Advertisement
ಹೆಚ್ಚು ಓದಿದ್ದು
ಪ್ರಮುಖ ಸುದ್ದಿ
Imammadi Mahadevaswamy is the kingpin of Chamarajanagar temple prasada tragedy

ಪ್ರಸಾದ ದುರಂತ: ಇಮ್ಮಡಿ ಮಹದೇವಸ್ವಾಮಿ ಸೂತ್ರಧಾರಿ; ವಿಷ ಬೆರಸಿದ್ದು ಮಾದೇಶ, ದೊಡ್ಡಯ್ಯ, ಅಂಬಿಕಾ

AB de Villiers-Virat Kohli

ಈ ಸಲ ಕಪ್ ನಮ್ದೆ; ಆರ್‌ಸಿಬಿ ತಂಡದಲ್ಲಿ ಅಬ್ಬರಿಸಲಿರುವ ಆಟಗಾರರ ಪಟ್ಟಿ! ಯಾರಿದ್ದಾರೆ? ಯಾರಿಲ್ಲ?

Rajasthan chief minsiter Ashok Gehlot (R) and his deputy Sachin Pilot (C in Jaipur. (PTI)

ಮಧ್ಯಪ್ರದೇಶ, ಛತ್ತೀಸ್ ಗಢದ ಬೆನ್ನಲ್ಲೇ ರಾಜಸ್ಥಾನ ಸರ್ಕಾರದಿಂದ 2 ಲಕ್ಷ ರೂ ವರೆಗಿನ ರೈತರ ಸಾಲ ಮನ್ನಾ!

ISRO successfully launches military satellite

ಸೇನೆಗೆ ನೆರವಾಗಲಿರುವ ಇಸ್ರೋ ಸಂವಹನ ಉಪಗ್ರಹ ಜಿಸ್ಯಾಟ್-7ಎ ಉಡಾವಣೆ ಯಶಸ್ವಿ

Shimron Hetmyer

ಬಿಗ್ ಹಿಟ್ಟರ್ ಶಿಮ್ರಾನ್ ಹೆಟ್ಮರ್ ಆರ್‌ಸಿಬಿಗೆ ಆಯ್ಕೆ ಆಗುತ್ತಿದ್ದಂತೆ ಮಾಡಿದ್ದೇನು ಗೊತ್ತ?, ವಿಡಿಯೋ ವೈರಲ್!

Taapsee Pannu

ನಟಿ ತಾಪ್ಸಿ ನನಗೆ ದೇಹದ ಈ ಭಾಗ ಇಷ್ಟ ಅಂದ್ರೂ, ಅದನ್ನು ತಿಳಿಯಲು ಗೂಗಲ್‌ಗೆ ಮುಗಿ ಬಿದ್ದ ಜನ!

LJP sets deadline for BJP to decide on seat sharing, says

2019 ಚುನಾವಣೆ: ಸ್ಥಾನ ಹಂಚಿಕೆ ಕುರಿತು ಬಿಜೆಪಿಗೆ ಎಲ್ ಜೆಪಿ ಗಡುವು!

Hamid Ansari And Sushma Swaraj

ಮೇರಿ ಮೇಡಂ ಮಹಾನ್: ಸುಷ್ಮಾ ಸ್ವರಾಜ್ ಕುರಿತು ಪಾಕ್ ನಿಂದ ಬಂದ ಹಮೀದ್ ಅನ್ಸಾರಿ ತಾಯಿ ಮೆಚ್ಚುಗೆ

ಕಮಲ್ ನಾಥ್

ಮುಖ್ಯಮಂತ್ರಿಯಾದ ಕೆಲವೇ ದಿನಗಳಲ್ಲಿ ಮಧ್ಯಪ್ರದೇಶ ಸಿಎಂ ಕಮಲ್ ನಾಥ್ ವಿರುದ್ಧ ಕೋರ್ಟ್ ಗೆ ದೂರು!

Bulandshahr incident a

ಬುಲಂದ್ ಶಹರ್‌ ಹಿಂಸಾಚಾರ ರಾಜಕೀಯ ಪಿತೂರಿ: ಸಿಎಂ ಯೋಗಿ ಆದಿತ್ಯನಾಥ್

Jammu and Kashmir to come under President

ಕಾಶ್ಮೀರದಲ್ಲಿ ಇಂದು ಮಧ್ಯರಾತ್ರಿಯಿಂದ ರಾಷ್ಟ್ರಪತಿ ಆಡಳಿತ ಜಾರಿ

BJP will retain power after the 2019 Lok Sabha polls: Amit Shah after Assembly polls defeat

2019ರಲ್ಲಿ ಬಿಜೆಪಿ ಮತ್ತೆ ಕೇಂದ್ರದಲ್ಲಿ ಅಧಿಕಾರಕ್ಕೆ ಬರಲಿದೆ: ಅಮಿತ್ ಶಾ

Congress humiliated all democratic institutions: PM Modi

ಕಾಂಗ್ರೆಸ್ ಎಲ್ಲಾ ಪ್ರಜಾಪ್ರಭುತ್ವ ಸಂಸ್ಥೆಗಳನ್ನೂ ಅವಮಾನಿಸಿದೆ: ಪ್ರಧಾನಿ ಮೋದಿ

ಮುಖಪುಟ >> ಅಂಕಣಗಳು

ದೊಡ್ಡಣ್ಣನಾಗಲು ಜಟಾಪಟಿ; ಚೀನಾದ ಸಾಲದ ಖೆಡ್ಡದಲ್ಲಿ ಪಾಕಿಸ್ತಾನ, ಶ್ರೀಲಂಕಾ, ಜಿಬೌಟಿ !!

ಹಣಕ್ಲಾಸು
China

ಚೀನಾ

ಚೀನಾ ದೇಶ ಬಹಳ ಮಹತ್ವಾಕಾಂಕ್ಷೆ ಇರುವ ದೇಶ. ಅಲ್ಲಿನ ಕಮ್ಯುನಿಸ್ಟ್ ಸರಕಾರದ ಮುಂದೆ ದೇಶವನ್ನ ಹೀಗೆ ಮುನ್ನೆಡೆಸಬೇಕು ಮತ್ತು ಅದು ಜಗತ್ತಿನ ಏಕೈಕ ಅಧಿಪತಿಯಾಗಿರಬೇಕು ಎನ್ನುವ ನೀಲಿನಕ್ಷೆ ತಯಾರಿದೆ ಆ ನಿಟ್ಟಿನಲ್ಲಿ ಅವಿರತ ತಾಲೀಮು ಕೂಡ ನೆಡೆದಿದೆ. ತನ್ನ ಕಾರ್ಯ ಸಾಧನೆಗಾಗಿ ಚೀನಾ ಎಂತಹ ತ್ಯಾಗಕ್ಕೂ ಸಿದ್ದ., ಎಂತಹ ಹೋರಾಟಕ್ಕೂ ಸಿದ್ದ ಇಂಗ್ಲಿಷ್ ನಲ್ಲಿ ರೂಥ್ಲೆಸ್ ಎನ್ನುವ ಪದವಿದೆ ಅದು ಚೀನಾ ದೇಶಕ್ಕೆ ಸರಿಯಾಗಿ ಹೊಂದುತ್ತದೆ. ಚೀನಾ ಜಗತ್ತಿನ ಕಾರ್ಖಾನೆಯಾಗಿ ಮಾರ್ಪಾಟಾಗಿ ದಶಕಗಳು ಕಳೆದಿವೆ. ಅಲ್ಲಿನ ನಗರಗಳು ಯಾವುದೇ ಮುಂದುವರಿದ ದೇಶಗಳ ನಗರಗಳನ್ನು ನಾಚಿಸುವಂತೆ ಜಗಮಗಿಸುತ್ತವೆ. ಆದರೇನು ಅಲ್ಲಿನ ಜನರ ಜೀವನ ಸುಖಮಯವಾಗಿದೆಯೇ? ಎನ್ನುವುದು ಪ್ರಶ್ನೆಯಾಗಿಯೇ ಉಳಿಯುತ್ತದೆ. ಜನರ ಸುಖ ದುಃಖದ ಲೆಕ್ಕವಿಡುತ್ತಾ ಕೂತರೆ ಜಗತ್ತಿನ ದೊಡ್ಡಣ್ಣನಾಗುವುದು ಯಾವಾಗ? ಎನ್ನುವುದು ಅಲ್ಲಿನ ಕಮ್ಯೂನಿಸ್ಟ್ ಸರಕಾರದ ಆಲೋಚನೆ. ಹೀಗಾಗಿ ಅಲ್ಲಿ ಮೆಗಾ ಫ್ಯಾಕ್ಟರಿ ಗಳು ತಲೆ ಎತ್ತಿವೆ. ನಿಮಗೆ ಗೊತ್ತೇ? ಅವೆಷ್ಟು ದೊಡ್ಡವು ಎಂದರೆ ಅಲ್ಲಿ ಕೆಲಸ ಮಾಡುವ ಕೆಲಸಗಾರರು ಒಮ್ಮೆ ಫ್ಯಾಕ್ಟರಿ ಪ್ರವೇಶಿಸಿದರೆ ಹೊರಜಗತ್ತಿಗೆ ಮತ್ತೆ ಬರುವುದು ಐದು ಅಥವಾ ಹತ್ತು ವರ್ಷದ ನಂತರ. ಅಲ್ಲೇ ಕೆಲಸ ನಿದ್ದೆ.. ಅಲ್ಲೇ ಮದುವೆ.. ಅಲ್ಲೇ ಮಕ್ಕಳು ಅಲ್ಲೇ ಎಲ್ಲಾ ಜೀವನ ಅಂತಾಗಿದೆ. ಅವರಿಗೆ ಕೊಡುವ ವೇತನ ಮಾತ್ರ ಬಹಳ ಕಡಿಮೆ. ಜೀತವಿಲ್ಲ ಎಂದವರು ಯಾರು? ಇಂದಿಗೂ ಚೀನಾದಲ್ಲಿ ಹೊಸ ಮಾದರಿಯ ಜೀತ ಕಾನೂನು ಬದ್ದವಾಗಿ ನೆಡೆಯುತ್ತಿದೆ. ಮೊದಲೇ ಹೇಳಿದಂತೆ ಅಲ್ಲಿನ ಆಡಳಿತ ನೆಡೆಸುವ ಜನಕ್ಕೆ ಇದಾವುದೂ ಮುಖ್ಯವಲ್ಲ ಅವರಿಗೇನಿದ್ದರೂ ಜಗತ್ತಿನ ದೊಡ್ಡಣ್ಣನಾಗಬೇಕು ಎನ್ನುವ ಹಂಬಲ ಅದಕ್ಕೆ ತನ್ನ ಜನರಾದರೂ ಸರಿ ಬೇರೆಯಾರಾದರೂ ಸರಿಯೇ ಅವರ ಬಲಿ ಕೊಡಬೇಕೆಂದರೆ ಅದಕ್ಕೂ ಸೈ ಎನ್ನುವ ಮನಸ್ಥಿತಿ ಹೊಂದಿದ್ದಾರೆ. ಈ ನಿಟ್ಟಿನಲ್ಲಿ ಅವರು ಹೊಸೆದ ಹೊಸ ಮಾರ್ಗವೇ ಒನ್ ಬೆಲ್ಟ್ ಒನ್ ರೋಡ್ ಎನ್ನುವ ಪರಿಕಲ್ಪನೆ. ಇದೇನು ಪೂರ್ಣ ಹೊಸದಲ್ಲ ಹಿಂದೆ ವ್ಯಾಪಾರ ವಾಣಿಜ್ಯಕ್ಕೆ ಬಳಸುತ್ತಿದ್ದ ಸಿಲ್ಕ್ ರೂಟ್ ಅನ್ನು ಮತ್ತೆ ಹೊಸದಾಗಿ ಉನ್ನತ ಮೂಲಭೂತ ಸೌಕರ್ಯಗಳ ಮೂಲಕ ನಿರ್ಮಿಸುವುದು ಆ ಮೂಲಕ ಜಗತ್ತಿಗೆ ಚೀನಾದ ಮೂಲಕ ಸಂಪರ್ಕ ಕಲ್ಪಿಸುವುದು. ಸರಿ ವ್ಯಾಪಾರಕ್ಕೆ ಅನುಕೂಲವಾಗುವುದಾದರೆ ಅದರಿಂದ ತೊಂದರೆಯೇನು? ಮಾಡಲಿ ಬಿಡಿ ಎನ್ನಬಹುದು. ಆದರೆ ಚೀನಾದ ಮನಸ್ಥಿತಿ ಅರಿತವರು ಇದರಿಂದ ಬೆಚ್ಚಿ ಬೀಳುತ್ತಾರೆ. ಇದಕ್ಕೆ ಕಾರಣಗಳೇನು ಎನ್ನುವುದನ್ನ ನೋಡೋಣ. 

ಮಹತ್ವಾಕಾಂಕ್ಷೆಯ ಒನ್ ಬೆಲ್ಟ್ ಒನ್ ರೋಡ್ ಚೀನಾ ದೇಶವನ್ನ ಏಷ್ಯಾ, ಯುರೋಪ್, ಮಿಡ್ಲ್ ಈಸ್ಟ್ ಮತ್ತು ಆಫ್ರಿಕಾ ದೇಶದೊಂದಿಗೆ ಬೆಸೆಯಲಿದೆ. ಇಷ್ಟು ಜಾಗವನ್ನ ಬೆಸೆಯಲು ರಸ್ತೆ ಮಾಡಬೇಕು ಮತ್ತಿತರೆ ಮೂಲಭೂತ ಸೌಕರ್ಯ ಕಲ್ಪಿಸಬೇಕು ಇದಕ್ಕೆಲ್ಲಾ ಹೇರಳವಾಗಿ ಹಣ ಖರ್ಚಾಗುತ್ತದೆ. ಚೀನಾ ದೇಶ 68 ದೇಶಗಳನ್ನ ಗುರುತಿಸಿ ಅವಕ್ಕೆ ಈ ಸೌಕರ್ಯ ಕಲ್ಪಿಸಲು ಸಾಲ ಕೊಡಲು ಮುಂದಾಗಿದೆ. ಅದರಲ್ಲಿ ಆಗಲೇ 23 ದೇಶಗಳ ಸಾಲದ ಮಟ್ಟ ಅಪಾಯದ ಅಂಚಿನಲ್ಲಿದೆ ಎನ್ನುತ್ತದೆ ಸೆಂಟರ್ ಫಾರ್ ಗ್ಲೋಬಲ್ ಡೆವಲಪ್ಮೆಂಟ್ ಎನ್ನುವ ವಾಷಿಂಗ್ಟನ್ ಮೂಲದ ಸಂಸ್ಥೆ. ಚೀನಾ ಸಾಲ ಕೊಡುವಾಗ ತೋರುವ ಒಳ್ಳೆಯತನ ವಸೂಲಿ ಸಮಯದಲ್ಲಿ ತೋರುವುದಿಲ್ಲ ಎನ್ನುವುದು ಚೀನಾ ದೇಶದಿಂದ ಸಾಲ ಪಡೆದ ದೇಶಗಳಿಗೆ ಗೊತ್ತಿಲ್ಲದ ವಿಷಯವೇನಲ್ಲ. ಹೀಗೆ ಸಾಲ ಪಡೆದ ದೇಶಗಳು ಸಾಲ ಮರುಪಾವತಿ ಮಾಡುವಲ್ಲಿ ವಿಫಲವಾದರೆ ಅವುಗಳ ಸ್ವಾತಂತ್ರ್ಯ ಕೂಡ ಮುಗಿದಂತೆಯೇ. ಚೀನಾ ನಿಧಾನವಾಗಿ ಅಲ್ಲಿನ ಆಡಳಿತದಲ್ಲಿ ಹಸ್ತಕ್ಷೇಪ ಮಾಡಲು ಶುರುಮಾಡುತ್ತದೆ. ಅಲ್ಲಿನ ಪ್ರಮುಖ ನಿರ್ಧಾರಗಳು ಚೀನಾದ ಅನುಮತಿಯಿಲ್ಲದೆ ತೆಗೆದುಕೊಳ್ಳಲು ಸಾಧ್ಯವಾಗುವುದಿಲ್ಲ. ಇದಕ್ಕೆ ತಾಜಾ ಉದಾಹರಣೆ ನಮ್ಮ ಪಕ್ಕದ ಶ್ರೀಲಂಕಾ ದೇಶ. ಒಂದು ಬಂದರು ನಿರ್ಮಿಸಲು ಚೀನಾ ದೇಶದಿಂದ ಸಾಲ ಪಡೆಯುತ್ತಾರೆ ಆದರೆ ಅದನ್ನ ಮರುಪಾವತಿಸಲು ಆಗುವುದಿಲ್ಲ. ಚೀನಾ ದೇಶ ಆ ಬಂದರನ್ನ ತನ್ನ ವಶಕ್ಕೆ ತೆಗೆದುಕೊಂಡಿದೆ. ಅಲ್ಲಿನ ಪೂರ್ಣ ನಿರ್ವಹಣೆ ಇವತ್ತು ಚೀನಾದ ಹಿಡಿತದಲ್ಲಿದೆ. ಒಮ್ಮೆ ಆ ದೇಶದಲ್ಲಿ ಕಾಲೂರಿದ ಮೇಲೆ ನಿಧಾನವಾಗಿ ಅಲ್ಲಿ ಅರಾಜಕತೆ ಸೃಷ್ಟಿಸಿ ಪೂರ್ಣ ದೇಶವನ್ನ ಕಬಳಿಸಿಬಿಡುತ್ತದೆ ಚೀನಾ! ಎಲ್ ಟಿಟಿಇ ನಂತರ ಶಾಂತವಾಗಿದ್ದ ಶ್ರೀಲಂಕ ಇದೀಗ ಬುದ್ಧರ ಮುಸ್ಲಿಮರ ನಡುವೆ ಕಾದಾಟಕ್ಕೆ ಸಾಕ್ಷಿಯಾಗುತ್ತಿದೆ. ಅಲ್ಲಿ ಅರಾಜಕತೆ ನಿಧಾನಕ್ಕೆ ತಲೆಯೆತ್ತುತ್ತಿದೆ. 

ಇನ್ನು ನಮ್ಮ ಇನ್ನೊಂದು ನೆರೆಯ ರಾಷ್ಟ್ರ ಪಾಕಿಸ್ತಾನದ ಕಥೆಯನ್ನ ಹೇಳುವಂತಿಲ್ಲ. ಚೀನಾ ಈಗಾಗಲೆ 50 ಬಿಲಿಯನ್ ಡಾಲರ್ ಹಣವನ್ನ ಸಾಲದ ರೂಪದಲ್ಲಿ ನೀಡಿದೆ. ಇದಕ್ಕೆ ಹಾಕಿರುವ ಬಡ್ಡಿಯ ದರ ಕೂಡ ದೊಡ್ಡದೇ. ಪಾಕಿಸ್ತಾನ ಬಡ್ಡಿಯ ಹಣವನ್ನ ಮರುಪಾವತಿಸಲು ಆಗದೆ ಕುಸಿಯುವ ಸಾಧ್ಯತೆಗಳು ಬಹಳ ಹೆಚ್ಚಾಗಿದೆ. ಹೀಗಾಗಿ ಹೆಚ್ಚು ಕಡಿಮೆ ಪಾಕಿಸ್ತಾನ ಇಂದು ಚೀನಾದ ಹಿಡಿತದಲ್ಲಿದೆ ಎಂದು ಹೇಳಬಹದು. ಅಲ್ಲಿನ ಪ್ರಮುಖ ನಿರ್ಧಾರಗಳನ್ನು ತೆಗೆದುಕೊಳ್ಳುವುದು ಚೀನಾ ಸರಕಾರ ಎನ್ನುವುದು ಇಂದು ಗೌಪ್ಯವಾಗೇನು ಉಳಿದಿಲ್ಲ. 

ಜಿಬೌಟಿ, ಮಾಲ್ಡೀವ್ಸ್, ಲಾವೋಸ್, ಮಂಗೋಲಿಯಾ, ಮೊಂಟೆನೆಗ್ರೋ, ತಜಕಿಸ್ತಾನ್ ಮತ್ತು ಕಿರ್ಗಿಸ್ತಾನ್ ದೇಶಗಳ ಪರಿಸ್ಥಿತಿ ಕೂಡ ಪಾಕಿಸ್ತಾನ ಮತ್ತು  ಶ್ರೀಲಂಕಾ ದೇಶಕ್ಕಿಂತ ವಿಭಿನ್ನವಾಗೇನಿಲ್ಲ. ಶ್ರೀಲಂಕಾದಲ್ಲಿ ತುರ್ತು ಪರಿಸ್ಥಿತಿ ನಿರ್ಮಾಣವಾಗಿದೆ. ಕಳೆದ ತಿಂಗಳು ಮಾಲ್ಡೀವ್ಸ್ ದೇಶದಲ್ಲಿ ಕೂಡ ಎಮರ್ಜೆನ್ಸಿ ಡಿಕ್ಲೇರ್ ಮಾಡಿದ್ದರು. ಅದು ನಮ್ಮ ದೇಶದಲ್ಲಿ ಹೆಚ್ಚು ಸುದ್ದಿಯೇ ಆಗಲಿಲ್ಲ ಅದು ಬೇರೆ ವಿಷಯ. ಮಾಲ್ಡೀವ್ಸ್ ನಲ್ಲಿ ಕೂಡ ಮುಸ್ಲಿಮರ ಸಮಸ್ಯೆ ಎದುರಾಗಿತ್ತು ಇದೀಗ ಶ್ರೀಲಂಕಾದಲ್ಲಿ ಕೂಡ ಇದೆ ಸಮಸ್ಯೆ ಎದುರಾಗಿದೆ. 

ಜಿಬೌಟಿ ದೇಶದ ಸಾಲದ 89 ಪ್ರತಿಶತ ಚೀನಾಕ್ಕೆ ಸೇರಿದ್ದು ಎಂದರೆ ಅದರ ತೀವ್ರತೆಯೇ ಅರಿವಾದೀತು. ಕಿರ್ಗಿಸ್ತಾನ್ ನ ಸಾಲದ 71 ಪ್ರತಿಶತ ಚೀನಾಕ್ಕೆ ಸೇರಿದ್ದು. ಮಾಲ್ಡೀವ್ಸ್, ಮಂಗೋಲಿಯಾ ಇವೆಲ್ಲವನ್ನ ಚೀನಾ ಯಾವಾಗ ಬೇಕಾದರೂ ಅಪೋಷನ ತೆಗೆದುಕೊಳ್ಳುವ ಶಕ್ತಿ ಹೊಂದಿದೆ.

ಈ ರೀತಿ ಸಾಲ ಕೊಡಲು ಮತ್ತು ಬಡ್ಡಿಯ ದರವನ್ನ ವಿಧಿಸಲು ಅಂತಾರಾಷ್ಟ್ರೀಯ ಕಾನೂನು ಕಟ್ಟಲೆಗಳು ಇಲ್ಲವೇ? ಎನ್ನುವ ಪ್ರಶ್ನೆ ನೀವು ಕೇಳಬಹದು. ಉತ್ತರ ಇದೆ. ವರ್ಲ್ಡ್ ಬ್ಯಾಂಕ್ ಮತ್ತು ಇಂಟರ್ನ್ಯಾಷನಲ್ ಮೊನಿಟರಿ ಫಂಡ್ ತಯಾರಿಸುವ ನೀಲಿನಕ್ಷೆಯನ್ನ ಅನುಸರಿಸಬೇಕು. ಆದರೆ ಚೀನಾ ಇದನ್ನೆಲ್ಲ ಗಾಳಿಗೆ ತೋರಿ ಸಮಯಕ್ಕೆ ಮತ್ತು ಸನ್ನಿವೇಶಕ್ಕೆ ತಕ್ಕಂತೆ ಕೊಟ್ಟ ಸಾಲಕ್ಕೆ ಆಯಾ ದೇಶಗಳ ಜೊತೆ ಒಪ್ಪಂದ ಮಾಡಿಕೊಳ್ಳುತ್ತ ಸಾಗಿದೆ. ಜಗತ್ತಿಗೆಲ್ಲಾ ನಾನೊಬ್ಬನೆ ಸಾಲ ಕೊಡುವವನು ಎನ್ನುವ ಭಾವನೆ ಚೀನಾ ದೇಶ ತೋರುತ್ತಿದೆ. 

ಸದ್ಯದ ಪರಿಸ್ಥಿತಿಯಲ್ಲಿ ಭಾರತ ಎಷ್ಟು ಎಚ್ಚರ ವಹಿಸಿದರೂ ಕಡಿಮೆಯೇ ಶ್ರೀಲಂಕಾದಲ್ಲಿ ಅರಾಜಕತೆ ಶುರುವಾಗಿದೆ. ಪಾಕೀಸ್ತಾನ ಹೇಗಿದೆ ಎನ್ನುವುದರ ಬಗ್ಗೆ ವಿಶೇಷವಾಗಿ ಹೇಳುವುದು ಬೇಡ. ಜಗತ್ತಿನ ಮೇಲೆ ಅಧಿಕಾರ ಹೊಂದಬೇಕು ಎನ್ನುವ ಚೀನಾ ದೇಶಕ್ಕೆ ಯುದ್ಧ ಮಾಡಿ ಎಲ್ಲಾ ದೇಶಗಳ ಮೇಲೆ ನಿಯಂತ್ರಣ ಸಾಧಿಸುವುದು ಎಷ್ಟು ಕಷ್ಟದ ಕೆಲಸ ಎನ್ನುವುದು ಗೊತ್ತು ಅದಕ್ಕಾಗಿ ಅದು ಇಟ್ಟಿರುವ ಚಾಣಾಕ್ಷ ನೆಡಿಗೆ ಡೆಟ್ ಟ್ರ್ಯಾಪ್! ಯುದ್ಧಕ್ಕೆ ಖರ್ಚು ಮಾಡುವ ಹಣವನ್ನ ಪ್ರೀತಿಯಿಂದ ಯಾವುದಾದರೊಂದು ಪ್ರಾಜೆಕ್ಟ್ ಗೆ ಎಂದು ಸಾಲ ಕೊಡುವುದು ನಂತರ ಅದರ ವಸೂಲಿಯಾಗದಿದ್ದಾಗ ನಿಧಾನವಾಗಿ ಆ ದೇಶದ ಮೇಲೆ ನಿಯಂತ್ರಣ ಸಾಧಿಸುವುದು ಇದು ಚೀನಾ ದೇಶದ ಹೊಸ ನೆಡಿಗೆ. ಈ ಡೆಟ್ ಟ್ರ್ಯಾಪ್ ನಲ್ಲಿ ಸಿಕ್ಕಿ ನರಳುತ್ತರುವ ದೇಶಗಳ ಸಂಖ್ಯೆ ಬಹಳವಿದೆ. ಮೊದಲೇ ಹೇಳಿದಂತೆ ಹತ್ತಿರತ್ತಿರ 23 ದೇಶಗಳ ಮೂಗುದಾರ ಚೀನಾ ದೇಶದ ಬಳಿಯಿದೆ. ಹೊರ ಜಗತ್ತಿಗೆ ರಾಜಾರೋಷವಾಗಿ ಕೂಗಿ ಹೇಳದಿದ್ದರೂ ನಾರ್ತ್ ಕೊರಿಯಾ ಚೀನಾದೇಶದ ಅಣತಿಯಂತೆ ನೆಡೆಯುತ್ತದೆ ಎನ್ನುವುದು ಕೂಡ ತಿಳಿಯದ ವಿಷಯವೇನಲ್ಲ. ಒಟ್ಟಿನಲ್ಲಿ ಜಗತ್ತಿನ ಮೇಲೆ ಹಿಡಿತ ಸಾಧಿಸಬೇಕು ಎನ್ನುವ ಚೀನಾದ ಕಮ್ಯುನಿಸ್ಟ್ ಸರಕಾರದ ಹುಚ್ಚು ಮಹತ್ವಾಕಾಂಕ್ಷೆಗೆ ಹಣಕಾಸಿನ ಮೂಲಭೋತ ವಿಷಯಗಳ ಅರಿವಿಲ್ಲದ ಸಾವಿರಾರು ಜನ ತಮ್ಮದಲ್ಲದ ತಪ್ಪಿಗೆ ಮಣ್ಣಾಗಿ ಹೋಗುವ ಸಾಧ್ಯತೆಗಳು ನಿಚ್ಚಳವಾಗಿದೆ. ಚೀನಾದ ಹುಚ್ಚಾಟಕ್ಕೆ ಕಡಿವಾಣ ಹಾಕಬೇಕಿದೆ. ಅದು ಸರಿ ಆದರೆ ಬೆಕ್ಕಿನ ಕೊರಳಿಗೆ ಘಂಟೆ ಕಟ್ಟುವರು ಯಾರು?

- ರಂಗಸ್ವಾಮಿ ಮೂಕನಹಳ್ಳಿ
muraram@yahoo.com
ಸಂಬಂಧಿಸಿದ್ದು...

ಲೇಖಕರ ಕುರಿತು : ಕಳೆದ ಎರಡು ದಶಕದಿಂದ ಆಂತರಿಕ ಲೆಕ್ಕ ಪರಿಶೋಧಕರಾಗಿ ದುಬೈ ಮತ್ತು ಯೂರೋಪಿನ ವಿತ್ತ ಪ್ರಪಂಚದಲ್ಲಿ ಬದುಕು ಕಂಡು ಕೊಂಡಿರುವ ಶ್ರೀ. ರಂಗಸ್ವಾಮಿ ಮೂಕನಹಳ್ಳಿಯವರು ಹವ್ಯಾಸಿ ಬರಹಗಾರರು. ವೃತ್ತಿ ಮತ್ತು ಪ್ರವೃತ್ತಿಯ ಸಲುವಾಗಿ ಐವತ್ತಕ್ಕೂ ಹೆಚ್ಚು ದೇಶಗಳ ಸುತ್ತಿರುವ ಲೇಖಕರು ತಾವು ಕಂಡ ದೇಶಗಳಷ್ಟೇ ಅಲ್ಲದೆ ಜಗತ್ತಿನ ಆರ್ಥಿಕ ಸ್ಥಿತಿಗತಿ ಬಗ್ಗೆ ಕನ್ನಡ ಪ್ರಭ, ಸಂಯುಕ್ತ ಕರ್ನಾಟಕ, ಉದಯವಾಣಿಗೆ ಲೇಖನಗಳ ಬರೆದಿದ್ದಾರೆ. ಇವರು ಕಂಡ ದೇಶಗಳ ಪ್ರವಾಸಿ ಕಥನ ತರಂಗ, ವಿಜಯ ನೆಕ್ಸ್ಟ್ ಮತ್ತು ಡಿಜಿಟಲ್ ಕನ್ನಡದಲ್ಲಿ ಲೇಖನ ಮತ್ತು ಸರಣಿ ರೂಪದಲ್ಲಿ ಪ್ರಕಟವಾಗಿವೆ. ಹಣಕ್ಲಾಸು ಕನ್ನಡಪ್ರಭ.ಕಾಮ್ ನಲ್ಲಿ ಪ್ರತಿ ಗುರುವಾರ ಪ್ರಕಟವಾಗುವ ಅಂಕಣ ಬರಹ.
Posted by: SBV | Source: Online Desk

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ?
ಕನ್ನಡ ಮ್ಯಾಟ್ರಿಮೋನಿಯಲ್ಲಿ -
ಉಚಿತ ನೋಂದಣಿ!

Topics : China, world, Debt, ಚೀನಾ, ಸಾಲ, ವಿಶ್ವದ ದೊಡ್ಡಣ್ಣ

Disclaimer: We respect your thoughts and views! But we need to be judicious while moderating your comments. All the comments will be moderated by the kannadaprabha.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

The views expressed in comments published on kannadaprabha.com are those of the comment writers alone. They do not represent the views or opinions of kannadaprabha.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. kannadaprabha.com reserves the right to take any or all comments down at any time.

ನಿಮ್ಮ ಅನಿಸಿಕೆ/ಅಭಿಪ್ರಾಯಗಳನ್ನು ಕನ್ನಡದಲ್ಲಿ ಟೈಪ್ ಮಾಡಲು ಇಲ್ಲಿ ಕ್ಲಿಕ್ ಮಾಡಿ

Advertisement
ಈ ವಿಭಾಗದ ಇತರ ಸುದ್ದಿ
Advertisement
Advertisement
Advertisement
Advertisement
Kannadaprabha.com App for Android Kannadaprabha.com App for IOS