Advertisement
ಹೆಚ್ಚು ಓದಿದ್ದು
ಪ್ರಮುಖ ಸುದ್ದಿ
Pramod Sawant to be sworn in as Goa CM tonight

ಗೋವಾ ನೂತನ ಮುಖ್ಯಮಂತ್ರಿಯಾಗಿ ಪ್ರಮೋದ್ ಸಾವಂತ್ ಆಯ್ಕೆ

ನೀರವ್ ಮೋದಿ ವಿರುದ್ಧ ಲಂಡನ್ ಕೋರ್ಟ್ ನಿಂದ ಬಂಧನ ವಾರೆಂಟ್ ಜಾರಿ: ಶೀಘ್ರವೇ ವಶಕ್ಕೆ ಸಾಧ್ಯತೆ

ನೀರವ್ ಮೋದಿ ವಿರುದ್ಧ ಲಂಡನ್ ಕೋರ್ಟ್ ನಿಂದ ಬಂಧನ ವಾರೆಂಟ್ ಜಾರಿ: ಶೀಘ್ರವೇ ವಶಕ್ಕೆ ಸಾಧ್ಯತೆ

Reliance Communications pays Rs 458.77 crore to Ericsson: Sources

ಜೈಲು ಶಿಕ್ಷೆಯಿಂದ ಅನಿಲ್‌ ಅಂಬಾನಿ ಪಾರು, ಎರಿಕ್ಸನ್ ಗೆ 458 ಕೋಟಿ ರೂ. ಪಾವತಿಸಿದ ರಿಲಯನ್ಸ್ ಕಮ್ಯುನಿಕೇಷನ್ಸ್‌

Nikhil Kumarswamy visits Shringeri Temple and seeks blessings

ತೋರಣ ಗಣಪತಿ ಸನ್ನಿಧಾನದಲ್ಲಿ ಒಡೆಯದ ಇಡುಗಾಯಿ: ನಿಖಿಲ್ ಗೆ ಅಪಶಕುನ

Manohar Parrikar cremated at Miramar, thousands from across Goa bid emotional adieu to CM

ಮಿರಾಮಾರ್ ನಲ್ಲಿ ಮನೋಹರ್ ಪರಿಕ್ಕರ್ ಅಂತ್ಯಕ್ರಿಯೆ: ನೆಚ್ಚಿನ ಮುಖ್ಯಮಂತ್ರಿಗೆ ಜನತೆಯ ಭಾವಪೂರ್ಣ ನಮನ

Sheila Dikshit writes to Rahul over alliance with AAP

ಆಮ್ ಆದ್ಮಿ-ಕಾಂಗ್ರೆಸ್ ಮೈತ್ರಿ ಕುರಿತು ರಾಹುಲ್ ಗೆ ಬರೆದ ಪತ್ರದಲ್ಲಿ ಶೀಲಾ ದೀಕ್ಷಿತ್ ಹೇಳಿದ್ದೇನು?

Ericsson payout case: Mukesh Ambani comes to brother Anil

ಎರಿಕ್ಸನ್‌ ಇಂಡಿಯಾ ಪ್ರಕರಣ: ನೆರವು ನೀಡಿದ ಸಹೋದರ ಮುಖೇಶ್ ಅಂಬಾನಿಗೆ ಧನ್ಯವಾದ ಹೇಳಿದ ಅನಿಲ್ ಅಂಬಾನಿ

In a first, Odisha CM to contest from 2 assembly seats

ಬಿಜೆಪಿ ಪ್ರಾಬಲ್ಯದ ಭಯ: ಇದೇ ಮೊದಲ ಬಾರಿಗೆ 2 ವಿಧಾನಸಭಾ ಕ್ಷೇತ್ರಗಳಿಂದ ಒಡಿಶಾ ಸಿಎಂ ಸ್ಪರ್ಧೆ!

5 CRPF jawans injured in Maoist attack

ಮತ್ತೆ ನಕ್ಸಲರ ಅಟ್ಟಹಾಸ: 5 ಸಿಆರ್ ಪಿಎಫ್ ಯೋಧರಿಗೆ ಗಾಯ, ಓರ್ವ ಹುತಾತ್ಮ

Sumalatha Ambareesh

ಮಂಡ್ಯದಿಂದ ಪಕ್ಷೇತರ ಅಭ್ಯರ್ಥಿಯಾಗಿ ಸ್ಪರ್ಧೆ, ಮಾರ್ಚ್ 20ರಂದು ನಾಮಪತ್ರ ಸಲ್ಲಿಕೆ: ಸುಮಲತಾ

Yash-Sumalatha Ambareesh-Darshan

ರಾಜಾಹುಲಿ, ಐರಾವತ ಒಟ್ಟಾಗಿ ಬಂದ್ರೂ ಮಂಡ್ಯ ಚಕ್ರವ್ಯೂಹ ಭೇದಿಸೋದು ಅಭಿಮನ್ಯು ನಿಖಿಲ್!

Rahul Gandhi

ಬೆಂಗಳೂರಿನಲ್ಲಿ ರಾಹುಲ್ ಸಂವಾದದ ವೇಳೆ 'ಮೋದಿ ಮೋದಿ' ಘೋಷಣೆ; ಕಾಂಗ್ರೆಸ್‌ಗೆ ಇರಿಸು ಮುರಿಸು, ವಿಡಿಯೋ!

Contesting because Siddaramaiah humiliated me, says Srinivasa Prasad

ಸಿದ್ದರಾಮಯ್ಯ ಸೋಲು ನನಗೆ ಗೆಲುವಿನ ವಿಶ್ವಾಸ ಹೆಚ್ಚಿಸಿದೆ: ಶ್ರೀನಿವಾಸ್ ಪ್ರಸಾದ್

ಮುಖಪುಟ >> ಅಂಕಣಗಳು

ವಿಜಯಾ ಬ್ಯಾಂಕ್, ದೇನಾ ಬ್ಯಾಂಕ್ ಮತ್ತು ಬ್ಯಾಂಕ್ ಆಫ್ ಬರೋಡ ಇನ್ನ್ಮುಂದೆ ಒಂದೇನಾ?

ಹಣಕ್ಲಾಸು-70
Hanaclassu: why banks are merging in India, how does it impact country

ವಿಜಯಾ, ಬ್ಯಾಂಕ್ ಆಫ್ ಬರೋಡ ಮತ್ತು ದೇನಾ ಇನ್ನ್ಮುಂದೆ ಒಂದೇನಾ?

ಜನವರಿ 2, 2019 ರಂದು ನರೇಂದ್ರ ಮೋದಿ ನೇತೃತ್ವದ ಕೇಂದ್ರ ಸರಕಾರ ಬ್ಯಾಂಕ್ ಆಫ್ ಬರೋಡ, ವಿಜಯ ಬ್ಯಾಂಕ್ ಮತ್ತು ದೇನಾ ಬ್ಯಾಂಕುಗಳನ್ನ ವಿಲೀನ ಗೊಳಿಸುವ 'ಸ್ಕೀಮ್ ಆಫ್ ಅಮಾಲ್ಗಮೇಷನ್' ಗೆ ಒಪ್ಪಿಗೆ ನೀಡಿದೆ. ಇಂತಹ ಒಂದು ವಿಲೀನ ಪ್ರಕ್ರಿಯೆಗೆ ಚಾಲನೆ ಸಿಕ್ಕಿದ್ದು ಸೆಪ್ಟೆಂಬರ್ 17, 2018ರಲ್ಲಿ ಆದರೆ ಏಪ್ರಿಲ್ 1, 2019ರಿಂದ ಇವುಗಳ ಸ್ಕೀಮ್ ಆಫ್ ಅಮಾಲ್ಗಮೇಷನ್ ಜಾರಿಗೆ ಬರಲಿದೆ. 

ಈ ರೀತಿಯ ಬ್ಯಾಂಕ್ಗಳ ವಿಲೀನ ಏಕೆ ಮಾಡಲಾಗುತ್ತೆ? 

ಜಾಗತಿಕ ಮಟ್ಟದಲ್ಲಿ ನಮ್ಮ ಇರುವಿಕೆ ತೋರ್ಪಡಿಸಲು, ಹಣಕಾಸು ವಿಷಯದಲ್ಲಿ ಇನ್ನಷ್ಟು ಬಲಿಷ್ಠರಾಗಲು. ಇಲ್ಲಿ ಗಮನಿಸಬೇಕಾದ ಒಂದು ಪ್ರಮುಖ ಅಂಶ ಏನೆಂದರೆ ಬಲಿಷ್ಠವಾಗಿಸಲು ಈ ಕಸರತ್ತು ಏಕೆ ಮಾಡಬೇಕು? ಏಕೆಂದರೆ ನಾವು ಈಗ ಬಲಿಷ್ಠರಲ್ಲ ಎನ್ನುವುದ ಸೂಕ್ಷ್ಮವಾಗಿ ಒಪ್ಪಿಕೊಂಡು, ಬಲಿರಾಗುವುದರತ್ತ ನೆಡೆಯಲು.

ನೀರವ್ ಮೋದಿ ಮತ್ತು ಮಲ್ಯರಂತ ಅನೇಕರು ಬ್ಯಾಂಕುಗಳಿಗೆ ಕೊಡಬೇಕಾದ ಹಣವನ್ನ ಮರುಪಾವತಿಸದೆ ಇರುವುದರಿಂದ ಬ್ಯಾಂಕುಗಳ ಸ್ಥಿತಿ ಅಷ್ಟೇನೂ ಚನ್ನಾಗಿಲ್ಲ. ಹಾಗೆ ನೋಡಲು ಹೋದರೆ ಇಂತಹ ವಿಲೀನಗಳು ಭಾರತದಲ್ಲಿ ಮಾತ್ರ ಆಗುತ್ತಿಲ್ಲ ಯೂರೋಪಿನ ಬಹುತೇಕ ದೇಶಗಳಲ್ಲಿ ಬ್ಯಾಂಕುಗಳ ವಿಲೀನ ಕ್ರಿಯೆ ಸಾಮಾನ್ಯವಾಗಿ ಬಿಟ್ಟಿದೆ. ಆರ್ಥಿಕವಾಗಿ ಸಬಲವಲ್ಲದ ಬ್ಯಾಂಕ್ನನ್ನು ಸಬಲ ಬ್ಯಾಂಕಿನೊಂದಿಗೆ ವಿಲೀನ ಗೊಳಿಸುವುದು ಸಹಜ ಕ್ರಿಯೆಯಾಗಿದೆ. ಇಂತಹ ಪ್ರಕ್ರಿಯೆಯಿಂದ ಸಬಲವಲ್ಲದ ಬ್ಯಾಂಕ್ ನ್ನು ಮುಚ್ಚುವ ಬದಲು ಮತ್ತು ಅಲ್ಲಿನ ನೌಕರರಿಗೆ ಮತ್ತು ಗ್ರಾಹಕರಿಗೆ ಹೆಚ್ಚಿನ ತೊದರೆಯಿಲ್ಲದೆ ಹೊಸ ಹೆಸರಿನೊಂದಿಗೆ ಹಳೆಯ ವ್ಯವಸ್ಥೆಯಲ್ಲಿ ಮುಂದುವರಿಯಲು ಮಾಡಿದ ಒಂದು ಸಹಾಯವಷ್ಟೇ. ಈಗ ಈ ಮೂರು ಬ್ಯಾಂಕುಗಳ ವಿಲೀನದಿಂದ ಇವುಗಳ ಒಟ್ಟು ವಹಿವಾಟು 15 ಲಕ್ಷ ಕೋಟಿ ಮುಟ್ಟುತ್ತದೆ. ಇದರಿಂದ ಈ ಬ್ಯಾಂಕು ಭಾರತದ ಮೂರನೇ ಅತಿ ದೊಡ್ಡ ಬ್ಯಾಂಕು ಎನ್ನುವ ಹೆಗ್ಗಳಿಕೆಗೆ ಕೂಡ ಪಾತ್ರವಾಗಲಿದೆ. 

ಯಾವ ಬ್ಯಾಂಕು ತನ್ನ ಡೆಪಾಸಿಟ್ ಮತ್ತು ಸಾಲ ಎರಡನ್ನೂ ವರ್ಗಾಯಿಸುತ್ತದೋ ಅಂತಹ ಬ್ಯಾಂಕ್ ನ್ನು ಟ್ರಾನ್ಸ್ ಫಾರೋರ್ ಬ್ಯಾಂಕು ಎನ್ನುತ್ತಾರೆ. ಯಾರು ಇದನ್ನ ಸ್ವೀಕರಿಸುತ್ತಾರೋ ಅಂತಹ ಬ್ಯಾಂಕ್ ನ್ನು ಟ್ರಾನ್ಸ್ ಫೆರಿ ಬ್ಯಾಂಕ್ ಎನ್ನುತ್ತಾರೆ. ವಿಜಯ ಬ್ಯಾಂಕ್ ಮತ್ತು ದೇನಾ ಬ್ಯಾಂಕ್ ಗಳು ಬ್ಯಾಂಕ್ ಆಫ್ ಬರೋಡ ಬ್ಯಾಂಕಿಗೆ ಈ ರೀತಿ ತಮ್ಮ ವ್ಯವಹಾರವನ್ನ ವರ್ಗಾಯಿಸುತ್ತಿವೆ ಹೀಗಾಗಿ ಇವೆರಡನ್ನ ಟ್ರಾನ್ಸ್ ಫಾರೋರ್ ಬ್ಯಾಂಕು ಎನ್ನಬಹದು. ಬ್ಯಾಂಕ್ ಆಫ್ ಬರೋಡ ಇದನ್ನ ಸ್ವೀಕರಿಸುತ್ತದೆ ಹೀಗಾಗಿ ಇದನ್ನ ಟ್ರಾನ್ಸ್ ಫೆರಿ ಬ್ಯಾಂಕ್ ಎನ್ನಬಹದು. 

ಇವತ್ತು ಈ ರೀತಿಯ ಕಸರತ್ತು ನೆಡೆದಿದ್ದರೆ ಅದಕ್ಕೆ ಪರೋಕ್ಷವಾಗಿ ಹಿಂದಿನ ಆರ್ ಬಿಐ ಮುಖ್ಯಸ್ಥ ರಘುರಾಮ ರಾಜನ್ ಕಾರಣ, ಏನಿದು ಕೇಂದ್ರ ಸರಕಾರ ಹಸಿರು ನಿಶಾನೆ ನೀಡಿದೆ ಅಂದಿರಿ ಮತ್ತೆ ರಾಜನ್ ನ್ನು ಇಲ್ಲಿ ಎಳೆ ತಂದಿರಿ ಎನ್ನುವ ನಿಮ್ಮ ಪ್ರಶ್ನೆಗೆ ಇದೋ ಉತ್ತರ. 

ಮೋದಿ ಸ್ವಚ್ಛ ಭಾರತ್ ಅಭಿಯಾನ ಶುರು ಮಾಡಿದಂತೆ ರಾಜನ್ ಹಣಕಾಸು ವಲಯದಲ್ಲಿ ಸ್ವಚ್ಛ ಬ್ಯಾಲನ್ಸ್ ಶೀಟ್ ಅಭಿಯಾನ ಶುರು ಮಾಡಿದ್ದು ವಿತ್ತ ವಲಯದಲ್ಲಿ ಒಂದು ಕಣ್ಣು ನೆಟ್ಟ ಎಲ್ಲಾ ಓದುಗರಿಗೂ ತಿಳಿದ ವಿಷಯವೇ ಆಗಿರುತ್ತದೆ.  ಬ್ಯಾಂಕ್ಗಳು ವಸೂಲಾತಿ ಆಗದೆ ಉಳಿದ ಸಾಲವನ್ನು ನಾನ್ ಪರ್ಫಾಮಿಂಗ್ ಅಸ್ಸೆಟ್ ಎಂದು ವಿಂಗಡಿಸಿ ಅದನ್ನ ತಮ್ಮ ಬ್ಯಾಲನ್ಸ್ ಶೀಟ್ ನಲ್ಲಿ ತೋರಿಸುತ್ತಿದ್ದರು, ಮತ್ತು ಪ್ರಾಫಿಟ್ ಅಂಡ್ ಲಾಸ್ ಸ್ಟೇಟಮೆಂಟ್ ನಲ್ಲಿ ಈ ವರ್ಷ ಇಷ್ಟು ಲಾಭ ಎಂದು ತೋರಿಸುತ್ತಿದ್ದರು. ಪಿ ಅಂಡ್ ಎಲ್ ನೋಡಿದರೆ ಬ್ಯಾಂಕ್ಗಳು ಸಖತ್ ಲಾಭ ಮಾಡುತ್ತಿವೆ ಎನ್ನುವ ಚಿತ್ರ ಕಟ್ಟಿ ಕೊಡುತ್ತಿದ್ದವು, ಬ್ಯಾಲನ್ಸ್ ಶೀಟ್ ಮತ್ತೊಂದು ಕಥೆ ಹೇಳುತಿತ್ತು, ಇದನ್ನ ಅರ್ಥ ಮಾಡಿಕೊಳ್ಳಲು ಒಂದು ಸಣ್ಣ ಉದಾಹರಣೆ ನೋಡೋಣ. 

ಒಂದು ಬ್ಯಾಂಕ್ 2014 ರಲ್ಲಿ ತನ್ನ ಲಾಭ 200 ಕೋಟಿ ಎಂದು ಘೋಷಿಸುತ್ತದೆ, ಆ ವರ್ಷ ಅವರಲ್ಲಿ ವಸೂಲಾಗದೆ ಉಳಿದ ಸಾಲದ  ಮೊತ್ತ 1೦೦ ಕೋಟಿ ಎಂದುಕೊಳ್ಳಿ, ಇದೆ ರೀತಿ 2015 ರಲ್ಲಿ ಲಾಭ 250, ವಸೂಲಾಗದ ಸಾಲ 150,  ಮತ್ತು 2016 ರಲ್ಲಿ ಲಾಭ 3೦೦, ವಸೂಲಾಗ ಸಾಲ 250 ಕೋಟಿ ಎಂದುಕೊಳ್ಳಿ.  ಕೇವಲ ಪಿ ಅಂಡ್ ಎಲ್ ನೋಡಿದರೆ 2014ರಲ್ಲಿ 200, 2015 ರಲ್ಲಿ 250 ಮತ್ತು 2016 ರಲ್ಲಿ 3೦೦ ಕೋಟಿ ಲಾಭ ಎನ್ನುವ ಚಿತ್ರಣ ಕಟ್ಟಿ ಕೊಡುತ್ತೆ ಅಂದರೆ ಮೂರು ವರ್ಷದ ಒಟ್ಟು ಲಾಭ 750ಕೋಟಿ!

ನಮ್ಮ ಬ್ಯಾಂಕ್ಗಳು ಇಷ್ಟು ದಿನ ತೂರಿಸಿಕೊಂಡು ಬಂದದ್ದು ಇದನ್ನೇ ರಿಸರ್ವ್ ಬ್ಯಾಂಕ್ ಹೇಳಿದ್ದು ಸಾಕು ಈ ರೀತಿ ನಮಗೆ ನಾವೇ ಮೋಸ ಮಾಡಿ ಕೊಳ್ಳುವ ಆಟ, ವಸೂಲಾಗದೆ ಉಳಿದ ಸಾಲವನ್ನು ಬ್ಯಾಡ್ ಡೆಟ್ ಎಂದು ವಿಂಗಡಿಸಿ ನಿಮ್ಮ ಲಾಭದಲ್ಲಿ ಕಳೆಯುತ್ತಾ ಬನ್ನಿ ಎಂದು. ಉದಾಹರಣೆ ಮುಂದುವರಿಸೋಣ. 

ಒಟ್ಟು ಮೂರು ವರ್ಷದ ಲಾಭ 750 ಕೋಟಿಯಲ್ಲಿ ರಿಸರ್ವ್ ಬ್ಯಾಂಕ್ ಹೇಳಿದಂತೆ ಒಟ್ಟು ಮೂರು ವರ್ಷದ ವಸೂಲಾಗದ ಸಾಲದ ಮೊತ್ತ 650 ಕೋಟಿ ಕಳೆದರೆ ಉಳಿಯುವುದು 1೦೦ ಕೋಟಿ ಲಾಭ ಅದೂ ಮೂರು ವರ್ಷದಲ್ಲಿ! ಈಗ ವ್ಯತ್ಯಾಸ ತಿಳಿಯಿತೇ?! 

ರಿಸರ್ವ್ ಬ್ಯಾಂಕ್ ತೆಗೆದುಕೊಂಡ ಈ ಕಠಿಣ ಕ್ರಮದಿಂದ, ಜಗತ್ತಿನ ಇತರ ಬ್ಯಾಂಕ್ಗಳು ಬಿದ್ದರೂ ನಾವು ಸೂಪರ್ ಎಂದು ಮೆರೆಯುತ್ತಿದ್ದ ಭಾರತೀಯ ಬ್ಯಾಂಕ್ಗಳು ಇನ್ನಿಲದಂತೆ ನೆಲಕಚ್ಚಿದವು. ಅದರ ನೇರ ಪರಿಣಾಮ ಬ್ಯಾಂಕ್ ಷೇರ್ ಗಳು ಮಾರುಕಟ್ಟೆಯಲ್ಲಿ ಭಾರಿ ಕುಸಿತ ಕಂಡವು. 

ಸರಕಾರದ ಮುಂದೆ ದೊಡ್ಡ ಸವಾಲು ಎದುರಾಯಿತು, ಇಷ್ಟು ದಿನ ರೋಗ ಇದ್ದರೂ ಇಲ್ಲ ಎಂದುಕೊಂಡು ಸುಮ್ಮನಿದ್ದದ್ದಾಯಿತು, ರಿಸರ್ವ್ ಬ್ಯಾಂಕ್ ರೋಗ ಇದೆಯೆಂದು ಜಗಜಾಹೀರಾತು ಮಾಡಿಯಾಗಿತ್ತು, ಅದರ ನಡೆ ಸರಕಾರದ ವಿರುದ್ಧ, ಜಾಗತಿಕ ಮಟ್ಟದಲ್ಲಿ ಭಾರತದಲ್ಲಿ ಹೂಡಿಕೆ ಮಾಡುವರಿಗೆ ತಪ್ಪು ಸಂದೇಶ ರವಾನೆ ಮಾಡಿದ ಹಾಗೆ ಇತ್ಯಾದಿ ಅನ್ನಿಸಬಹದು ಆದರೆ ಮುಂದಿನ ವರ್ಷ ಭಾರತದ ಭವಿಷ್ಯಕ್ಕೆ ರಿಸರ್ವ್ ಬ್ಯಾಂಕ್ ತೆಗೆದು ಕೊಂಡ ನಿರ್ಧಾರ ಬಹಳ  ಒಳ್ಳೆಯದು. 

ಆರ್ ಬಿಐ ನ ಈ ನಡೆಯಿಂದ ಆಕಾಶದಿಂದ ಒಮ್ಮೆಲೇ ನೆಲಕ್ಕೆ ಇಳಿದ ಬ್ಯಾಂಕ್ಗಳ ಪರಿಸ್ಥಿತಿ ಬಿಗಡಾಯಿಸಿತು, ಸರಕಾರ ವಿಧಿ ಇಲ್ಲದೆ ಸಾವಿರಾರು  ಕೋಟಿ ರೂಪಾಯಿ ಬ್ಯಾಂಕ್ಗಳಲ್ಲಿ ಮರು ಬಂಡವಾಳ ಹೂಡಿಕೆ ಮಾಡಿ ಕುಸಿತವನ್ನು ತಡೆದಿದೆ. ಕುಸಿತ ತಡೆಯಲು ಗ್ರಾಹಕರ ಹಾಗೂ ಹೂಡಿಕೆದಾರರ ವಿಶ್ವಾಸ ಉಳಿಸಿಕೊಳ್ಳಲು ಸರಕಾರ ಮಾಡಿದ ಮೊದಲ ಕಸರತ್ತು ಸರಿಯಾಗಿಯೇ ಇತ್ತು, ಕುಸಿತದ ನಂತರದ ಬೆಳವಣಿಗೆಗೆ, ಅಭಿವೃದ್ಧಿಗೆ ಸರಕಾರ ತೆಗೆದುಕೊಂಡ ಎರಡೆನೆ ಹೆಜ್ಜೆ  ಬ್ಯಾಂಕಗಳ ವಿಲೀನ ಪ್ರಕ್ರಿಯೆ. 

ಹಾಗೆ ನೋಡಲು ಹೋದರೆ ಈ ಮೂರು ಬ್ಯಾಂಕುಗಳಲ್ಲಿ ವಿಜಯಾ ಬ್ಯಾಂಕು ಅತ್ಯಂತ ಅರೋಗ್ಯ ಸ್ಥಿತಿಯಲ್ಲಿರುವ ಬ್ಯಾಂಕು. ಇದರ ಅನುತ್ಪಾದಕ ಆಸ್ತಿ ಕೇವಲ 6.9 ಇದ್ದು ದೇನಾ ಬ್ಯಾಂಕ್ 22 ಪ್ರತಿಶತಕ್ಕೂ ಹೆಚ್ಚಾಗಿದೆ. ಹೀಗಾಗಿ ದೇನಾ ಬ್ಯಾಂಕ್ ಜನರಿಗೆ ಸಾಲ ಕೊಡುವ ಹಾಗಿಲ್ಲ. ಬ್ಯಾಂಕ್ ಆಫ್ ಬರೋಡ ಕೂಡ 12  ಪ್ರತಿಶತಕ್ಕಿಂತ ಹೆಚ್ಚಾಗಿದೆ. ಕೇಂದ್ರ ಸರಕಾರದ ಪ್ರಾಮ್ಟ್ ಕರೆಕ್ಟಿವ್ ಆಕ್ಷನ್ (PCA) ಅಡಿಯಲ್ಲಿ ಈ ಬ್ಯಾಂಕುಗಳನ್ನ ವಿಲೀನಗೊಳಿಸಲಾಗುತ್ತಿದೆ. 

ಇದೆಲ್ಲಾ ಸರಿ ಅರ್ಥ ಆಯ್ತು, ವಿಲೀನದಿಂದ ಬಲಿಷ್ಠ ಹೇಗಾಗುತ್ತಾರೆ, ಉಳಿತಾಯ ಹೇಗಾಗುತ್ತೆ? 

  1. ವಿಲೀನಗೊಳ್ಳಲಿರುವ ಎಲ್ಲಾ ಬ್ಯಾಂಕ್ಗಳ ಡೆಪಾಸಿಟ್ ಒಂದೇ ತಟ್ಟೆಯಲ್ಲಿ ತೂಗಲಾಗುತ್ತೆ, ಒಂದು ಬ್ಯಾಂಕ್ ಇನ್ನೊಂದು ಬ್ಯಾಂಕ್ನಿಂದ ಹಲವು ಬಾರಿ ಸಾಲ ಪಡೆಯುತ್ತವೆ. ಅದಕ್ಕೆ ಬಡ್ಡಿ ಕೂಡ ನೀಡುತ್ತವೆ, ವಿಲೀನದಿಂದ ಈ ಬ್ಯಾಂಕ್ಗಳ ನಡುವಿನ ಕೊಡು-ಕೊಳ್ಳುವಿಕೆ ಇಲ್ಲವಾಗುತ್ತದೆ. ನೇರವಾಗಿ ಗ್ರಾಹಕನಿಗೆ ಸಾಲ ಕೊಡಬಹುದು, ಹೆಚ್ಚು ಬಡ್ಡಿಯೂ ಸಂಪಾದಿಸಬಹುದು. ದೇನಾ ಬ್ಯಾಂಕಿನ ಗ್ರಾಹಕರಿಗೆ ಕೂಡ ಇದರಿಂದ ಸಾಲ ಸಿಗುತ್ತದೆ. 
  2. ಒಂದೇ ಏರಿಯಾದಲ್ಲಿ ವಿಜಯಾ, ದೇನಾ ಮತ್ತು ಬ್ಯಾಂಕ್ ಆಫ್ ಬರೋಡ  ಹೀಗೆ ಮೂರ್ನಾಲ್ಕು ಬ್ಯಾಂಕ್ ಇರುವುದು ನಾವು ಕಂಡಿದ್ದೇವೆ. ವಿಲೀನದಿಂದ ಮೂರು ಬ್ಯಾಂಕ್ ಬದಲು  ಒಂದೇ ಬ್ಯಾಂಕ್ ಕಾರ್ಯ ನಿರ್ವಹಿಸುತ್ತದೆ. ಖರ್ಚು ಕಡಿಮೆಯಾಗುತ್ತದೆ. 
  3. ಹೆಚ್ಚಿದ ಗ್ರಾಹಕ ಸಂಖ್ಯೆ, ಹೆಚ್ಚಿದ ವಹಿವಾಟು,  ಹಲವು ಕೆಲಸಗಳು ಒಂದು ಸೂರಿನಡಿ, ನಿಪುಣರ ಕ್ಷಮತೆ ಹಂಚಿಕೊಂಡು ಕೆಲಸ ಮಾಡುವುದರಿಂದ  ಸಾಲ ವಸೂಲಾತಿ ಮುಂತಾದ ಕಾರ್ಯಗಳು ಕ್ಷಮತೆ ಪಡೆಯುತ್ತವೆ. 
  4. ದೊಡ್ಡದಾದಷ್ಟು ಹಲವು ವಿಷಯಗಲ್ಲಿ, ವ್ಯವಹಾರಗಲ್ಲಿ ಹೆಚ್ಚಿನ ಚೌಕಾಸಿ ಮಾಡುವ ಶಕ್ತಿ ಬರುತ್ತದೆ, ಜಾಗತಿಕ ಮಟ್ಟದಲ್ಲಿ ನಾವು ಒಬ್ಬ ಆಟಗಾರರಾಗಿ ಹೊರ ಹೊಮ್ಮುವ ಸಾಧ್ಯತೆ ಕೂಡ ಇದೆ. 
  5. ಬ್ಯಾಂಕು ಮುಚ್ಚುವ ಬದಲು ವಿಲೀನವಾಗುವುದರಿಂದ ಮುಚ್ಚುವ ಭಯ ಹೊಂದಿದ್ದ ಬ್ಯಾಂಕಿನ ಕೆಲಸಗಾರರಿಗೆ ಅದೇ ವೇತನದಲ್ಲಿ ಕೆಲಸ ಮುಂದುವರಿಯುತ್ತದೆ. 

ಕೊನೆ ಮಾತು: ವಿಷಯ ಯಾವುದೇ ಇರಲಿ ಅದು ಒಂದಷ್ಟು ಜನರಿಗೆ ಖುಷಿ ನೀಡಿದರೆ ಅದೇ ಸಮಯದಲ್ಲಿ ಒಂದಷ್ಟು ಜನಕ್ಕೆ ದುಃಖ ನೀಡುತ್ತದೆ. ಇದು ಪ್ರಕೃತಿ ನಿಯಮ. ವಿಲೀನದಿಂದ ಜಾಗತಿಕವಾಗಿ ನಮ್ಮ ಬ್ಯಾಂಕ್ಗಳು ಸುಭದ್ರ ಸ್ಥಿತಿ ತಲುಪಬಹುದು. ವಿಲೀನದಿಂದ ಬ್ಯಾಂಕ್ ಉದ್ಯೋಗಿಗಳಿಗೆ ಬಹಳ ಕಷ್ಟವಾಗಲಿದೆ. 

ಮೊದಲೇ ಹೇಳಿದಂತೆ ಒಂದು ಏರಿಯಾದಲ್ಲಿ ಮೂರು ಬ್ಯಾಂಕ್ಗಳಿದ್ದವು ಎಂದು ಕೊಳ್ಳಿ ಪ್ರತಿ ಬ್ಯಾಂಕ್ ನಲ್ಲಿ 10 ನೌಕರರಿದ್ದಾರೆ ಎಂದುಕೊಳ್ಳಿ, ವಿಲೀನದಿಂದ 1 ಬ್ರಾಂಚ್ ಆ ಏರಿಯಾದಲ್ಲಿ ಉಳಿದುಕೊಳ್ಳುತ್ತದೆ, ಹೆಚ್ಚಿದ ವಹಿವಾಟು, ಕಾರ್ಯದ ಸಲುವಾಗಿ ಆ ಬ್ರಾಂಚ್ ನಲ್ಲಿ ಹತ್ತರ ಬದಲಿಗೆ 20 ನೌಕರರ ನಿಯಮಿಸಿದರು ಎಂದುಕೊಂಡರೂ ಉಳಿದ ಹತ್ತು ನೌಕರರು ದೂರದ ಊರಿಗೆ ವರ್ಗಾವಣೆಯ  ಭೀತಿ ಅನುಭವಿಸುತ್ತಾರೆ. 

ದೂರದೂರಿಗೆ ವರ್ಗಾವಣೆಯಾದ ಬ್ಯಾಂಕ್ ನೌಕರ ಹೊಸ ಬದಲಾವಣೆಗೆ ಒಗ್ಗಿಕೊಳ್ಳಲು ಪರದಾಡಬಹದು. ಕರ್ನಾಟಕ ಮೂಲದ ಬ್ಯಾಂಕು ಅಸ್ತಿತ್ವ ಕಳೆದುಕೊಂಡಿತು, ಕರ್ನಾಟಕ, ಕನ್ನಡದ ಆಸ್ಮಿತೆಗೆ ಇದರಿಂದ ಧಕ್ಕೆ ಎಂದು ಕನ್ನಡಿಗರು ಆಕ್ರೋಶಗೊಳ್ಳಬಹದು! ಹೀಗೆ ಒಂದು ನಿರ್ಧಾರ ಒಂದು ಕ್ರಿಯೆ ಹಲವು ಆಯಾಮಗಳನ್ನ ಹುಟ್ಟಿಹಾಕುತ್ತದೆ. ಇಲ್ಲಿ ಸರಿಯೇ? ತಪ್ಪೇ? ಎನ್ನುವುದಕ್ಕಿಂತ ಅಸ್ತಿತ್ವ, ಉಳಿಯುವಿಕೆ ಮುಖ್ಯವಾಗುತ್ತದೆ.

-ರಂಗಸ್ವಾಮಿ ಮೂಕನಹಳ್ಳಿ
muraram@yahoo.com 

ಲೇಖಕರ ಕುರಿತು : ಕಳೆದ ಎರಡು ದಶಕದಿಂದ ಆಂತರಿಕ ಲೆಕ್ಕ ಪರಿಶೋಧಕರಾಗಿ ದುಬೈ ಮತ್ತು ಯೂರೋಪಿನ ವಿತ್ತ ಪ್ರಪಂಚದಲ್ಲಿ ಬದುಕು ಕಂಡು ಕೊಂಡಿರುವ ಶ್ರೀ. ರಂಗಸ್ವಾಮಿ ಮೂಕನಹಳ್ಳಿಯವರು ಹವ್ಯಾಸಿ ಬರಹಗಾರರು. ವೃತ್ತಿ ಮತ್ತು ಪ್ರವೃತ್ತಿಯ ಸಲುವಾಗಿ ಐವತ್ತಕ್ಕೂ ಹೆಚ್ಚು ದೇಶಗಳ ಸುತ್ತಿರುವ ಲೇಖಕರು ತಾವು ಕಂಡ ದೇಶಗಳಷ್ಟೇ ಅಲ್ಲದೆ ಜಗತ್ತಿನ ಆರ್ಥಿಕ ಸ್ಥಿತಿಗತಿ ಬಗ್ಗೆ ಕನ್ನಡ ಪ್ರಭ, ಸಂಯುಕ್ತ ಕರ್ನಾಟಕ, ಉದಯವಾಣಿಗೆ ಲೇಖನಗಳ ಬರೆದಿದ್ದಾರೆ. ಇವರು ಕಂಡ ದೇಶಗಳ ಪ್ರವಾಸಿ ಕಥನ ತರಂಗ, ವಿಜಯ ನೆಕ್ಸ್ಟ್ ಮತ್ತು ಡಿಜಿಟಲ್ ಕನ್ನಡದಲ್ಲಿ ಲೇಖನ ಮತ್ತು ಸರಣಿ ರೂಪದಲ್ಲಿ ಪ್ರಕಟವಾಗಿವೆ. ಹಣಕ್ಲಾಸು ಕನ್ನಡಪ್ರಭ.ಕಾಮ್ ನಲ್ಲಿ ಪ್ರತಿ ಗುರುವಾರ ಪ್ರಕಟವಾಗುವ ಅಂಕಣ ಬರಹ.
Posted by: SBV | Source: Online Desk

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ?
ಕನ್ನಡ ಮ್ಯಾಟ್ರಿಮೋನಿಯಲ್ಲಿ -
ಉಚಿತ ನೋಂದಣಿ!

Topics : Hanaclassu, banks, merger, India, ಹಣಕ್ಲಾಸು, ಬ್ಯಾಂಕ್, ವಿಲೀನ, ಭಾರತ

Disclaimer: We respect your thoughts and views! But we need to be judicious while moderating your comments. All the comments will be moderated by the kannadaprabha.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

The views expressed in comments published on kannadaprabha.com are those of the comment writers alone. They do not represent the views or opinions of kannadaprabha.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. kannadaprabha.com reserves the right to take any or all comments down at any time.

ನಿಮ್ಮ ಅನಿಸಿಕೆ/ಅಭಿಪ್ರಾಯಗಳನ್ನು ಕನ್ನಡದಲ್ಲಿ ಟೈಪ್ ಮಾಡಲು ಇಲ್ಲಿ ಕ್ಲಿಕ್ ಮಾಡಿ

Advertisement
Advertisement
Advertisement
Advertisement
Advertisement
Kannadaprabha.com App for Android Kannadaprabha.com App for IOS