ಇದೇ ವೇಳೆ ವಿಶ್ವಕಪ್ ಟೂರ್ನಿಯಲ್ಲಿ ಸೆಮಿಫೈನಲ್ ಬರಬಹುದಾದ ತಂಡಗಳ ಪಟ್ಟಿ ಮಾಡಿದ ದಾದಾ, ಭಾರತ, ಇಂಗ್ಲೆಂಡ್, ಆಸ್ಟ್ರೇಲಿಯಾ ಮತ್ತು ಪಾಕಿಸ್ತಾನ ಸೆಮಿಸ್ ನಲ್ಲಿ ಕಾಣಿಸಿಕೊಂಡರೆ ಅಚ್ಚರಿ ಏನಿಲ್ಲ ಎಂದು ಹೇಳಿದ್ದಾರೆ. ಇದೇ ವೇಳೆ ಕೊಹ್ಲಿ ಅಂಡ್ ಟೀಂ ಬಗ್ಗೆ ಮಾತನಾಡಿರುವ ದಾದಾ, ಪಾಕಿಸ್ತಾನವಾಗಲಿ ಅಥವಾ ಇನ್ನಾವುದೇ ತಂಡವಾಗಲಿ ಭಾರತ ತಂಡ ಒತ್ತಡಕ್ಕೆ ಒಳಗಾಗುವ ಅಗತ್ಯವಿಲ್ಲ. ಏಕೆಂದರೆ ಹಾಲಿ ಟೀಂ ಇಂಡಿಯಾ ಬಲಿಷ್ಟವಾಗಿದ್ದು, ಯಾವುದೇ ತಂಡ ಕೂಡ ಟೀಂ ಇಂಡಿಯಾವನ್ನು ಮಣಿಸಲು ಕಷ್ಟ ಸಾಧ್ಯ. ಕೊಹ್ಲಿ, ಧವನ್, ಧೋನಿ, ರೋಹಿತ್ ಶರ್ಮಾ ರಂತಹ ಆಟಗಾರರಿರುವಾಗ ತಂಡ ದುರ್ಬಲವಾಗಲು ಹೇಗೆ ಸಾಧ್ಯ ಎಂದು ಗಂಗೂಲಿ ಹೇಳಿದ್ದಾರೆ.
