ಎಡಗೈ ಬ್ಯಾಟ್ಸ್ಮನ್ ಡೇವಿಡ್ ವಾರ್ನರ್ ಕೂಡ ಐಪಿಎಲ್ ಕೊನೆಯ ಹಂತದಲ್ಲಿ ಆಸ್ಟ್ರೇಲಿಯಾಗೆ ತೆರಳಲಿದ್ದಾರೆ. ಡೇವಿಡ್ ವಾರ್ನರ್ ಪ್ರಸಕ್ತ ಟೂರ್ನಿಯಲ್ಲಿ ಅತಿ ಹೆಚ್ಚು ರನ್ ಗಳಿಸಿದ ಆಟಗಾರರ ಪೈಕಿ ಅಗ್ರ ಸ್ಥಾನದಲ್ಲಿದ್ದು, ಅವರು 9 ಪಂದ್ಯಗಳಿಂದ 517 ರನ್ ಗಳನ್ನು ಸಿಡಿಸಿದ್ದಾರೆ, ಜತೆಗೆ ಜಾನಿ ಬೈರ್ ಸ್ಟೋ 445 ರನ್ ದಾಖಲಿಸಿ ಎರಡನೇ ಸ್ಥಾನದಲ್ಲಿದ್ದಾರೆ. ಇವರಿಬ್ಬರ ನಿರ್ಗಮನದಿಂದ ಹೈದರಾಬಾದ್ ತಂಡಕ್ಕೆ ಭಾರಿ ನಷ್ಟವಾಗಲಿದೆ. ಈ ಜೋಡಿ ಇಲ್ಲಿಯವರೆಗೂ ಮೊದಲ ವಿಕೆಟ್ ಗೆ 733 ರನ್ ಜತೆಯಾಟವಾಡಿದೆ.