ಹೈದರಾಬಾದ್: ಟಾಲಿವುಡ್ ಸ್ಟಾರ್ ನಟ ಪ್ರಭಾಸ್ ಅಭಿನಯದ ಬಹು ನಿರೀಕ್ಷಿತ ಆದಿಪುರುಷ ಸಿನಿಮಾದಲ್ಲಿ ಬಾಲಿವುಡ್ ನಟ ಸೈಫ್ ಅಲಿಖಾನ್ ಅವರು ಖಳನಾಯಕನ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.
ಪ್ರಭಾತ್ ಪಾತ್ರಕ್ಕೆ ಎದುರಾಳಿಯಾಗಿರುವ ಈ ಪಾತ್ರದ ಹೆಸರು ಲಂಕೇಶ್. ಈ ಹಿಂದೆ ಓಂ ರಾವತ್ ನಿರ್ದೇಶನದ ತಾನಾಜೀ ಸಿನಿಮಾದಲ್ಲಿಯೂ ಸೈಫ್ ಖಳನಟನಾಗಿ ನಟಿಸಿದ್ದರು.
ಕೆಲ ದಿನಗಳಿಂದಲೂ ಆದಿಪುರುಷ್ ಸಿನಿಮಾದಲ್ಲಿ ಸೈಫ್ ಖಳನಾಯಕನಾಗಿ ನಟಿಸುತ್ತಿದ್ದಾರೆಂಬ ಸುದ್ದಿಗಳು ಹರಿದಾಡುತ್ತಿದ್ದವು. ಆದರೆ, ಈ ಬಗ್ಗೆ ಚಿತ್ರ ತಂಡ ಯಾವುದೇ ಸ್ಪಷ್ಟನೆಗಳನ್ನು ನೀಡಿರಲಿಲ್ಲ. ಇದೀಗ ಓಂ ರಾವತ್ ಅವರು ತಮ್ಮ ಟ್ವಿಟರ್ ಖಾತೆಯಲ್ಲಿ ಪೋಸ್ಟರ್ ವೊಂದರನ್ನು ಹಂಚಿಕೊಂಡಿದ್ದು, ಈ ಬಗ್ಗೆ ಸ್ಪಷ್ಟನೆ ನೀಡಿದ್ದಾರೆ.
ಓಂ ರಾವತ್ ಅವರು ಆದಿಪುರುಷ್ ಚಿತ್ರದ ಪೋಸ್ಟರ್ ನ್ನು ಹಂಚಿಕೊಂಡಿದ್ದು, ಪೋಸ್ಟರ್ ನಲ್ಲಿ ಸೈಫ್ ಅಲಿಖಾನ್ ಲಂಕೇಶನಾಗಿ ನಟಿಸುತ್ತಿದ್ದಾರೆಂಬ ಮಾಹಿತಿ ನೀಡಿತಿ ನೀಡಿದ್ದಾರೆ.
7000 ವರ್ಷಗಳ ಹಿಂದೆ ವಿಶ್ವತ ಅತ್ಯಂತ ಬುದ್ಧಿವಂತ ರಾಕ್ಷಸ ಅಸ್ವಿತ್ವದಲ್ಲಿದ್ದ! #ಆದಿಪುರುಷ್' ಎಂದು ಟ್ವಿಟರ್ ನಲ್ಲಿ ಓಂ ರಾವತ್ ಅವರು ಬರೆದುಕೊಂಡಿದ್ದಾರೆ.
Advertisement