ಔಟ್ ಇಲ್ಲದಿದ್ದರೂ ತನಗೆ ತಾನೇ ಔಟ್ ಘೋಷಿಸಿಕೊಂಡು ಕ್ರಿಸ್ ಬಿಟ್ಟ ಕೊಹ್ಲಿ, ವಿಡಿಯೋ ವೈರಲ್!

ಪಾಕಿಸ್ತಾನ ವಿರುದ್ಧದ ಹೈ ವೋಲ್ಟೆಜ್ ಪಂದ್ಯದಲ್ಲಿ ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಸ್ಫೋಟಕ ಬ್ಯಾಟಿಂಗ್ ಮಾಡುತ್ತಿದ್ದು ಈ ನಡುವೆ ಮೊಹಮ್ಮದ್ ಅಮೀರ್ ಬೌಲಿಂಗ್ ನಲ್ಲಿ ಔಟ್ ಆಗದಿದ್ದರೂ ಕ್ರಿಸ್ ತೊರೆದಿರುವುದು ಯಾಕೆ ಎಂಬ ಚರ್ಚೆ ಶುರುವಾಗಿದೆ.

ಅಮೀರ್ ಬೌಲಿಂಗ್ ನಲ್ಲಿ ವಿರಾಟ್ ಕೊಹ್ಲಿ ಭರ್ಜರಿ ಹೊಡೆತಕ್ಕೆ ಮುಂದಾದರೂ ಆದರೆ ಚೆಂಡು ಕೀಪರ್ ಕೈ ಸೇರಿತ್ತು. ಈ ವೇಳೆ ಅಮೀರ್ ಮತ್ತು ಪಾಕ್ ಕೀಪರ್ ಸರ್ಫರಾಜ್ ಅಪೀಲ್ ಮಾಡಿದರು. ಆದರೆ ಅಂಪೈರ್ ಔಟ್ ಕೊಡಲಿಲ್ಲ. 

ಈ ವೇಳೆ ವಿರಾಟ್ ಕೊಹ್ಲಿ ಔಟ್ ಎಂದು ತಾವೇ ಕ್ರಿಸ್ ಬಿಟ್ಟಿದ್ದರಿಂದ ಅಂಪೈರ್ ಔಟ್ ಎಂದು ತೀರ್ಪು ನೀಡಿದರು. ಕೊಹ್ಲಿಯ ವರ್ತನೆಯಿಂದ ಭಾರೀ ಬೆಲೆ ತೆರಬೇಕಾಯಿತು. ಉತ್ತಮವಾಗಿ ಬ್ಯಾಟ್ ಬೀಸುತ್ತಿದ್ದ ಕೊಹ್ಲಿ ಪೆವಿಲಿಯನ್ ಸೇರಿದ ನಂತರ ಬಂದ ಕೇದಾರ್ ಜಾದವ್ ಮತ್ತು ವಿಜಯ್ ಶಂಕರ್ ಯಾವುದೇ ಭರ್ಜರಿ ಹೊಡೆತಕ್ಕೆ ಮುಂದಾಗದಿದ್ದದ್ದು ತಂಡಕ್ಕೆ ಸ್ವಲ್ಪ ಹಿನ್ನಡೆಯಾಯಿತು.

ಇನ್ನು ಅಲ್ಟ್ರಾ ಸೌಂಡ್ ಮೂಲಕ ಚೆಂಡು ಬ್ಯಾಟ್ ಗೆ ತಲುಗಲಿಲ್ಲ ಎಂದು ತಿಳಿಯುತ್ತಿದ್ದಂತೆ ಪೆವಿಲಿಯನ್ ನಲ್ಲಿದ್ದ ಕೊಹ್ಲಿ ಸೌಂಡ್ ಎಲ್ಲಿಂದ ಬಂತು ಅಂತ ತಮ್ಮ ಬ್ಯಾಟ್ ಅನ್ನು ಹಿಡಿದುಕೊಂಡು ಪರಿಶೀಲಿಸಿದರು.