ಕಣಿವೆ ರಾಜ್ಯಗಳ ಮುಂದಿದೆ ಆರ್ಥಿಕತೆಯ ಹೊಸದಾರಿ!

1. ಜಿಎಸ್ಟಿ 9 ಜುಲೈ 2017ರಿಂದಲೇ ಜಾರಿಗೆ ಬಂದಿದೆ. ಹೌದು ಗಮನಿಸಿ ದೇಶದಾದಂತ್ಯ 1 ನೇ ಜುಲೈ 2017 ರಲ್ಲಿ ಜಾರಿಗೆ ಬಂದ ಏಕರೂಪ ತೆರಿಗೆ ಸಂಗ್ರಹ ವಿಧಾನವಾದ ಜಿಎಸ್ಟಿ ಯನ್ನ ಒಪ್ಪಿಕೊಂಡ ಕೊನೆಯ ರಾಜ್ಯವಾಗಿ ಜಮ್ಮು ಮತ್ತು ಕಾಶ್ಮೀರ 9 ನೇ ಜುಲೈ 2019 ರಲ್ಲಿ ಇದಕ್ಕೆ ಸಹಿಹಾಕಿದ್ದವು. ತೆರಿಗೆ ಸಂಗ್ರಹದಲ್ಲಿ ಇರಬಹದುದಾದ ಲೋಪದೋಷಗಳ ಆಡಿಟ್ ಮಾಡಲು ಅಲ್ಲಿಗೆ ಇಲ್ಲಿಯವರೆಗೆ ಯಾರೂ ಹೋದ ಉದಾಹರಣೆಯಿಲ್ಲ. ಇಂದಿನಿಂದ ನಿಜ ಅರ್ಥದಲ್ಲಿ ಈ ರಾಜ್ಯಗಳು ಭಾರತದ ಅಂಗವಾಗಿವೆ. ಹೀಗಾಗಿ ತೆರಿಗೆ ಸಂಗ್ರಹವನ್ನ ಇತರ ರಾಜ್ಯಗಳಂತೆಯೇ ಶಿಸ್ತು ಮತ್ತು ಕಾನೂನು ಬದ್ಧವಾಗಿ ಸಂಗ್ರಹಿಸಲು ಸಾಧ್ಯವಾಗುತ್ತದೆ. ಇದರಿಂದ ಕೇಂದ್ರದ ಬೊಕ್ಕಸಕ್ಕೆ ಆಗುತ್ತಿದ್ದ ನಷ್ಟ ಕಡಿಮೆಯಾಗುತ್ತದೆ. 
2. ಇಲ್ಲಿನ ನೆಲವನ್ನ ಭಾರತದ ಇತರ ರಾಜ್ಯದ ಜನರು ಕೊಳ್ಳುವಂತಿರಲಿಲ್ಲ. ಇದರಿಂದ ಕಣಿವೆ ರಾಜ್ಯದಲ್ಲಿ ನೆಲದ ಬೆಲೆ ಹೇಳಿಕೊಳ್ಳುವ ಮಟ್ಟಕ್ಕೆ ಏರಿಲ್ಲ. ಭಾರತಕ್ಕೆ ಭಾರತವೇ ರಿಯಲ್ ಎಸ್ಟೇಟ್ ಬೂಮ್ ನಲ್ಲಿ ಮಿಂದೆದ್ದರೆ ಕಣಿವೆ ರಾಜ್ಯ ಮಾತ್ರ ತಾವೇ ಹಾಕಿಕೊಂಡ ನಿಬಂಧನೆಗಳಿಂದ ಆರ್ಥಿಕವಾಗಿ ಲಾಭ ಪಡೆಯಲು ವಿಫಲವಾಗಿತ್ತು. ಇದೀಗ ಯಾರು ಬೇಕಾದರೂ ಕಣಿವೆ ರಾಜ್ಯದಲ್ಲಿ ನೆಲ ಕೊಳ್ಳುವ ಅವಕಾಶವಿದೆ. ಹೇಳಿಕೇಳಿ ಈ ಕಣಿವೆ ರಾಜ್ಯವನ್ನು ಭೂಸ್ವರ್ಗ, ಭಾರತದ ಸ್ವಿಸ್ ಎಂದೆಲ್ಲಾ ಕರೆಯಲಾಗುತ್ತದೆ. ಉದ್ಯಮಿಗಳು ಮತ್ತು ವ್ಯಾಪಾರಿಗಳು ಇಲ್ಲಿ ನೆಲವನ್ನ ಕೊಂಡು ನೆಲಸಲು ಪ್ರಾರಂಭಿಸುತ್ತಾರೆ. ಇದು ತಕ್ಷಣ ಆಗದಿದ್ದರೂ ಆರು ತಿಂಗಳಿಂದ ವರ್ಷದ ವೇಳೆಯಲ್ಲಿ ರಿಯಲ್ ಎಸ್ಟೇಟ್ ಬೆಲೆ ಏರುವುದರಲ್ಲಿ ಸಂಶಯವಿಲ್ಲ. ಇದರಿಂದ ಅಲ್ಲಿನ ಸ್ಥಳೀಯರು ಧನಿಕರಾಗುತ್ತಾರೆ. 
3. ಟೂರಿಸಂ ಹೆಚ್ಚಾಗುವ ಸಾಧ್ಯತೆಗಳು ಕೂಡ ಬಹಳ ಹೆಚ್ಚು: ಗಮನಿಸಿ, ಲಡಾಕ್ ಪ್ರದೇಶಕ್ಕೆ ಈಗಾಗಲೇ ಟೂರಿಸಂ ಬಹಳವಿದೆ. ಜಮ್ಮು-ಕಾಶ್ಮೀರ ಪ್ರದೇಶದಲ್ಲೂ ಕೆಲವೊಂದು ಪ್ರಾಂತ್ಯಗಳನ್ನ ಹೊರತುಪಡಿಸಿ ಎಲ್ಲವೂ ಶಾಂತವಾಗೇ ಇದೆ. ಇದೀಗ ಕಣಿವೆ ರಾಜ್ಯ ವಿಶೇಷ ಮಾನ್ಯತೆಯನ್ನ ಕಳೆದುಕೊಂಡಿರುವುದರಿಂದ ಇಲ್ಲಿ ಭಾರತದ ಕೇಂದ್ರ ಸರಕಾರದ ಹಿಡಿತ ಹೆಚ್ಚಾಗಲಿದೆ. ಇಲ್ಲಿ ಟೆರರಿಸಂ ಎನ್ನುವ ಭಯವನ್ನ ಅಳಿಸಿಹಾಕಿ ಬಿಟ್ಟರೆ ಪ್ರವಾಸೋದ್ದಿಮೆ ಇಲ್ಲಿ ಸೊಗಸಾಗಿ ಬೆಳೆಯುತ್ತದೆ. ಗಮನಿಸಿ ಪ್ರವಾಸೋದ್ದಿಮೆ ಬೆಳೆದರೆ ಇಲ್ಲಿನ ಸ್ಥಳೀಯರಿಗೆ ಕೆಲಸ ಹೆಚ್ಚಾಗುತ್ತದೆ. ಹಣದ ಹರಿವು ಕೂಡ ಹೆಚ್ಚಾಗುತ್ತದೆ. ಸಮಯ ಕಳೆದಂತೆ ಭಾರತದ ಇತರ ರಾಜ್ಯಗಳಿಗಿಂತ ಈ ರಾಜ್ಯಗಳು ಸಂವೃದ್ಧವಾಗುತ್ತವೆ. ಇಲ್ಲಿನ ಜನರ ಜೀವನ ಮಟ್ಟ ಬಹುಬೇಗ ಸುಧಾರಿಸುತ್ತದೆ. 
4. ಕಣಿವೆ ರಾಜ್ಯದ ಆರ್ಥಿಕತೆ ನಿಂತಿರುವುದು ಕೃಷಿ ಮತ್ತು ಕೃಷಿಗೆ ಸಂಬಂಧಪಟ್ಟ ಉದ್ದಿಮೆಗಳಿಂದ ಮತ್ತು ಹ್ಯಾಂಡ್ಕ್ರಾಫ್ಟ್ ಗಳಿಂದ. ಪ್ರವಾಸೋದ್ದಿಮೆ ಬೆಳೆದಂತೆಲ್ಲ ಇಲ್ಲಿನ ಕೃಷಿ ಉತ್ಪನ್ನಗಳಾದ ಚೀಸ್, ಸೇಬುಗಳಿಗೆ ಇನ್ನಷ್ಟು ಬೇಡಿಕೆ ಹೆಚ್ಚಾಗುತ್ತದೆ. ಕಲಾಕುಸಿರಿ ವಸ್ತುಗಳು, ಶಾಲು ಇವೆಲ್ಲವುಗಳ ಬೇಡಿಕೆ ಹೆಚ್ಚಾಗುತ್ತದೆ. ಜೊತೆಗೆ ಕೃಷ್ಟಿಯೇತರ ಕೈಗಾರಿಕೆಗಳು ಕೂಡ ನಿಧಾನವಾಗಿ ಇಲ್ಲಿ ತಲೆಯೆತ್ತುತ್ತವೆ. ಇವೆಲ್ಲವೂ ಸ್ಥಳೀಯರ ಬದುಕನ್ನ ಹಸನಾಗಿಸುತ್ತವೆ. ಅತ್ಯಂತ ಕಡಿಮೆ ಸಮಯದಲ್ಲಿ ಕಣಿವೆ ರಾಜ್ಯದ ಜನರು ಆರ್ಥಿಕವಾಗಿ ಸ್ಥಿತಿವಂತರಾಗುತ್ತಾರೆ. 
5. ಸರಕಾರಿ ಉದ್ಯೋಗದಲ್ಲಿ ಸ್ಥಳೀಯರು ಮಾತ್ರ ಅವಕಾಶವಿತ್ತು. ಇದರಿಂದ ಇತರ ರಾಜ್ಯಗಳಿಂದ ಇಲ್ಲಿಗೆ ವಲಸೆ ಇಲ್ಲವೆನ್ನವಷ್ಟು ಕಡಿಮೆಯಿತ್ತು. ಜೊತೆಗೆ ಯಾವುದೇ ಹೂಡಿಕೆದಾರ ಇಲ್ಲಿ ಹಣವನ್ನ ಹೂಡಲು ಹಿಂಜರಿಯುತ್ತಿದ್ದರು. ಕಾರಣ ಎಲ್ಲಕ್ಕೂ ಸ್ಥಳೀಯರು ಮೊದಲು ಎನ್ನುವ ನೀತಿ ಕಾರಣವಾಗಿತ್ತು. ಗಮನಿಸಿ ಇಲ್ಲಿ ಹೂಡಿಕೆ ಮಾಡಿದವನು ಇಲ್ಲಿಯ ನೆಲ ಕೊಳ್ಳುವಹಾಗಿಲ್ಲ. ತನಗೆ ಬೇಕಾದ ರೀತಿಯಲ್ಲಿ ತನ್ನ ವ್ಯಾಪಾರ ನಡೆಸುವಾಗಿಲ್ಲ. ಹೀಗೆ ಇಲ್ಲ ಎನ್ನುವುದರ ಪಟ್ಟಿಯೇ ದೊಡ್ಡದಿತ್ತು. ಇದೀಗ ಕಣಿವೆ ರಾಜ್ಯಗಳು ಭಾರತದ ಇತರ ರಾಜ್ಯಗಳಂತೆ ಮುಕ್ತವಾಗಿವೆ. ಮುಂದಿನ ದಿನಗಳಲ್ಲಿ ಇಲ್ಲಿ ಹೆಚ್ಚಿನ ಹೂಡಿಕೆಯನ್ನ ನಿರೀಕ್ಷಿಸಬಹದು. 
6. ಎಲ್ಲಕ್ಕೂ ಮುಖ್ಯವಾಗಿ ಒಮ್ಮೆ ಈ ನೆಲದಲ್ಲಿ ಶಾಂತಿ ನೆಲಸಿ, ಇಲ್ಲಿನ ಜನರ ಆರ್ಥಿಕ ಸ್ಥಿತಿ ಸುಧಾರಿಸಿದರೆ ಅವರ ಭಾರತದ ಬಗ್ಗೆ ಧೋರಣೆ ಬದಲಾಗುತ್ತದೆ. ಹಾಗೆ ನೋಡಲು ಹೋದರೆ ಜಮ್ಮು-ಕಾಶ್ಮೀರದ ಬಹಳಷ್ಟು ಜನ ಕೇಂದ್ರ ಸರಕಾರ ಈ ನಿರ್ಧಾರವನ್ನ ಸ್ವಾಗತಿಸಿದ್ದಾರೆ. ಭಾರತದ ಮುಕುಟದಂತೆ ಇರುವ ಜಮ್ಮು ಕಾಶ್ಮೀರದ ಜನರ ನಿಯತ್ತು ಭಾರತದ ಪರವಾಗಿಬಿಟ್ಟರೆ  ಪಾಕಿಸ್ತಾನದ ಉಪಟಳ ಕಡಿಮೆಯಾಗುತ್ತದೆ. ಪಾಕಿಸ್ತಾನ ಹಲ್ಲು ಕಿತ್ತ ಹಾವಿನಂತೆ ಬುಸುಗುಡುವುದು ಬಿಟ್ಟು ಬೇರೇನೂ ಮಾಡಲಾಗದ ಸ್ಥಿತಿ ತಲುಪುತ್ತದೆ. 
7. ಕಣಿವೆ ರಾಜ್ಯಗಳ ಅಭಿವೃದ್ಧಿ ಭಾರತದ ಇತರ ರಾಜ್ಯಗಳ ಅಭಿವೃದ್ಧಿಗೂ ಅಪರೋಕ್ಷವಾಗಿ ಸಹಾಯ ಮಾಡುತ್ತದೆ. ದೇಶದಲ್ಲಿ ಹೆಚ್ಚಿದ ಶಾಂತಿ ಹೂಡಿಕೆದಾರರ ಮನದಲ್ಲಿ ಭಾರತಕ್ಕೆ  ಹೂಡಿಕೆದಾರರ ಡಾರ್ಲಿಂಗ್ ಪಟ್ಟ ನೀಡುತ್ತದೆ. ಹೀಗಾಗಿ ಭಾರತದ ಸರ್ವೋತೋಮುಖ ಬೆಳವಣಿಗೆ ಕೂಡ ಇದರಿಂದ ಸಾಧ್ಯವಾಗುತ್ತದೆ. 

muraram@yahoo.com