ವಿಶೇಷವೆಂದರೆ ಯಾವುದೇ ಸೂಪರ್ ಸ್ಟಾರ್ ಗಳಿಲ್ಲದೆ "ಬೆಲ್ ಬಾಟಮ್" ಶತದಿನ ಪೂರೈಸಿದೆ. ಸೂಪರ್ ಸ್ತಾರ್ ನಟರಿರುವ ಚಿತ್ರಕ್ಕೆ ಬಂಡವಾಳ ಹಾಕಿದ್ದರೆ ಎರಡು ಅಥವಾ ಮೂರು ವಾರಗಳಲ್ಲಿ ಹಾಕಿದ್ದ ಹಣ ಹಿಂದೆ ಬರುವುದು ಸಾಮಾನ್ಯ. ಆದರೆ "ಬೆಲ್ ಬಾಟಮ್" ಚಿತ್ರದಲ್ಲಿ ಯಾವ ಸ್ಟಾರ್ ನಟರೂ ಇಲ್ಲ, ಮೇಲಾಗಿ ಥಿಯೇಟರ್ ಗಳ ಸಮಸ್ಯೆ, ಪ್ರತಿವಾರವೂ ಬೇರೆ ಬೇರೆ ಚಿತ್ರಗಳ ಬಿಡುಗಡೆ, ಕನ್ನಡ, ಇತರೆ ಭಾಷಾ ಚಿತ್ರಗಳೊಡನೆ ಪೈಪೋಟಿ ಇಷ್ಟೆಲ್ಲದರ ನಡುವೆಯೂ ಚಿತ್ರವು 20ಕ್ಕೆ ಹೆಚು ಚಿತ್ರಮಂದಿರಗಳಲ್ಲಿ 100 ದಿನಗಳ ಪ್ರದರ್ಶನ ಕಾಣುತ್ತಿರುವುದು ಏನೂ ಸಾಮಾನ್ಯ ಸಂಗತಿಯಲ್ಲ.. ಹಾಗಾಗಿ ನನ್ನ ತಂಡ ಮತ್ತು ನಾನು ಈ ವಿಚಾರಕ್ಕಾಗಿ ಹೆಮ್ಮೆ ಪಡುತ್ತೇವೆ ಎಂದು ರಿಷಬ್ ಹೇಳಿದ್ದಾರೆ.