ಮುಂಬೈ: ಇತ್ತೀಚಿಗೆ ರಾತ್ರೋ ರಾತ್ರಿ ಗಾಯಕಿಯಾಗಿ ಹೊರಹೊಮ್ಮುವ ಮೂಲಕ ಸಂಗೀತ ಪ್ರಿಯರ ಹೃದಯಕ್ಕೆ ಹತ್ತಿರವಾಗಿದ್ದ ಬಡ ಮಹಿಳೆ ರಾಣು ಮಂಡಲ್ ಗೆ ಬಾಲಿವುಡ್ ಸೂಪರ್ ಸ್ಟಾರ್ ಸಲ್ಮಾನ್ ಖಾನ್ 55 ಲಕ್ಷ ರೂ.ಮೌಲ್ಯದ ಫ್ಲಾಟ್ ನೀಡಿದ್ದಾರೆ ಎಂಬ ಸುದ್ದಿ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡಿತ್ತು.
ಆದರೆ, ಇದೆಲ್ಲಾ ಸುಳ್ಳು ಎಂದು ರಣಘಾಟ್ ನ ಅಮ್ರಾ ಶೂಬಾಯ್ ಶೊಯಿತಾನ್ ಕ್ಲಬ್ ಸದಸ್ಯ ವಿಕ್ಕಿ ಬಿಸ್ವಾಸ್ ಹೇಳಿದ್ದಾರೆ. ಈ ಕ್ಲಬ್ ನ ಇಬ್ಬರು ಸದಸ್ಯರು ರಾಣು ಮಂಡಲ್ ರಣಘಾಟ್ ರೈಲು ನಿಲ್ದಾಣದಲ್ಲಿ ಹಾಡುತ್ತಿದ್ದ ಹಾಡನ್ನು ಚಿತ್ರೀಕರಿಸಿದ್ದರು. ನಂತರ ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿತ್ತು.
ಈವರೆಗೂ ರಾಣು ಮಂಡಲ್ ಅವರನ್ನು ನಾವೆ ನೋಡಿಕೊಳ್ಳುತ್ತಿದ್ದೇವೆ. ಸಲ್ಮಾನ್ ಖಾನ್ ಅವರಿಂದ ರಾಣುಗೆ 55 ಲಕ್ಷ ರೂ. ಮೌಲ್ಯದ ಫ್ಲಾಟ್ ಕೊಡುಗೆ ನೀಡಲಾಗಿದೆ ಎಂಬುದು ಬರೀ ಸುಳ್ಳು ಎಂದು ಅವರು ಹೇಳಿದ್ದಾರೆ.
ರಾಣು ಮಂಡಲ್ ಹಾಡಿದ್ದ ಎಕ್ ಪ್ಯಾರ್ ಕಾ ನಗ್ಮಾ ಹಾಡು ವೈರಲ್ ಆಗುತ್ತಿದ್ದಂತೆ , ರಿಯಾಲಿಟಿ ಶೋನಲ್ಲಿ ಇವರನ್ನು ನೋಡಿದ ಬಾಲಿವುಡ್ ಸೂಪರ್ ಸ್ಟಾರ್ ಗಾಯಕ ಹಿಮೇಶ್ ರೆಶ್ಮಿಯಾ ಅವರ ಮುಂದಿನ ಚಿತ್ರ ಹ್ಯಾಪಿ ಹಾರ್ಡಿ ಅಂಡ್ ಹೀರ್ ನಲ್ಲಿ ಹಾಡೊಂದನ್ನು ಹಾಡಿಸುವ ಮೂಲಕ 7 ಲಕ್ಷ ರೂಪಾಯಿ ಸಂಭಾವನೆ ನೀಡಿದ್ರು.
Advertisement