ಮುಂಬೈ: ಕಹಾನಿ ಘರ್ ಘರ್ ಕಿ, ಮೇ ನಿಕ್ಲಾ ಹೊಗಾ ಚಾಂದ್ ಹಾಗೂ ನಾಚ್ ಬಲಿಯೆ ಸೇರಿದಂತೆ ಹಲವು ಹಿಂದಿ ಧಾರವಾಹಿಗಳಲ್ಲಿ ನಟಿಸುತ್ತಿದ್ದ ನಟಿಯ ಮೇಲೆ ಜೂನಿಯರ್ ಆರ್ಟಿಸ್ಟ್ ಅತ್ಯಾಚಾರ ಎಸಗಿದ್ದು, ಪರಿಣಾಮ ನಟಿ ಗರ್ಭಿಣಿಯಾಗಿರುವ ಘಟನೆ ನಡೆದಿದೆ.
ಹೋಟಲ್ ನ ರೂಮ್ ನಲ್ಲಿ ಜೂನಿಯರ್ ಆರ್ಟಿಸ್ಟ್ ತನ್ನ ಮೇಲೆ ಅತ್ಯಾಚಾರ ಎಸಗಿದ್ದು, ಪರಿಣಾಮ ತಾನು ಗರ್ಭಿಣಿಯಾಗಿದ್ದೆ ಎಂದು ಕಹಾನಿ ಘರ್ ಘರ್ ಕಿ' ನಟಿ ಆರೋಪಿಸಿದ್ದಾರೆ.
ಕಳೆದ ಅಕ್ಟೋಬರ್ ನಲ್ಲಿ ಈ ಘಟನೆ ನಡೆದಿದ್ದು, ಮುಂಬೈ ಮೂಲದ ನಟಿ, ಹರಿಯಾಣದ ಯಮುನಾನಗರದ ನಿವಾಸಿ ಕಿರಿಯ ಕಲಾವಿದನೊಂದಿಗೆ ಸ್ನೇಹ ಬೆಳೆಸಿದ್ದರು. ಒಂದು ದಿನ ಇಬ್ಬರು ಹೋಟೆಲ್ ನ ರೂಮ್ ನಲ್ಲಿದ್ದಾಗ ಜೂನಿಯರ್ ಆರ್ಟಿಸ್ಟ್ ತನಗೆ ಡ್ರಗ್ ನೀಡಿ, ಅತ್ಯಾಚಾರ ಎಸಗಿರುವುದಾಗಿ ನಟಿ ಆರೋಪಿಸಿದ್ದಾರೆ.
ಈಗ ತಾನು ಗರ್ಭಿಣಿಯಾಗಿದ್ದು, ಮದುವೆಯಾಗುಂತೆ ಆತನನ್ನು ಕೇಳಿಕೊಂಡರೆ ಮದುವೆಗೆ ನಿರಾಕರಿಸುತ್ತಿರುವುದಾಗಿ ನಟಿ ದೂರಿದ್ದಾರೆ.
ಈ ಸಂಬಂಧ ನಟಿ ಯಮುನಾನಗರ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದು, ಪ್ರಕರಣ ದಾಖಲಾಗುತ್ತಿದ್ದಂತೆ ಆರೋಪಿ ಜೂನಿಯರ್ ಆರ್ಟಿಸ್ಟ್ ನಾಪತ್ತೆಯಾಗಿದ್ದಾರೆ.
Advertisement