ರೋಹಿತ್ ಶರ್ಮಾ ಮತ್ತು ಶಿಖರ್ ಧವನ್ ಜೋಡಿ ಭಾರತಕ್ಕೆ ನಿಧಾನಗತಿಯ ಆರಂಭ ಒದಗಿಸಿದರೂ, ಉತ್ತಮ ಆರಂಭ ನೀಡಿದ್ದಾರೆ. ಆಸಿಸ್ ವೇಗಿಗಳನ್ನು ರಕ್ಷಣಾತ್ಮಕವಾಗಿ ಎದುರಿಸಿದ ಇಬ್ಬರೂ ಆಟಗಾರರೂ ಅನಗತ್ಯ ದೊಡ್ಡ ಹೊಡೆತಕ್ಕೆ ಕೈ ಹಾಕದೇ ರಕ್ಷಣಾತ್ಮಕ ಆಟದ ಮೂಲಕ ಒಂದೊಂದೇ ರನ್ ಗಳನ್ನು ಕಲೆಹಾಕಿ ಭಾರತದ ಉತ್ತಮ ಸ್ಥಿತಿಗೆ ಕಾರಣರಾಗಿದ್ದಾರೆ. ಇಬ್ಬರೂ ಆಟಗಾರರ ಜುಗಲ್ ಬಂದಿ ಆಟಕ್ಕೆ ಆಸಿಸ್ ಬೌಲರ್ ಗಳು ಹೈರಾಣಾಗಿ ಹೋಗಿದ್ದು, ಭಾರತದ ವಿಕೆಟ್ ಪಡೆಯಲು ಹರಸಾಹಸ ಪಡುತ್ತಿದ್ದಾರೆ.
