ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಐಸಿಸಿ 'ದಶಕದ ಕ್ರಿಕೆಟಿಗ'

ದುಬೈ: ಅಂತಾರಾಷ್ಟ್ರೀಯ ಕ್ರಿಕೆಟ್ ಸಮಿತಿ(ಐಸಿಸಿ) ಟೀಂ ಇಂಡಿಯಾದ ನಾಯಕ ವಿರಾಟ್ ಕೊಹ್ಲಿ ಅವರನ್ನು ದಶಕದ ಕ್ರಿಕೆಟಿಗ ಎಂದು ಘೋಷಿಸಿದೆ. 

ಐಸಿಸಿ ಟ್ವೀಟ್ ಮಾಡಿದ್ದು ವಿರಾಟ್ ಕೊಹ್ಲಿ 'ಸರ್ ಗ್ಯಾರ್ ಫೀಲ್ಡ್ ಸೋಬರ್ಸ್' ಪ್ರಶಸ್ತಿ ಗೆದ್ದಿರುವುದಾಗಿ ಪ್ರಕಟಿಸಿದೆ.

ಕೊಹ್ಲಿ ಏಕದಿನ ಕ್ರಿಕೆಟ್ ನಲ್ಲಿ ಒಟ್ಟು 12,040 ರನ್, ಟೆಸ್ಟ್ ನಲ್ಲಿ 7,318 ರನ್ ಹಾಗೂ ಟಿ20 ಕ್ರಿಕೆಟ್ ನಲ್ಲಿ 2,928 ರನ್ ಪೇರಿಸಿದ್ದಾರೆ. 

ಕಳೆದ ದಶಕದಲ್ಲಿ ಕೊಹ್ಲಿ 66 ಶತಕಗಳನ್ನು ಗಳಿಸಿದ್ದಾರೆ. ಇನ್ನು 94 ಅರ್ಧ ಶತಕ ಸಿಡಿಸಿರುವ ಅವರು ಒಟ್ಟಾರೆ 20,396 ರನ್ ಪೇರಿಸಿದ್ದಾರೆ.