ಟಾಸ್ ಸೋತು ಬ್ಯಾಟಿಂಗ್ ನಡೆಸಿದ ಕೋಲ್ಕತಾ ತಂಡ ಚೆನ್ನೈನ ಬೌಲರ್ ಗಳಾದ ದೀಪಕ್ ಚಾಹರ್ (3 ವಿಕೆಟ್), ಹರ್ಭಜನ್ ಸಿಂಗ್ (2 ವಿಕೆಟ್) ಮತ್ತು ಇಮ್ರಾನ್ ತಾಹಿರ್ (2 ವಿಕೆಟ್) ಸಾಂಘಿಕ ದಾಳಿಗೆ ಪೆವಿಲಿಯನ್ ಪರೇಡ್ ನಡೆಸಿತು. ತಂಡದ ಮೊತ್ತ ಕೇವಲ 44 ರನ್ ಗಳಾಗುವಷ್ಟರಲ್ಲಿ ಕೋಲ್ಕತಾದ ಪ್ರಮುಖ 5 ವಿಕೆಟ್ ಗಳು ಪತನಗೊಂಡಿದ್ದವು. ಮಧ್ಯಮ ಕ್ರಮಾಂಕದ ಆಟಗಾರ ಆಂಡ್ರೆ ರೆಸಲ್ (ಅಜೇಯ 50) ಅರ್ಧಶತಕ ಸಿಡಿಸಿ ತಂಡದ ಮೊತ್ತ 100 ರನ್ ಗಡಿ ದಾಟಿಸುವಲ್ಲಿ ಯಶಸ್ವಿಯಾದರು. ಕೋಲ್ಕತಾ 4 ಮಂದಿ ಬ್ಯಾಟ್ಸಮನ್ ಗಳು ಶೂನ್ಯ ಸಂಪಾದನೆ ಮಾಡಿದ್ದು, ತಂಡಕ್ಕೆ ಭಾರಿ ಹೊಡತೆ ನೀಡಿತು. ಅಂತಿಮವಾಗಿ ಕೋಲ್ಕತಾ ತಂಡ ನಿಗದಿತ 20 ಓವರ್ ಗಳಲ್ಲಿ 108 ರನ್ ಗಳಿಸಿತು.
