ವೀಕೆಂಡ್ ಎಂಜಾಯ್ ಮಾಡುವಂತಹ ಸಿನಿಮಾಗಳು ಅಪರೂಪ. ಆದರೆ ಈ ವಾರ ಅದಕ್ಕೆ ಕೊರತೆ ಇರುವುದಿಲ್ಲ ಎನಿಸುತ್ತೆ. ಕಾರಣ ಶೃಂಗೇರಿ ಸುರೇಶ್ ನಿರ್ದೇಶನದ ವೀಕೆಂಡ್ ಸಿನಿಮಾ ಬಿಡುಗಡೆಯಾಗುತ್ತಿದೆ.
ಅನಂತ್ ನಾಗ್ ಅವರನ್ನು ಪ್ರಮುಖ ಪಾತ್ರದಲ್ಲಿ ತೋರಿಸಿರುವ ವೀಕೆಂಡ್ ಸಿನಿಮಾ ಮೇ.24 ರಂದು ತೆರೆ ಕಂಡಿದ್ದು, ನಿರ್ದೇಶಕ ವೀಕ್ಷಕರ ತೀರ್ಪಿಗೆ ಕಾದಿದ್ದಾರೆ.
ನಾಯಕ ನಟ ಮಿಲಿಂದ್, ನಟಿ ಸಂಜನ ಬುರ್ಲಿ ಸೇರಿದಂತೆ ಬಹುತೇಕ ಹೊಸ ಮುಖಗಳು ಈ ಸಿನಿಮಾದಲ್ಲಿದ್ದು, ಅನಂತ್ ನಾಗ್ ನನ್ನ ಟ್ರಂಪ್ ಕಾರ್ಡ್ ಎಂದಿದ್ದಾರೆ ನಿರ್ದೇಶಕ ಶೃಂಗೇರಿ ಸುರೇಶ್.
ಅನಂತ್ ನಾಗ್ ಒಪ್ಪದೇ ಇದ್ದಿದ್ದರೆ ಈ ಸಿನಿಮಾವನ್ನು ಮಾಡುತ್ತಲೇ ಇರಲಿಲ್ಲ, ಈ ಸಿನಿಮಾ ಆಗಿದ್ದು ಅನಂತ್ ನಾಗ್ ಅವರಿಂದಲೇ ಎಂದು ಹಿರಿಯ ನಾಯಕನಿಗೆ ಕ್ರೆಡಿಟ್ ನೀಡಿರುವ ಸುರೇಶ್ 100 ಕ್ಕೂ ಹೆಚ್ಚು ಥಿಯೇಟರ್ ಗಳಲ್ಲಿ ಸಿನಿಮಾ ಬಿಡುಗಡೆಯಾಗಿದೆ ಎಂದು ಮಾಹಿತಿ ನೀಡಿದ್ದಾರೆ.