ಅಬುಧಾಬಿ: ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) 2020 ರ 24 ನೇ ಪಂದ್ಯದಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡವನ್ನು 2 ರನ್ ಗಳಿಂದ ಸೋಲಿಸಿತು.
165 ರನ್ ಗಳ ಸಾಧಾರಣ ಮೊತ್ತ ಬೆನ್ನತ್ತಿದ ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡದ ಆರಂಭಿಕ ಆಟಗಾರ ಕೆ.ಎಲ್. ರಾಹುಲ್ ಮತ್ತು ಮಾಯಾಂಕ್ ಅಗರ್ವಾಲ್ ಅರ್ಧಶತಕದ ಜತೆಯಾಟ ಪ್ರದರ್ಶಿಸಿದ್ದರು.
ಒಂದು ಹಂತದಲ್ಲಿ, ಕಿಂಗ್ಸ್ ಇಲೆವೆನ್ ಪಂಜಾಬ್ ಸುಲಭವಾಗಿ ಪಂದ್ಯವನ್ನು ಗೆಲ್ಲುತ್ತದೆ ಎಂದು ತೋರುತ್ತಿತ್ತು ಆದರೆ ಪ್ರಸಾದ್ ಕೃಷ್ಣ ಮತ್ತು ಸುನಿಲ್ ನರೈನ್ ಕೋಲ್ಕತ್ತಾಗೆ ಜಯ ಲಭಿಸುವಂತೆ ಮಾಡಿದ್ದರು. ಅಲ್ಲದೆ ಕೆಕೆಆರ್ ಸುಲಭ ಜಯ ಸಾಧಿಸಲು ಕಾರಣವಾದರು.
ಇದಕ್ಕೆ ಮುನ್ನ ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ಕೋಲ್ಕತ್ತಾ ನಿಗದಿತ 20 ಓವರ್ನಲ್ಲಿ 6 ವಿಕೆಟ್ ನಷ್ಟಕ್ಕೆ 164 ರನ್ಗಳಿಸಿತ್ತು.
ಕೋಲ್ಕತ್ತಾ ಪರ ಶುಭಮ್ ಗಿಲ್ 57, ದಿನೇಶ್ ಕಾರ್ತಿಕ್ 58 ರನ್ ಗಳಿಸಿ ಮಿಂಚಿದರೆ ಮಾರ್ಗನ್ 24 ರನ್ ಗಳಿಸಿದ್ದರು.
ಪಂಜಾಬ್ ಪರವಾಗಿ ಶಮಿ, ರವಿ ಬಿಸ್ನೋಯಿ, ಅರ್ಶದೀಪ್ ಸಿಂಗ್ ತಲಾ ಒಂದೊಂದು ವಿಕೆಟ್ ಕಿತ್ತರು.
ಪಂಜಾಬ್ ಪರ ಕೆ.ಎಲ್. ರಾಹುಲ್ 74, ಮಯಾಂಕ್ ಅಗರ್ವಾಲ್ 56, ಎನ್. ಪೂರನ್ 16 ರನ್ ಗಳಿಸಿದ್ದರು. ಕೋಲ್ಕತ್ತಾ ಪರ ಪಿ. ಕೃಷ್ಣ 3, ಸುನೀಲ್ ನರೈನ್ 2 ವಿಕೆಟ್ ಪಡೆದರು.
Advertisement