ಅತಿಯಾದ ಮೊಬೈಲ್ ಬಳಕೆಯಿಂದಲೇ ದಾಂಪತ್ಯದಲ್ಲಿ ಬಿರುಕು: ಶೇ 88ರಷ್ಟು ಭಾರತೀಯ ವಿವಾಹಿತರ ಅಭಿಪ್ರಾಯ!
ಸ್ಮಾರ್ಟ್‌ಫೋನ್‌ಗಳು ಪ್ರತಿಯೊಬ್ಬರ ದಿನಚರಿಯ ಅವಿಭಾಜ್ಯ ಅಂಗವಾಗಿದ್ದರೂ, ಅವುಗಳ ಮಿತಿಮೀರಿದ ಬಳಕೆಯು ಭಾರತದಲ್ಲಿ ವಿವಾಹಿತ ದಂಪತಿಗಳ ಸಂಬಂಧವನ್ನು ಘಾಸಿಗೊಳಿಸುತ್ತಿದೆ ಎಂದು ಸ್ಮಾರ್ಟ್ ಸಾಧನ ತಯಾರಕ ವಿವೊದ ಅಧ್ಯಯನ ಸೋಮವಾರ ತಿಳಿಸಿದೆ.
Published: 13th December 2022 03:13 PM | Last Updated: 13th December 2022 03:13 PM | A+A A-
ಪ್ರಾತಿನಿಧಿಕ ಚಿತ್ರ
ನವದೆಹಲಿ: ಸ್ಮಾರ್ಟ್‌ಫೋನ್‌ಗಳು ಪ್ರತಿಯೊಬ್ಬರ ದಿನಚರಿಯ ಅವಿಭಾಜ್ಯ ಅಂಗವಾಗಿದ್ದರೂ, ಅವುಗಳ ಮಿತಿಮೀರಿದ ಬಳಕೆಯು ಭಾರತದಲ್ಲಿ ವಿವಾಹಿತ ದಂಪತಿಗಳ ಸಂಬಂಧವನ್ನು ಘಾಸಿಗೊಳಿಸುತ್ತಿದೆ ಎಂದು ಸ್ಮಾರ್ಟ್ ಸಾಧನ ತಯಾರಕ ವಿವೊದ ಅಧ್ಯಯನ ಸೋಮವಾರ ತಿಳಿಸಿದೆ.
'ಸ್ಮಾರ್ಟ್‌ಫೋನ್‌ಗಳು ಮತ್ತು ಮಾನವ ಸಂಬಂಧಗಳ ಮೇಲೆ ಅವುಗಳ ಪ್ರಭಾವ 2022' ಕುರಿತು ಸೈಬರ್‌ಮೀಡಿಯಾ ರಿಸರ್ಚ್‌ ನಡೆಸಿದ 'ಸ್ವಿಚ್ ಆಫ್' ಅಧ್ಯಯನವು ಶೇ 67 ರಷ್ಟು ಜನರು ತಮ್ಮ ಸಂಗಾತಿಯೊಂದಿಗೆ ಸಮಯ ಕಳೆಯುತ್ತಿರುವಾಗಲೂ ತಮ್ಮ ಫೋನ್‌ಗಳಲ್ಲಿ ಬ್ಯುಸಿಯಾಗಿರುವುದಾಗಿ ಒಪ್ಪಿಕೊಂಡಿದ್ದಾರೆ. ಆದರೆ, ಪ್ರತಿಕ್ರಿಯಿಸಿದವರಲ್ಲಿ ಶೇ 89ರಷ್ಟು ಜನರು ಅವರು ತಮ್ಮ ಸಂಗಾತಿಯೊಂದಿಗೆ ಸಾಧ್ಯವಾದಷ್ಟು ಕಡಿಮೆ ಸಮಯದಲ್ಲಿ ಶಾಂತವಾಗಿ ಮಾತುಕತೆಯಲ್ಲಿ ತೊಡಗಿಸಿಕೊಳ್ಳುತ್ತಾರೆ ಎಂದು ಹೇಳಿದ್ದಾರೆ.
ವೈಯಕ್ತಿಕವಾಗಿ ಇನ್ನೊಬ್ಬರೊಂದಿಗೆ ತೊಡಗಿಸಿಕೊಳ್ಳುವುದರಿಂದ ಹೆಚ್ಚು ವಿಶ್ರಾಂತಿ ನೀಡುತ್ತದೆ. ಆದರೆ, ಅವರು ಅದೇ ರೀತಿ ಮಾಡಲು ಕಡಿಮೆ ಸಮಯವನ್ನು ಕಳೆಯುತ್ತಾರೆ ಎಂದು ಸ್ಮಾರ್ಟ್ಫೋನ್ ಬಳಕೆದಾರರು ಒಪ್ಪಿಕೊಂಡಿರುವುದಾಗಿ ಅಧ್ಯಯನ ತೋರಿಸಿದೆ.
ಶೇ 84ರಷ್ಟು ಜನರು ತಮ್ಮ ಸಂಗಾತಿಯೊಂದಿಗೆ ಹೆಚ್ಚು ಸಮಯ ಕಳೆಯಲು ಬಯಸುತ್ತಾರೆ. ಜನರು ಸಮಸ್ಯೆಗಳನ್ನು ಒಪ್ಪಿಕೊಳ್ಳುತ್ತಿದ್ದಾರೆ ಮತ್ತು ಬದಲಾವಣೆಗೆ ಸಿದ್ಧರಾಗಿದ್ದಾರೆ. ಶೇ 88ರಷ್ಟು ಮಂದಿ ಸ್ಮಾರ್ಟ್‌ಫೋನ್‌ಗಳ ಹೆಚ್ಚಿದ ಬಳಕೆಯು ತಮ್ಮ ಸಂಗಾತಿಯೊಂದಿಗಿನ ಸಂಬಂಧವನ್ನು ಘಾಸಿಗೊಳಿಸುತ್ತಿದೆ ಎಂಬುದನ್ನು ಒಪ್ಪಿಕೊಂಡಿದ್ದಾರೆ ಎಂದು ಅಧ್ಯಯನವು ಹೇಳಿದೆ.
ಶೇ 90ರಷ್ಟು ಜನರು ತಮ್ಮ ಸಂಗಾತಿಯೊಂದಿಗೆ ಅರ್ಥಪೂರ್ಣ ಸಂಭಾಷಣೆಗಳಿಗೆ ಹೆಚ್ಚು ವಿರಾಮದ ಸಮಯವನ್ನು ಮೀಸಲಿಡಲು ಬಯಸುತ್ತಾರೆ ಎಂದು ಅಧ್ಯಯನವು ಕಂಡುಹಿಡಿದಿದೆ.
ಸಂಶೋಧನೆಗಳ ಪ್ರಕಾರ, ಪ್ರತಿಸ್ಪಂದಕರು ದಿನಕ್ಕೆ ಸರಾಸರಿ 4.7 ಗಂಟೆಗಳನ್ನು ಸ್ಮಾರ್ಟ್‌ಫೋನ್‌ನಲ್ಲಿ ಕಳೆಯುತ್ತಾರೆ ಮತ್ತು ಇದು ಗಂಡ ಮತ್ತು ಹೆಂಡತಿಯರಲ್ಲಿ ಒಂದೇ ಆಗಿರುತ್ತದೆ. ಅಲ್ಲದೆ, ಪ್ರತಿಕ್ರಿಯಿಸಿದವರಲ್ಲಿ ಶೇ 73ರಷ್ಟು ಜನರು ತಮ್ಮ ಸಂಗಾತಿಯು ಅವರೊಂದಿಗೆ ಸಮಯ ಕಳೆಯುವ ಬದಲು ಫೋನ್‌ನಲ್ಲಿ ತಮ್ಮ ಅತಿಯಾದ ಆಸಕ್ತಿ ಹೊಂದಿರುವ ಬಗ್ಗೆ ದೂರಿರುವುದಾಗಿ ಒಪ್ಪಿಕೊಳ್ಳುತ್ತಾರೆ.
ಶೇ 70ರಷ್ಟು ಜನರು ತಮ್ಮ ಸ್ಮಾರ್ಟ್‌ಫೋನ್‌ಗಳಲ್ಲಿ ಮುಳುಗಿರುವಾಗ ಸಂಗಾತಿಯು ಏನನ್ನಾದರೂ ಕೇಳಿದಾಗ ಕಿರಿಕಿರಿಗೊಳ್ಳುತ್ತಾರೆ ಎಂದು ಅಧ್ಯಯನವು ಬಹಿರಂಗಪಡಿಸಿದೆ. ಶೇ 66ರಷ್ಟು ಜನರು ಸ್ಮಾರ್ಟ್‌ಫೋನ್‌ಗಳ ಅತಿಯಾದ ಬಳಕೆಯು ತಮ್ಮ ಸಂಗಾತಿಯೊಂದಿಗಿನ ಸಂಬಂಧವನ್ನು ದುರ್ಬಲಗೊಳಿಸಿದೆ ಎಂದು ಭಾವಿಸುತ್ತಾರೆ.
ದೆಹಲಿ, ಮುಂಬೈ, ಕೋಲ್ಕತ್ತಾ, ಚೆನ್ನೈ, ಹೈದರಾಬಾದ್, ಬೆಂಗಳೂರು, ಅಹಮದಾಬಾದ್ ಮತ್ತು ಪುಣೆಯಾದ್ಯಂತ 1,000 ಮಂದಿಯ ಸಮೀಕ್ಷೆಯನ್ನು ಆಧರಿಸಿ ಈ ಅಧ್ಯಯನವನ್ನು ನಡೆಸಲಾಗಿದೆ.
'ಇಂದಿನ ಜೀವನದಲ್ಲಿ ಸ್ಮಾರ್ಟ್‌ಫೋನ್‌ನ ಪ್ರಾಮುಖ್ಯತೆ ನಿರ್ವಿವಾದವಾಗಿದೆ. ಆದರೆ, ಅತಿಯಾದ ಬಳಕೆಯ ಬಗ್ಗೆ ಬಳಕೆದಾರರು ಜಾಗರೂಕರಾಗಿರಬೇಕು. ಜವಾಬ್ದಾರಿಯುತ ಬ್ರ್ಯಾಂಡ್ ಆಗಿ, ನಾವು ನಮ್ಮ ಪ್ರೀತಿಪಾತ್ರರ ಜೊತೆ ಸಮಯ ಕಳೆಯುವುದರ ಪ್ರಾಮುಖ್ಯತೆಯನ್ನು ಒತ್ತಿಹೇಳುವ ಗುರಿಯನ್ನು ಹೊಂದಿದ್ದೇವೆ. ಏಕೆಂದರೆ, ಅದು ವಿರಾಮದ ನಿಜವಾದ ಅರ್ಥವಾಗಿದೆ' ಎಂದು ವಿವೋ ಬ್ರ್ಯಾಂಡ್ ಸ್ಟ್ರಾಟಜಿಯ ಇಂಡಿಯಾ ಮುಖ್ಯಸ್ಥ ಯೋಗೇಂದ್ರ ಶ್ರೀರಾಮುಲ ಹೇಳಿದ್ದಾರೆ.
ಪ್ರತಿಕ್ರಿಯಿಸಿದವರಲ್ಲಿ ಶೇ 69 ರಷ್ಟು ಮಂದಿ ತಮ್ಮ ಸ್ಮಾರ್ಟ್‌ಫೋನ್‌ನಿಂದ ಸಾಂದರ್ಭಿಕವಾಗಿ ವಿಚಲಿತರಾಗುತ್ತಾರೆ ಅಥವಾ ಕೆಲವೊಮ್ಮೆ ತಮ್ಮ ಸಂಗಾತಿಯ ಬಗ್ಗೆ ಸಾಕಷ್ಟು ಗಮನ ಹರಿಸುವುದಿಲ್ಲ ಎಂದು ಭಾವಿಸುತ್ತಾರೆ. ಶೇ 68 ರಷ್ಟು ಜನರು ತಮ್ಮ ಸಂಗಾತಿಯೊಂದಿಗೆ ಸಮಯ ಕಳೆಯುವ ಬದಲು ತಮ್ಮ ಫೋನ್‌ನಿಂದಾಗಿ ಅವರಿಂದ ದೂರವಿರುವುದರಿಂದ ಕೆಲವೊಮ್ಮೆ ತಾವು ತಪ್ಪಿತಸ್ಥರೆಂದು ಭಾವಿಸಿದ್ದಾರೆ.
ಶೇ 88ರಷ್ಟು ಜನರು ತಮ್ಮ ಬಿಡುವಿನ ಸಮಯವನ್ನು ಸ್ಮಾರ್ಟ್‌ಫೋನ್‌ನಲ್ಲಿ ಕಳೆಯುತ್ತಾರೆ. ಅದು ಈಗ ಅವರ ನಡವಳಿಕೆಯ ಭಾಗವಾಗಿದೆ ಮತ್ತು ಪ್ರತಿಕ್ರಿಯಿಸಿದವರಲ್ಲಿ ಶೇ 90ರಷ್ಟು ಜನರು ವಿಶ್ರಾಂತಿ ಪಡೆಯಲು ಸ್ಮಾರ್ಟ್ಫೋನ್ ಬಳಸುವುದೇ ಹೆಚ್ಚು ಆದ್ಯತೆ ನೀಡುವ ಮಾರ್ಗವಾಗಿದೆ ಎಂದು ಅಧ್ಯಯನ ವರದಿ ಹೇಳಿದೆ.
ಸರಾಸರಿಯಾಗಿ, ಪ್ರತಿ ಸ್ಮಾರ್ಟ್ಫೋನ್ ಬಳಕೆದಾರರಿಗೆ ದಿನಕ್ಕೆ 1.5 ಗಂಟೆಗಳ ವಿರಾಮ ಸಮಯವಿದೆ. ಅವರಲ್ಲಿ ಹೆಚ್ಚಿನವರು ತಮ್ಮ ಬಿಡುವಿನ ವೇಳೆಯನ್ನು ಕುಟುಂಬದೊಂದಿಗೆ ಕಳೆಯಲು ಇಷ್ಟಪಡುತ್ತಾರೆ. ಆದಾಗ್ಯೂ, ಅವರು ಕುಟುಂಬದೊಂದಿಗೆ ಸಮಯ ಕಳೆಯುವಾಗ ತಮ್ಮ ಸ್ಮಾರ್ಟ್ಫೋನ್ ಅನ್ನು ಒಯ್ಯುತ್ತಾರೆ.
ಅಧ್ಯಯನದ ಪ್ರಕಾರ, 'ವಹಿವಾಟಿನ ಸಂಭಾಷಣೆ ಮತ್ತು ಶಾಂತವಾದ ಚಾಟ್‌ನಲ್ಲಿ ವ್ಯಯಿಸಲಾದ ಸರಾಸರಿ ಸಮಯವು ಬಹುತೇಕ ಒಂದೇ ಆಗಿರುತ್ತದೆ, ಇದು ಎರಡು ಗಂಟೆಗಳ ಹತ್ತಿರದಲ್ಲಿದೆ. ಶೇ 89ರಷ್ಟು ಜನರು ಸ್ವಲ್ಪ ಬಿಡುವಿನ ವೇಳೆಯಲ್ಲಿ ತಮ್ಮ ಸ್ಮಾರ್ಟ್ಫೋನ್ ಅನ್ನು ತಲುಪುವ ಬಯಕೆಯನ್ನು ಹೊಂದಿರುತ್ತಾರೆ. ಶೇ 88 ರಷ್ಟು ಜನರು ತಮ್ಮ ಬಿಡುವಿನ ವೇಳೆಯನ್ನು ಸ್ಮಾರ್ಟ್‌ಫೋನ್‌ನಲ್ಲಿ ಕಳೆಯುತ್ತಾರೆ. ಅದು ಈಗ ಅವರ ನಡವಳಿಕೆಯ ಭಾಗವಾಗಿದೆ' ಎಂದು ಅಧ್ಯಯನವು ಹೇಳಿದೆ.
