ಬೆಂಗಳೂರು: ಹಲವು ಭಾಷೆಗಳಲ್ಲಿ ಸಿನಿಮಾ ಸಂಕಲನ ಮಾಡುವ ಮೂಲಕ ಹಿರಿಯ ಸಂಕಲನಕಾರ ಶ್ರೀಕಾರ್ ಪ್ರಸಾದ್ ಲಿಮ್ಕಾ ದಾಖಲೆ ಪುಸ್ತಕ ಸೇರ್ಪಡೆಯಾಗಿದ್ದಾರೆ.
ತಮಿಳು, ಇಂಗ್ಲೀಷ್, ಹಿಂದಿ, ತೆಲುಗು, ಮಲಯಾಳಂ, ಕನ್ನಡ, ಒಡಿಯಾ, ಬೆಂಗಾಲಿ, ಅಸ್ಸಾಮಿ, ಪಂಜಾಬಿ, ನೇಪಾಳಿ, ಮರಾಠಿ, ಸಿಂಹಳೀಯ, ಕರ್ಬಿ, ಮಿಸ್ಸಿಂಗ್, ಬೊಡೊ ಮತ್ತು ಪಂಗ್ ಚೆನ್ ಪಾ ಸೇರಿದಂತೆ ಸುಮಾರು 17 ಭಾಷೆಗಳಲ್ಲಿ ಸಿನಿಮಾ ಸಂಕಲನ ಮಾಡಿದ್ದಾರೆ.
ಲಿಮ್ಕಾ ದಾಖಲೆ ಪುಸ್ತಕದಲ್ಲಿ ಸೇರ್ಪಡೆಯಾಗಿರುವ ಬಗ್ಗೆ ಬಂದಿರುವ ಸ್ವೀಕೃತಿ ಪ್ರಮಾಣ ಪತ್ರವನ್ನು ಟ್ವೀಟರ್ ನಲ್ಲಿ ಶ್ರೀಕಾರ್ ಪ್ರಸಾದ್ ಶೇರ್ ಮಾಡಿದ್ದಾರೆ.
ದೇಶದ ಅತ್ಯುತ್ತಮ ಸಂಕಲನಕಾರಲ್ಲಿ ಒಬ್ಬರಾಗಿರುವ ಶ್ರೀಕಾರ್ ಪ್ರಸಾದ್ ಅವರಿಗೆ ವಿಶೇಷ ಜ್ಯೂರಿ ಪ್ರಶಸ್ತಿ ಸೇರಿದಂತೆ 8 ರಾಷ್ಟ್ರೀಯ ಪ್ರಶಸ್ತಿಗಳನ್ನು ಪಡೆದುಕೊಂಡಿದ್ದಾರೆ. ಇತ್ತೀಚಿಗೆ ಬಿಡುಗಡೆಯಾದ ದರ್ಬಾರ್, ಸೈ ರಾ ನರಸಿಂಹ ರೆಡ್ಡಿ, ಸಾಹೋ, ಸೂಪರ್ 30 ಮತ್ತಿತರ ಬಿಗ್ ಬಜೆಟ್ ಸಿನಿಮಾಗಳಲ್ಲಿ ಸಂಕಲನ ಮಾಡಿರುವ ಶ್ರೀಕಾರ್ ಪ್ರಸಾದ್, ಮುಂದೆ ಬರಲಿರುವ ಇಂಡಿಯನ್ 2, ಆರ್ ಆರ್ ಆರ್ ನಂತರ ಚಿತ್ರಗಳಲ್ಲೂ ತಮ್ಮ ಕೈ ಚಳಕ ಪ್ರದರ್ಶಿಸಿದ್ದಾರೆ.
Advertisement