ಐಸಿಸಿ ವಿಶ್ವಕಪ್ ಟೂರ್ನಿಯಲ್ಲಿ ಇಂಗ್ಲೆಂಡ್ ನ ಜೋಯ್ ರೂಟ್ ಎರಡನೇ ಶತಕ ದಾಖಲಿಸಿದ್ದು, ವೆಸ್ಟ್ ಇಂಡೀಸ್ ವಿರುದ್ಧ ತಂಡದ ಗೆಲುವಿನಲ್ಲಿ ನಿರ್ಣಾಯಕ ಪಾತ್ರ ವಹಿಸಿದ್ದಾರೆ.
ವೆಸ್ಟ್ ಇಂಡೀಸ್ ತಂಡಕ್ಕೆ ಇಂಗ್ಲೆಂಡ್ ವಿರುದ್ಧದ ಪಂದ್ಯದಲ್ಲಿ ತಮ್ಮದೇ ತಂತ್ರ ತಿರುಗುಬಾಣವಾಗಿ ಪರಿಣಮಿಸಿದ್ದು, ಸೋಲನ್ನು ಕಂಡಿದೆ.
ಈ ವರೆಗೂ ಗೆದ್ದಿರುವ ಪಾಕಿಸ್ತಾನದ ವಿರುದ್ಧದ ಒಂದೇ ಪಂದ್ಯ- ವೆಸ್ಟ್ ಇಂಡ್ ಇಂಡೀಸ್ ಬೌಲರ್ ಗಳು ಬೌನ್ಸರ್ ಗಳ ಮೂಲಕವೇ ಪಾಕಿಸ್ತಾನ ಬ್ಯಾಟ್ಸ್ ಮನ್ ಗಳನ್ನು ಕಾಡಿದ್ದರು. ಈ ಪಂದ್ಯದಲ್ಲಿ ಈ ತಂತ್ರವೇ ವೆಸ್ಟ್ ಇಂಡೀಸ್ ತಂಡಕ್ಕೂ ತಿರುಮಂತ್ರವಾಗಿ ಪರಿಣಮಿಸಿ ಸೋಲು ಕಂಡಿದೆ.
ವೆಸ್ಟ್ ಇಂಡೀಸ್ ತಂಡ 44.4 ಓವರ್ ಗಳಲ್ಲಿ ತನ್ನೆಲ್ಲಾ ವಿಕೆಟ್ ಕಳೆದುಕೊಂಡು 212 ರನ್ ಗಳ ಸಾಧಾರಣ ರನ್ ಗಳಿಸಿತ್ತು. ಇಂಗ್ಲೆಂಡ್ ತಂಡ 33.1 ಓವರ್ ಗಳಲ್ಲಿ 2 ವಿಕೆಟ್ ನಷ್ಟಕ್ಕೆ 213 ರನ್ ಗಳಿಸಿ 8 ವಿಕೆಟ್ ಗಳ ಸುಲಭದ ಜಯ ದಾಖಲಿಸಿದೆ.
