ಸಿನಿಮಾದಲ್ಲಿ ಪ್ರೀಮಿಯರ್ ಪದ್ಮಿನಿ ಕಾರಿನ ಜೊತೆ ಭಾವನಾತ್ಮಕ ಬಾಂಧವ್ಯ ಹೊಂದಿರುವ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ಜಗ್ಗೇಶ್, ನಿಜ ಜೀವನದಲ್ಲಿ 1956 ರಲ್ಲಿ ತಯಾರಾದ ಬುಲೆಟ್ ಬೈಕ್ ನೊಂದಿಗೆ ಅಪರೂಪದ ಭಾವನೆಗಳನ್ನು ಹೊಂದಿದ್ದಾರೆ. ಈ ಬುಲೆಟ್ ಬೈಕ್ ನ್ನು ನನ್ನ ತಂದೆ ಉಪಯೋಗಿಸುತ್ತಿದ್ದರು. ನನ್ನ ತಾಯಿ ಹಿಂಬದಿ ಸವಾರರಾಗಿದ್ದರು. ಇಂಗ್ಲೆಂಡ್ ನಲ್ಲಿ ತಯಾರಾದ ಈಗಲೂ ಆ ಬೈಕ್ ನ್ನು ಹೊಂದಿದ್ದೇನೆ, ಈಗ ಮಾರುಕಟ್ಟೆಯಲ್ಲಿ ಅದರ ಬೆಲೆ 15 ಲಕ್ಷ ರೂಪಾಯಿಗಳು. ಇಂಗ್ಲೆಂಡ್ ನ ಕೇಂದ್ರ ಕಚೇರಿಗೆ ಕಳಿಸಿ ಅದನ್ನು ನವೀಕರಣಗೊಳಿಸಿದ್ದೆ. ನನ್ನ ಮೊಮ್ಮಗನೂ ಸೇರಿ ಎಲ್ಲರೂ ಆ ಬೈಕ್ ಬಗ್ಗೆ ವಿಶೇಷ ಭಾವನಾತ್ಮಕ ನಂಟು ಹೊಂದಿದ್ದೇವೆ ಎಂದು ಜಗ್ಗೇಶ್ ಹೇಳಿದ್ದಾರೆ.