ರಜನಿ ಕಾಂತ್ ಅಭಿನಯದ ಬಹುನಿರೀಕ್ಷಿತ ‘ಅನ್ನತ್ತೆ’ ದೀಪಾವಳಿಗೆ ಬಿಡುಗಡೆ

ಚೆನ್ನೈ: ಸೂಪರ್ ಸ್ಟಾರ್ ರಜನಿಕಾಂತ್ ಅಭಿನಯದ ಮುಂದಿನ ಬಹುನಿರೀಕ್ಷಿತ 'ಅನ್ನತ್ತೆ' ಈ ಬಾರಿಯ ದೀಪಾವಳಿಗೆ ಬಿಡುಗಡೆಯಾಗಲಿದೆ.

ಈ ಚಿತ್ರವನ್ನು ನಿರ್ಮಾಣ ಮಾಡಿರುವ ಸನ್ ಪಿಕ್ಚರ್ಸ್ ಗುರುವಾರ ಈ ವಿಷಯವನ್ನು ತಿಳಿಸಿದೆ.ದೀಪಾವಳಿಗಾಗಿ ಅನ್ನತ್ತೆಗೆ ನೀವು ಸಿದ್ಧರಿದ್ದೀರಾ? ಎಂದು ಕಲಾನಿಧಿ ಮಾರನ್ ಮಾಲಿಕತ್ವದ ಸನ್ ಪಿಕ್ಚರ್ಸ್ ಪ್ರೇಕ್ಷಕರನ್ನು ಕೇಳಿದೆ.

ಶಿವ ನಿರ್ದೇಶನದ ಈ ಚಿತ್ರದಲ್ಲಿ  ನಯನ ತಾರಾ, ಮೀನಾ, ಖುಷ್ಬೂ ಸುಂದರ್, ಪ್ರಕಾಶ್ ರಾಜ್ ಸೇರಿದಂತೆ ಮತ್ತಿತರ ಕಲಾವಿದರ ದಂಡೆ ಇದೆ. 2021 ನವೆಂಬರ್ 4ಕ್ಕೆ ಈ ಚಿತ್ರ ತೆರೆಗೆ ಅಪ್ಪಳಿಸಲಿದೆ. ಡಿ ಇಮಾನ್ ಅನ್ನತ್ತೆ ಚಿತ್ರಕ್ಕೆ ಸಂಗೀತ ಸಂಯೋಜಿಸಿದ್ದಾರೆ.