ಕನ್ನಡತಿ ಶ್ರದ್ಧಾ ಶ್ರೀನಾಥ್ ವಿರುದ್ಧ ಸಮಂತಾ ಅಕ್ಕಿನೇನಿ ಅಭಿಮಾನಿಗಳು ತಿರುಗಿಬಿದ್ದಿದ್ದೇಕೆ?

ಕನ್ನಡದ ನಟಿ ಶ್ರದ್ಧಾ ಶ್ರೀನಾಥ್ ಅವರಿಗೆ ಸದ್ಯ ಟಾಲಿವುಡ್ ನಲ್ಲಿ ಬೇಡಿಕೆ ಹೆಚ್ಚಾಗಿದೆ. ಈ ಮಧ್ಯೆ ಟಾಲಿವುಡ್ ನಟಿ ಸಮಂತಾ ಅಕ್ಕಿನೇನಿ ಅಭಿಮಾನಿಗಳು ಶ್ರದ್ಧಾ ವಿರುದ್ಧ ತಿರುಗಿಬಿದ್ದಿದ್ದಾರೆ.

Published: 19th April 2019 12:00 PM  |   Last Updated: 19th April 2019 03:19 AM   |  A+A-


Shraddha Srinath, Samantha Akkineni

ಶ್ರದ್ಧಾ ಶ್ರೀನಾಥ್, ಸಮಂತಾ ಅಕ್ಕಿನೇನಿ

Posted By : VS VS
Source : Online Desk
ಹೈದರಾಬಾದ್: ಕನ್ನಡದ ನಟಿ ಶ್ರದ್ಧಾ ಶ್ರೀನಾಥ್ ಅವರಿಗೆ ಸದ್ಯ ಟಾಲಿವುಡ್ ನಲ್ಲಿ ಬೇಡಿಕೆ ಹೆಚ್ಚಾಗಿದೆ. ಈ ಮಧ್ಯೆ ಟಾಲಿವುಡ್ ನಟಿ ಸಮಂತಾ ಅಕ್ಕಿನೇನಿ ಅಭಿಮಾನಿಗಳು ಶ್ರದ್ಧಾ ವಿರುದ್ಧ ತಿರುಗಿಬಿದ್ದಿದ್ದಾರೆ. 

ಸಮಂತಾ ಅಕ್ಕಿನೇನಿ ವಿರುದ್ಧ ನಟಿ ಶ್ರದ್ಧಾ ಶ್ರೀನಾಥ್ ವಿವಾದಿತ ಹೇಳಿಕೆ ನೀಡಿದ್ದಾರೆ ಎಂದು ಹೇಳಲಾಗುತ್ತಿದೆ. ಹೌದು, ಕನ್ನಡದ ಯೂ ಟರ್ನ್ ಚಿತ್ರದ ಮೂಲಕ ಶ್ರದ್ಧಾ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದ್ದರು. ಇದೇ ಚಿತ್ರವನ್ನು ತೆಲುಗಿನ ರಿಮೇಕ್ ನಲ್ಲಿ ಸಮಂತಾ ಅಭಿನಯಿಸಿದ್ದರು. 

ಸಂದರ್ಶನವೊಂದರಲ್ಲಿ ಶ್ರದ್ಧಾ ಅವರಿಗೆ ತೆಲುಗಿನ ಯೂ ಟರ್ನ್ ಚಿತ್ರದಲ್ಲಿ ಸಮಂತಾರ ಅಭಿನಯದ ಬಗ್ಗೆ ಪ್ರಶ್ನೆಯನ್ನು ಕೇಳಲಾಗಿತ್ತು. ಅದಕ್ಕೆ ಉತ್ತರಿಸಿದ ಶ್ರದ್ಧಾ ಸಮಂತಾ ಅವರ ಅಭಿನಯವನ್ನು ನಾನು ಅರ್ಧ ಗಂಟೆಗೂ ಹೆಚ್ಚು ಕಾಲ ಚಿತ್ರಮಂದಿರದಲ್ಲಿ ಕುಳಿತು ನೋಡಲಾಗಲಿಲ್ಲ. ಕಾರಣ ನಾನು ಅಭಿನಯಿಸಿದ ಪಾತ್ರದಲ್ಲಿ ಬೇರೆಯವರನ್ನು ನನಗೆ ಊಹಿಸಿಕೊಳ್ಳಲಾಗುತ್ತಿಲ್ಲ ಎಂದಿದ್ದಾರೆ.

ಇದಕ್ಕೆ ಆಕ್ರೋಶಗೊಂಡಿರುವ ಸಮಂತಾ ಅಭಿಮಾನಿಗಳು ತೆಲುಗು ಸಿನಿಮಾದಲ್ಲಿ ಅಭಿನಯಿಸಿ ಅನುಭವವೇ ಇಲ್ಲದ ಶ್ರದ್ಧಾ ಹೇಗೆ ತನಗಿಂತ ಹಿರಿಯ ನಟಿಯ ವಿರುದ್ಧ ಹೀಗೆಲ್ಲ ಪ್ರತಿಕ್ರಿಯಿಸುತ್ತಾರೆ ಎಂದು ಪ್ರಶ್ನಿಸಿದ್ದಾರೆ. 

ಶ್ರದ್ಧಾ ಇದೇ ಮೊದಲ ಬಾರಿಗೆ ತೆಲುಗಿನ ಜೆರ್ಸಿ ಚಿತ್ರದಲ್ಲಿ ಅಭಿನಯಿಸಿದ್ದಾರೆ. ನಾನಿಗೆ ಜೋಡಿಯಾಗಿ ಶ್ರದ್ಧಾ ಅಭಿನಯಿಸಿದ್ದು ಇದೇ ತಿಂಗಳ 19ಕ್ಕೆ ಜೆರ್ಸಿ ಚಿತ್ರ ಬಿಡುಗಡೆಯಾಗುತ್ತಿದೆ. 
Stay up to date on all the latest ಸಿನಿಮಾ ಸುದ್ದಿ news with The Kannadaprabha App. Download now
facebook twitter whatsapp