'ರಜನಿ v/s ವೈಲ್ಡ್' ಸದ್ಯದಲ್ಲಿಯೇ ಡಿಸ್ಕವರಿ ಚಾನೆಲ್ ನಲ್ಲಿ: ತಲೈವಾ ಅಭಿಮಾನಿಗಳಿಗೆ ಸಿಹಿಸುದ್ದಿ 

ಇದು ತಲೈವಾ, ರಜನಿಕಾಂತ್ ಅಭಿಮಾನಿಗಳಿಗೆ ಖುಷಿಯ ಸುದ್ದಿ. ಸಾಹಸಿ ಬೇರ್ ಗ್ರಿಲ್ಸ್ ಡಿಸ್ಕವರಿ ಚಾನೆಲ್ ಗೆ ನಡೆಸಿಕೊಡುವ ಪ್ರಖ್ಯಾತ ಟಿ ವಿ ಶೋ 'ಇಂಟು ದ ವೈಲ್ಡ್ ವಿತ್ ಬೇರ್ ಗ್ರಿಲ್ಸ್' ನಲ್ಲಿ ರಜನಿಕಾಂತ್ ಭಾಗವಹಿಸಿದ ಸರಣಿ ಸದ್ಯದಲ್ಲಿಯೇ ಪ್ರಸಾರವಾಗಲಿದೆ.
ಚಿತ್ರದ ಮೋಶನ್ ಪೋಸ್ಟರ್
ಚಿತ್ರದ ಮೋಶನ್ ಪೋಸ್ಟರ್

ಇದು ತಲೈವಾ, ರಜನಿಕಾಂತ್ ಅಭಿಮಾನಿಗಳಿಗೆ ಖುಷಿಯ ಸುದ್ದಿ. ಸಾಹಸಿ ಬೇರ್ ಗ್ರಿಲ್ಸ್ ಡಿಸ್ಕವರಿ ಚಾನೆಲ್ ಗೆ ನಡೆಸಿಕೊಡುವ ಪ್ರಖ್ಯಾತ ಟಿ ವಿ ಶೋ 'ಇಂಟು ದ ವೈಲ್ಡ್ ವಿತ್ ಬೇರ್ ಗ್ರಿಲ್ಸ್' ನಲ್ಲಿ ರಜನಿಕಾಂತ್ ಭಾಗವಹಿಸಿದ ಸರಣಿ ಸದ್ಯದಲ್ಲಿಯೇ ಪ್ರಸಾರವಾಗಲಿದೆ.


ಈ ಬಗ್ಗೆ ಸ್ವತಃ ಬೇರ್ ಗ್ರಿಲ್ಸ್ ಅವರೇ ಮಾಹಿತಿ ಹಂಚಿಕೊಂಡಿದ್ದಾರೆ. ತಾವು ಮತ್ತು ರಜನಿಕಾಂತ್ ವಿಶೇಷ ಗೆಟಪ್ ನಲ್ಲಿ ಕಾಡಿನಲ್ಲಿ ಜೀಪ್ ಮುಂದೆ ನಿಂತುಕೊಂಡಿರುವಂತೆ ಮೋಶನ್ ಪೋಸ್ಟರ್ ನ್ನು ಬಿಡುಗಡೆ ಮಾಡಿದ್ದಾರೆ. 


''ವಿಶ್ವಾದ್ಯಂತ ಹಲವು ಸ್ಟಾರ್ ಗಳ ಜೊತೆ ಕೆಲಸ ಮಾಡಿದ್ದೇನೆ, ಆದರೂ ಇದು ನನಗೆ ವಿಶೇಷ, ಲವ್ ಇಂಡಿಯಾ'' ಎಂದು ಬರೆದುಕೊಂಡಿದ್ದಾರೆ. ರಜನಿಕಾಂತ್ ಅವರನ್ನು ಸ್ವೇಗರ್ ಎಂದು ಕರೆದಿರುವ ಗ್ರಿಲ್ಸ್ , ಕಾಡಿನಲ್ಲಿ ಎಲ್ಲವೂ ವಿಭಿನ್ನವಾಗಿರುತ್ತದೆ. ಅಷ್ಟು ದೊಡ್ಡ ನಟನ ಜೊತೆಗೆ ಕಳೆದ ಸಮಯ ತುಂಬಾ ವಿನೋದವಾಗಿತ್ತು, ಅವರನ್ನಿಲ್ಲಿ ಸಂಪೂರ್ಣ ಭಿನ್ನವಾಗಿ ನೀವು ನೋಡಬಹುದು ಎಂದಿದ್ದಾರೆ. ಆದರೆ ಈ ಸರಣಿ ಯಾವ ದಿನಾಂಕದಂದು ಪ್ರಸಾರವಾಗಲಿದೆ ಎಂದು ಹೇಳಿಲ್ಲ.


ರಜನಿಕಾಂತ್ ಸರಣಿಯನ್ನು ಕರ್ನಾಟಕದ ಬಂಡೀಪುರ ಮೀಸಲು ಅರಣ್ಯದಲ್ಲಿ ಕಳೆದ ತಿಂಗಳು ಚಿತ್ರೀಕರಿಸಲಾಗಿತ್ತು. ಒಟ್ಟು 14 ಕಂತುಗಳಲ್ಲಿ ಪ್ರಸಾರವಾಗಲಿದ್ದು ಬಾಲಿವುಡ್ ನಟ ಅಕ್ಷಯ್ ಕುಮಾರ್ ಕೂಡ ಭಾಗಿಯಾಗಿದ್ದರು.

ಈ ವಿಭಾಗದ ಇತರ ಸುದ್ದಿ

No stories found.

Advertisement

X
Kannada Prabha
www.kannadaprabha.com