Advertisement
ಹೆಚ್ಚು ಓದಿದ್ದು
ಪ್ರಮುಖ ಸುದ್ದಿ
Inteligence agencies warn of infiltration bids in Jammu and Kashmir ahead of Republic Day

ಗಣರಾಜ್ಯೋತ್ಸವ ದಿನದಂದು ಉಗ್ರದಾಳಿಗೆ ಭಾರಿ ಸಂಚು: ಗುಪ್ತಚರ ಇಲಾಖೆ ಎಚ್ಚರಿಕೆ

President order disqualifying MLAs

ಶಾಸಕರನ್ನು ಅನರ್ಹಗೊಳಿಸುವ ರಾಷ್ಟ್ರಪತಿಗಳ ನಿರ್ಧಾರ ಪ್ರಜಾಪ್ರಭುತ್ವಕ್ಕೆ ಮಾರಕ: ಆಪ್

Protests erupt across Kerala as CM Pinarayi Vijayan mulls to withdraw vandalism cases against MLAs

ಶಾಸಕರ ವಿರುದ್ಧ ಪ್ರಕರಣ ಹಿಂಪಡೆಯಲು ಮುಂದಾದ ಕೇರಳ ಸರ್ಕಾರ, ವ್ಯಾಪಕ ಪ್ರತಿಭಟನೆ

Mayor of North Delhi Preeti Aggarwal

ದೆಹಲಿ ಕಾರ್ಖಾನೆ ಅಗ್ನಿ ದುರಂತ: ನಕಲಿ ವಿಡಿಯೋ ವೈರಲ್ ಆಗುತ್ತಿದೆ- ಮೇಯರ್ ಪ್ರೀತಿ ಅಗರ್'ವಾಲ್

Om Prakash Rawat

ಭಾರತದ ಮುಖ್ಯ ಚುನಾವಣಾ ಆಯುಕ್ತರಾಗಿ ಓಂ ಪ್ರಕಾಶ್ ರಾವತ್ ನೇಮಕ

Facebook

ಫೇಸ್ ಬುಕ್ ನಲ್ಲಿರುವ ಅಂಧ ನೌಕರನಿಂದ ಅಂಧರಿಗಾಗಿಯೇ ತಂತ್ರಜ್ಞಾನ ಅಭಿವೃದ್ಧಿ!

Vatal Nagaraj faces Kalasa Bhanduri Protester’s wrath Over Karnataka Bandh

'ಯಾರನ್ನು ಕೇಳಿ ಬಂದ್ ಗೆ ಕರೆ ನೀಡಿದ್ದೀರಿ': ವಾಟಾಳ್ ವಿರುದ್ಧ ಕಳಸಾ ಬಂಡೂರಿ ಹೋರಾಟಗಾರರ ಆಕ್ರೋಶ

Kabul Intercontinental hotel attack: 5 killed, 4 assailants neutralised in Afghanistan capital

ಕಾಬೂಲ್ ಹೋಟೆಲ್ ದಾಳಿ: 4 ಉಗ್ರರನ್ನು ಹೊಡೆದುರುಳಿಸಿದ ಸೇನೆ

Sushmita Dev (File Photo)

ಹರ್ಯಾಣ ಭಾರತದ ರೇಪ್ ರಾಜಧಾನಿ, ಸಿಎಂ ಖಟ್ಟರ್ ವಿರುದ್ಧ ಕಾಂಗ್ರೆಸ್ ವಾಗ್ದಾಳಿ

16 shops burnt after cylinder explosion by accidental fire in Koppal

ಕೊಪ್ಪಳ: ಆಕಸ್ಮಿಕ ಅಗ್ನಿ ಅನಾಹುತ, 16 ಅಂಗಡಿಗಳು ಭಸ್ಮ

Three dead in fire at fertilizer factory in Vadodara

ವಡೋದರ: ರಾಸಾಯನಿಕ ಕಾರ್ಖಾನೆಯಲ್ಲಿ ಬೆಂಕಿ ಅವಘಡ, ಮೂವರ ಸಾವು, 12 ಮಂದಿಗೆ ಗಾಯ

Rohan Bopanna

ಆಸ್ಟ್ರೇಲಿಯನ್ ಓಪನ್: ಮಿಶ್ರ ಡಬಲ್ಸ್ ನಲ್ಲಿ ಪ್ರಿ ಕ್ವಾರ್ಟರ್ ಸುತ್ತು ಪ್ರವೇಶಿಸಿದ ರೋಹನ್ ಬೋಪಣ್ಣ

Savamma Erappa Hongal serving the staff at a government school;

ಶಿಕ್ಷಕರಿಗೆ ಊಟ ಉಪಚಾರ ನೀಡಿ ಖುಷಿ ಕಾಣುತ್ತಿರುವ ಅಜ್ಜಿ ಸವಮ್ಮ

ಮುಖಪುಟ >> ಅಂಕಣಗಳು

ರಾಮರ ನ್ಯಾಯ ನಿರ್ಣಯ

ರಾಮಾಯಣ ಅವಲೋಕನ-85
Tataka vadh

ತಾಟಕೆ ವಧೆ

ಪಕ್ಕದಲ್ಲಿ ಹಾದುಹೋಗುತ್ತಿದ್ದ ಶ್ರೀರಾಮರಿಗೆ ಆ ಅಕರಾಳ-ವಿಕರಾಳ ಗುಡ್ಡದಂತಹ ದೇಹ, ಅದಕ್ಕಂಟಿದ ಜಿಡ್ಡು - ಜಿಡ್ಡು ಕಂದು ಬಣ್ಣಕ್ಕೆ ತಿರುಗಿದ್ದ ರಕ್ತಲೇಪ, ಮರದ ಬೇರುಗಳು ಇಳಿದಂತೆ ಇಳಿದಿರುವ ತಲೆಗೂದಲು, ಆನೆಯ ಕಾಲಿನಂತಹ ಕೈಗಳು , ತನ್ನ ಕೈಗಿನ್ನ ತುಸು ದಪ್ಪನಾದ ಬೆರಳುಗಳು, ಮುಖವೋ ಅತ್ಯಂತ ಅಸಹ್ಯ. ಹುಟ್ಟಿನಿಂದಲೂ ತೊಳೆದೇ ಇಲ್ಲವೇನೋ ಎಂಬ ಕೊಳಕು, ಕೋರೆ ಹಲ್ಲುಗಳಿಗೆ ಸಿಕ್ಕಿರುವ ಮಾಂಸದ ತುಂಡುಗಳು, ಗುಹೆಯಂತಹ ಬಾಯಿ, ಈಗದು ಬಿಟ್ಟುಕೊಂಡಿರುವುದರಿಂದ ಸುರಂಗದಂತಹ ಚರಂಡಿ, ತೆರೆದೇ ಇರುವ ಒಂದೊಂದು ರಕ್ತ ಕಣ್ಣೂ ದೊಡ್ಡ ಬಾಂಡ್ಲಿಗಳಂತೆ... ಅಬ್ಬಬ್ಬ! 

ತಾವು ಕೇಳಿದ್ದರು ರಾಕ್ಷಸರ ಬಗ್ಗೆ, ದೈತ್ಯರ ಬಗ್ಗೆ. ಈಗ ಮೊದಲ ಬಾರಿಗೆ ನೋಡುತ್ತಿದ್ದಾರೆ. ಶ್ರೀರಾಮರಿಗ ಆಗ್ಗೆ ಇನ್ನೂ ಹದಿನಾರೂ ವರ್ಷ ತುಂಬಿಲ್ಲ. ಅದನ್ನೇ ದಶರಥ ಬಡಬಡಿಸಿದ್ದ. ಹದಿನಾರಕ್ಕೆ ಕೊಂಚ ಕಡಿಮೆ ನನ್ನ ತಾವರೆಗಣ್ಣಿನ ರಾಮನಿಗೆ. 
(ಊನ ಷೋಡಷ ವರ್ಷೋ ಮೇ ರಾಮೋ ರಾಜೀವ ಲೋಚನಃ)
(ಅವರಿಗೆ ಕಡಿಮೆ ವಯಸ್ಸಿದ್ದರೂ ಇಲ್ಲಿ ನಿಂತು ನೋಡುವ ನಮಗೆ ಅವರು ಅತಿ ಹಿರಿಯರು ; ಎಲ್ಲ ದೃಷ್ಟಿಗಳಿಂದ . ಅದು ಕಾರಣ ಅವರಿಗೆ ಆಗ ವಯಸ್ಸು ಚಿಕ್ಕದೆಂದು ಏಕವಚನದಲ್ಲಿ ಕರೆಯಲು ನನಗೆ ಬಹು ಕಷ್ಟ - ಲೇ ) 

'ಈಕೆ ಯಕ್ಷಳೆಂದು ಗುರುಗಳೇ ಹೇಳಿದ್ದರು. ಈಕೆಯ ಅಪ್ಪ ಸುಕೇತನಂತೆ, ಗಂಡ ಸುಂದ. ಅಗಸ್ತ್ಯರನ್ನು ಎಡತಾಕಿ ಸತ್ತನಾತ. ಗಂಡನನ್ನು ಕೊಂದ ಅಗಸ್ತ್ಯರನ್ನು ನುಂಗ ಬಂದ ತಾಟಕೆಗೆ ಋಷಿಗಳು ಶಪಿಸಿದರು ರಾಕ್ಷಸಿಯಾಗೆಂದು. ಈಗಿವಳು ಸತ್ತು ಬಿದ್ದಿದ್ದಾಳೆ. ಯಕ್ಷರೆಷ್ಟು ಸಾತ್ವಿಕರು, ಅದೆಷ್ಟು ಕಲಾಸಕ್ತರು... ಆದರೆ ಇವಳೇಕೆ ಹೀಗಾದಳು? ವ್ಯಕ್ತಿಯ ನಿಲುವು, ಮನೋಭಾವ ನಿರ್ಣಯವಾಗುವುದು ಯಾವುದರಿಂದ? ಹುಟ್ಟಿನಿಂದಲೇ? ನಡತೆಯಿಂದಲೇ? ಈಗ ನಡತೆ ಕಾರಣವಾದರೆ ಈ ನಡೆ ನಮಗೆ ಅಂಟಲು ಏನು ಕಾರಣ? ಪರಿಸರ ಕಾರಣವೇ? ಒಡನಾಟ ಕಾರಣವೋ? ಮನಸ್ಸಿನ ಬಾಗುವಿಕೆ ಕಾರಣವೋ? ಈ ಯಾವುದೋ ಒಂದು ಕಾರಣವಾದರೆ ವ್ಯಕ್ತಿಗೆ ಸ್ವಾತಂತ್ರ್ಯವೆಲ್ಲಿ? ಎಲ್ಲವನ್ನೂ ಮೀರಿ ಮನುಷ್ಯ ಒಳ್ಳೆಯವನಾಗಿ ಬದುಕಲು ಸಾಧ್ಯವಿಲ್ಲವೇ? ಅಸಲು ಒಳ್ಳೆಯನಾಗುವುದು ಎಂದರೇನು? ಅಳೆದೂ, ಸುರಿದೂ ಹೇಳಿದರೆ ಬೇರೆಯವರಿಗೆ ತನ್ನಿಂದ ಕೆಡುಕಾಗದೇ ಬದುಕುವುದೇ ಒಳಿತೇ? ಹಾಗಾದರೆ ಇವಳನ್ನು ಸಾಯಿಸಿದೆನಲ್ಲ, ಅದು ಅವಳಿಗೆ ಕೆಡುಕಾದಂತಲ್ಲವೇ? ಹಾಗಲ್ಲ, ತಪ್ಪು ಮಾಡಿರುವವರಿಗೆ ಶಿಕ್ಷಿಸುವುದು ಬೇರೆ, ವಿನಾ ಕಾರಣ ಅನ್ಯರಿಗೆ ನೋಯಿಸುವುದು ಬೇರೆ. ಈ ತಾಟಕೆ ಈ ಊರುಗಳನ್ನೇ ಹಾಳು ಮಾಡಿದ್ದಳು. ಪಶು ಪಕ್ಷಿ ಪ್ರಾಣಿಗಳಿಗೆ ಹಿಂಸೆ ಕೊಡುತ್ತಿದ್ದಳು. ಆದ್ದರಿಂದ ಅವಳಿಂದ ಆಗುತ್ತಿದ್ದ ಅನ್ಯಾಯಕ್ಕೆ ಶಿಕ್ಷೆ ಅನಿವಾರ್ಯವಾಗಿತ್ತು.

ಸರಿ- ಸರಿ, ಅವಳು ಹುಟ್ಟಾ ಯಕ್ಷಿಯಾಗಿದ್ದು ಈಗ ಈ ಪರಿ ಅನಾಹುತ ಮಾಡುತ್ತಿರುವುದಕ್ಕೆ ಕಾರಣ ಅಗಸ್ತ್ಯರಿತ್ತ ಶಾಪ. ಅವರು ಶಪಿಸಿರದಿದ್ದರೆ ಇವಳು ಹೀಗೆ ಮಾಡುತ್ತಿರಲಿಲ್ಲವೇನೋ. ಅವಳು ತಾನೇ, ತನ್ನ ಗಂಡನನ್ನು ಸಂಹರಿಸಿದ ಅಗಸ್ತ್ಯರನ್ನು ಸತ್ಕರಿಸಲು ಸಾಧ್ಯವಿತ್ತೆ? ಸಿಟ್ಟುಗೊಂಡು ನುಗ್ಗಿರಬಹುದು! ಅವಳನ್ನವರು ಹೇಗೋ ದಂಡಿಸಿದ್ದರೆ ಸಾಕಿತ್ತು. ಬದಲು ಶಪಿಸಿಬಿಟ್ಟರು- "ನೀನು ಕುರೂಪಿಯಾಗು. ಮನುಷ್ಯರನ್ನು ತಿನ್ನು"
                 (ಪುರುಷಾದೀ ಮಹಾ ಯಕ್ಷೀ ವಿರೂಪಾ ವಿಕೃತಾನನಾ)
ಅವರು ಅಂದು ಹಾಗೆ ಶಪಿಸಿರದಿದ್ದರೆ ಇವಳು ನರಭಕ್ಷಕಳಾಗುತ್ತಿರಲಿಲ್ಲ. ಈ ನಗರಗಳನ್ನು ಹಾಳು ಮಾಡುತ್ತಿರಲಿಲ್ಲ ಅಲ್ಲವೇ? ಅಲ್ಲಿಗೆ ಈ ತಾಟಕೆಯ ಇಷ್ಟೆಲ್ಲಾ ಗದ್ದಲ ತಾಪಗಳಿಗೆ ಅಗಸ್ತ್ಯರೇ ಕಾರಣ ಎಂದಂತಾಯಿತಲ್ಲವೇ? ಹಾಗಾದರೆ ಈ ದೋಷ ಯಾರ ತಲೆಗೆ.... ಯೋಚಿಸುತ್ತ ಏನೂ ಬಗೆಹರಿಯದೇ ಶ್ರೀರಾಮರು ವಿಚಲಿತರಾದರು.

ರಾಮರ ಚಿಂತೆ ಹೀಗಿದ್ದರೆ ವಿಶ್ವಮಿತ್ರರದು ಮತ್ತೊಂದು ತೆರ. ತಾಟಕೆ ಎದುರು ಬರುವುದೊಳಗೇ ತಾವು ಅವಳ, ಅವಳ ಮಗನ ಕುಕಾರ್ಯಗಳನ್ನು ವರ್ಣಿಸಿದ್ದರು. ಅವಳು ಕಾಣುತ್ತಿದ್ದಂತೆಯೇ ಸಾಯಿಸಲು ಹೇಳಿದರು. ಆದರೂ ಈ ರಾಮ ಹಾಗೆ ಮಾಡಲಿಲ್ಲ. ಅವಳು ಬಂದದ್ದೂ ನಿಜ, ಮಣ್ಣು ತೂರಿದ್ದೂ ನಿಜ, ಕಲ್ಲುಗಳನ್ನು ಎಸೆದದ್ದೂ ನಿಜ, ಆದರೂ ರಾಮರು ಕೇವಲ ನಿವಾರಿಸುತ್ತಿದ್ದರು. ಅದನ್ನೇ ಲಕ್ಷ್ಮಣನಿಗೂ ಹೇಳಿದರು; "ಇವಳು ಹೆಂಗಸು, ಈಕೆಯನ್ನು ಕೊಲ್ಲಲು ಮನಸ್ಸು ಬರುತ್ತಿಲ್ಲ. ಕೇವಲ ಕಿವಿ-ಮೂಗುಗಳನ್ನು ಕತ್ತರಿಸಿ ಹಿಂದಕ್ಕೆ ಕಳಿಸುವೆ." 
(ನಹ್ಯೇನಾಂ ಉತ್ಸಹೇ ಹಂತುಂ ಸ್ತ್ರೀ ಸ್ವಭಾವೇನ ರಕ್ಷಿತಾಂ
ವಿನಿವೃತ್ತಾಂ ಕರೋಮಿ ಅದ್ಯ ಹೃತ್ಕರ್ಣಾಗ್ರ ನಾಸಿಕಂ)
ರಾಮರು ಮಾಡಿದ್ದೂ ಹಾಗೇ. ಆದರವಳು ಹಿಂದಕ್ಕೆ ಹೋದಳೇ? ಮಣ್ಣಿನಿಂದ ರಾಮ ಲಕ್ಷ್ಮಣರ ಕಣ್ಣು ತುಂಬಿದಳು; ಕಲ್ಲಿನ ಮಳೆಯನ್ನೇ ಕರೆದಳು. 
(ಉದ್ಧುನ್ವಾನಾ ರಜೋ ಘೋರಂ ತಾಟಕಾ ರಾಘವಾ ಉಭೌ
ತತೋ ಮಯಾಂ ಸಮಸ್ಥಾಯ ಶಿಲಾ ವರ್ಷೇಣ ರಾಘವೌ)
ಸಿಟ್ಟುಗೊಂಡ ರಾಮರು ಅವನ್ನೆಲ್ಲ ನಿವಾರಿಸಿದರೂ ಸಾಯಿಸಲಿಲ್ಲ. ಮತ್ತೆ - ಮತ್ತೆ ವಿಶ್ವಮಿತ್ರರು ಹೇಳಬೇಕಾಗಿತ್ತು; " ಕೆಟ್ಟದ್ದು-ಒಳ್ಳೆಯದಕ್ಕೆ ಲಿಂಗ ಭೇದವಿಲ್ಲ. ಅವಳು ಹೆಂಗುಸೆಂದು ಅವಳನ್ನು ದಂಡಿಸದೇ ಇರಬೇಡ. ಸಾವಿರಾರು ಜನರನ್ನು ಸಂಹರಿಸಿದ್ದಾಳೆ. ಅವಳಿಗೆ ಶಿಕ್ಷೆ ಅವಶ್ಯ". ನೇರವಾಗಿ ರಾಮರನ್ನೇ ನುಂಗಲು ಬಂದಾಗ ಬಾಣ ಬಿಟ್ಟರು, ಅವಳು ಉರುಳಿ ಬಿದ್ದಳು. ಕಥೆ ಮುಗಿಯಿತು. ಆದರೆ ವಿಶ್ವಮಿತ್ರರ ಯೋಚನೆ ಮುಗಿದಿರಲಿಲ್ಲ. ತಾನು ಹೇಳುತ್ತಿದ್ದರೂ ಏಕೆ ರಾಮ ಅವಳನ್ನು ಕೊಲ್ಲಲಿಲ್ಲ? ಕೊನೆಗೆ ಮಾಡುವದನ್ನು ಮೊದಲೇ ಮಾಡಬಹುದಿತ್ತಲ್ಲ? ಏಕೆ ಅಷ್ಟು ನಿಧಾನ? ಮನಸ್ಸಿನಲ್ಲೇನು ಮಂಡಿಗೆ? ಕೇಳಿಯೇ ಬಿಟ್ಟರು. " ರಾಮ, ನಾನಷ್ಟು ಹೇಳುತ್ತಿದ್ದರೂ ನೀನೇಕೆ ಅವಳನ್ನು ತಕ್ಷಣ ಕೊಲ್ಲಲಿಲ್ಲ?" . ಶ್ರೀರಾಮರು ಮೃದು ಧ್ವನಿಯಲ್ಲಿ ಹೇಳಿದರು, " ಅವಳು ಶಿಕ್ಷಾರ್ಹಳೆಂದು ತಮಗೆ ಗೊತ್ತಿತ್ತು. ನನಗೆ ಇದು ಹೊಸದು. ಮೊದಲು ಕ್ಷಮಿಸಬೇಕಾದ್ದು ಕ್ಷಾತ್ರ ಧರ್ಮ. ಎರಡನೆಯದಾಗಿ ಅವಳಿನ್ನೂ ನನ್ನನ್ನು ಕೊಲ್ಲಬಂದಿರಲಿಲ್ಲ. ಹೀಗಾಗಿ ನಿಧಾನ ಮಾಡಿದೆ. ಮೇಲೆ ಬಿದ್ದಾಗ ಅವಳನ್ನು ನಾನು ಸಾಯಿಸಿದೆ" .ವಿಶ್ವಮಿತ್ರರು ಮತ್ತೆ-ಮತ್ತೆ ಯೋಚಿಸುತ್ತಿದ್ದಾರೆ. ಈ ತಾಳ್ಮೆ, ಈ ನಿಧಾನ ಚಿಂತನೆ, ಈ ನ್ಯಾಯ ನಿರ್ಣಯ...ಇವುಗಳೆಲ್ಲಾ ಈ ಪುಟ್ಟ ವಯಸ್ಸಿನಲ್ಲಿ ಈ ರಾಮರಿಗೆ ಹೇಗೆ ಬಂತು? 

-ಡಾ.ಪಾವಗಡ ಪ್ರಕಾಶ್ ರಾವ್
pavagadaprakashrao@gmail.com 
ಸಂಬಂಧಿಸಿದ್ದು...

ಲೇಖಕರ ಕುರಿತು : ವಿದ್ವಾನ್ ಡಾ.ಪಾವಗಡ ಪ್ರಕಾಶ್ ರಾವ್ ಪ್ರಸಿದ್ಧ, ಬಹುಶೃತ ವಿದ್ವಾಂಸರು. 2003 ರಿಂದ ಚಂದನ ವಾಹಿನಿಯಲ್ಲಿ ಇವರು ನಡೆಸಿಕೊಡುತ್ತಿದ್ದ 'ಸತ್ಯದರ್ಶನ' ಕಾರ್ಯಕ್ರಮ 1,111 ಸಂಚಿಕೆಗಳನ್ನು ಪೂರೈಸಿ ಮುಕ್ತಾಯಗೊಂಡಿದ್ದು ಧರ್ಮ, ಧರ್ಮ ಗ್ರಂಥ, ಆಚರಣೆಗಳಿಗೆ ಸಂಬಂಧಿಸಿದಂತೆ ಜನರ ಸಂಶಯಗಳ ನಿವಾರಣೆಗೆ ಅಪಾರ ಜನಪ್ರಿಯತೆ ಗಳಿಸಿದೆ. ಸತ್ಯದರ್ಶನದೊಂದಿಗೆ ಭಗವದ್ಗೀತೆಯ 712 ಉಪನ್ಯಾಸಗಳು ಸೇರಿ ಒಟ್ಟು ದಾಖಲೆಯ 1823 ಉಪನ್ಯಾಸಗಳನ್ನು ನೀಡಿದ್ದು, ನಾಡಿದ ಪ್ರಸಿದ್ಧ ಸಂಸ್ಥೆಗಳು ಜ್ಞಾನ ಪ್ರಕಾಶ, ವಿದ್ಯಾ ವಿಶಾರದ, ಜ್ಞಾನ ಭಾಸ್ಕರ ಎಂಬ ಬಿರುದುಗಳನ್ನು ನೀಡಿ ಗೌರವಿಸಿವೆ. ತುಮಕೂರು ಹಾಗೂ ಮೈಸೂರು ವಿಶ್ವ ವಿದ್ಯಾನಿಲಯಗಳಿಂದ ಪಿಹೆಚ್ ಡಿ ಪದವಿ (ಡಾಕ್ಟೊರೇಟ್ ಗಳನ್ನು) ಗಳಿಸಿದ್ದಾರೆ.
Posted by: SBV | Source: Online Desk

ಕನ್ನಡ ಮ್ಯಾಟ್ರಿಮನಿಯಲ್ಲಿ ಸೂಕ್ತ ಸಂಗಾತಿಯನ್ನು
ಆಯ್ಕೆ ಮಾಡಿ -
ನೋಂದಣಿ ಉಚಿತ!

Topics : Ramayana avalokana, Tataka vadh, Rama, Judgment, Vishwamitra, ರಾಮಾಯಣ ಅವಲೋಕನ, ತಾಟಕೆ ವಧೆ, ರಾಮ, ನ್ಯಾಯ ನಿರ್ಣಯ, ವಿಶ್ವಾಮಿತ್ರ
English summary
Sriramariga is not yet full of sixteen years. That's what Dasaratha has done. At least sixteen little less than my Rama Rama.

Disclaimer: We respect your thoughts and views! But we need to be judicious while moderating your comments. All the comments will be moderated by the kannadaprabha.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

The views expressed in comments published on kannadaprabha.com are those of the comment writers alone. They do not represent the views or opinions of kannadaprabha.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. kannadaprabha.com reserves the right to take any or all comments down at any time.

ನಿಮ್ಮ ಅನಿಸಿಕೆ/ಅಭಿಪ್ರಾಯಗಳನ್ನು ಕನ್ನಡದಲ್ಲಿ ಟೈಪ್ ಮಾಡಲು ಇಲ್ಲಿ ಕ್ಲಿಕ್ ಮಾಡಿ

Advertisement
ಈ ವಿಭಾಗದ ಇತರ ಸುದ್ದಿ
Advertisement
Advertisement
Advertisement
Advertisement
Kannadaprabha.com App for Android Kannadaprabha.com App for IOS
Advertisement
Advertisement