ಇಸ್ಲಾಮಾಬಾದ್: ಇಂಗ್ಲೆಂಡ್ ವಿರುದ್ಧದ 5 ಪಂದ್ಯಗಳ ಏಕದಿನ ಸರಣಿಯಲ್ಲಿ 4-0 ಅಂತರದಿಂದ ಪಾಕಿಸ್ತಾನ ಹೀನಾಯ ಸರಣಿ ಸೋಲು ಕಂಡಿದ್ದು ಇದರ ಬೆನ್ನಲ್ಲೇ ಇದೀಗ ಪಾಕ್ ಕ್ರಿಕೆಟ್ ಮಂಡಳಿ ವಿಶ್ವಕಪ್ ಮಹಾಸಮರಕ್ಕಾಗಿ 15 ಆಟಗಾರರ ಅಧಿಕೃತ ತಂಡವನ್ನು ಪಾಕ್ ಕ್ರಿಕೆಟ್ ಮಂಡಳಿ ಪ್ರಕಟಿಸಿದ್ದು ವೇಗಿ ಮೊಹಮ್ಮದ್ ಅಮೀರ್ ಗೆ ಸ್ಥಾನ ನೀಡಲಾಗಿದೆ.
ಈ ಹಿಂದೆ ಪಿಸಿಬಿ ವಿಶ್ವಕಪ್ ಟೂರ್ನಿಗಾಗಿ ಪಾಕಿಸ್ತಾನ ಪ್ರಾಥಮಿಕ ತಂಡವನ್ನು ಪ್ರಕಟಿಸಿತ್ತು. ಈ ತಂಡದ ವಿರುದ್ಧ ಸಾಕಷ್ಟು ಟೀಕೆಗಳು ಕೇಳಿಬಂದಿತ್ತು. ಇದರಿಂದ ಎಚ್ಚೇತ ಪಿಸಿಬಿ ಇದೀಗ ಹಲವು ಬದಲಾವಣೆ ಮಾಡಿದೆ. ಈ ಪೈಕಿ ಮೊಹಮ್ಮದ್ ಅಮೀರ್, ವಹಾಬ್ ರಿಯಾಝ್ ಹಾಗೂ ಆಸಿಫ್ ಅಲಿಗೆ ಸ್ಥಾನ ನೀಡಲಾಗಿದೆ.
ಇದಕ್ಕೂ ಮೊದಲು ಆಯ್ಕೆ ಮಾಡಲಾಗಿದ್ದ ಅಬಿದ್ ಅಲಿ, ಫಾಹಿಮ್ ಅಶ್ರಫ್ ಹಾಗೂ ಜುನೈದ್ ಖಾನ್ ರನ್ನು ತಂಡದಿಂದ ಕೊಕ್ ಕೊಡಲಾಗಿದೆ.
