ವೆಲ್ಲಿಂಗ್ಟನ್: ಜಗತ್ತಿನ ಕ್ರಿಕೆಟ್ ಅಭಿಮಾನಿಗಳು ಇತ್ತ ಐಪಿಎಲ್ ನಲ್ಲಿ ಬಿಸಿಯಾಗಿದ್ದರೆ ಅತ್ತ ನ್ಯೂಜಿಲೆಂಡ್ ದೇಸೀ ಕ್ರಿಕೆಟ್ ನಲ್ಲಿ ಕ್ರಿಕೆಟ್ ಲೋಕದ ಅತ್ಯಂತ ವಿಲಕ್ಷಣ ಔಟ್ ವೊಂದು ವರದಿಯಾಗಿದೆ.
ಹೌದು.. ನ್ಯೂಜಿಲೆಂಡ್ನಲ್ಲಿ ನಡೆಯುತ್ತಿರುವ ಕ್ರಿಕೆಟ್ ಪಂದ್ಯವೊಂದರಲ್ಲಿ ಯಾರೂ ಊಹಿಸಲಾಗದ ಘಟನೆಯೊಂದು ನಡೆದಿದೆ. ಓಟೆಜ್ ವಿರುದ್ಧ ನಡೆದ ಪಂದ್ಯದಲ್ಲಿ ವೆಲ್ಲಿಂಗ್ಟನ್ ತಂಡದ ಬ್ಯಾಟ್ಸ್ಮನ್ ಬ್ಲಂಡೆಲ್ ಶತಕ ಸಿಡಿಸಿ ಬ್ಯಾಟಿಂಗ್ ನಡೆಸುತ್ತಿದ್ದರು. ಈ ಸಂದರ್ಭ ಬೌಲರ್ ಜೇಕಬ್ ಡಫ್ಫಿ ಎಸೆತದಲ್ಲಿ ಬ್ಲಂಡೆಲ್ ಅವರು ಚೆಂಡನ್ನು ಜಸ್ಟ್ ಬ್ಯಾಟ್ಗೆ ಟಚ್ ಮಾಡಿದರು. ಚೆಂಡು ನಿಧಾನವಾಗಿ ವಿಕೆಟ್ ಕಡೆ ತೆರಳಿತು. ಈವೇಳೆ ಬ್ಯಾಟ್ಸ್ಮನ್ ಚೆಂಡು ವಿಕೆಟ್ಗೆ ತಾಗುವುದನ್ನು ತಡೆಯಲು ಮೊದಲು ಕಾಲಿನಿಂದ ಇತ್ತಕಡೆ ತಳ್ಳಿದರು. ಆದರೆ, ಚೆಂಡು ಮೇಲೆ ಹೋಗಿ ಮತ್ತೆ ವಿಕೆಟ್ಗೆ ಬೀಳುವುದರಲ್ಲಿತ್ತು. ಈ ಸಂದರ್ಭ ಮೈಮರೆತ ಬ್ಯಾಟ್ಸ್ಮನ್ ಚೆಂಡನ್ನು ಕೈಯಲ್ಲಿ ಹಿಡಿದು ಕ್ರಿಕೆಟ್ ನಿಯಮದ ವಿರುದ್ಧ ನಡೆದರು.
ಪರಿಣಾಮ ಬ್ಲಂಡೆಲ್ ಔಟ್ ಎಂದು ತೀರ್ಮಾನಿಸಿ ಪೆವಿಲಿಯನ್ ಕಡೆ ಹೆಜ್ಜೆ ಹಾಕಬೇಕಾಯಿತು. ಸದ್ಯ ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ. 60 ವರ್ಷದ ಹಿಂದೆ ನ್ಯೂಜಿಲೆಂಡ್ನ ಜಾನ್ ಹಯೆಸ್ ಇದೇ ರೀತಿ ಔಟ್ ಆಗಿದ್ದರು. ಆ ಬಳಿಕ ಕಿವೀಸ್ ಆಟಗಾರ ಒಬ್ಬ ಹೀಗೆ ಔಟ್ ಆಗಿದ್ದು ಇದೇ ಮೊದಲ ಬಾರಿಯಾಗಿದೆ.
Advertisement