ಸತತ ಮೂರನೇ ತಿಂಗಳು ವಾಹನಗಳ ಉತ್ಪಾದನೆ ಕಡಿತಗೊಳಿಸಿದ ಮಾರುತಿ ಸುಜುಕಿ

ಭಾರತ ದೇಶದ ಅತಿದೊಡ್ಡ ಕಾರು ತಯಾರಿಕಾ ಕಂಪೆನಿ ಮಾರುತಿ ಸುಜುಕಿ ...

Published: 10th May 2019 12:00 PM  |   Last Updated: 10th May 2019 03:02 AM   |  A+A-


Maruti Suzuki Indian

ಮಾರುತಿ ಸುಜುಕಿ ಇಂಡಿಯಾ

Posted By : SUD SUD
Source : The New Indian Express
ಭಾರತ ದೇಶದ ಅತಿದೊಡ್ಡ ಕಾರು ತಯಾರಿಕಾ ಕಂಪೆನಿ ಮಾರುತಿ ಸುಜುಕಿ ಇಂಡಿಯಾ(ಎಂಎಸ್ಐಎಸ್)ದ ಪ್ರಯಾಣಿಕರ ಕಾರಿನ ಮಾರಾಟದಲ್ಲಿ ಕುಸಿತ ಕಂಡುಬಂದ ಹಿನ್ನಲೆಯಲ್ಲಿ ಕಳೆದ ತಿಂಗಳು ಏಪ್ರಿಲ್ ನಲ್ಲಿ ತನ್ನೆಲ್ಲಾ ಕಾರ್ಖಾನೆಗಳಲ್ಲಿ ತಯಾರಿಕೆ ಪ್ರಮಾಣವನ್ನು ಶೇಕಡಾ 10ರಷ್ಟು ಕಡಿತಗೊಳಿಸಿದೆ.

ಈ ಮೂಲಕ ವಾಹನ ಉತ್ಪಾದನೆಯಲ್ಲಿ ಮಾರುತಿ ಸುಜುಕಿ ಸತತ ಮೂರು ತಿಂಗಳಿನಿಂದ ಕಡಿತ ಮಾಡುತ್ತಿದೆ.

ಏಪ್ರಿಲ್ ತಿಂಗಳಲ್ಲಿ ಕಂಪೆನಿ ಒಟ್ಟು 1 ಲಕ್ಷದ 47 ಸಾವಿರದ 669 ವಾಹನಗಳನ್ನು ತಯಾರಿಸಿದ್ದು ಅವುಗಳಲ್ಲಿ ಸೂಪರ್ ಕ್ಯಾರ್ರಿ ಎಲ್ ಸಿವಿ ಕಳೆದ ವರ್ಷಕ್ಕಿಂತ ಶೇಕಡಾ 9.6ರಷ್ಟು ಕಡಿಮೆಯಾಗಿದ್ದು ಕಳೆದ ವರ್ಷ ಏಪ್ರಿಲ್ ನಲ್ಲಿ 1 ಲಕ್ಷದ 63 ಸಾವಿರದ 368 ವಾಹನಗಳನ್ನು ತಯಾರಿಸಿತ್ತು ಎಂದು ತಿಳಿಸಿದೆ. ದೇಶೀಯ ಮಾರುಕಟ್ಟೆಯಲ್ಲಿ ಮಾರಾಟದಲ್ಲಿ ಕುಸಿತ ಕಂಡು ಬಂದ ಹಿನ್ನಲೆಯಲ್ಲಿ ಕಳೆದ ಫೆಬ್ರವರಿ ಮತ್ತು ಮಾರ್ಚ್ ತಿಂಗಳಲ್ಲಿ ಸಹ ವಾಹನ ಉತ್ಪಾದನೆಯಲ್ಲಿ ಕಡಿತವಾಗಿತ್ತು.

ಕಳೆದ ತಿಂಗಳು ಕಂಪೆನಿಯ ಪ್ರಯಾಣಿಕರ ಕಾರಿನ ಮಾದರಿಯಾದ ಆಲ್ಟೊ, ಸ್ವಿಫ್ಟ್ ಮತ್ತು ಡಿಜೈರ್ ಉತ್ಪಾದನೆಯಲ್ಲಿ ಶೇಕಡಾ 10.3ರಷ್ಟು ಕಡಿಮೆಯಾಗಿದೆ. ಈ ವರ್ಷ 1 ಲಕ್ಷದ 44 ಸಾವಿರದ 702 ಈ ಮಾದರಿಗಳ ಕಾರುಗಳನ್ನು ಉತ್ಪಾದಿಸಿದರೆ ಕಳೆದ ವರ್ಷ ಏಪ್ರಿಲ್ ನಲ್ಲಿ 1 ಲಕ್ಷದ 61 ಸಾವಿರದ 370 ಕಾರುಗಳು ಉತ್ಪಾದನೆಯಾಗಿದ್ದವು. ಯುಟಿಲಿಟಿ ವಾಹನಗಳು ಹೊರತುಪಡಿಸಿ ಬೇರೆ ವಾಹನಗಳ ಉತ್ಪಾದನೆಯನ್ನು ಮಾರುತಿ ಸುಜುಕಿ ಕಂಪೆನಿ ಕಡಿಮೆ ಮಾಡಿದೆ.

ಯುಟಿಲಿಟಿ ವಾಹನಗಳ ಉತ್ಪಾದನೆಯಲ್ಲಿ ಕಳೆದ ಏಪ್ರಿಲ್ ನಲ್ಲಿ ಶೇಕಡಾ 8.4ರಷ್ಟು ಜಾಸ್ತಿಯಾಗಿದೆ. ಕಳೆದ ವರ್ಷ 22 ಸಾವಿರದ 607 ವಾಹನಗಳನ್ನು ಕಂಪೆನಿ ಉತ್ಪಾದಿಸಿದ್ದರೆ ಈ ವರ್ಷ 24 ಸಾವಿರದ 516 ವಾಹನಗಳನ್ನು ಉತ್ಪಾದಿಸಿದೆ. ಮಾರುತಿ ವ್ಯಾನುಗಳ ಉತ್ಪನ್ನ ಸಂಖ್ಯೆ ಕೂಡ ಶೇಕಡಾ 25.8ರಷ್ಟು ತಗ್ಗಿದೆ. ಕಳೆದ ವರ್ಷ 14 ಸಾವಿರದ 407 ವ್ಯಾನ್ ಗಳನ್ನು ಉತ್ಪಾದಿಸಿದ್ದರೆ ಈ ವರ್ಷ 10 ಸಾವಿರದ 688 ವಾಹನಗಳನ್ನು ಕಂಪೆನಿ ಉತ್ಪಾದಿಸಿದೆ.
Stay up to date on all the latest ವಾಣಿಜ್ಯ news with The Kannadaprabha App. Download now
facebook twitter whatsapp