ರಾಜೇಶ್ ಮೂರ್ತಿ ನಿರ್ದೇಶನದ 'ಬ್ಲಡಿ ಬಾಬು' ಚಿತ್ರ ಬಿಡುಗಡೆಗೆ ದಿನಾಂಕ ಫಿಕ್ಸ್

ಅಗ್ನಿಲೋಕ್, ಲಿಪ್‌ಸ್ಟಿಕ್ ಮರ್ಡರ್, ಸೈಕೋಮ್ಯಾಕ್ಸ್ ಮತ್ತು ಡಿಂಕು ನಂತಹ ಥ್ರಿಲ್ಲರ್ ಚಿತ್ರಗಳಿಗೆ ಹೆಸರುವಾಸಿಯಾದ ನಿರ್ದೇಶಕ ರಾಜೇಶ್ ಮೂರ್ತಿ, ಇದೀಗ ಸೈಕಲಾಜಿಕಲ್ ಆ್ಯಕ್ಷನ್ ಥ್ರಿಲ್ಲರ್ ಚಿತ್ರ 'ಬ್ಲಡಿ ಬಾಬು' ಮೂಲಕ ಮತ್ತೆ ಬರಲು ಸಿದ್ಧರಾಗಿದ್ದಾರೆ. ಚಿತ್ರದಲ್ಲಿ ರಾಜೇಶ್ ಮೂರ್ತಿ ಅವರ ಮಗ ಯಶಸ್ವ ನಟಿಸಿದ್ದಾರೆ. ಚಿತ್ರವು ಜೂನ್ 27 ರಂದು ರಾಜ್ಯದಾದ್ಯಂತ ಬಿಡುಗಡೆಯಾಗಲಿದ್ದು, ಡಿಂಕು ಚಿತ್ರದ ನಂತರ ಯಶಸ್ವಿ ನಾಯಕನಾಗಿ ಎರಡನೇ ಬಾರಿಗೆ ತೆರೆಮೇಲೆ ಕಾಣಿಸಿಕೊಳ್ಳುತ್ತಿದ್ದಾರೆ. ಯಶಸ್ವ ಹಿರಿಯ ಛಾಯಾಗ್ರಾಹಕ, ನಿರ್ದೇಶಕ ಮತ್ತು ನಿರ್ಮಾಪಕರ ಸಂಘದ ಮೊದಲ ಅಧ್ಯಕ್ಷ ಎಚ್‌ಎಂಕೆ ಮೂರ್ತಿ ಅವರ ಮೊಮ್ಮಗ.

ನಿರ್ದೇಶನದೊಂದಿಗೆ ರಾಜೇಶ್ ಚಿತ್ರಕ್ಕೆ ಕಥೆ ಮತ್ತು ಚಿತ್ರಕಥೆಯನ್ನು ಬರೆದಿದ್ದಾರೆ ಮತ್ತು ಚಿತ್ರದ ಸಂಕಲನವನ್ನು ತಾವೇ ಮಾಡಿದ್ದಾರೆ. ಚಿತ್ರವನ್ನು ಏಂಜಲ್ ಡ್ರೀಮ್ಸ್ ಎಂಟರ್ಟೈನ್ಮೆಂಟ್ಸ್ ಬ್ಯಾನರ್ ಅಡಿಯಲ್ಲಿ ಡೊಮಿನಿಕ್ ನಿರ್ಮಿಸಿದ್ದಾರೆ.

ಬೆಂಗಳೂರು, ನಂದಿ ಬೆಟ್ಟ ಮತ್ತು ಚಿಕ್ಕಮಗಳೂರಿನ ಸುತ್ತಮುತ್ತಲಿನ ಸುಂದರ ಸ್ಥಳಗಳಲ್ಲಿ ಈ ಚಿತ್ರವನ್ನು 25 ದಿನಗಳಲ್ಲಿ ಚಿತ್ರೀಕರಿಸಲಾಗಿದೆ. ಇದು ನಾಲ್ಕು ವಿಶಿಷ್ಟ ಸಾಹಸ ದೃಶ್ಯಗಳನ್ನು ಒಳಗೊಂಡಿದೆ. ನಿತೀಶ್ ಕುಮಾರ್ ಅವರ ಸಂಗೀತ ಸಂಯೋಜನೆ ಮತ್ತು ವಿನೋದ್ ಆರ್ ಅವರ ಛಾಯಾಗ್ರಹಣವಿದೆ.

ಈ ಕಥೆಯು ಎರಡು ಪಾತ್ರಗಳ ಸುತ್ತ ಸುತ್ತುತ್ತದೆ. ಒಂದು, ದುಷ್ಟಶಕ್ತಿ; ಇನ್ನೊಂದು, ಇದಕ್ಕೆ ವಿರುದ್ಧವಾಗಿರುವ ನೇರ ಮತ್ತು ದೈಹಿಕವಾಗಿ ಬಲಿಷ್ಠ ನಾಯಕ. ಈ ಇಬ್ಬರು ಬಾಬುಗಳ ಮಾನಸಿಕ ಘರ್ಷಣೆ ನಡುವಿನ ಕಥೆಯನ್ನು ಹೊಂದಿದೆ. ದುಷ್ಟನ ಕೈವಶದಲ್ಲಿರುವ ನಾಯಕಿಯನ್ನು ನಾಯಕ ಹೇಗೆ ಬಿಡಿಸಿ ತರುತ್ತಾನೆ ಎಂಬುದು ಚಿತ್ರದ ಎಳೆಯಾಗಿದೆ.

ಸ್ಮಿತಾ ನಾಯಕಿಯಾಗಿ ನಟಿಸುತ್ತಿದ್ದರೆ, ಬಾಲಿವುಡ್ ನಟ ದಿಲೀಪ್ ಕುಮಾರ್ ಖಳನಾಯಕನಾಗಿ ಕಾಣಿಸಿಕೊಂಡಿದ್ದಾರೆ. ನಟ ಮತ್ತು ರಾಜಕಾರಣಿ ಎನ್‌ಎಲ್‌ ನರೇಂದ್ರ ಬಾಬು ಕೂಡ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ.