಾಳಿ!

ಮುಖಪುಟ >> ಅಂಕಣಗಳು

ಯಾರು ಈ ಬಲಿಚಕ್ರವರ್ತಿ?

ರಾಮಾಯಣ ಅವಲೋಕನ-86
Bali Chakravarthy

ಬಲಿಚಕ್ರವರ್ತಿ (ಸಂಗ್ರಹ ಚಿತ್ರ)

ಮನೆ ಬಿಟ್ಟು ಇಂದಿಗೆ ನಾಲ್ಕನೆಯ ದಿನ. ಇಂದೇನೋ ಅನಿರ್ವಚನೀಯ ಆನಂದ. ಅಯೋಧ್ಯೆಗೆ ವಾಪಸಾಗಿಯೇ ಇಲ್ಲ, ಆದರೂ ಏನೋ ಸ್ವಂತ ಮನೆಗೇ ಬಂದಂತೆ. ಏನೋ ಏನೋ ಮುದ, ಏನೋ ಸಂತಸ, ಏನೋ ಹಗುರ, ಏನೋ ಲವಲವಿಕೆ, ಏನೋ, ಕಾರಣವೇ ಅರಿಯದ ಉತ್ಸಾಹ. ಆ ಕುಟೀರಗಳ ಹಳ್ಳಿ; ಹಲವಾರು ಎಲೆಮನೆಗಳು. ಯಾರೋ ಕೂಗಿದರು, "ಗುರುಗಳು ಬಂದರು". ಸುಮಾರು ಒಂದು ನೂರು ಮಂದಿ ಇದ್ದಾತು. ಹರ್ಷದಿಂದ ಓಡೋಡಿ ಬಂದರು, ಬ್ರಹ್ಮರ್ಷಿಗಳ ಕಾಲಿಗೆ ಬಿದ್ದರು, ರಾಮ-ಲಕ್ಷ್ಮಣರನ್ನು ನೋಡಿ ಅವಾಕ್ಕಾದರು.
 
ಶ್ರೀರಾಮರಿಗೆ ಇದಾವುದರ ಪರಿವೆಯೇ ಇಲ್ಲ. ತನಗೆ ಬಹುಕಾಲ ಪರಿಚಿತ ಜಾಗ ಎನ್ನಿಸುತ್ತಿದೆ. ಯಾವುದೋ ವಟ ವೃಕ್ಷದ ಕೆಳಗೆ ತಾನು ಅದೆಷ್ಟೋ ಕಾಲ ಇದ್ದಂತೆ; ತಾನು ಅಲ್ಲೆಲ್ಲ ಓಡಾಡಿದಂತೆ; ಪಕ್ಕದಲ್ಲಿ ಹರಿಯುತ್ತಿರುವ ನೀರಲ್ಲಿ ಮಿಂದಂತೆ. ಋಷಿಗಳು ತಮ್ಮ ಪರ್ಣಕುಟಿ ಒಳಗೆ ಹೋಗಿ ಎಷ್ಟೋ ಹೊತ್ತಾದ ಮೇಲೆ ಶ್ರೀರಾಮರು ವಾಸ್ತವಕ್ಕೆ ಬಂದರು. ದಾರಿ ತೋರಿದ ವಟುವಿನ ಹಿಂದೆ ಬಂದ ರಾಮರು ಗುರುಗಳ ಕಾಲಿಗೆ ಎರಗಿ, ತನಗಾಗುತ್ತಿರುವ ಹರ್ಷದ ಕಾರಣ ಕೇಳಿದರು. ನಸುನಕ್ಕ ವಿಶ್ವಮಿತ್ರರು ಆ ಆಶ್ರಮದ ಹೆಸರು ಹೇಳಿದರು; " ಇದು ಸಿದ್ಧಾಶ್ರಮ" . "ಸಿದ್ಧಾಶ್ರಮ? " "ಹೌದು-ಹೌದು, ಸಿದ್ದಾಶ್ರಮ. ಸಿದ್ಧಾಶ್ರಮ. "ಮನಸ್ಸಿನಲ್ಲಿ ಮಾರ್ದನಿಯಾಯಿತು. "ಏನಾದರೂ ನೆನಪಾಯಿತೇ ?" ಗುರುಗಳ ಪ್ರಶ್ನೆಗೆ ಉತ್ತರ ರಾಮರಿಂದ, " ಖಚಿತವಾಗಿ ಏನೂ ಇಲ್ಲ. " "ಹಾಗಾದರೆ ಒಂದು ಕಥೆ ಹೇಳುವೆ. ಸಾಯಂ ಸಂಧ್ಯೆ ಮುಗಿಸಿ ಬಾ"

ಅಷ್ಟು ಹೊತ್ತಿಗಾಗಲೇ ಸಂಜೆಯ ಲಘು ಉಪಾಹಾರ ಮುಗಿದಿದೆ. ಆಶ್ರಮದಲ್ಲಿನ ಋಷಿಪತ್ನಿ ಯರ ತಯ್ಯಾರಿ. ತಾನೆಂದೂ ಅನುಭವಿಸಿರದ ಸಸ್ಯಗಳ ಮಿಶ್ರಣ. ವಿಶ್ವಮಿತ್ರರು ಕಥೆ ಹೇಳುವುದರಲ್ಲಿ ಸಿದ್ಧಹಸ್ತರು. ತುಸು ಎತ್ತರದ ವೇದಿಕೆಯಲ್ಲಿ ಕುಳಿತಿದ್ದಾರೆ. ವೇದಿಕೆ ಸುತ್ತಲೂ ಉಳಿದ ಋಷಿಗಳು, ಮಹರ್ಷಿಗಳು, ವೃದ್ಧರ್ಷಿಗಳು, ಶಿಷ್ಯರು, ಅಂತೇವಾಸಿಗಳು, ಋಷಿಕೆಯರು, ಋಷಿಪತ್ನಿಯರು, ಎಲ್ಲ ಕುಳಿತಿದ್ದಾರೆ.
 
" ಹಿಂದೆ, ಬಹು ಹಿಂದೆ ಭೂಮಿಯನ್ನಾಳುತ್ತಿದ್ದ ಭಯಂಕರ ರಾಜನಿದ್ದ". ಆರಂಭಿಸಿಯೇ ಬಿಟ್ಟರು ಗುರುಗಳು ಕಥೆಯನ್ನು. "ಅವನ ಹೆಸರು ಹಿರಣ್ಯಕಶಿಪು. ಅವನ ಕಥೆಯನ್ನು ಹೇಳಲಲ್ಲ ಈಗ ಹೊರಟಿದ್ದು. ಅವನ ಮಗ ವಿಷ್ಣು ಭಕ್ತ. ಪ್ರಹ್ಲಾದ. ಅವನ ಬಗ್ಗೆಯೂ ಹೇಳುತ್ತಿಲ್ಲ. ಅವನ ಮಗ ವಿರೋಚನ. ಅವನ ಬಗ್ಗೆಯೂ ಹೇಳಲ್ಲ. " "ಮತ್ತಾರ ಬಗ್ಗೆ?" ಎಂದುಕೊಳ್ಳುತ್ತಿದ್ದಂತೆಯೇ ವಿಶ್ವಮಿತ್ರರಿಂದ ಹೊರಬಂತು, "ಅವನ ಮಗ ವೈರೋಚನಿಯ ಬಗ್ಗೆ
                                    ************

ವೈರೋಚನಿ ಮಹಾ ಶಕ್ತ, ಮಹಾ ಬಲಶಾಲಿ, ಮಹಾ ತೇಜಸ್ಸಂಪನ್ನ. ಮಹಾ ವೈದಿಕ, ಮಹಾ ಯಾಙ್ಞಿಕ, ಯಙ್ಞ ಕುಂಡದ ಮುಂದೆ ಯಾವ ದೃಢತೆಯಲ್ಲಿ ಕೂಡುವನೋ, ಅದೇ ನಿಷ್ಠೆಯಿಂದ ಯುದ್ಧ ಭೂಮಿಗೂ ಹೋಗುತ್ತಿದ್ದ. ಯಾವಾಗಲೂ ವಿಜಯವೇ. ಆದರೆ ಒಮ್ಮೆ.... ಒಮ್ಮೆ ಅಮರಾವತಿಯ ಮೇಲೆ ಯುದ್ಧ ಘೋಷಿಸಿ, ಅನುಮತಿ ಪಡೆದು ಹೋಗಲು ಗುರುಗಳ ಹತ್ತಿರ ಬಂದ. ಆದರೆ ಗುರುಗಳು ಇರಲಿಲ್ಲ, ಅಗ್ನಿಲೋಕಕ್ಕೆ ಹೋಗಿದ್ದರು. ಅವರು ಬರುವ ತನಕ ಇರಬಹುದಿತ್ತು. ಇರಲಿಲ್ಲ, ಹೊರಟೇ ಬಿಟ್ಟ. ಇಂದ್ರನೊಡನೆ ಆದ ಯುದ್ಧದ ವರ್ಣನೆ ಮಾಡುವಲ್ಲಿ ನನಗೆ ಉತ್ಸಾಹ ಇಲ್ಲ. ಕೊನೆಗೆ ಬಂದುಬಿಡುವ. ವಜ್ರಾಯುಧದಿಂದ ವೈರೋಚನಿಯ ಕೊರಳು ಮುರಿಯಿತು. ಹಾರಿ ಬಂದ ತಲೆ ಶುಕ್ರಾಚಾರ್ಯರ ಮುಂದೆ ಬಿತ್ತು. ತಮ್ಮ ಪ್ರಿಯ ಶಿಷ್ಯನ ಕತ್ತರಿಸಿದ ತಲೆ; ಕುತ್ತಿಗೆಯಿಂದ ಇನ್ನೂ ರಕ್ತ ಸುರಿಯುತ್ತಿದೆ. ಪ್ರೀತಿಯಿಂದ ಕೈಗೆತ್ತಿಕೊಂಡರು. " ಛೆ ಛೆ! ಹೀಗಾಗಬಾರದಿತ್ತು. " "ಭ್ರಮಣ! "ಕೂಗಿದರು. ಓಡಿಬಂದೊಬ್ಬ ರಾಕ್ಷಸ ಕೈಮುಗಿದು ನಿಂತ. " ರಾಜರ ಶರೀರ ಎಲ್ಲಿದೆ" ?  "ಗುರುಗಳೇ, ಅದನ್ನು ಚಿತೆಯ ಮೇಲೆ ಇಟ್ಟಿದ್ದಾರೆ. " "ನಿಲ್ಲು ನಿಲ್ಲು! "ಎನ್ನುತ್ತ ತೇಲಿ ಹೋದರು ಗಾಳಿಯಲ್ಲಿ ಸ್ಮಶಾನಕ್ಕೆ. 

ಇನ್ನೇನು ಚಿತಾಸ್ಪರ್ಶವಾಗಬೇಕು. ದೊಂದಿಯನ್ನು ಹಿಡಿದು ನಿಂತಿದ್ದಾಳೆ ಪತ್ನಿ. ಮಕ್ಕಳಾಗಿಲ್ಲ ಇನ್ನು; ಹರೆಯದ ರಾಜ. ಪುರೋಹಿತ ಅಪರಮಂತ್ರವನ್ನು ಜೋರಾಗಿ ಹೇಳುತ್ತಿದ್ದಾನೆ. ಮಗನಿಲ್ಲದಾಗ ಪತ್ನಿಯೇ ಅಪರಕರ್ಮಾಧ್ಯಕ್ಷೆ. " ವಿಂಧ್ಯಾವಳಿ! ಏನು ಮಾಡುತ್ತಿರುವೆ ನಿಲ್ಲು! " ಅನಿರೀಕ್ಷಿತ ಆಗಮನ ಗುರುಗಳಿಂದ. ಕುಸಿದು ಕುಳಿತ ವಿಂಧ್ಯಾವಳಿ ಶುಕ್ರಾಚಾರ್ಯರ ಕಾಲು ಹಿಡಿದು ಜೋರಾಗಿ ಅಳತೊಡಗಿದಳು. ಅಷ್ಟು ಹೊತ್ತೂ ಬಿಗಿಹಿಡಿದಿದ್ದ ಕಣ್ಣೀರು ಕಂಬನಿಯ ಮಾಲೆ - ಮಾಲೆಯಾಗಿ ಉರುಳುತ್ತಿತ್ತು. " ತಾವಿರಲಿಲ್ಲ, ಅಗ್ನಿಲೋಕದಿಂದ ಬಂದಿರಲಿಲ್ಲವೆಂದು ತಿಳಿಯಿತು. ವಿಧಿ ಇಲ್ಲದೇ ದೇಹ ಹಳಸುವ ಮುನ್ನ ದಹಿಸಬೇಕಲ್ಲವೆ ? .... " ಮತ್ತೆ ಮತ್ತೆ ಅಳು. ಚಿತೆಯ ಮೇಲಿಂದ ವೈರೋಚನಿಯ ದೇಹವನ್ನು ತರಿಸಿದರು, ತಲೆಯನ್ನು ಕೊರಳಿಗೆ ಸೇರಿಸಿದರು, ಮೃತ ಸಂಜೀವಿನಿ ಮಂತ್ರೋಚ್ಛಾರಣೆ. ಮೂಳೆಗೆ ಮೂಳೆ ಸೇರಿ, ಮಾಂಸ ಖಂಡಗಳ ಜೋಡಣೆಯಾಗಿ, ರಕ್ತ ನಾಳಗಳು ಒಂದಕ್ಕೊಂದು ತೇಪೆ ಹಾಕಿ, ರಕ್ತ ಹರಿದು, ಚರ್ಮ ಕೂಡಿತು. ಶ್ವಾಸ ಕೋಶಗಳು ಆಡತೊಡಗಿದವು. ಪ್ರಾಣವಾಯು ಪ್ರವೇಶಿಸಿತು. ವೈರೋಚನಿ ಎದ್ದು ಕುಳೀತ. " ಎಲ್ಲಿ ಇಂದ್ರ?! " ಗುಡುಗಿದ. ಕ್ಷಣದಲ್ಲಿ ಗೊತ್ತಾಯಿತು ತಾನು ಯುದ್ಧ ಭೂಮಿಯಲ್ಲಿ ಇಲ್ಲವೆಂದು.
***********

"ವೈರೋಚನಿ, ದೊಡ್ಡ ತಪ್ಪು ಮಾಡಿದೆ. ಹೊರಡುವ ಮುನ್ನ, ಅದರಲ್ಲೂ ವಿಜಯ ಯಾತ್ರೆಗೆ ಮುನ್ನ ಗಣ ಹೋಮ ಮಾಡೆಂದು ಎಷ್ಟು ಬಾರಿ ಹೇಳಿಲ್ಲ ನಿನಗೆ? ಅದೇಕೆ ಮರತೆ? ನಾನು ಊರಿನಲ್ಲಿ ಇರಲಿಲ್ಲವೆಂದ ಮಾತ್ರಕ್ಕೇ ಅಷ್ಟು ಅವಸರ ಏನಿತ್ತು? ಬರುವ ತನಕ ಕಾಯಬಹುದಿತ್ತು. "ಏನೂ ಮಾತನಾಡದೆ ಸುಮ್ಮನಿದ್ದ ಶಿಷ್ಯನನ್ನು ಸಮಾಧಾನ ಪಡಿಸಿದರು. " ಏಳು, ಈಗಲೇ ಅಗ್ನಿಪ್ರತಿಷ್ಠಾಪನೆ ಮಾಡು. ಈಗ ತಾನೇ ಅಗ್ನಿ ಲೋಕದಿಂದ ಬಂದಿದ್ದೇನೆ. ಇಪ್ಪತ್ತೆಂಟು ದಿನಗಳ ಹೋಮ ಅವ್ಯಾಹತವಾಗಿ ನಡೆಯಲಿ. ಅಗ್ನಿ ಪ್ರತ್ಯಕ್ಷನಾಗುತ್ತಾನೆ, ಅವನನ್ನು ವಿಜಯಕ್ಕೆ ಬೇಡು. "
************

ಎರಡಾಳುದ್ದದ ಅಗ್ನಿ- ಜ್ವಾಲೆಗಳ ಮಧ್ಯದಲ್ಲಿ ಅಗ್ನಿ ಕಂಡೇ ಬಿಟ್ಟ. ಮೈತುಂಬ ಉರಿ - ಉರಿ. ಸಪ್ತ ಜ್ವಾಲೆಗಳು, ಕಾದ ಚಿನ್ನದ ಕಿರೀಟ, ಯಾಗ ಮಂಟಪದಲ್ಲಿದ್ದವರೆಲ್ಲ ಕಿರುಚುತ್ತ ಓಡಿ ಹೋದರು; ಬೆಂಕಿಯ ಬಿಸಿ ತಾಳಲಾರದೆ. ಶುಕ್ರಾಚಾರ್ಯರು, ವೈರೋಚನಿ ಮಾತ್ರ ಕುಳಿತಿದ್ದಾರೆ. ಅಗ್ನಿ ಮಧ್ಯದಿಂದ ಸ್ವಾಹಾಪತಿಯ ಗುಡುಗು ಕೇಳಿಸಿತು. " ಪ್ರಹ್ಲಾದ ನಮಗೆ ಪ್ರೀತಿಪಾತ್ರ. ನೀನೂ ಪರಮ ವೈದಿಕ. ವರ್ಷ ಪೂರ್ಣ ಯಾಗಗಳು ನಿನ್ನ ಅರಮನೆಯಲ್ಲಿ ನಡೆಯುತ್ತಲೇ ಇರುತ್ತವೆ. ನಾನೂ ಸಾಕಷ್ಟು ತುಪ್ಪ ಉಂಡಿದ್ದೇನೆ. ಹೇಳು, ಏಕಾಗಿ ಕರೆದೆ ನನ್ನನ್ನು? " ಸಾಷ್ಟಾಂಗ ಮಾಡಿ ಹೇಳಿದ; " ಹವ್ಯಾವಾಹನ, ನೀನೊಂದು ದಿವ್ಯವಾದ ವರ ಕೋಡಬೇಕು ನನಗೆ. ನಾನೂ ಎಂದೂ ಯುದ್ಧದಲ್ಲಿ ಸೋಲಬಾರದು, ಸಾಯಬಾರದು. ದೇವತೆಗಳ ಮೇಲೆ ಯುದ್ಧಕ್ಕೆ ಹೋದಾಗ ನೀನಲ್ಲಿರಬಾರದು. " ಕ್ಷಣ ಕಾಲ ತಡೆದು ಹೇಳಿದ ಅಗ್ನಿ, " ನಿನ್ನ ಮೊದಲ, ಮತ್ತು ಕೊನೆಯ ಪ್ರಾರ್ಥನೆಗೆ ನಾನು ಒಪ್ಪಿದೆ. ಮಧ್ಯದ್ದು ನನ್ನ ಮಿತಿಯಲ್ಲಿಲ್ಲ. ಆದರೆ ಅದೂ ಪೂರ್ಣವಾಗಬಹುದು ಎನಿಸುತ್ತಿದೆ. ಈಗ ಈ ಯಙ್ಹಕುಂಡದಿಂದ ರಥ ಒಂದು ಎದ್ದು ಬರುತ್ತದೆ. ಅದರಲ್ಲಿ ಕುಳಿತು ಯುದ್ಧಕ್ಕೆ ಹೋಗು. ನಿನ್ನೆದುರು ಯಾರೂ ನಿಲ್ಲುವುದಿಲ್ಲ. " 
************
ಶುಕ್ರಾಚಾರ್ಯರು ಸ್ಮಿತ ವದನರಾಗಿದ್ದಾರೆ. ವೈರೋಚನಿ ತನಗೂ, ಇಂದ್ರನಿಗೂ ನಡೆದ ಯುದ್ಧ ವರ್ಣನೆಯನ್ನು ಮುಗಿಸಿದ್ದ. ತಾನು ಯುದ್ಧನಲ್ಲಿ ಇಂದ್ರನನ್ನು ಬಂಧಿಸಿದ್ದು, ಆತ ಮಾಯವಾಗಿದ್ದು, ಅಮರಾವತಿಯ ಮೇಲೆ ತನ್ನ ವಿಜಯ ಧ್ವಜ ಹಾರಿಸಿದ್ದು, ತಾನೀಗ ಇಂದ್ರನ ಸಿಂಹಾಸನದ ಮೇಲೆ ಕುಳಿತು ಸುರೇಂದ್ರನಾಗಿದ್ದು! ಅಲ್ಲಲ್ಲ ಅಸುರೇಂದ್ರನಾಗಿದ್ದು!!! ಅಲ್ಲ. ಅದೂ ಅಲ್ಲ ತಾನೀಗ ಸುರಾಸುರೇಂದ್ರನಾಗಿದ್ದು!!!  ತನ್ನ ಪ್ರತಿನಿಧಿಯಾಗಿ ವಿಂಧ್ಯಾಸುರನನ್ನು ಅಮರಾವತಿಯಲ್ಲಿ ನೇಮಿಸಿರುವುದು.... ಈ ಎಲ್ಲವನ್ನೂ ವಿವರ-ವಿವರವಾಗಿ ಹರ್ಷದಿಂದ ಹೇಳಿ ಮುಗಿಸಿದ ವೈರೋಚನಿ. " ರಾಜ, ಮಹಾ ಬಲಶಾಲಿ ಎಂದು ಬೀಗುತ್ತಿದ್ದ ಇಂದ್ರ. ಅವನ ವಜ್ರಾಯುಧದ ಮುಂದೆ ಯಾರೂ ನಿಲ್ಲಲಾರರೆಂದು ಹಾರಾಡುತ್ತಿದ್ದ. ಅವನಿಗೆ ಸರಿಯಾಗಿ ಪಾಠ ಕಲಿಸಿದೆ. ಹೀಗಾಗಿ ಇಂದಿನಿಂದ ನಿನಗೊಂದು ಹೊಸ ಹೆಸರನ್ನು ಕೊಡೋಣ. ಆ ನೂತನ ನಾಮಧೇಯದಿಂದಲೇ ನೀನು ಪ್ರಸಿದ್ಧನಾಗು. ಅವನು ಮಹಾ ಬಲಶಾಲಿಯಲ್ಲವೇ, ಆ ಇಂದ್ರ? ಆ ಮಹಾ ಬಲಶಾಲಿ ಇಂದ್ರನನ್ನೇ ನೀನು ಬಲಿ ಹಾಕಿಬಿಟ್ಟೆ!! ಆದ್ದರಿಂದ ಇನ್ನು ಮುಂದೆ ನೀನು ಬಲಿಚಕ್ರವರ್ತಿ ಯೆಂದು ಪ್ರಸಿದ್ಧನಾಗು. " (ಮುಂದುವರೆಯುತ್ತದೆ....)

-ಡಾ.ಪಾವಗಡ ಪ್ರಕಾಶ್ ರಾವ್
pavagadaprakashrao@gmail.com 
ಸಂಬಂಧಿಸಿದ್ದು...

ಲೇಖಕರ ಕುರಿತು : ವಿದ್ವಾನ್ ಡಾ.ಪಾವಗಡ ಪ್ರಕಾಶ್ ರಾವ್ ಪ್ರಸಿದ್ಧ, ಬಹುಶೃತ ವಿದ್ವಾಂಸರು. 2003 ರಿಂದ ಚಂದನ ವಾಹಿನಿಯಲ್ಲಿ ಇವರು ನಡೆಸಿಕೊಡುತ್ತಿದ್ದ 'ಸತ್ಯದರ್ಶನ' ಕಾರ್ಯಕ್ರಮ 1,111 ಸಂಚಿಕೆಗಳನ್ನು ಪೂರೈಸಿ ಮುಕ್ತಾಯಗೊಂಡಿದ್ದು ಧರ್ಮ, ಧರ್ಮ ಗ್ರಂಥ, ಆಚರಣೆಗಳಿಗೆ ಸಂಬಂಧಿಸಿದಂತೆ ಜನರ ಸಂಶಯಗಳ ನಿವಾರಣೆಗೆ ಅಪಾರ ಜನಪ್ರಿಯತೆ ಗಳಿಸಿದೆ. ಸತ್ಯದರ್ಶನದೊಂದಿಗೆ ಭಗವದ್ಗೀತೆಯ 712 ಉಪನ್ಯಾಸಗಳು ಸೇರಿ ಒಟ್ಟು ದಾಖಲೆಯ 1823 ಉಪನ್ಯಾಸಗಳನ್ನು ನೀಡಿದ್ದು, ನಾಡಿದ ಪ್ರಸಿದ್ಧ ಸಂಸ್ಥೆಗಳು ಜ್ಞಾನ ಪ್ರಕಾಶ, ವಿದ್ಯಾ ವಿಶಾರದ, ಜ್ಞಾನ ಭಾಸ್ಕರ ಎಂಬ ಬಿರುದುಗಳನ್ನು ನೀಡಿ ಗೌರವಿಸಿವೆ. ತುಮಕೂರು ಹಾಗೂ ಮೈಸೂರು ವಿಶ್ವ ವಿದ್ಯಾನಿಲಯಗಳಿಂದ ಪಿಹೆಚ್ ಡಿ ಪದವಿ (ಡಾಕ್ಟೊರೇಟ್ ಗಳನ್ನು) ಗಳಿಸಿದ್ದಾರೆ.
Posted by: SBV | Source: Online Desk

ಕನ್ನಡ ಮ್ಯಾಟ್ರಿಮನಿಯಲ್ಲಿ ಸೂಕ್ತ ಸಂಗಾತಿಯನ್ನು
ಆಯ್ಕೆ ಮಾಡಿ -
ಉಚಿತ ನೋಂದಣಿ !

Topics : Ramayana avalokana, Dr.Pavagada Prakash rao, Bali Chakravarthy, ರಾಮಾಯಣ ಅವಲೋಕನ, ಡಾ.ಪಾವಗಡ ಪ್ರಕಾಶ್ ರಾವ್, ಬಲಿ ಚಕ್ರವರ್ತಿ
English summary
When the Rishis went inside their pantheon, Lord Rama came to reality on a long journey. Rama, who came back to Vattu, got into the Guru's feet and asked for his excitement.

Disclaimer: We respect your thoughts and views! But we need to be judicious while moderating your comments. All the comments will be moderated by the kannadaprabha.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

The views expressed in comments published on kannadaprabha.com are those of the comment writers alone. They do not represent the views or opinions of kannadaprabha.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. kannadaprabha.com reserves the right to take any or all comments down at any time.

ನಿಮ್ಮ ಅನಿಸಿಕೆ/ಅಭಿಪ್ರಾಯಗಳನ್ನು ಕನ್ನಡದಲ್ಲಿ ಟೈಪ್ ಮಾಡಲು ಇಲ್ಲಿ ಕ್ಲಿಕ್ ಮಾಡಿ

Advertisement
ಈ ವಿಭಾಗದ ಇತರ ಸುದ್ದಿ
Advertisement
Advertisement
Advertisement
Advertisement
Kannadaprabha.com App for Android Kannadaprabha.com App for IOS
Advertisement
Advertisement