ತ್ರಿಬಲ್ ರೈಡಿಂಗ್ ಮಾಡಲಿದ್ದಾರೆ ಗಣೇಶ್; 'ಕಾಂತಾರ' ಸಿನಿಮಾ ಬಗ್ಗೆ ಮಾತನಾಡಿದ ಗೋಲ್ಡನ್ ಸ್ಟಾರ್

ಕಾನೂನಿನ ಪ್ರಕಾರ ತ್ರಿಬಲ್ ರೈಡಿಂಗ್ ಹೋಗುವುದು ತಪ್ಪು. ಆದರೂ, ಗೋಲ್ಡನ್ ಸ್ಟಾರ್ ಗಣೇಶ್ ಅವರ ಮುಂಬರುವ ಚಿತ್ರದಲ್ಲಿ ತ್ರಿಬಲ್ ರೈಡಿಂಗ್‌ ಮಾಡುತ್ತಿದ್ದಾರೆ. 'ನಿಸ್ಸಂದೇಹವಾಗಿ, ತ್ರಿಬಲ್ ರೈಡಿಂಗ್ ಕಾನೂನುಬಾಹಿರ. ಸಿಕ್ಕಿಬೀಳುವ ಭಯವಿದೆ, ಖಂಡಿತ. ಚಿತ್ರದಲ್ಲೂ ಕೂಡ ತ್ರಿಬಲ್ ರೈಡಿಂಗ್ ಅಡಚಣೆಯಾಗಿದೆ. ಆದರೆ, ಆ ರೈಡಿಂಗ್‌ನಲ್ಲಿ ಸಂತೋಷವಿದೆ. ಸಿಕ್ಕಿಬೀಳದೆ ತಪ್ಪಿಸಿಕೊಳ್ಳುವುದು ಹೇಗೆ? ನಿಮ್ಮ ಜೀವನದಲ್ಲಿ ಮೂವರು ಇದ್ದಾಗ ಹೇಗೆ ನಿಭಾಯಿಸುವಿರಿ? ಇದುವೇ ಮಹೇಶ್ ಗೌಡ ನಿರ್ದೇಶನದ ಸಿನಿಮಾದ ತಿರುಳು’ ಎಂದು ವಿವರಿಸುತ್ತಾರೆ ಗಣೇಶ್.

ಗಾಳಿಪಟ 2 ನಂತರ ಗಣೇಶ್ ಅವರ ತ್ರಿಬಲ್ ರೈಡಿಂಗ್ ಕೂಡ ಇದೇ ವರ್ಷ ಬಿಡುಗಡೆಯಾಗುತ್ತಿದೆ. 'ಚಿತ್ರವನ್ನು ಎಲ್ಲಾ ರೀತಿಯ ಪ್ರೇಕ್ಷಕರು ವೀಕ್ಷಿಸಬಹುದು. ಆದರೆ, ಇದು ಒಂದು ಕಿಡಿಗೇಡಿತನದ ಅಂಶವನ್ನು ಹೊಂದಿದೆ' ಎಂದು ಅವರು ಹೇಳುತ್ತಾರೆ.

ಕಾನೂನಿನ ಪ್ರಕಾರ ತ್ರಿಬಲ್ ರೈಡಿಂಗ್ ಹೋಗುವುದು ತಪ್ಪು. ಆದರೂ, ಗೋಲ್ಡನ್ ಸ್ಟಾರ್ ಗಣೇಶ್ ಅವರ ಮುಂಬರುವ ಚಿತ್ರದಲ್ಲಿ ತ್ರಿಬಲ್ ರೈಡಿಂಗ್‌ ಮಾಡುತ್ತಿದ್ದಾರೆ. 'ನಿಸ್ಸಂದೇಹವಾಗಿ, ತ್ರಿಬಲ್ ರೈಡಿಂಗ್ ಕಾನೂನುಬಾಹಿರ. ಸಿಕ್ಕಿಬೀಳುವ ಭಯವಿದೆ, ಖಂಡಿತ. ಚಿತ್ರದಲ್ಲೂ ಕೂಡ ತ್ರಿಬಲ್ ರೈಡಿಂಗ್ ಖಂಡಿತವಾಗಿಯೂ ಒಂದು ಅಡಚಣೆ. ಆದರೆ, ಆ ರೈಡಿಂಗ್‌ನಲ್ಲಿ ಸಂತೋಷವಿದೆ. ಸಿಕ್ಕಿಬೀಳದೆ ತಪ್ಪಿಸಿಕೊಳ್ಳುವುದು ಹೇಗೆ? ನಿಮ್ಮ ಜೀವನದಲ್ಲಿ ಮೂವರು ಇದ್ದಾಗ ಹೇಗೆ ನಿಭಾಯಿಸುವಿರಿ? ಇದುವೇ ಮಹೇಶ್ ಗೌಡ ನಿರ್ದೇಶನದ ಸಿನಿಮಾದ ತಿರುಳು’ ಎಂದು ವಿವರಿಸುತ್ತಾರೆ ಗಣೇಶ್.

ಗಾಳಿಪಟ 2 ನಂತರ ಗಣೇಶ್ ಅವರ ತ್ರಿಬಲ್ ರೈಡಿಂಗ್ ಕೂಡ ಇದೇ ವರ್ಷ ಬಿಡುಗಡೆಯಾಗುತ್ತಿದೆ. 'ಚಿತ್ರವನ್ನು ಎಲ್ಲಾ ರೀತಿಯ ಪ್ರೇಕ್ಷಕರು ವೀಕ್ಷಿಸಬಹುದು. ಆದರೆ, ಇದು ಒಂದು ಕಿಡಿಗೇಡಿತನದ ಅಂಶವನ್ನು ಹೊಂದಿದೆ' ಎಂದು ಅವರು ಹೇಳುತ್ತಾರೆ.

ವೈದ್ಯನಾಗಿ ಕಾಣಿಸಿಕೊಂಡಿರುವ ಗಣೇಶ್, 'ಇದು ಬಹು ಲಕ್ಷಣಗಳನ್ನು ಹೊಂದಿದೆ. ಆತ ಗಾಲ್ಫ್ ಆಟಗಾರ ಮತ್ತು ಸ್ಪೋರ್ಟ್ಸ್ ಕಾರ್ ಡೀಲರ್ ಕೂಡ. ಅಲ್ಲದೆ, ಆತ ಸಮರ ಕಲೆ ಮತ್ತು ಈಜನ್ನು ಕಲಿಸುತ್ತಾನೆ. ಆದಾಗ್ಯೂ, ವಿಭಿನ್ನ ಸಂದರ್ಭಗಳಲ್ಲಿ ಆತನ ಜೀವನಕ್ಕೆ ಮೂವರು ಮಹಿಳೆಯರು ಬರುತ್ತಾರೆ ಮತ್ತು ಆತ ಅದನ್ನು ಹೇಗೆ ನಿಭಾಯಿಸುತ್ತಾನೆ ಎಂಬುದೇ ಮೋಜಿನ ಸವಾರಿ ಮಾಡಿಸುತ್ತದೆ. ಬಹುಶಃ ನಾನು ಈ ರೀತಿಯ ಪಾತ್ರದಲ್ಲಿ ನಟಿಸುತ್ತಿರುವುದು ಇದೇ ಮೊದಲು. ಚಿತ್ರವು ಹಲವು ಟ್ವಿಸ್ಟ್‌ಗಳು ಮತ್ತು ತಿರುವುಗಳನ್ನು ಹೊಂದಿರುವುದೇ ಈ ಸಿನಿಮಾವನ್ನು ಒಪ್ಪಿಕೊಳ್ಳಲು ಪ್ರಾಥಮಿಕ ಕಾರಣವಾಗಿತ್ತು' ಎನ್ನುತ್ತಾರೆ ಗಣೇಶ್.

ಯೋಗರಾಜ್ ಭಟ್ ಅವರ ಮುಂಗಾರು ಮಳೆಯಿಂದಲೂ ಸಹ ನಿರ್ದೇಶಕರಾಗಿ ಕೆಲಸ ಮಾಡಿರುವ ಮಹೇಶ್ ಗೌಡ ಅವರ ಬಗ್ಗೆ ಮಾತನಾಡುತ್ತಾ, 'ಅವರು ಸ್ಪಷ್ಟ ದೃಷ್ಟಿ ಹೊಂದಿರುವ ನಿರ್ದೇಶಕರು. ಅವನು ಮೌನವಾಗಿರುತ್ತಾರೆ. ಆದರೆ, ಹೇಗೆ ಕೆಲಸ ಮಾಡಬೇಕು ಎಂಬುದನ್ನು ತಿಳಿದಿರುತ್ತಾರೆ' ಎಂದು ಹೇಳಿದ್ದಾರೆ.

ತ್ರಿಬಲ್ ರೈಡಿಂಗ್‌ನಲ್ಲಿ ರಂಗಾಯಣ ರಘು, ಸಾಧು ಕೋಕಿಲ, ಕುರಿ ಪ್ರತಾಪ್ ಮತ್ತು ಶೋಬರಾಜ್ ಮುಂತಾದ ಹಿರಿಯ ನಟರು ನಟಿಸಿದ್ದಾರೆ.

ಇದನ್ನೂ ಓದಿ: ಆ ಒಂದು ಕಾರಣಕ್ಕಾಗಿ 'ತ್ರಿಬಲ್ ರೈಡಿಂಗ್' ನನಗೆ ವಿಶೇಷವಾಗಿದೆ: ಮೇಘಾ ಶೆಟ್ಟಿ

'ಈ ನಟರ ಉಪಸ್ಥಿತಿಯು ಚಿತ್ರಕ್ಕೆ ಮೌಲ್ಯವನ್ನು ತಂದುಕೊಡುತ್ತದೆ. ಪ್ರೇಕ್ಷಕರು ಅವರನ್ನು ಹೇಗೆ ತೆರೆಯ ಮೇಲೆ ನೋಡಿ ಆನಂದಿಸುತ್ತಾರೋ, ಅವರ ಜೊತೆ ಕೆಲಸ ಮಾಡುವಾಗ ನಮಗೂ ಅದೇ ರೀತಿಯ ಭಾವನೆ ಇತ್ತು. ರಂಗಾಯಣ ರಘು ಅವರು ಅದ್ಭುತ ನಟ ಮತ್ತು ಶ್ರೇಷ್ಠ ಮನುಷ್ಯ. ಅವರು ಹಾಸ್ಯ ಮತ್ತು ಗಂಭೀರ ಪಾತ್ರಗಳನ್ನು ಸಹ ಮಾಡುತ್ತಾರೆ. ಅವರ ಜತೆ ನಟಿಸಿದಾಗ ಕಲಿಯಲು ಸಹ’ ಎನ್ನುತ್ತಾರೆ ಅವರು.

ಸ್ಯಾಂಡಲ್‌ವುಡ್‌ನಲ್ಲಿ ಎರಡು ದಶಕಗಳನ್ನು ಕಳೆದಿರುವ ಗಣೇಶ್, 'ಹಿಂತಿರುಗಿ ನೋಡಿದಾಗ ಇದೆಲ್ಲ ಮ್ಯಾಜಿಕ್ ಎನಿಸುತ್ತದೆ. ಈಗಷ್ಟೇ ಎರಡು ಮೆಟ್ಟಿಲು ಹತ್ತಿದಂತೆ ಭಾಸವಾಗುತ್ತದೆ. ಇನ್ನೂ ಹೆಚ್ಚಿನ ಪಾತ್ರಗಳು ಬರಲಿವೆ ಮತ್ತು ಹೆಚ್ಚಿನ ತಂತ್ರಜ್ಞರು ಸಹಕರಿಸುತ್ತಾರೆ. ಮಾಡಲು ಬಹಳಷ್ಟು ಕೆಲಸಗಳಿವೆ ಮತ್ತು ಇದು ಹೊಸ ಆರಂಭ ಎಂದು ನಾನು ಭಾವಿಸುತ್ತೇನೆ' ಎನ್ನುತ್ತಾರೆ ಗಣೇಶ್.

ಇದನ್ನೂ ಓದಿ: ಯಾವ ನಿರೀಕ್ಷೆಗಳೂ ಇಲ್ಲದೆ ನಾನು ಸಿನಿಮಾ ರಂಗ ಪ್ರವೇಶಿಸಿದ್ದೇನೆ: ನಟಿ ರಚನಾ ಇಂದರ್

ಇಂದು, ಜನರು ತಾಂತ್ರಿಕವಾಗಿ ಮುಂದುವರಿದ ಎಲ್ಲಾ ರೀತಿಯ ಚಲನಚಿತ್ರಗಳಿಗೆ ಒಗ್ಗಿಕೊಳ್ಳುತ್ತಾರೆ. ಆದಾಗ್ಯೂ, ಕಥೆ ಮತ್ತು ನಿರೂಪಣೆಯ ಪ್ರಾಮುಖ್ಯತೆಯು ಸ್ಥಿರವಾಗಿರುತ್ತದೆ. ಅನೇಕ ಬ್ಲಾಕ್‌ಬಸ್ಟರ್‌ಗಳು ಇವೆ. ಅವುಗಳು ಸರಿಯಾದ ಕಥೆಯನ್ನು ಹೊಂದಿಲ್ಲದಿರಬಹುದು. ನಂತರ, ಅತ್ಯುತ್ತಮ ಕಥೆಗಳನ್ನು ಹೊಂದಿದ್ದ ಚಲನಚಿತ್ರಗಳು ಇವೆ. ಆದರೆ, ಗಲ್ಲಾಪೆಟ್ಟಿಗೆಯಲ್ಲಿ ಉತ್ತಮ ಪ್ರದರ್ಶನ ಕಂಡಿಲ್ಲ. ಪ್ರೇಕ್ಷಕರೊಂದಿಗಿನ ಸಂಪರ್ಕ ಮಾತ್ರ ಮುಖ್ಯ ಎಂದು ಅವರು ಹೇಳುತ್ತಾರೆ.

ಕಾಂತಾರ ಚಿತ್ರದ ಸೂಪರ್ ಸಕ್ಸಸ್‌ನಿಂದ ಕನ್ನಡ ಚಿತ್ರರಂಗ ಭಾರತೀಯ ಚಿತ್ರರಂಗದಲ್ಲಿ ಮಹತ್ವದ ಸ್ಥಾನವನ್ನು ತಲುಪುತ್ತಿದೆ ಎಂದು ತಿಳಿದು ಖುಷಿಯಾಗಿದೆ. ಕಾಂತಾರವನ್ನು ಪ್ಯಾನ್ ಇಂಡಿಯಾ ಸಿನಿಮಾ ಎನ್ನಲಾಗಿರಲಿಲ್ಲ. ಆದರೆ, ಏನೋ ಮ್ಯಾಜಿಕ್ ಸಂಭವಿಸಿದೆ. ಅದೇ ರೀತಿ ಮುಂಗಾರು ಮಳೆ ಕೂಡ ವೈವಿಧ್ಯಮಯ ಪ್ರೇಕ್ಷಕರನ್ನು ತಲುಪಿತು. ನಮ್ಮ ವೃತ್ತಿ ಜೀವನದಲ್ಲಿ ಇಂತಹ ಕೆಲವು ಕ್ಷಣಗಳು ಎಂದೆಂದಿಗೂ ಸ್ಮರಣೀಯವಾಗಿರುತ್ತವೆ. ಅಲ್ಲದೆ, ಪ್ಯಾನ್-ಇಂಡಿಯಾ ಯಶಸ್ಸು ಸಾವಯವವಾಗಿ ನಡೆಯುತ್ತದೆ ಮತ್ತು ಅದನ್ನು ನಾವೇ ತಯಾರಿಸಲು ಸಾಧ್ಯವಿಲ್ಲ ಎಂದು ನಾನು ನಂಬುತ್ತೇನೆ ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ.

ಕೂಲ್ ಚಿತ್ರದ ಮೂಲಕ ನಿರ್ದೇಶಕರಾಗಿ ಪದಾರ್ಪಣೆ ಮಾಡಿದ ಗಣೇಶ್, ಇನ್ನೂ ಚಿತ್ರ ನಿರ್ದೇಶಿಸುವ ಉತ್ಸಾಹವಿದೆ. ಆದರೆ, ಸದ್ಯದ ಬ್ಯುಸಿ ಶೆಡ್ಯೂಲ್‌ ಮಧ್ಯೆ ಅದರ ಮೇಲೆ ಕೇಂದ್ರೀಕರಿಸಲು ಸಮಯ ಸಿಗುತ್ತಿಲ್ಲ. 'ನಾನು ಬರವಣಿಗೆ ಮತ್ತು ನಿರ್ದೇಶನವನ್ನು ಇಷ್ಟಪಡುತ್ತೇನೆ, ಆದರೆ ತಕ್ಷಣವೇ ಅಲ್ಲ. ಆದರೆ ಖಚಿತವಾಗಿ, ನಾನು ನನ್ನ ವೃತ್ತಿಜೀವನದಲ್ಲಿ ಕನಿಷ್ಠ ಎರಡರಿಂದ ಮೂರು ಚಿತ್ರಗಳನ್ನು ನಿರ್ದೇಶಿಸುತ್ತೇನೆ' ಎಂದು ಹೇಳುತ್ತಾರೆ.

ಇದನ್ನೂ ಓದಿ: ಮೂವರು ನಾಯಕಿಯರೊಂದಿಗೆ ಗೋಲ್ಡನ್ ಸ್ಟಾರ್ 'ತ್ರಿಬಲ್ ರೈಡಿಂಗ್‌'; ಯಟ್ಟಾ ಯಟ್ಟಾ ಹಾಡಿಗೆ ಭರ್ಜರಿ ರೆಸ್ಪಾನ್ಸ್

ಗಣೇಶ್ ಅವರು ಪ್ರೀತಂ ಗುಬ್ಬಿ ನಿರ್ದೇಶನದ ಬಾನದಾರಿಯಲ್ಲಿ ಸಿನಿಮಾದಲ್ಲಿ ತೊಡಗಿಕೊಂಡಿದ್ದು, ಇದು ಕೊನೆಯ ಹಂತದ ಚಿತ್ರೀಕರಣದಲ್ಲಿದೆ. ಚಮಕ್ ನಿರ್ದೇಶಕ ಸುನಿ ಅವರೊಂದಿಗೂ ಗಣೇಶ್ ಸಿನಿಮಾವೊಂದರಲ್ಲಿ ನಟಿಸಲಿದ್ದಾರೆ. 'ನಾನು ಮತ್ತೊಮ್ಮೆ ಮಹೇಶ್ ಗೌಡ ಅವರೊಂದಿಗೆ ಸಿನಿಮಾ ಮಾಡಲಿದ್ದೇನೆ ಮತ್ತು ಒಂದೆರಡು ಹೊಸ ನಿರ್ದೇಶಕರೊಂದಿಗೂ ಮಾತುಕತೆ ನಡೆಸುತ್ತಿದ್ದೇನೆ' ಎಂದು ಹೇಳುತ್ತಾರೆ ಗಣೇಶ್.

ಅಂತಿಮವಾಗಿ, ಸಿನಿಮಾ ರಂಗದಲ್ಲಿ ಯಾರೊಂದಿಗೆ ತ್ರಿಬಲ್ ರೈಡಿಂಗ್ ಹೋಗುವಿರಿ ಎಂಬ ಬಗ್ಗೆ ಕೇಳಿದ್ದಕ್ಕೆ ಉತ್ತರಿಸಿದ ಗಣೇಶ್,  'ನಾನು ಬಸ್‌ನಲ್ಲಿ ಹೋಗುತ್ತೇನೆ. ಏಕೆಂದರೆ ನಾನು ಇಡೀ ಚಲನಚಿತ್ರೋದ್ಯಮವನ್ನು ರೈಡಿಂಗ್‌ಗೆ ಕರೆದುಕೊಂಡು ಹೋಗುತ್ತೇನೆ. ಇಂಡಸ್ಟ್ರಿಯಲ್ಲಿರುವ ಎಲ್ಲರೂ ನನ್ನ ಸ್ನೇಹಿತರು' ಎಂದು ಹೇಳಿದ್ದಾರೆ.