ಧವನ್, ರೋ'ಹಿಟ್' ಭರ್ಜರಿ ಬ್ಯಾಟಿಂಗ್; ಆಸೀಸ್‍ಗೆ 359 ರನ್ ಬೃಹತ್ ಗುರಿ!

ಮೊಹಾಲಿ: ಪ್ರವಾಸಿ ಆಸ್ಟ್ರೇಲಿಯಾ ವಿರುದ್ಧದ ನಾಲ್ಕನೇ ಏಕದಿನ ಪಂದ್ಯದಲ್ಲಿ ಟೀಂ ಇಂಡಿಯಾ ಟಾಸ್ ಗೆದ್ದು ಭರ್ಜರಿ ಬ್ಯಾಟಿಂಗ್ ಮಾಡಿದ್ದು ಆಸ್ಟ್ರೇಲಿಯಾಗೆ ಗೆಲ್ಲಲು 359 ರನ್ ಗಳ ಬೃಹತ್ ಮೊತ್ತದ ಗುರಿ ನೀಡಿದೆ.

ಚಂಢೀಗಡ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ನಾಲ್ಕನೇ ಏಕದಿನ ಪಂದ್ಯದಲ್ಲಿ ಟಾಸ್ ಗೆದ್ದ ಟೀಂ ಇಂಡಿಯಾ ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿತು. ಆರಂಭಿಕರಾಗಿ ಕಣಕ್ಕಿಳಿದ ಶಿಖರ್ ಧವನ್ 143 ರನ್ ಹಾಗೂ ರೋಹಿತ್ ಶರ್ಮಾ 95 ರನ್ ಗಳಿಸಿದ್ದು ತಂಡ ನಿಗದಿತ ಓವರ್ ನಲ್ಲಿ 358 ರನ್ ಪೇರಿಸಲು ಸಾಧ್ಯವಾಯಿತು.

ಭಾರತದ ಪರ ಬ್ಯಾಟಿಂಗ್ ನಲ್ಲಿ ವಿರಾಟ್ ಕೊಹ್ಲಿ 7, ಕೆಎಲ್ ರಾಹುಲ್ 26, ರಿಷಬ್ ಪಂತ್ 36, ವಿಜಯ್ ಶಂಕರ್ 26 ರನ್ ಪೇರಿಸಿದ್ದಾರೆ.

ಆಸ್ಟ್ರೇಲಿಯಾ ಪರ ಬೌಲಿಂಗ್ ನಲ್ಲಿ ಪ್ಯಾಟ್ ಕಮಿನ್ಸ್ 5, ರಿಚರ್ಡ್ ಸನ್ 3 ಹಾಗೂ ಜಂಪಾ 1 ವಿಕೆಟ್ ಪಡೆದಿದ್ದಾರೆ.