ಸಲಿಂಗಿಗಳ ಪ್ರೇಮಕಥೆ ಮಾಡಬೇಕೆಂದಿದ್ದೇನೆ: ಕರಣ್ ಜೋಹರ್

ರೊಮ್ಯಾಂಟಿಕ್ ಸಿನಿಮಾಗಳಿಂದಾಗಿಯೇ ಖ್ಯಾತಿ ಪಡೆದಿರುವ ಕರಣ್ ಜೋಹರ್ ಈಗ ಸಲಿಂಗ ಕಾಮ ವಿರುವ ಕಥಾ ಹಂದರವನ್ನು ಹೊಂದಿರುವ ಸಿನಿಮಾ ಮಾಡಲು ಬಯಸುತ್ತಿರುವುದಾಗಿ ಹೇಳಿದ್ದಾರೆ.

ಡಾವೋಸ್: ರೊಮ್ಯಾಂಟಿಕ್ ಸಿನಿಮಾಗಳಿಂದಾಗಿಯೇ ಖ್ಯಾತಿ ಪಡೆದಿರುವ ಕರಣ್ ಜೋಹರ್ ಈಗ ಸಲಿಂಗ ಕಾಮ ವಿರುವ ಕಥಾ ಹಂದರವನ್ನು ಹೊಂದಿರುವ ಸಿನಿಮಾ ಮಾಡಲು ಬಯಸುತ್ತಿರುವುದಾಗಿ ಹೇಳಿದ್ದಾರೆ.

ವರ್ಲ್ಡ್ ಎಕಾನಾಮಿಕ್ ಫೋರ್ಮ್ ನಲ್ಲಿ ನಡೆದ ಚರ್ಚೆಯಲ್ಲಿ ಕರಣ್ ಜೋಹರ್ ಈ ತಮ್ಮ ಕನಸಿನ ಸಿನಿಮಾ ಬಗ್ಗೆ ಮಾತನಾಡಿದ್ದು, ಮುಂಚೂಣಿಯಲ್ಲಿರುವ ಸಿನಿಮಾ ನಿರ್ದೇಶಕನಾಗಿ ಹಲವು ವಿಷಯಗಳ ಬಗ್ಗೆ ಸಿನಿಮಾ ಮಾಡಬಹುದು, ಸಲಿಂಗ ಕಾಮದ ಕಥಾ ವಸ್ತು ಹೊಂದಿರುವ ಸಿನಿಮಾ ಮಾಡಲು ಬಯಸುತ್ತೇನೆ ಈ ಚಿತ್ರದಲ್ಲಿ ಎರಡು ಪ್ರಮುಖ ಪಾತ್ರಗಳನ್ನು ಸೃಷ್ಟಿಸುತ್ತೇನೆ, ಯಾವ ನಟರನ್ನು ಚಿತ್ರಕ್ಕಾಗಿ ಆಯ್ಕೆ ಮಾಡಬೇಕೆಂಬುದು ಇನ್ನೂ ಯೋಚನೆ ಮಾಡಿಲ್ಲ ಆದರೆ ಸಲಿಂಗಿಗಳ ಪ್ರೇಮಕಥೆ ಚಿತ್ರವನ್ನು ಮಾಡಲು ಬಯಸುತ್ತೇನೆ ಎಂದು ಕರಣ್ ಜೋಹಾರ್ ಹೇಳಿದ್ದಾರೆ.