social_icon

ಚೀನಾ ಸ್ಮಾರ್ಟ್‌ಫೋನ್ ಮಾರಾಟ ಹೊಸ ಕನಿಷ್ಠ ಮಟ್ಟಕ್ಕೆ ಕುಸಿತ; ಡಿಮ್ಯಾಂಡ್ ಹೆಚ್ಚಿಸಿಕೊಂಡ 'ಹಾನರ್'

ಭಾರತದಲ್ಲಿ ಚೀನಾದ ಸ್ಮಾರ್ಟ್‌ಫೋನ್‌ಗಳ ಮಾರಾಟವು ಗಣನೀಯವಾಗಿ ಕುಸಿದಿದ್ದು ಏಪ್ರಿಲ್-ಜೂನ್ ತ್ರೈಮಾಸಿಕದಲ್ಲಿ ಶೇ. 14.2 ರಷ್ಟು ಮಾರಾಟ ಕುಸಿದಿದೆ ಎಂದು ಹೊಸ ವರದಿಯಲ್ಲಿ ಹೇಳಲಾಗಿದೆ.

Published: 27th July 2022 08:12 PM  |   Last Updated: 28th July 2022 12:58 PM   |  A+A-


China smartphone sales hit new low, Honor fastest growing

ಚೀನಾ ಸ್ಮಾರ್ಟ್ ಫೋನ್ ಗಳು

IANS

ನವದೆಹಲಿ: ಭಾರತದಲ್ಲಿ ಚೀನಾದ ಸ್ಮಾರ್ಟ್‌ಫೋನ್‌ಗಳ ಮಾರಾಟವು ಗಣನೀಯವಾಗಿ ಕುಸಿದಿದ್ದು ಏಪ್ರಿಲ್-ಜೂನ್ ತ್ರೈಮಾಸಿಕದಲ್ಲಿ ಶೇ. 14.2 ರಷ್ಟು ಮಾರಾಟ ಕುಸಿದಿದೆ ಎಂದು ಹೊಸ ವರದಿಯಲ್ಲಿ ಹೇಳಲಾಗಿದೆ.

2016 ರ ನಾಲ್ಕನೇ ತ್ರೈಮಾಸಿಕದಲ್ಲಿ ಐತಿಹಾಸಿಕ ಗರಿಷ್ಠ ಮಾರಾಟ ಮಟ್ಟಕ್ಕೆ ತಲುಪಿದ್ದ ಚೀನಾದ ಸ್ಮಾರ್ಟ್‌ಫೋನ್‌ಗಳ ಮಾರಾಟ ಪ್ರಮಾಣವು ಇದೀಗ ಅರ್ಧಕ್ಕಿಂತ ಕಡಿಮೆ ಅಂದರೆ ಏಪ್ರಿಲ್-ಜೂನ್ ತ್ರೈಮಾಸಿಕದಲ್ಲಿ ಶೇ. 14.2 ರಷ್ಟು ಮಾರಾಟ ಕುಸಿದಿದೆ.

ಕೌಂಟರ್‌ಪಾಯಿಂಟ್ ರಿಸರ್ಚ್ ಪ್ರಕಾರ, ಭಾರತೀಯ ಸ್ಮಾರ್ಟ್ ಫೋನ್ ಮಾರುಕಟ್ಟೆಯಲ್ಲಿ ಶೇ.19.8 ರಷ್ಟು ಪಾಲನ್ನು ಹೊಂದಿರುವ Vivo Q2 ನಲ್ಲಿ ಮೊದಲ ಸ್ಥಾನವನ್ನು ಉಳಿಸಿಕೊಂಡಿದೆ, ನಂತರ Honor (18.3%) ಮತ್ತು OPPO (17.9%) ಸಂಸ್ಥೆಯ ಸ್ಮಾರ್ಟ್ ಫೋನ್ ಗಳಿವೆ. ಇದು ಕೋವಿಡ್ ಸಾಂಕ್ರಾಮಿಕದ Q1 2020 ರಲ್ಲಿ ಕಂಡುಬಂದ ಮಟ್ಟಕ್ಕಿಂತ 12.6 ಶೇಕಡಾ ಕಡಿಮೆಯಾಗಿದೆ ಎಂದು ಹೇಳಲಾಗಿದೆ. 

ಇದನ್ನೂ ಓದಿ: 5G ಸ್ಪೆಕ್ಟ್ರಮ್ ಹರಾಜು ಆರಂಭ: ಏರ್‌ಟೆಲ್, ವೊಡಾಫೋನ್, ಅಂಬಾನಿ, ಅದಾನಿ ಕಂಪನಿಗಳು ಭಾಗಿ

ಈ ಕುರಿತು ಮಾಹಿತ ನೀಡಿರುವ ಹಿರಿಯ ವಿಶ್ಲೇಷಕ ಇವಾನ್ ಲ್ಯಾಮ್ ಅವರು, "ಈ ಅವಧಿಯಲ್ಲಿ, ಹಣಕಾಸು ಮತ್ತು ಉತ್ಪಾದನಾ ಕೇಂದ್ರವಾದ ಪ್ಯಾನ್-ಶಾಂಘೈ ಸೇರಿದಂತೆ ಚೀನಾದಾದ್ಯಂತ ಪ್ರಮುಖ ನಗರಗಳು ಪೂರ್ಣ ಅಥವಾ ಭಾಗಶಃ ಲಾಕ್‌ಡೌನ್‌ಗಳ ಮೂಲಕ ಸಾಗಿದವು. ಮೊದಲ ತ್ರೈಮಾಸಿಕದಲ್ಲಿ ಶೇಕಡಾ 4 ರಷ್ಟು ಬೆಳವಣಿಗೆಯಿಂದ ಸಂಕೋಚನ ಪ್ರದೇಶಕ್ಕೆ ಬಿದ್ದ ಸೇವಾ ವಲಯವು ಕಠಿಣವಾದ ಹೊಡೆತವಾಗಿದೆ. ಎರಡನೇ ತ್ರೈಮಾಸಿಕದಲ್ಲಿ ಶೇಕಡಾ 0.4 ಕ್ಕೆ ಕುಸಿದಿದೆ. ಅಂತೆಯೇ ದುರ್ಬಲ ಗ್ರಾಹಕರ ಮನೋಭಾವವು ಚೀನಾದಲ್ಲಿ ಹೆಚ್ಚಿನ ಸ್ಮಾರ್ಟ್‌ಫೋನ್ ಸರಣಿ ಆರಂಭ ಮತ್ತು ದರ ಸಮರದೊಂದಿಗೆ ಸೇರಿಕೊಂಡು ಸ್ಮಾರ್ಟ್‌ಫೋನ್ ಮಾರಾಟದ Q2 ಕಾರ್ಯಕ್ಷಮತೆ ಕುಸಿದಿದೆ ಮತ್ತು ಕಳಪೆಯಾಗಿದೆ ಎಂದು ಹೇಳಿದ್ದಾರೆ.

ಇನ್ನು ಹಾಲಿ ತ್ರೈಮಾಸಿಕದಲ್ಲಿ, ಭಾರತೀಯ ಮಾರುಕಟ್ಟೆಯಲ್ಲಿ ವಿವೋ ಸಂಸ್ಥೆ ತನ್ನ ನಾಯಕತ್ವವನ್ನು ಉಳಿಸಿಕೊಂಡಿದ್ದು, ಶೇ.19.8 ರಷ್ಟು ಮಾರಾಟ ಪಾಲನ್ನು ಹೊಂದಿದೆ. ಇದೇ ವಿಚಾರವಾಗಿ ಮಾತನಾಡಿರುವ ಸಂಶೋಧನಾ ವಿಶ್ಲೇಷಕ ಮೆಂಗ್‌ಮೆಂಗ್ ಜಾಂಗ್ ಅವರು, "ವಿವೋ ಕಂಪನಿಯ ಮಧ್ಯಮ ಹಂತದಿಂದ ಉನ್ನತ ಮಟ್ಟದ S12 ಸರಣಿಯು vivo $250- $399 ವಿಭಾಗದಲ್ಲಿ ಉತ್ತಮ ಪಾಲನ್ನು ಪಡೆದುಕೊಳ್ಳಲು ಸಹಾಯ ಮಾಡಿತು. ಉಪ-ಬ್ರಾಂಡ್ iQOO ಸಹ ಧನಾತ್ಮಕ ಮಾರುಕಟ್ಟೆ ಪ್ರತಿಕ್ರಿಯೆಯನ್ನು ಪಡೆಯುತ್ತಿದೆ ಎಂದು ಅಭಿಪ್ರಾಯಪಟ್ಟಿದ್ದಾರೆ.

ಇದನ್ನೂ ಓದಿ: ಕ್ಯಾಪ್ಟಿವ್ ಬಳಕೆದಾರರಿಗಾಗಿ ಸ್ಪೆಕ್ಟ್ರಂ ಬೆಲೆ ಕಾರ್ಯವಿಧಾನವನ್ನು ಟೆಲಿಕಾಂ ಇಲಾಖೆ ಪರಿಶೀಲಿಸಿಲ್ಲ: ಸಿಎಜಿ ವರದಿ

ಉಳಿದಂತೆ ಹಾನರ್ ತನ್ನ ಆಫ್‌ಲೈನ್ ಉಪಸ್ಥಿತಿಯನ್ನು ವಿಸ್ತರಿಸುವ ಮೂಲಕ ತನ್ನ ಉತ್ತಮ ಪುನರಾಗಮನವನ್ನು ಮುಂದುವರೆಸಿದ್ದು, "ಹಾನರ್ ತ್ರೈಮಾಸಿಕದಲ್ಲಿ Huawei ಸೇರಿದಂತೆ ಎಲ್ಲಾ ಪ್ರಮುಖ ಚೈನೀಸ್ ಬ್ರ್ಯಾಂಡ್‌ಗಳಿಂದ ಪಾಲನ್ನು ಪಡೆದುಕೊಳ್ಳುವಲ್ಲಿ ಯಶಸ್ವಿಯಾಗಿದೆ. OPPO ಮತ್ತು Vivo ಸಂಸ್ಥೆಗಳು ಇದೀಗ Honor ಅನ್ನು ಗಂಭೀರವಾಗಿ ಪರಿಗಣಿಸುವ ಸಮಯ ಬಂದಿದೆ ಎಂದು ಜಾಂಗ್ ಹೇಳಿದ್ದಾರೆ.

ಆಪಲ್ ಇನ್ನೂ ತುಲನಾತ್ಮಕವಾಗಿ ಉತ್ತಮ ಕಾರ್ಯಕ್ಷಮತೆಯನ್ನು ಕಾಣುತ್ತಿದ್ದು, Q2 ನಲ್ಲಿ ಐಫೋನ್ 13 ಸರಣಿಯ ಮಾರಾಟ ಪ್ರಮಾಣ ಹೆಚ್ಚಿದೆ.  
 


Stay up to date on all the latest ವಾಣಿಜ್ಯ news
Poll
Nirmala Sitharaman

2023-24ರ ಕೇಂದ್ರ ಬಜೆಟ್‌ ನಿಮಗೆ ಸಂತೋಷ ತಂದಿದೆಯೇ?


Result
ಹೌದು
ಇಲ್ಲ

Comments

Disclaimer : We respect your thoughts and views! But we need to be judicious while moderating your comments. All the comments will be moderated by the kannadaprabha.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

The views expressed in comments published on kannadaprabha.com are those of the comment writers alone. They do not represent the views or opinions of kannadaprabha.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. kannadaprabha.com reserves the right to take any or all comments down at any time.

flipboard facebook twitter whatsapp