ಹೌದು.. ಇಂಗ್ಲೆಂಡ್ ತಂಡದ ಉದಯೋನ್ಮಖ ಆಟಗಾರ ವಿಲ್ ಜಾಕ್ಸ್ ಕೇವಲ 25 ಎಸೆತಗಳಲ್ಲಿ ಶತಕ ಸಿಡಿಸುವ ಮೂಲಕ ಹೊಸ ದಾಖಲೆ ನಿರ್ಮಿಸಿದ್ದಾರೆ. ಇಂಗ್ಲಿಷ್ ಕೌಂಟಿ ಟಿ10 ಲೀಗ್ ಸರ್ರೆ ತಂಡದ ಪರವಾಗಿ ಬ್ಯಾಟಿಂಗ್ ಮಾಡಿದ ವಿಲ್ ಜಾಕ್ಸ್ ಈ ಅದ್ವಿತೀಯ ಸಾಧನೆ ಮಾಡಿದ್ದಾನೆ. ಲಂಕಾಷೈರ್ ವಿರುದ್ಧ ನಡೆದ ಈ ಪಂದ್ಯದಲ್ಲಿ 20 ರ ಹರೆಯದ ಜಾಕ್ಸ್ ಅವರ ಬ್ಯಾಟ್ ನಿಂದ 8 ಬೌಂಡರಿ ಹಾಗೂ 11 ಭರ್ಜರಿ ಸಿಕ್ಸರ್ ಗಳು ಸಿಡಿದೆವು. ಅದರಲ್ಲೂ ಸ್ಟೀಫನ್ ಪೆರ್ರಿ ಓವರ್ ನಲ್ಲಿ ಸತತ 6 ಎಸೆತಗಳನ್ನು ಸಿಕ್ಸರ್ ಗೆ ಅಟ್ಟುವ ಮೂಲಕ ಜಾಕ್ಸ್ ಅಮೋಘ ಬ್ಯಾಟಿಂಗ್ ಪ್ರದರ್ಶಿಸಿದರು.