ಪ್ರಜ್ವಲ್ ದೇವರಾಜ್ ಈಗ ಬ್ಯುಸಿ ನಟ, ಮತ್ತೆ ಎರಡು ಚಿತ್ರಗಳಿಗೆ ಸಹಿ

ಕೋವಿಡ್ ಲಾಕ್ ಡೌನ್ ನಂತರ, ಡೈನಾಮಿಕ್ ಪ್ರಿನ್ಸ್ ಪ್ರಜ್ವಲ್ ದೇವರಾಜ್ ಅವರು ಕಳೆದುಹೋದ ಸಮಯವನ್ನು ಸರಿದೂಗಿಸುತ್ತಿದ್ದು, ಎರಡು ಹೊಸ ಚಿತ್ರಗಳಿಗೆ ಸಹಿ ಮಾಡಿದ್ದಾರೆ.

Published: 29th July 2021 01:58 PM  |   Last Updated: 29th July 2021 01:58 PM   |  A+A-


Prajwal1

ಪ್ರಜ್ವಲ್ ದೇವರಾಜ್

Posted By : Lingaraj Badiger
Source : The New Indian Express

ಬೆಂಗಳೂರು: ಕೋವಿಡ್ ಲಾಕ್ ಡೌನ್ ನಂತರ, ಡೈನಾಮಿಕ್ ಪ್ರಿನ್ಸ್ ಪ್ರಜ್ವಲ್ ದೇವರಾಜ್ ಅವರು ಕಳೆದುಹೋದ ಸಮಯವನ್ನು ಸರಿದೂಗಿಸುತ್ತಿದ್ದು, ಎರಡು ಹೊಸ ಚಿತ್ರಗಳಿಗೆ ಸಹಿ ಮಾಡಿದ್ದಾರೆ.

ಪ್ರಜ್ವಲ್ ಅವರು ಈಗ ತಮ್ಮ ಮುಂಬರುವ ಚಿತ್ರಗಳಿಗಾಗಿ ಕೆಲವು ಆಸಕ್ತಿದಾಯಕ ವಿಷಯಗಳನ್ನು ಆರಿಸಿಕೊಳ್ಳುತ್ತಿದ್ದಾರೆ. ಅವರು ಪ್ರಸ್ತುತ ವೀರಂ ಚಿತ್ರದ ಚಿತ್ರೀಕರಣದಲ್ಲಿ ಬ್ಯುಸಿಯಾಗಿದ್ದು, ಮುಂದಿನ ಸೆಪ್ಟೆಂಬರ್‌ನಿಂದ ‘ಗುರುದತ್ತ ಗಾಣಿಗ ಅವರ ಮಾಫಿಯಾ’ದ ಚಿತ್ರೀಕರಣ ಪ್ರಾರಂಭಿಸಲಿದ್ದಾರೆ. ಇದಲ್ಲದೆ, ಅವರು ಹೊಸ ನಿರ್ದೇಶಕರೊಂದಿಗೆ ಒಂದಲ್ಲ ಎರಡು ಹೊಸ ಚಿತ್ರಗಳಿಗೆ ಗ್ರೀನ್ ಸಿಗ್ನಲ್ ನೀಡಿದ್ದಾರೆ.

“ನಿರ್ದೇಶಕ ಜಕ್ಕಾ ಹರಿಪ್ರಸಾದ್ ಅವರ ಚೊಚ್ಚಲ ಚಿತ್ರದಲ್ಲಿ ಅಭಿನಯಿಸುತ್ತಿದ್ದೇನೆ. ಅವರು ತೆಲುಗು ನಿರ್ದೇಶಕ ಸುಕುಮಾರ್ ಅವರ ಬರವಣಿಗೆ ತಂಡದ ಭಾಗವಾಗಿದ್ದಾರೆ ಮತ್ತು ಶೇ. 100 ರಷ್ಟು ಲವ್ ಕಥೆಯನ್ನು ಬರೆದಿದ್ದಾರೆ. ಅವರು ಈಗ ತಮ್ಮ ವಿಭಿನ್ನ ಕಥೆಯೊಂದಿಗೆ ನಿರ್ದೇಶಕರಾಗಲಿದ್ದಾರೆ, ಅದನ್ನು ನಾನು ಕಳೆದುಕೊಳ್ಳಲು ಬಯಸುವುದಿಲ್ಲ”ಎಂದು ಪ್ರಜ್ವಲ್ ದೇವರಾಜ್ ಹೇಳಿದ್ದಾರೆ.

ಇತರ ಯೋಜನೆಗಾಗಿ, ಪ್ರಜ್ವಲ್ ಅವರು ಸಂಪಾದಕ, ನಿರ್ದೇಶಕ ಕಿರಣ್ ಅವರೊಂದಿಗೆ ಕೆಲಸ ಮಾಡಲಿದ್ದಾರೆ. ಕಿರಣ್ ಅವರು ಥ್ರಿಲ್ಲರ್ ಮೂಲಕ ಸ್ಯಾಂಡಲ್ ವುಡ್ ಗೆ ಪಾದಾರ್ಪಣೆ ಮಾಡಲು ಸಿದ್ಧರಾಗಿದ್ದಾರೆ. "ಕಿರಣ್ ಅವರೊಂದಿಗಿನ ನನ್ನ ಪ್ರಾಜೆಕ್ಟ್ ಅಷ್ಟೇ ಆಸಕ್ತಿದಾಯಕವಾಗಿದೆ, ಮತ್ತು ಸ್ಕ್ರಿಪ್ಟ್ ಕೆಲಸ ಮುಂದುವರೆದಿದೆ" ಎಂದು ನಟ ಹೇಳಿದ್ದಾರೆ.

"ಪೋಸ್ಟ್ ಮಾಫಿಯಾ, ನಾನು ಕಿರಣ್ ದಿನಾಂಕಗಳನ್ನು ನಿಗದಿಪಡಿಸಿದ್ದೇನೆ ಮತ್ತು ನಂತರ ಜಕ್ಕಾ ಹರಿಪ್ರಸಾದ್ ಚಿತ್ರದದಲ್ಲಿ ತೊಡಗಿಕೊಳ್ಳುತ್ತೇನೆ. ಈಗ ನಂದ ಕಿಶೋರ್ ಅವರ ಪೋಸ್ಟ್ ಮಾಫಿಯಾ ಚಿತ್ರದ ಚಿತ್ರೀಕರಣ ಪ್ರಾರಂಭಿಸುತ್ತಿದ್ದೇವೆ. ”
ಎಂದಿದ್ದಾರೆ.

ಅದೃಷ್ಟವಶಾತ್, ಚಲನಚಿತ್ರ ನಿರ್ಮಾಪಕರು ವಿಭಿನ್ನ ವಿಷಯಗಳೊಂದಿಗೆ ನನ್ನನ್ನು ಸಂಪರ್ಕಿಸುತ್ತಿದ್ದಾರೆ ಮತ್ತು ಅದನ್ನು ಕೈಗೆತ್ತಿಕೊಳ್ಳುವುದು ಉತ್ತಮ ಎಂದು ನಾನು ಭಾವಿಸಿದೆ" ಎಂದು ಪ್ರಜ್ವಲ್ ಹೇಳಿದ್ದಾರೆ.

ಚೌಕಾದಲ್ಲಿ ನಿರ್ವಹಿಸಿದ ಪಾತ್ರವನ್ನು ನೆನಪಿಸಿಕೊಂಡ ಪ್ರಜ್ವಲ್, ಇದು ಅವರು ತೆಗೆದುಕೊಳ್ಳುವ ಪಾತ್ರಗಳ ವಿಷಯದಲ್ಲಿ ಎಚ್ಚರಿಕೆ ವಹಿಸಲು ಸಹಾಯ ಮಾಡಿದೆ. “ಚೌಕಾ ಚಿತ್ರದ ನಂತರ ನಾನು ಸುಮಾರು 7 ತಿಂಗಳು ಯಾವುದೇ ಚಿತ್ರಗಳನ್ನು ಒಪ್ಪಿಕೊಳ್ಳಲಿಲ್ಲ. ಏಕೆಂದರೆ ಸರಿಯಾದ ರೀತಿಯ ಚಿತ್ರಗಳನ್ನು ಆಯ್ಕೆ ಮಾಡಲು ನಾನು ಸಮಯ ತೆಗೆದುಕೊಂಡೆ. ನಂತರ ಲೈಫ್ ಜೋತೆ ಒಂದ್ ಸೆಲ್ಫಿ, ಜಂಟಲ್ಮನ್ ಮತ್ತು ಇನ್ಸ್ಪೆಕ್ಟರ್ ವಿಕ್ರಮ್ ಚಿತ್ರಗಳಲ್ಲಿ ಅಭಿನಯಿಸಿದೆ ಎಂದಿದ್ದಾರೆ.


Stay up to date on all the latest ಸಿನಿಮಾ ಸುದ್ದಿ news
Poll
Minister sudhakar

ಆಧುನಿಕ ಭಾರತೀಯ ಮಹಿಳೆ ಮದುವೆ, ಮಕ್ಕಳನ್ನು ಬಯಸುವುದಿಲ್ಲ: ಸಚಿವ ಸುಧಾಕರ್ ಹೇಳಿಕೆ ಕುರಿತು ನಿಮ್ಮ ಅಭಿಪ್ರಾಯವೇನು?


Result
ಸರಿ
ತಪ್ಪು

Comments

Disclaimer : We respect your thoughts and views! But we need to be judicious while moderating your comments. All the comments will be moderated by the kannadaprabha.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

The views expressed in comments published on kannadaprabha.com are those of the comment writers alone. They do not represent the views or opinions of kannadaprabha.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. kannadaprabha.com reserves the right to take any or all comments down at any time.

flipboard facebook twitter whatsapp