ಹೌದು ಸಿಡ್ನಿಯಲ್ಲಿ ನಡೆಯುತ್ತಿರುವ ಆಸ್ಟ್ರೇಲಿಯಾ ವಿರುದ್ಧದ ಅಂತಿಮ ಟೆಸ್ಟ್ ಪಂದ್ಯದಲ್ಲಿ ರಿಷಬ್ ಪಂತ್ ಅಮೋಘ ಬ್ಯಾಟಿಂಗ್ ಮಾಡಿ ಆಕರ್ಷಕ ಶತಕ ಸಿಡಿಸಿದ್ದಾರೆ. 165 ಎಸೆತಗಳನ್ನು ಎದುರಿಸಿರುವ ಪಂತ್ 11 ಬೌಂಡರಿಗಳ ಸಹಾಯದಿಂದ 128 ರನ್ ಗಳಿಸಿದ್ದು, ಆ ಮೂಲಕ ರಿಷಬ್ ಪಂತ್ ಆಸಿಸ್ ನೆಲದಲ್ಲಿ ಶತಕ ಸಿಡಿಸಿದ ಮೊದಲ ಭಾರತೀಯ ವಿಕೆಟ್ ಕೀಪರ್ ಎಂಬ ಕೀರ್ತಿಗೆ ಭಾಜನರಾಗಿದ್ದಾರೆ. ಈ ಹಿಂದೆ ಆಸಿಸ್ ನೆಲದಲ್ಲಿ ಸಾಕಷ್ಟು ವಿಕೆಟ್ ಕೀಪರ್ ಗಳು ಶತಕ ಸಿಡಿಸಿದ್ದಾರೆಯಾದರೂ, ಭಾರತ ತಂಡದ ವತಿಯಿಂದ ವಿಕೆಟ್ ಕೀಪರ್ ಶತಕ ಸಿಡಿಸಿದ ಸಾಧನೆ ಮಾಡಿರಲಿಲ್ಲ.