Kannadaprabha The New Indian Express
ಉತ್ತರಪ್ರದೇಶದಲ್ಲಿ ೪೬.೫ ಲಕ್ಷ ಮೌಲ್ಯದ ನಿಷೇಧಿತ ನೋಟುಗಳ ವಶ 
By select 
20 Mar 2017 02:00:00 AM IST

ಮುಜಾಫರ್ನಗರ್: ಈಗಾಗಲೇ ಹಿಂಪಡೆದಿರುವ ಹಳೆಯ ೫೦೦ ಮತ್ತು ೧೦೦೦ ನೋಟುಗಳನ್ನೊಳಗೊಂಡ ೪೬.೫ ಲಕ್ಷ ಮೌಲ್ಯದ ಹಣವನ್ನು ಶಾಮ್ಲಿ ಜಿಲ್ಲೆಯಲ್ಲಿ ಕಾರ್ ಒಂದರಿಂದ ಪೊಲೀಸರು ವಶಪಡಿಸಿಕೊಂಡಿದ್ದಾರೆ ಎಂದು ಹಿರಿಯ ಪೊಲೀಸ್ ಅಧಿಕಾರಿ ಹೇಳಿದ್ದಾರೆ. 

ನಗರ ಪ್ರದೇಶದಲ್ಲಿ ಕಾರ್ ಅನ್ನು ತಡೆ ಹಾಕಿದ ಪೊಲೀಸರು ನಿಷೇಧಿತ ನೋಟುಗಳಿದ್ದ ೪೬.೫ ಲಕ್ಷ ರೂ ಮೌಲ್ಯದ ಹಣವನ್ನು ವಶಪಡಿಸಿಕೊಂಡಿದ್ದಾರೆ ಎಂದು ಹಿರಿಯ ಸೂಪರಿಂಡೆಂಟ್ ಪೊಲೀಸ್ ರವಿಂದರ್ ಸಿಂಗ್ ಹೇಳಿದ್ದಾರೆ. 

ಕಾರಿನಲ್ಲಿದ್ದ ಮೂವರನ್ನು ವಶಕ್ಕೆ ಪಡೆದು ತನಿಖೆ ನಡೆಸಲಾಗುತ್ತಿದೆ ಎಂದು ಅಧಿಕಾರಿ ಹೇಳಿದ್ದು ತನಿಖೆ ಪ್ರಗತಿಯಲ್ಲಿದೆ ಎಂದಿದ್ದಾರೆ. 

ಈ ಹಣ ವಶಪಡಿಸಿಕೊಂಡಿರುವುದರ ಬಗ್ಗೆ ತೆರಿಗೆ ಇಲಾಖೆಗೆ ಕೂಡ ಸೂಚಿಸಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ. 

Copyright � 2012 Kannadaprabha.com