ಇಂದು ಸ್ನೇಹಿತರ ದಿನದ ಪ್ರಯುಕ್ತ ನಟ ಕಿಚ್ಚ ಸುದೀಪ್ ಅವರ ಪತ್ನಿ ಪ್ರಿಯಾ ಅವರು ತಮ್ಮ ಜೊತೆಗಾರನಿಗೆ ವಿಶೇಷ ಶುಭಾಶಯ ಕೋರಿದ್ದು, ಪ್ರಿಯಾ ಸುದೀಪ್ ತಮ್ಮ ಪತಿ ಸುದೀಪ್ ಅವರನ್ನು 'ಬೆಸ್ಟಿ' ಎಂದು ಟ್ವೀಟ್ ಮಾಡುವ ಮೂಲಕ ವಿಶ್ ಮಾಡಿದ್ದಾರೆ. ಅಂತೆಯೇ ಫೋಟೋದೊಂದಿಗೆ ಸುದೀಪ್ ಅವರನ್ನು ಕೀಟಲೆ ಕೂಡ ಮಾಡಿದ್ದು, 'ನನ್ನ ಸ್ನೇಹಿತನೊಂದಿಗೆ ಸಿಲ್ಲಿಯಾಗಿರುವುದು, ಈ ಅವತಾರದಲ್ಲಿ ನಿಮ್ಮ ಪೈಲ್ವಾನ್ ಅನ್ನು ಎಂದಾದರೂ ನೋಡಿದ್ದೀರಾ? ನನ್ನ ಬೆಸ್ಟಿಗೆ ದೊಡ್ಡ ಅಪ್ಪುಗೆ' ಎಂದು ಟ್ವೀಟ್ ಮಾಡಿದ್ದಾರೆ. ಜೊತೆಗೆ ಎರಡು ನಗುವ ಎಮೋಜಿಯನ್ನು ಹಾಕಿದ್ದಾರೆ.