ನಟಿ ಹರಿಪ್ರಿಯಾ ವಿರುದ್ಧ ವಾಣಿಜ್ಯ ಮಂಡಳಿಗೆ ಸೂಜಿದಾರ ಚಿತ್ರತಂಡ ದೂರು

ಇತ್ತೀಚಿಗೆ ತೆರೆ ಕಂಡಿರುವ ಸೂಜಿದಾರ ಸಿನಿಮಾದ ನಟಿ ಹರಿಪ್ರಿಯಾ ಹಾಗೂ ನಿರ್ದೇಶಕ ಮೌನೇಶ್ ಬಡಿಗೇರ್ ನಡುವಿನ ಸಂಘರ್ಷ ಬಹಿರಂಗವಾಗಿದ್ದು, ಇದೀಗ ರಾಜ್ಯ ಚಲನಚಿತ್ರ ವಾಣಿಜ್ಯ ಮಂಡಳಿಯ ಮೆಟ್ಟಿಲು ಹತ್ತಿದೆ.

Published: 17th May 2019 12:00 PM  |   Last Updated: 17th May 2019 07:06 AM   |  A+A-


Haripriya

ಹರಿಪ್ರಿಯಾ

Posted By : ABN ABN
Source : Online Desk
ಬೆಂಗಳೂರು: ಇತ್ತೀಚಿಗೆ ತೆರೆ ಕಂಡಿರುವ ಸೂಜಿದಾರ ಸಿನಿಮಾದ ನಟಿ ಹರಿಪ್ರಿಯಾ ಹಾಗೂ ನಿರ್ದೇಶಕ ಮೌನೇಶ್ ಬಡಿಗೇರ್ ನಡುವಿನ ಸಂಘರ್ಷ ಬಹಿರಂಗವಾಗಿದ್ದು, ಇದೀಗ ರಾಜ್ಯ ಚಲನಚಿತ್ರ ವಾಣಿಜ್ಯ ಮಂಡಳಿಯ ಮೆಟ್ಟಿಲು ಹತ್ತಿದೆ.

ನಟಿ ಹರಿಪ್ರಿಯಾ ತಮ್ಮ ಪಾತ್ರದ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ಇತ್ತೀಚಿಗೆ ಹಂಚಿಕೊಂಡಿದ್ದ ಬರಹ ವೈರಲ್ ಆಗಿತ್ತು.

ಇದರಿಂದ ಆಕ್ರೋಶಗೊಂಡಿರುವ ರಂಗಕರ್ಮಿ, ನಿರ್ದೇಶಕ ಮೌನೇಶ್ ಬಡಿಗೇರ್, ನಿರ್ಮಾಪಕರಾದ ಸಚ್ಚೀಂದ್ರನಾಥ್ ನಾಯಕ್, ಅಭಿಜಿತ್ ಕೊಟೆಗಾರ್ ಗುರುವಾರ ರಾಜ್ಯ ಚಲನಚಿತ್ರ ವಾಣಿಜ್ಯ ಮಂಡಳಿಯ ಅಧ್ಯಕ್ಷ ಎ.ಎಸ್. ಚಿನ್ನೇಗೌಡ ಮತ್ತು ಉಪಾಧ್ಯಕ್ಷ ಭಾ.ಮಾ. ಹರೀಶ್ ಅವರನ್ನು ಭೇಟಿ ಮಾಡಿ , ಹರಿಪ್ರಿಯಾ ವಿರುದ್ಧ ಕ್ರಮ ಕೈಗೊಳ್ಳುವಂತೆ ದೂರು ದಾಖಲಿಸಿದ್ದಾರೆ.

ಚಿತ್ರದ ನಾಯಕಿ ಹರಿಪ್ರಿಯಾ ಸಿನಿಮಾ ಬಿಡುಗಡೆಯಾದ ಮೂರೇ ದಿನಕ್ಕೆ ನಿರ್ದೇಶಕರು ನನಗೆ ಹೇಳಿದ ಕಥೆಯೇ ಬೇರೆ, ತೆರೆಯ ಮೇಲೆ ನೋಡುತ್ತಿರುವುದೇ ಬೇರೆ. ಹಾಗಾಗಿ ನನ್ನ ಅಭಿಮಾನಿಗಳು ನನ್ನನ್ನು ಕ್ಷಮಿಸಬೇಕು ಎಂದು ಫೇಸ್ ಬುಕ್, ಇನ್ ಸ್ಟಾಗ್ರಾಂ ಮತ್ತಿತರ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದರು. ಡಾಟರ್ ಆಫ್ ಪಾರ್ವತಮ್ಮ ಚಿತ್ರದ ಸುದ್ದಿಗೋಷ್ಠಿಯಲ್ಲೂ ಹೇಳಿಕೊಂಡಿದ್ದರು.

ಹರಿಪ್ರಿಯಾ ಅವರ ಹೇಳಿಕೆಯಿಂದಾಗಿ ಚಿತ್ರದ ಗಳಿಕೆ ಮೇಲೂ ಪರಿಣಾಮ ಬೀರುತ್ತಿದೆ. ಚಿತ್ರದ ನಾಯಕಿಯೇ ಚಿತ್ರ ಚೆನ್ನಾಗಿಲ್ಲ ಎಂದಿರುವಾಗ ನಾವು ಯಾಕೆ ಸಿನಿಮಾ ನೋಡಬೇಕು ಎಂದು ಅನೇಕರು ಕೇಳುತ್ತಿದ್ದಾರೆ ಎಂದು ಚಿತ್ರತಂಡ ದೂರಿನಲ್ಲಿ ಆರೋಪಿಸಿದೆ.
Stay up to date on all the latest ಸಿನಿಮಾ ಸುದ್ದಿ news with The Kannadaprabha App. Download now
facebook twitter whatsapp