ಆನಂದ ಭೈರವಿ ಸಿನಿಮಾಗಾಗಿ 55ನೇ ವಯಸ್ಸಿನಲ್ಲಿ 'ಕೂಚಿಪುಡಿ' ಕಲಿತ ಗಿರೀಶ್ ಕಾರ್ನಾಡ್!

ಬೆಂಗಳೂರು: ಆನಂದ ಭೈರವಿ ಸಿನಿಮಾದಲ್ಲಿ ನಟ ಗಿರೀಶ್ ಕಾರ್ನಾಡ್ ಅವರು ನಾರಾಯಣ ಶರ್ಮಾ ಎಂಬ ನಾಟ್ಯ ಗುರುಗಳ  ಪಾತ್ರದಲ್ಲಿ ಅಭಿನಯಿಸಿದ್ದರು. ಆ ಸಿನಿಮಾದ ಪಾತ್ರ ಕಾರ್ನಾಡ್ ಅವರಿಗೆ ನೆಚ್ಚಿನ ಪಾತ್ರವಾಗಿತ್ತು, 

ಆನಂದ ಬೈರವಿ ಪಾತ್ರಕ್ಕಾಗಿ ತುಂಬಾ ಶ್ರಮ ವಹಿಸಿದ್ದರು. ತಮ್ಮ 50ನೇ ವಯಸ್ಸಿನಲ್ಲಿ ಕೂಚಿಪುಡಿ ನೃತ್ಯ ಕಲಿತು 7 ದಿನಗಳಲ್ಲಿ  ಪಾತ್ರಕ್ಕಾಗಿ ತಯಾರಾಗಿದ್ದರು. ಸಂಪ್ರದಾಯ ಬ್ರಾಹ್ಮಣ ಕುಟುಂಬದ ಶರ್ಮಾ ಎಂಬ ಪಾತ್ರ ಇದಾಗಿತ್ತು, ಕಾರ್ನಾಡ್ ಕೂಚುಪುಡಿ ನೃತ್ಯದ ಬಗ್ಗೆ ವಿಶೇಷ ಅಭಿರುಚಿ ಹೊಂದಿದ್ದರು. 

ಈ ಸಿನಿಮಾದಲ್ಲಿ ತಂದೆಗೆ ನೃತ್ಯದ ಬಗ್ಗೆ ಹೆಚ್ಚಿನ ಪ್ರೀತಿ, ಆದರೆ ಮಗನಿಗೆ ಕೂಚುಪುಡಿ ನೃತ್ಯದ ಬಗ್ಗೆ ಆಸಕ್ತಿಯಿರುವುದಿಲ್ಲ,  ಇನ್ನೂ ದಲಿತ ಸಮುದಾಯದ ಬಂಜಾರ ಹುಡುಗಿಗೆ ನೃತ್ಯ ಕಲಿಸಲು ಆಕೆಯನ್ನು ಕರೆತರುತ್ತಾರೆ, ಆಕೆಗೆ ತರಬೇತಿ ನೀಡಿ, ಕ್ಲಾಸಿಕಲ್ ಡ್ಯಾನ್ಸ್ ಕಲಿಸುತ್ತಾರೆ, ಈ ಸಿನಿಮಾದಲ್ಲಿ ಕಾರ್ನಾಡ್ ಅವರ ಕೂಚುಪುಡಿ ನೃತ್ಯವೇ ಹೈಲೈಟ್ ಆಗಿದೆ.

ನಾನು ತರಬೇತಿ ಪಡೆದ ಡ್ಯಾನ್ಸರ್,1989 ರಲ್ಲಿ  ಶಿಶುನಾಳ ಷರೀಫ ಸಿನಿಮಾ ಬರುವವರೆಗೂ ಅವರು ಒಳ್ಳೆಯ ಡ್ಯಾನ್ಸರ್ ಎಂದು ತಿಳಿದಿರಲಿಲ್ಲ ಎಂದು ನೃತ್ಯಪಟು ಶ್ರೀಧರ್ ತಿಳಸಿದ್ದಾರೆ.