'ನ್ಯಾಷನಲ್ ಕ್ರಶ್' ಆರ್‌ಸಿಬಿ ಹುಡುಗಿಯ ಡ್ಯಾನ್ಸ್ ವಿಡಿಯೋ ಸಖತ್ ವೈರಲ್!

ಬೆಂಗಳೂರು: ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆದಿದ್ದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಹಾಗೂ ಸನ್ ರೈಸರ್ಸ್ ಹೈದರಾಬಾದ್ ವಿರುದ್ಧದ ಪಂದ್ಯದ ವೇಳೆ ರೆಡ್ ಡ್ರೆಸ್ ನಲ್ಲಿ ಕಾಣಿಸಿಕೊಂಡು ರಾತ್ರೋರಾತ್ರಿ ನ್ಯಾಷನಲ್ ಕ್ರಶ್ ಆಗಿದ್ದ ಆರ್‌ಸಿಬಿ ಹುಡುಗಿ ದೀಪಿಕಾ ಘೋಷ್ ಸದ್ಯ ವಿರಾಟ್ ಕೊಹ್ಲಿ ನೇತೃತ್ವದ ಟೀಂ ಇಂಡಿಯಾವನ್ನು ಹುರಿದುಂಬಿಸಲು ಮುಂದಾಗಿದ್ದಾರೆ.

ದೀಪಿಕಾ ವಿರಾಟ್ ಕೊಹ್ಲಿ ಹೆಸರಿನ 10ನೇ ನಂಬರ್ ಟೀಂ ಇಂಡಿಯಾ ಜೆರ್ಸಿ ತೊಟ್ಟು ಹಾಡೊಂದಕ್ಕೆ ಸಖತ್ ಸ್ಟೇಪ್ ಆಗಿದ್ದು ಈ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗಿದೆ.

ಆರ್‌ಸಿಬಿ ಪಂದ್ಯದ ವೇಳೆ ದೀಪಿಕಾ ಘೋಷ್ ಫೋಟೋ ವೈರಲ್ ಆಗುತ್ತಿದ್ದಂತೆ ಇನ್ ಸ್ಟಾಗ್ರಾಂನಲ್ಲಿ ಆಕೆಯನ್ನು ಫಾಲೋ ಅಭಿಮಾನಿಗಳ ಸಂಖ್ಯೆ ಹೆಚ್ಚಾಗಿತ್ತು. ಇದೇ ವೇಳೆ ಇನ್ನು ಕೆಲ ಅಭಿಮಾನಿಗಳು ದೀಪಿಕಾರನ್ನು ಕಾಡಿದ್ದರು. ಈ ಬಗ್ಗೆ ದೀಪಿಕಾ ಒಮ್ಮೆ ತಮ್ಮ ಅಳಲನ್ನು ತೊಡಿಕೊಂಡಿದ್ದರು.