ಜಮೈಕಾ: 7 ವರ್ಷದ ಬಾಲಕನೊಬ್ಬ ಟೀಂ ಇಂಡಿಯಾದ ನಾಯಕ ವಿರಾಟ್ ಕೊಹ್ಲಿಗೆ ಆಟೋಗ್ರಾಫ್ ನೀಡಿ ಅಚ್ಚರಿ ಮೂಡಿಸಿದ್ದು ಈ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಸಾಮಾನ್ಯವಾಗಿ ವಿರಾಟ್ ಕೊಹ್ಲಿಯ ಆಟೋಗ್ರಾಫ್ ಪಡೆದುಕೊಳ್ಳಲು. ಅಂತಹದರಲ್ಲಿ ಈ ಪುಟ್ಟ ಬಾಲಕ ತಾನೇ ಆಟೋಗ್ರಾಫ್ ನೀಡಿದ್ದಾನೆ. ಇದನ್ನು ಕಂಡ ವಿರಾಟ್ ಕೊಹ್ಲಿ ಮತ್ತು ಅನುಷ್ಕಾ ಶರ್ಮಾ ಅಚ್ಚರಿ ವ್ಯಕ್ತಪಡಿಸಿದ್ದಾರೆ.
ವಿಂಡೀಸ್ ವಿರುದ್ಧದ ಟೆಸ್ಟ್ ಸರಣಿ ಗೆಲುವು ದಾಖಲಿಸಿದ ಬಳಿಕ ಜಮೈಕಾದಿಂದ ಸ್ವದೇಶಕ್ಕೆ ಬರುವಾಗ ಈ ಘಟನೆ ನಡೆದಿದೆ. ಕೊಹ್ಲಿಯ ಆಟೋಗ್ರಾಫ್ ಪಡೆದುಕೊಳ್ಳಲು ಮಕ್ಕಳು ಪೆನ್ನು, ಪೇಪರ್ ಹಿಡಿದು ಬಂದಿದ್ದರು. ಆಗ 7 ವರ್ಷದ ಬಾಲಕ ತಾನೇ ಸಹಿ ಮಾಡಿದ ಪೇಪರ್ ಅನ್ನು ಕೊಹ್ಲಿಯ ಕೈಗೆ ಕೊಟ್ಟಿದ್ದಾನೆ.
ಇನ್ನು ಇದನ್ನು ಬಾಲಕನ ಮಾವ ಅಮಿತ್ ಲಖಾನಿ ತನ್ನ ಮೊಬೈಲ್ ನಲ್ಲಿ ಸೆರೆ ಹಿಡಿದು ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಟ್ಟಿದ್ದಾರೆ. ಈ ವಿಡಿಯೋ ಇದೀಗ ವೈರಲ್ ಆಗಿದೆ.
Advertisement