ಮಾರ್ಚ್ ತಿಂಗಳು ರಾಜ್ಯದ ಜಿಎಸ್ ಟಿ ಆದಾಯದಲ್ಲಿ ಶೇ.11 ರಷ್ಟು ಹೆಚ್ಚಳ

ಕೋವಿಡ್ 19 ಸಾಂಕ್ರಾಮಿಕದ ಎರಡನೇ ಅಲೆಯ ಭೀತಿಯ ಹೊರತಾಗಿಯೂ, ಕಳೆದ ವರ್ಷದ ಇದೇ ಅವಧಿಗೆ ಹೋಲಿಸಿದರೆ ಮಾರ್ಚ್ ತಿಂಗಳಲ್ಲಿ ರಾಜ್ಯದ ಸರಕು ಮತ್ತು ಸೇವಾ ತೆರಿಗೆಯಲ್ಲಿ (ಜಿಎಸ್ ಟಿ)  ಶೇ.11 ರಷ್ಟು ಹೆಚ್ಚಳವಾಗಿದೆ. 

Published: 02nd April 2021 01:39 PM  |   Last Updated: 02nd April 2021 02:09 PM   |  A+A-


GST_Casual_Image1

ಸಾಂದರ್ಭಿಕ ಚಿತ್ರ

Posted By : Nagaraja AB
Source : The New Indian Express

ಬೆಂಗಳೂರು: ಕೋವಿಡ್ 19 ಸಾಂಕ್ರಾಮಿಕದ ಎರಡನೇ ಅಲೆಯ ಭೀತಿಯ ಹೊರತಾಗಿಯೂ, ಕಳೆದ ವರ್ಷದ ಇದೇ ಅವಧಿಗೆ ಹೋಲಿಸಿದರೆ ಮಾರ್ಚ್ ತಿಂಗಳಲ್ಲಿ ರಾಜ್ಯದ ಸರಕು ಮತ್ತು ಸೇವಾ ತೆರಿಗೆಯಲ್ಲಿ (ಜಿಎಸ್ ಟಿ)  ಶೇ.11 ರಷ್ಟು ಹೆಚ್ಚಳವಾಗಿದೆ. 

2020 ಮಾರ್ಚ್ ತಿಂಗಳಲ್ಲಿ 7,144,30 ಕೋಟಿ ಜಿಎಸ್ ಟಿ ಆದಾಯ ಸಂಗ್ರಹವಾಗಿತ್ತು. ಇದು ಕಳೆದ ತಿಂಗಳು 7,914.98 ಕೋಟಿಗೆ ಏರಿಕೆಯಾಗಿದ್ದು, ತೆರಿಗೆ ಸಂಗ್ರಹ ಹಾಗೂ ಆರ್ಥಿಕತೆಯಲ್ಲಿ ಚೇತರಿಕೆಯನ್ನು ತೋರಿಸುತ್ತಿದೆ.

ಕೃಷಿ, ಉದ್ಯಮ, ಸೇವಾ ವಲಯ ಮತ್ತು ಉದ್ಯಮ ಶೀಲತಾ ಕೌಶಲ್ಯದಲ್ಲಿ ಮಹತ್ವದ ಬೆಳವಣಿಗೆ ಕಾರಣದಿಂದ ರಾಜ್ಯದಲ್ಲಿ ತೆರಿಗೆ ಸಂಗ್ರಹದಲ್ಲಿ ಏರಿಕೆಯಾಗಿದೆ ಎಂದು ಜಿಎಸ್ ಟಿ ಕೌನ್ಸಿಲ್ ಪ್ರತಿನಿಧಿಯೂ ಆಗಿರುವ ಗೃಹ ಸಚಿವ ಬಸವರಾಜ್ ಬೊಮ್ಮಾಯಿ ದಿ ನ್ಯೂ ಇಂಡಿಯನ್ ಎಕ್ಸ್ ಪ್ರೆಸ್ ಗೆ ಗುರುವಾರ ತಿಳಿಸಿದರು.

ತೆರಿಗೆ ಸಂಗ್ರಹದಲ್ಲಿ ಹೆಚ್ಚಳ ಬಿಎಸ್ ಯಡಿಯೂರಪ್ಪ ನಾಯಕತ್ವದ ಸರ್ಕಾರದ ಹಣಕಾಸು ನಿರ್ವಹಣೆಯ ದಕ್ಷತೆ ಹಾಗೂ ರಾಜ್ಯದ ಉದ್ಯಮ ಶೀಲತಾ ಪರಾಕ್ರಮವನ್ನು ತೋರಿಸುತ್ತದೆ ಎಂದು ಅವರು ಹೇಳಿದ್ದಾರೆ.

ಜಿಎಸ್ಟಿ ಆದಾಯ ಸಂಗ್ರಹಣೆಯಲ್ಲಿನ ಹೆಚ್ಚಳವು ಪರಿಣಾಮಕಾರಿ ತೆರಿಗೆ ಆಡಳಿತ, ಉತ್ತಮ ಅನುಸರಣೆ, ಜಾರಿ, ಇ-ಇನ್‌ವಾಯ್ಸ್ ಅನುಷ್ಠಾನ ಮತ್ತು ಇ-ವೇ ಮಸೂದೆಗಳ ಮೇಲ್ವಿಚಾರಣೆಯನ್ನು ಸೂಚಿಸುತ್ತದೆ ಎಂದು ರಾಜ್ಯ ಸರ್ಕಾರದ ಜಿಎಸ್‌ಟಿ ಸಲಹಾ ಸಮಿತಿಯ ಸದಸ್ಯ ಬಿ ಟಿ ಮನೋಹರ್ ಹೇಳಿದ್ದಾರೆ.

ಕಳೆದ ವರ್ಷ ಅಕ್ಟೋಬರ್‌ನಿಂದ, ತೆರಿಗೆ ಸಂಗ್ರಹದಲ್ಲಿ ಮೇಲ್ಮುಖವಾದ ಪ್ರವೃತ್ತಿ ಕಂಡುಬಂದಿದೆ ಏಕೆಂದರೆ ಮುಖ್ಯವಾಗಿ ಲಾಕ್‌ಡೌನ್ ಮಾನದಂಡ ಸಡಿಲ, ಅಂತರ್ ರಾಜ್ಯಗಳ ನಡುವೆ ಜನ ಹಾಗೂ ವಾಹನಗಳ ಸಂಚಾರಕ್ಕೆ ಅನುಮತಿ ಮೂಲಕ ಆಮದನ್ನು ಸುಲಭಗೊಳಿಸಲಾಗಿದ್ದು, ಸ್ಥಳೀಯ ಬಳಕೆ ಕೂಡಾ ಹೆಚ್ಚಾಗಿದೆ ಎಂದು ಎಫ್ ಕೆಸಿಸಿಐ ಜಿಎಸ್ ಟಿ ಸಮಿತಿ ಅಧ್ಯಕ್ಷರು ಆಗಿರುವ ಮನೋಹರ್ ತಿಳಿಸಿದ್ದಾರೆ.

ಕೊರೋನಾ ಸಾಂಕ್ರಾಮಿಕದ ನಡುವೆಯೂ ಶೇ.11 ರಷ್ಟು ಏರಿಕೆ ಉತ್ತಮ ಸೂಚನೆಯಾಗಿದೆ. ಮುಂಬರುವ ತಿಂಗಳಲ್ಲಿ ಎಲ್ಲವೂ ಪರವಾಗಿದ್ದರೆ, ಉತ್ತಮ ಆರ್ಥಿಕತೆ ಬಗ್ಗೆ ನಂಬಿಕೆ ಇಡಬಹುದಾಗಿದೆ ಎಂದು ಅವರು ಹೇಳಿದ್ದಾರೆ.

Stay up to date on all the latest ವಾಣಿಜ್ಯ news
Poll
Kumbh-Covid-19

ಚುನಾವಣಾ ಸಮಾವೇಶ, ಕುಂಭಮೇಳ, ಧಾರ್ಮಿಕ ಸಭೆಗಳು ದೇಶದಲ್ಲಿ ಕೋವಿಡ್-19 ಪರಿಸ್ಥಿತಿಯನ್ನು ಹದಗೆಡಿಸುತ್ತಿವೆಯೇ?


Result
ಹೌದು, ಅದು ನಿಜ.
ಇಲ್ಲ, ಖಂಡಿತ ಅಲ್ಲ.
flipboard facebook twitter whatsapp