ದರ್ಶನ್ ತುಂಬಿದ ಆತ್ಮವಿಶ್ವಾಸ ಮರೆಯಲು ಅಸಾಧ್ಯ: 'ರಾಬರ್ಟ್' ರಾಣಿ ಆಶಾ ಭಟ್!

ರಾಬರ್ಟ್ ಸಿನಿಮಾದಲ್ಲಿ ನಟ ದರ್ಶನ ಜೊತೆ ಕಣ್ಣು ಹೊಡಿಯಾಕ ಹಾಡಿಗೆ ಹೆಜ್ಜೆ ಹಾಕಿರುವ ಆಶಾ ಭಟ್ ತಮ್ಮ ಡ್ಯಾನ್ಸಿಂಗ್ ಸ್ಕಿಲ್ ಮೂಲಕ ಸ್ಯಾಂಡಲ್ ವುಡ್ ನಲ್ಲಿ ಮನೆ ಮಾತಾಗಿದ್ದಾರೆ.

Published: 12th March 2021 12:48 PM  |   Last Updated: 12th March 2021 02:00 PM   |  A+A-


Asha Bhat

ಆಶಾ ಭಟ್

Posted By : Shilpa D
Source : The New Indian Express

ರಾಬರ್ಟ್ ಸಿನಿಮಾದಲ್ಲಿ ನಟ ದರ್ಶನ ಜೊತೆ ಕಣ್ಣು ಹೊಡಿಯಾಕ ಹಾಡಿಗೆ ಹೆಜ್ಜೆ ಹಾಕಿರುವ ಆಶಾ ಭಟ್ ತಮ್ಮ ಡ್ಯಾನ್ಸಿಂಗ್ ಸ್ಕಿಲ್ ಮೂಲಕ ಸ್ಯಾಂಡಲ್ ವುಡ್ ನಲ್ಲಿ ಮನೆ ಮಾತಾಗಿದ್ದಾರೆ.

ರಾಬರ್ಟ್ ಸಿನಿಮಾದ ಎರಡು ಹಾಡುಗಳು  ಲಕ್ಷಗಟ್ಟಲೇ  ವೀಕ್ಷಣೆ ಕಂಡಿವೆ. 2019ರಲ್ಲಿ ಬಾಲಿವುಡ್ ಚಿತ್ರ ‘ಜಂಗ್ಲಿ’ಯಲ್ಲಿ ದ್ವಿತೀಯ ನಾಯಕಿಯಾಗಿ ಅಭಿನಯಿಸುವ ಮೂಲಕ ಹೆಸರು ಮಾಡಿದ್ದ ಆಶಾ, ಮೊದಲ ಬಾರಿಗೆ ಕನ್ನಡ ಚಿತ್ರದ ನಾಯಕಿ ನಟಿಯಾಗಿ ತೆರೆ ಮೇಲೆ ಕಾಣಿಸುತ್ತಿದ್ದಾರೆ.

ಭದ್ರಾವತಿಯಲ್ಲಿ ಸೇಂಟ್ ಚಾರ್ಲ್ಸ್ ಕಾನ್ವೆಂಟ್‌ನಲ್ಲಿ ವಿದ್ಯಾಭ್ಯಾಸ ಆರಂಭಿಸಿ ಮೂಡುಬಿದಿರೆ ಆಳ್ವಾಸ್ ಕಾಲೇಜಿನಲ್ಲಿ ಕಲಿಯುತ್ತಿರುವಾಗಲೇ ಪಠ್ಯೇತರ ಚಟುವಟಿಕೆಯಲ್ಲಿ ಸಕ್ರಿಯರಾಗಿದ್ದ ಆಶಾ, ದೆಹಲಿ ಗಣರಾಜ್ಯೋತ್ಸವ ಪಥಸಂಚಲನದಲ್ಲಿ ಪ್ರತಿನಿಧಿಸಿದ ಹೆಗ್ಗಳಿಕೆ ಪಡೆದಿದ್ದರು.

Asha Bhat

ಪ್ರೇಕ್ಷಕರ  ಹೃದಯ ಗೆಲ್ಲುವ ಬಗ್ಗೆ ನನಗೆ ತಿಳಿದಿಲ್ಲ,  ದರ್ಶನ್ ಅವರ ಜೊತೆ ಕೆಲಸ ಮಾಡುವಾಗ ಅವರು ನನಗೆ ಆತ್ಮ ವಿಶ್ವಾಸ ತುಂಬಿದ್ದರು. ನಿರ್ದೇಶಕ ತರುಣ್ ಕಿಶೋರ್ ನನಗೆ ನನ್ನ ಪಾತ್ರಕ್ಕೆ ಸಂಪೂರ್ಣ ಸ್ವಾತಂತ್ರ್ಯ ನೀಡಿದ್ದರು. ನಿರ್ಮಾಪಕ ಉಮಾಪತಿ ಹೊಸಬಳಾದ ನನಗೆ ಅವಕಾಶ ನೀಡಿ ರಿಸ್ಕ್ ತೆಗೆದುಕೊಂಡಿದ್ದರು. ಇದು ನನಗೆ ಬಹಳ ದೊಡ್ಡ ವಿಷಯ ಎಂದು ಆಶಾ ಭಟ್ ಹೇಳಿದ್ದಾರೆ.

ಕರ್ನಾಟಕದ ಹುಡುಗಿಯನ್ನು ಗುರುತಿಸಿ ಪ್ರೋತ್ಸಾಹಿಸಿರುವುದಕ್ಕೆ ನಾನು ಎಲ್ಲರಿಗೂ ಅಭಿನಂದನೆ ಸಲ್ಲಿಸುತ್ತೇನೆ, ಸಿನಿಮಾ ಬಗ್ಗೆ ಹಾಗೂ ನನ್ನ ಬಗ್ಗೆ ಓದಿ ನನಗೆ ತುಂಬಾ ಖುಷಿಯಾಯಿತು ಎಂದಿದ್ದಾರೆ. ನಾನು ಆಡಿಷನ್ ಕೋಣೆಗೆ ಪ್ರವೇಶಿಸಿದಾಗಲೆಲ್ಲಾ, ನಾನು ಹೊಸ ಪಾತ್ರವನ್ನು ಜಾರಿಗೆ ತರಲು ಬಳಸುತ್ತಿದ್ದೆ. 15 ಜನರ ಮುಂದೆ ಒಂದು ಪಾತ್ರವನ್ನು ನಿರ್ವಹಿಸಿದ ನಂತರ, 100 ಮಂದಿ ಮುಂದೆ ನಟಿಸಲು ಸಹಾಯವಾಯಿತು ಎಂದಿದ್ದಾರೆ. 

ರಾಬರ್ಟ್ ಸಿನಿಮಾ ನಂತರ ಜನ ನನ್ನನ್ನು ಹೆಚ್ಚೆಚ್ಚು ಗುರುತಿಸುತ್ತಿದ್ದಾರೆ, ವಿವಿಧ ಪಾತ್ರಗಳು ನನ್ನನ್ನು ಹುಡುಕಿಕೊಂಡು ಬರುತ್ತಿವೆ, ಆದರೆ ಇನ್ನೂ ಯಾವುದೇ ಹೊಸ ಪ್ರಾಜೆಕ್ಟ್ ಗೆ ಸಹಿ ಮಾಡಿಲ್ಲ, ವಿಭಿನ್ನ ಪಾತ್ರಗಳಲ್ಲಿ ನಟಿಸಬೇಕು ಎಂಬುದು ನನ್ನ ಬಯಕೆಯಾಗಿದೆ ಎಂದು ಹೇಳಿದ್ದಾರೆ.

Stay up to date on all the latest ಸಿನಿಮಾ ಸುದ್ದಿ news
Poll
Mamata1

ಪಶ್ಚಿಮ ಬಂಗಾಳ ಚುನಾವಣೆಯಲ್ಲಿ ಟಿಎಂಸಿ ಪಕ್ಷಕ್ಕೆ ಗೆಲುವು: ಮಮತಾ ಬ್ಯಾನರ್ಜಿ ಈಗ ಭಾರತದ ಪ್ರಬಲ ಪ್ರತಿಪಕ್ಷ ನಾಯಕಿಯೇ?


Result
ಹೌದು, ನಿರ್ವಿವಾದವಾಗಿ.
ಇಲ್ಲ, ಪ್ರಾದೇಶಿಕ ನಾಯಕಿ ಅಷ್ಟೇ.
flipboard facebook twitter whatsapp