ಸಿಡ್ನಿ: ಸಿಡ್ನಿಯಲ್ಲಿ ನಿನ್ನೆ ನಡೆದ ಆಸ್ಟ್ರೇಲಿಯಾ ವಿರುದ್ಧದ ಮೊದಲ ಏಕದಿನ ಪಂದ್ಯದಲ್ಲಿ ಟೀಂ ಇಂಡಿಯಾ 34 ರನ್ ಗಳ ಅಂತರದಿಂದ ಸೋತಿದ್ದರೂ ಟೀಂ ಇಂಡಿಯಾ ಆಟಗಾರರು ಎದೆಗುಂದಿಲ್ಲ. ಅಡಿಲೇಡ್ ನಲ್ಲಿ ನಡೆಯಲಿರುವ ಎರಡನೇ ಪಂದ್ಯಕ್ಕಾಗಿಯೇ ಉತ್ಸಾಹದಿಂದಲೇ ತೆರಳಿದ್ದಾರೆ.
ವಿಮಾನ ನಿಲ್ದಾಣದಿಂದ ಟೀಂ ಇಂಡಿಯಾ ಆಟಗಾರರು ನಿರ್ಗಮಿಸಬೇಕಾದರೆ ಆಲ್ ರೌಂಡರ್ ಕೇದಾರ್ ಜಾದವ್ ಮಾಡಿರುವ ಡ್ಯಾನ್ಸ್ ಇದೀಗ ವೈರಲ್ ಆಗಿದೆ. ನಂತರ ಅಲ್ಲಿಯೇ ಇದ್ದ ರೋಹಿತ್ ಶರ್ಮಾ ಮತ್ತಿತರ ನಾಯಕರು ಕೇದಾರ್ ಜಾದವ್ ಗೆ ಕೈ ಕೊಡುವ ಮೂಲಕ ಅಭಿನಂದಿಸಿದ್ದಾರೆ. ಹೀಗೆ ಜಾಲಿ ಮೂಡ್ ನಲ್ಲಿಯೇ ಅಡಿಲೇಡ್ ಗೆ ಟೀಂ ಇಂಡಿಯಾ ಆಟಗಾರರು ತೆರಳಿದ್ದಾರೆ.
ರೋಹಿತ್ ಶರ್ಮಾ 133. ಧೋನಿ 51 ರನ್ ಗಳಿಸಿದ್ದರೂ ಟಾಪ್ ಹಾಗೂ ಮಾಧ್ಯಮ ಕ್ರಮಾಂಕದ ಆಟಗಾರರು ಕೈ ಕೊಟ್ಟಿದ್ದರಿಂದ ಸಿಡ್ನಿಯಲ್ಲಿ ನಡೆದ ಮೊದಲ ಏಕದಿನ ಪಂದ್ಯವನ್ನು ಭಾರತ ಕೈ ಚೆಲ್ಲಿತ್ತು.
