12 ಗಂಟೆಗಳಲ್ಲಿ 2 ದೇಶಗಳಲ್ಲಿ 2 ಪಂದ್ಯಗಳಲ್ಲಿ 10 ವಿಕೆಟ್ ಕಬಳಿಸಿದ ಮಲಿಂಗಾ!

ಶ್ರೀಲಂಕಾದ ವೇಗದ ಬೌಲರ್ ಲಸಿತ್ ಮಾಲಿಂಗಾ ಕ್ರಿಕೆಟ್ ಲೋಕದಲ್ಲಿ ಅತ್ಯಪರೂಪದ ದಾಖಲೆ ನಿರ್ಮಾಣ ಮಾಡಿದ್ದು, ಕೇವಲ 12 ಗಂಟೆಗಳ ಅವಧಿಯಲ್ಲಿ 2 ದೇಶಗಳಲ್ಲಿ 2 ಕ್ರಿಕೆಟ್​ ಪಂದ್ಯಗಳನ್ನಾಡಿ 10 ವಿಕೆಟ್​ ಪಡೆಯುವ ಮೂಲಕ ಎರಡೂ ತಂಡಗಳಿಗೆ ಗೆಲುವು ದಕ್ಕಿಸಿಕೊಟ್ಟಿದ್ದಾರೆ.

Published: 05th April 2019 12:00 PM  |   Last Updated: 05th April 2019 11:49 AM   |  A+A-


Lasith Malinga Takes 10 Wickets Across 2 Countries Within 12 Hours

ಮಲಿಂಗಾ ಬೌಲಿಂಗ್

Posted By : SVN SVN
Source : Online Desk
ಮುಂಬೈ: ಶ್ರೀಲಂಕಾದ ವೇಗದ ಬೌಲರ್ ಲಸಿತ್ ಮಾಲಿಂಗಾ ಕ್ರಿಕೆಟ್ ಲೋಕದಲ್ಲಿ ಅತ್ಯಪರೂಪದ ದಾಖಲೆ ನಿರ್ಮಾಣ ಮಾಡಿದ್ದು, ಕೇವಲ 12 ಗಂಟೆಗಳ ಅವಧಿಯಲ್ಲಿ 2 ದೇಶಗಳಲ್ಲಿ 2 ಕ್ರಿಕೆಟ್​ ಪಂದ್ಯಗಳನ್ನಾಡಿ 10 ವಿಕೆಟ್​ ಪಡೆಯುವ ಮೂಲಕ ಎರಡೂ ತಂಡಗಳಿಗೆ ಗೆಲುವು ದಕ್ಕಿಸಿಕೊಟ್ಟಿದ್ದಾರೆ.

ಹೌದು.. ಮುಂಬೈನ ವಾಂಖೆಡೆ ಸ್ಟೇಡಿಯಂನಲ್ಲಿ ಬುಧವಾರ ಚೆನ್ನೈ ಸೂಪರ್​ ಕಿಂಗ್ಸ್​ ವಿರುದ್ಧದ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್​ ಪರ ಆಡಿದ್ದ ಮಲಿಂಗಾ 34 ರನ್​ ನೀಡಿ 3 ವಿಕೆಟ್​ ಪಡೆದಿದ್ದರು. ಈ ಪಂದ್ಯವನ್ನು ಮುಂಬೈ ಇಂಡಿಯನ್ಸ್​ ತಂಡ ಗೆದ್ದುಕೊಂಡಿತ್ತು. ಮಧ್ಯರಾತ್ರಿ ವೇಳೆಗೆ ಐಪಿಎಲ್​ ಪಂದ್ಯ ಮುಗಿದಿತ್ತು. 

ಆದರೂ ಮಲಿಂಗಾ ಗುರುವಾರ ಮುಂಜಾನೆ ಮುಂಬೈನಿಂದ ಹೊರಟು ಕ್ಯಾಂಡಿ ತಲುಪಿದ್ದರು. ಅಲ್ಲಿ ಅವರು ಶ್ರೀಲಂಕಾ ದೇಶೀಯ ಕ್ರಿಕೆಟ್ ನ ಲಿಸ್ಟ್​ ಎ ಪಂದ್ಯದಲ್ಲಿ ಆಡಿದರು. ಈ ಪಂದ್ಯದಲ್ಲಿ ಗಾಲೆ ತಂಡವನ್ನು ಪ್ರತಿನಿಧಿಸಿದ್ದ ಮಲಿಂಗಾ 49 ರನ್​ಗೆ 7 ವಿಕೆಟ್​ ಪಡೆದು ಜೀವನ ಶ್ರೇಷ್ಠ ಬೌಲಿಂಗ್​ ನಿರ್ವಹಣೆಯೊಂದಿಗೆ ಕ್ಯಾಂಡಿ ತಂಡದ ವಿರುದ್ಧ 156 ರನ್​ಗಳ ಗೆಲುವು ದಕ್ಕಿಸಿಕೊಟ್ಟರು.

ಶ್ರೀಲಂಕಾ ಏಕದಿನ ತಂಡದ ನಾಯಕ ಮಲಿಂಗಾ ಅವರಿಗೆ ಏಪ್ರಿಲ್​ ತಿಂಗಳಿನಲ್ಲಿ ಐಪಿಎಲ್ ನಲ್ಲಿ ಪಾಲ್ಗೊಳ್ಳಲು ಶ್ರೀಲಂಕಾ ಕ್ರಿಕೆಟ್​ ಮಂಡಳಿ ಅನುಮತಿ ನೀಡಿತ್ತು. ಆದರೆ ವಿಶ್ವಕಪ್ ಗೆ ಸಿದ್ಧವಾಗುವ ನಿಟ್ಟಿನಲ್ಲಿ ಮಲಿಂಗಾ ದೇಶೀಯ ಟೂರ್ನಿಗಳಲ್ಲೂ ಆಡಲು ನಿರ್ಧರಿಸಿದ್ದಾರೆ. ಐಪಿಎಲ್​ ಪಂದ್ಯಗಳ ನಡುವೆ ಬಿಡುವು ಮಾಡಿಕೊಂಡು ಶ್ರೀಲಂಕಾದಲ್ಲೂ ಪ್ರಾಂತೀಯ ತಂಡಗಳ ಪರ ಆಡುತ್ತಿದ್ದಾರೆ.

ಈ ಬಗ್ಗೆ ಮುಂಬೈ ಇಂಡಿಯನ್ಸ್ ತಂಡ ಕೂಡ ತನ್ನ ಟ್ವಿಟರ್ ಖಾತೆಯಲ್ಲಿ ಹೆಮ್ಮೆಯಿಂದ ಬರೆದುಕೊಂಡಿದ್ದು, ಚಾಂಪಿಯನ್ ಮಲಿಂಗಾ ತಂಡ ಸೇರಿಕೊಳ್ಳುವುದನ್ನು ಎದುರುನೋಡುತ್ತಿದ್ದೇವೆ ಎಂದು ಟ್ವೀಟ್ ಮಾಡಿದೆ.
Stay up to date on all the latest ಕ್ರಿಕೆಟ್ news
Poll
HD Kumaraswamy

ಹಿಂದಿ ಗೊತ್ತಿರುವುದರಿಂದ ರಾಷ್ಟ್ರ ರಾಜಕಾರಣದಲ್ಲಿ ಉತ್ತರ ಭಾರತದ ನಾಯಕರಿಗೆ ದಕ್ಷಿಣದವರಿಗಿಂತ ಹೆಚ್ಚಿನ ಪ್ರಯೋಜನ ಆಗುತ್ತದೆ ಎಂದು ಕುಮಾರಸ್ವಾಮಿ ಹೇಳಿದ್ದಾರೆ.


Result
ಸರಿ
ತಪ್ಪು
ಗೊತ್ತಿಲ್ಲ
flipboard facebook twitter whatsapp