ಕ್ರಿಕೆಟ್ ನ ಎಲ್ಲಾ  ಮಾದರಿಗಳಿಗೆ ಇರ್ಫಾನ್ ಪಠಾಣ್ ವಿದಾಯ

ಭಾರತ ಕ್ರಿಕೆಟ್ ತಂಡದ ವೇಗಿ ಇರ್ಫಾನ್ ಪಠಾಣ್ ಕ್ರಿಕೆಟ್ ನ ಎಲ್ಲಾ ಫಾರ್ಮ್ಯಾಟ್ ಗಳಿಂದ ನಿವೃತ್ತಿ ಘೋಷಿಸಿದ್ದಾರೆ. 

ಎಡಗೈ ವೇಗಿಯಾಗಿರುವ ಇರ್ಫಾನ್ ಪಠಾಣ್, ಈ ವರೆಗೂ 29 ಟೆಸ್ಟ್ ಗಳು, 120 ಅಂತಾರಾಷ್ಟ್ರೀಯ ಏಕದಿನ, 24 ಅಂತಾರಾಷ್ಟ್ರೀಯ ಟಿ20 ಪಂದ್ಯಗಳನ್ನಾಡಿದ್ದು 301 ವಿಕೆಟ್ ಗಳನ್ನು ಪಡೆದಿದ್ದಾರೆ. 

2003 ರ ಡಿಸೆಂಬರ್ ನಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಮೊದಲ ಪಂದ್ಯವನ್ನಾಡಿದ್ದ ಪಠಾಣ್ ಗೆ ಆಗಿನ್ನೂ 19 ವರ್ಷ, ಆ ಪಂದ್ಯದಲ್ಲಿ 160 ರನ್ ನೀಡಿ 1 ವಿಕೆಟ್ ಗಳಿಸಿದ್ದರು. ಮ್ಯಾಥ್ಯೂ ಹೇಡನ್ ಪಠಾಣ್ ಬೌಲಿಂಗ್ ಗೆ ಬಲಿಯಾದ ಮೊದಲ ಬ್ಯಾಟ್ಸ್ ಮನ್. 35 ವರ್ಷದ ಪಠಾಣ್ 2017 ರಲ್ಲಿ ಕೊನೆಯ ಐಪಿಎಲ್ ಪಂದ್ಯವನ್ನಾಡಿದ್ದರು. ನಂತರದ 3 ಹರಾಜಿನಲ್ಲಿಯೂ ಪಠಾಣ್ ಬಿಕರಿಯಾಗದೇ ಉಳಿದಿದ್ದರು.